ਜਦੋਂ ਅਨੰਨਿਆ ਦੀ ਇਹ ਗ਼ਲਤੀ ਸ਼ਾਹਰੁਖ ਦੀ ਧੀ ਸੁਹਾਨਾ ''ਤੇ ਪਈ ਭਾਰੀ, ਹਰ ਮਚੀ ਸੀ ਤੜਥਲੀ

ਮੁੰਬਈ (ਬਿਊਰੋ) - ਅਨੰਨਿਆ ਪਾਂਡੇ ਫ਼ਿਲਮ CTRL 'ਚ ਨਜ਼ਰ ਆਉਣ ਵਾਲੀ ਹੈ, ਜੋ ਕਿ ਸਾਈਬਰ ਕ੍ਰਾਈਮ ਨਾਲ ਸਬੰਧਤ ਇੱਕ ਥ੍ਰਿਲਰ ਹੈ। ਫ਼ਿਲਮ ਨੈੱਟਫਲਿਕਸ ‘ਤੇ ਸਟ੍ਰੀਮ ਕਰ ਰਹੀ ਹੈ। ਅਦਾਕਾਰਾ ਨੇ ਹਾਲ ਹੀ ‘ਚ ਆਨਲਾਈਨ ਪ੍ਰਾਈਵੇਸੀ ਨਾਲ ਜੁੜੀਆਂ ਦੋ ਘਟਨਾਵਾਂ ਦਾ ਜ਼ਿਕਰ ਕੀਤਾ ਹੈ। ਅਨੰਨਿਆ ਪਾਂਡੇ ਨੇ ਉਨ੍ਹਾਂ ਪਲਾਂ ਨੂੰ ਯਾਦ ਕੀਤਾ ਜਦੋਂ ਉਨ੍ਹਾਂ ਨੇ ਗਲਤੀ ਨਾਲ ਆਪਣਾ ਅਤੇ ਸੁਹਾਨਾ ਖ਼ਾਨ ਦਾ ਸੰਪਰਕ ਨੰਬਰ ਸੋਸ਼ਲ ਮੀਡੀਆ ‘ਤੇ ਸਾਂਝਾ ਕੀਤਾ।

ਅਨੰਨਿਆ ਪਾਂਡੇ ਨੇ ਨੈੱਟਫਲਿਕਸ ਇੰਡੀਆ ਨਾਲ ਇੱਕ ਇੰਟਰਵਿਊ 'ਚ ਖੁਲਾਸਾ ਕੀਤਾ ਕਿ ਉਨ੍ਹਾਂ ਨੇ ਇੱਕ ਵਾਰ ਆਪਣੇ ਇੰਸਟਾਗ੍ਰਾਮ ਹੈਂਡਲ ‘ਤੇ ਸੁਹਾਨਾ ਦੇ ਨੰਬਰ ਦਾ ਇੱਕ ਸਕ੍ਰੀਨਸ਼ੌਟ ਸਾਂਝਾ ਕੀਤਾ ਸੀ। ਸਾਈਬਰ ਧਮਕੀਆਂ ਬਾਰੇ ਗੱਲ ਕਰਦੇ ਹੋਏ ਜਦੋਂ ਅਨੰਨਿਆ ਤੋਂ ਪੁੱਛਿਆ ਗਿਆ ਕਿ ਕੀ ਉਨ੍ਹਾਂ ਦਾ ਨੰਬਰ ਕਿਸੇ ਡਾਟਾਬੇਸ 'ਚ ਨਹੀਂ ਹੈ ਤਾਂ ਉਨ੍ਹਾਂ ਨੇ ਕਿਹਾ, ''ਨਹੀਂ, ਮੈਂ ਇੱਕ ਵਾਰ ਗਲਤੀ ਨਾਲ ਆਪਣਾ ਨੰਬਰ ਲੀਕ ਕਰ ਦਿੱਤਾ ਸੀ। ਇਹ ਉਦੋਂ ਹੋਇਆ ਜਦੋਂ ਮੈਂ ਇੰਟਰਵਿਊ ਕਰ ਰਹੀ ਸੀ। ਕਿਸੇ ਕਾਰਨ ਮੇਰਾ ਫ਼ੋਨ ਖੋਹ ਲਿਆ ਗਿਆ। ਪ੍ਰੈੱਸ ਕਾਨਫਰੰਸ ਸੀ ਤੇ ਇੰਟਰਵਿਊ ਸ਼ੁਰੂ ਹੋ ਗਿਆ ਸੀ। ਕੁਝ ਪੱਤਰਕਾਰਾਂ ਨੇ ਆ ਕੇ ਮੇਰੇ ਨਾਲ ਗੱਲ ਕਰਨ ਲਈ ਮੇਰਾ ਨੰਬਰ ਮੰਗਿਆ। ਉਨ੍ਹਾਂ ਨੇ ਇੰਟਰਵਿਊ ਨਾਲ ਹੀ ਮੇਰਾ ਨੰਬਰ ਯੂਟਿਊਬ ‘ਤੇ ਪਾ ਦਿੱਤਾ, ਜੋ ਬਾਅਦ ‘ਚ ਲੀਕ ਹੋ ਗਿਆ।''

ਇਹ ਖ਼ਬਰ ਵੀ ਪੜ੍ਹੋ - ਕੰਗਨਾ ਦੀ ਫ਼ਿਲਮ 'ਐਮਰਜੈਂਸੀ' ਨੂੰ ਲੈ ਕੇ ਵੱਡੀ ਖ਼ਬਰ, ਸਹਿ-ਨਿਰਮਾਤਾ ਨੇ ਵੀ ਮੰਨੀ ਇਹ ਗੱਲ

ਜਦੋਂ ਸੁਹਾਨਾ ਦਾ ਨੰਬਰ ਹੋਇਆ ਸੀ ਲੀਕ
ਅਨੰਨਿਆ ਪਾਂਡੇ ਨੇ ਅੱਗੇ ਕਿਹਾ, ''ਇਕ ਵਾਰ ਮੈਂ ਗਲਤੀ ਨਾਲ ਸੁਹਾਨਾ ਦਾ ਨੰਬਰ ਲੀਕ ਕਰ ਦਿੱਤਾ ਸੀ। ਫਿਰ ਮੈਨੂੰ ਲੱਗਾ ਕਿ ਸੁਹਾਨਾ ਫੋਨ ਨਹੀਂ ਚੁੱਕ ਰਹੀ। ਮੈਂ ਤਸਵੀਰ ਦਾ ਸਕ੍ਰੀਨਸ਼ੌਟ ਲਿਆ ਅਤੇ ਇਸ ਨੂੰ ਇੰਸਟਾਗ੍ਰਾਮ ‘ਤੇ ਪੋਸਟ ਕੀਤਾ ਅਤੇ ਉਸ ਦਾ ਨੰਬਰ ਉਥੇ ਸੀ। ਫਿਰ ਸੁਹਾਨਾ ਨੇ ਮੈਨੂੰ ਫੋਨ ਕੀਤਾ, ‘ਸੁਣੋ, ਮੇਰਾ ਨੰਬਰ ਹੈਕ ਹੋ ਗਿਆ ਹੈ।'' ਮੈਂ ਕਿਹਾ, ''ਕੀ ਹੋਇਆ ਸੁਹਾਨਾ?’ ਇਸ ਦੇ ਪਿੱਛੇ ਇੱਕ ਬਹੁਤ ਹੀ ਪਾਗਲ ਕਹਾਣੀ ਹੈ। ਫਿਰ ਉਸ ਨੂੰ ਕਿਸੇ ਨੇ ਦੱਸਿਆ ਕਿ ਇਹ ਸਭ ਮੈਂ ਹੀ ਕੀਤਾ ਹੈ।''

ਇਹ ਖ਼ਬਰ ਵੀ ਪੜ੍ਹੋ - ਦਿਲਜੀਤ ਵਲੋਂ ਪਾਕਿ ਦੀ ਹਾਨੀਆ ਨੂੰ ਪਿਆਰੇ ਬੋਲ, ਖ਼ੁਸ਼ੀ 'ਚ ਸਟੇਜ 'ਤੇ ਕੀਤੀ ਇਹ ਹਰਕਤ

ਅਨੰਨਿਆ ਪਾਂਡੇ ਦਾ ਐਕਟਿੰਗ ਕਰੀਅਰ
ਅਨੰਨਿਆ  ਨੇ ‘ਸਟੂਡੈਂਟ ਆਫ ਦਿ ਈਅਰ 2’ ਨਾਲ ਬਾਲੀਵੁੱਡ ‘ਚ ਡੈਬਿਊ ਕੀਤਾ ਸੀ। ਬਾਅਦ 'ਚ ਉਸ  ਨੇ ‘ਖਲੀ ਪੀਲੀ’, ‘ਗੇਹਰੀਆਂ’, ‘ਡ੍ਰੀਮ ਗਰਲ 2’ ਅਤੇ ‘ਖੋ ਗਏ ਹਮ ਕਹਾਂ’ ਵਰਗੀਆਂ ਫ਼ਿਲਮਾਂ 'ਚ ਕੰਮ ਕੀਤਾ। ਉਸ ਦਾ ਪਹਿਲਾ OTT ਸ਼ੋਅ ‘ਕਾਲ ਮੀ ਬੇ’ ਹਾਲ ਹੀ 'ਚ ਪ੍ਰਾਈਮ ਵੀਡੀਓ ‘ਤੇ ਰਿਲੀਜ਼ ਹੋਇਆ ਸੀ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।