ਫਿਲਮ ''ਇੱਕਾ'' ਦਾ ਦਮਦਾਰ ਟੀਜ਼ਰ ਰਿਲੀਜ਼, ਸੰਨੀ ਦਿਓਲ ਤੇ ਅਕਸ਼ੈ ਖੰਨਾ ਵਿਚਾਲੇ ਹੋਵੇਗੀ ਜ਼ਬਰਦਸਤ ਟੱਕਰ

ਮੁੰਬਈ (ਏਜੰਸੀ) - ਬਾਲੀਵੁੱਡ ਦੇ ਦਿੱਗਜ ਅਦਾਕਾਰ ਸੰਨੀ ਦਿਓਲ ਅਤੇ ਅਕਸ਼ੈ ਖੰਨਾ ਦੀ ਆਉਣ ਵਾਲੀ ਮੋਸਟ ਅਵੇਟਿਡ ਫਿਲਮ 'ਇੱਕਾ' (Ikka) ਦਾ ਟੀਜ਼ਰ ਰਿਲੀਜ਼ ਹੋ ਗਿਆ ਹੈ। ਓਟੀਟੀ ਪਲੇਟਫਾਰਮ ਨੈੱਟਫਲਿਕਸ (Netflix) ਨੇ ਸੋਸ਼ਲ ਮੀਡੀਆ 'ਤੇ ਇਸ ਦਾ ਟੀਜ਼ਰ ਸਾਂਝਾ ਕਰਦਿਆਂ ਲਿਖਿਆ— "ਕਾਨੂੰਨ ਜਾਂ ਖੂਨ ਦਾ ਰਿਸ਼ਤਾ, ਕਿਸਦੇ ਹੱਥ ਵਿੱਚ ਹੈ ਇਸ ਖੇਡ ਦਾ ਇੱਕਾ?"।

ਕੋਰਟ-ਰੂਮ ਡਰਾਮੇ 'ਚ ਸੰਨੀ ਦਾ 'ਢਾਈ ਕਿੱਲੋ ਦਾ ਹੱਥ'

ਟੀਜ਼ਰ ਵਿੱਚ ਸੰਨੀ ਦਿਓਲ ਇੱਕ ਦਮਦਾਰ ਵਕੀਲ ਦੇ ਕਿਰਦਾਰ ਵਿੱਚ ਨਜ਼ਰ ਆ ਰਹੇ ਹਨ। ਉਨ੍ਹਾਂ ਦੀ ਗਰਜਦੀ ਆਵਾਜ਼ ਅਤੇ ਸਿਰਫ ਇੱਕ ਡਾਇਲਾਗ 'ਸ਼ਟ ਅੱਪ' (Shut Up) ਨੇ ਹੀ ਪ੍ਰਸ਼ੰਸਕਾਂ ਵਿੱਚ ਹਲਚਲ ਮਚਾ ਦਿੱਤੀ ਹੈ। ਫਿਲਮ ਦੀ ਕਹਾਣੀ ਕਾਨੂੰਨ, ਰਿਸ਼ਤਿਆਂ ਅਤੇ ਨੈਤਿਕ ਦੁਵਿਧਾਵਾਂ ਦੇ ਆਲੇ-ਦੁਆਲੇ ਘੁੰਮਦੀ ਨਜ਼ਰ ਆਵੇਗੀ।

ਅਕਸ਼ੈ ਖੰਨਾ ਦਾ ਨੈਗੇਟਿਵ ਅੰਦਾਜ਼

ਦੂਜੇ ਪਾਸੇ, ਅਦਾਕਾਰ ਅਕਸ਼ੈ ਖੰਨਾ ਇਸ ਫਿਲਮ ਵਿੱਚ ਇੱਕ ਨੈਗੇਟਿਵ ਕਿਰਦਾਰ (ਵਿਲੇਨ) ਦੇ ਰੂਪ ਵਿੱਚ ਦਿਖਾਈ ਦੇ ਰਹੇ ਹਨ। ਉਨ੍ਹਾਂ ਦਾ 'ਟਿਕ ਟਿਕ ਬੂਮ' ਕਹਿਣ ਦਾ ਅੰਦਾਜ਼ ਲੋਕਾਂ ਦਾ ਧਿਆਨ ਆਪਣੇ ਵੱਲ ਖਿੱਚ ਰਿਹਾ ਹੈ। ਟੀਜ਼ਰ ਵਿੱਚ ਦੋਵਾਂ ਅਦਾਕਾਰਾਂ ਵਿਚਕਾਰ ਤਿੱਖਾ ਆਹਮੋ-ਸਾਹਮਣਾ ਦੇਖਣ ਨੂੰ ਮਿਲ ਰਿਹਾ ਹੈ, ਜੋ ਦਰਸ਼ਕਾਂ ਦੇ ਰੌਂਗਟੇ ਖੜ੍ਹੇ ਕਰ ਦੇਵੇਗਾ।

ਮਲਟੀ-ਸਟਾਰਰ ਹੋਵੇਗੀ ਫਿਲਮ

ਸਿਧਾਰਥ ਪੀ. ਮਲਹੋਤਰਾ ਦੇ ਨਿਰਦੇਸ਼ਨ ਹੇਠ ਬਣੀ ਇਸ ਫਿਲਮ ਵਿੱਚ ਸੰਨੀ ਦਿਓਲ ਅਤੇ ਅਕਸ਼ੈ ਖੰਨਾ ਤੋਂ ਇਲਾਵਾ ਦੀਆ ਮਿਰਜ਼ਾ, ਤਿਲੋਤਮਾ ਸ਼ੋਮ ਅਤੇ ਸੰਜੀਦਾ ਸ਼ੇਖ ਦੀ ਵੀ ਝਲਕ ਦੇਖਣ ਨੂੰ ਮਿਲੀ ਹੈ। ਹਾਲਾਂਕਿ ਮੇਕਰਸ ਵੱਲੋਂ ਅਜੇ ਤੱਕ ਫਿਲਮ ਦੀ ਰਿਲੀਜ਼ ਡੇਟ ਦਾ ਅਧਿਕਾਰਤ ਐਲਾਨ ਨਹੀਂ ਕੀਤਾ ਗਿਆ, ਪਰ ਇਹ ਜਲਦੀ ਹੀ ਸਿਰਫ ਨੈੱਟਫਲਿਕਸ 'ਤੇ ਦੇਖਣ ਨੂੰ ਮਿਲੇਗੀ।