ਪਰਿਵਾਰ ਨਾਲ ਜਾਂਦੇ ਅਦਾਕਾਰ ਨਾਲ ਵਾਪਰ ਗਿਆ ਭਿਆਨਕ ਹਾਦਸਾ ! ਪਿਤਾ ਦੀ ਹੋ ਗਈ ਮੌਤ, ਖ਼ੁਦ ਵੀ...

ਤ੍ਰਿਸ਼ੂਰ (ਏਜੰਸੀ)- ਮਲਿਆਲਮ ਅਦਾਕਾਰ ਸ਼ਾਈਨ ਟੌਮ ਚਾਕੋ ਦੇ ਪਿਤਾ ਦੀ ਸੜਕ ਹਾਦਸੇ ਵਿਚ ਮੌਤ ਹੋ ਗਈ ਹੈ। ਦੱਸਿਆ ਜਾ ਰਿਹਾ ਕਿ ਉਹ ਬੈਂਗਲੁਰੂ ਜਾ ਰਹੇ ਸਨ ਅਤੇ ਸਲੇਮ ਦੇ ਨੇੜੇ ਧਰਮਪੁਰੀ ਵਿੱਚ ਇੱਕ ਲਾਰੀ ਨਾਲ ਉਨ੍ਹਾਂ ਦਾ ਕਾਰ ਦੀ ਟੱਕਰ ਹੋ ਗਈ। ਇਸ ਹਾਦਸੇ ਸਮੇਂ ਕਾਰ ਵਿੱਚ ਅਦਾਕਾਰ, ਉਨ੍ਹਾਂ ਦੇ ਪਿਤਾ, ਮਾਂ, ਭਰਾ ਅਤੇ ਡਰਾਈਵਰ ਸਵਾਰ ਸਨ। ਚਾਕੋ ਦੇ ਪਿਤਾ ਨੇ ਹਸਪਤਾਲ ਲਿਜਾਂਦੇ ਸਮੇਂ ਦਮ ਤੋੜ ਦਿੱਤਾ। ਚਾਕੋ ਦੇ ਹੱਥਾਂ 'ਤੇ ਸੱਟਾਂ ਲੱਗੀਆਂ ਹਨ। ਪਰਿਵਾਰ ਦੇ ਬਾਕੀ ਮੈਂਬਰ ਅਤੇ ਡਰਾਈਵਰ ਹੁਣ ਖ਼ਤਰੇ ਤੋਂ ਬਾਹਰ ਦੱਸੇ ਜਾ ਰਹੇ ਹਨ।

ਇਹ ਵੀ ਪੜ੍ਹੋ: ਵਿਆਹ ਮਗਰੋਂ ਪਰਪਲ ਸਾੜੀ 'ਚ ਨਜ਼ਰ ਆਈ ਹਿਨਾ ਖਾਨ, ਤਸਵੀਰਾਂ ਵੇਖ ਫੈਨਜ਼ ਬੋਲੇ- "ਸਭ ਤੋਂ ਸੋਹਣੀ ਦੁਲਹਨ"

ਤੜਕੇ ਇੱਥੋਂ ਰਵਾਨਾ ਹੋਇਆ ਪਰਿਵਾਰ ਅਦਾਕਾਰ ਦੇ ਇਲਾਜ ਲਈ ਬੈਂਗਲੁਰੂ ਜਾ ਰਿਹਾ ਸੀ, ਜੋ ਇਸ ਸਮੇਂ ਨਸ਼ਾ ਛੁਡਾਊ ਪੁਨਰਵਾਸ 'ਚੋਂ ਗੁਜ਼ਰ ਰਿਹਾ ਹੈ। ਅਦਾਕਾਰ ਅਪ੍ਰੈਲ ਤੋਂ ਹੀ ਖ਼ਬਰਾਂ ਵਿੱਚ ਸੀ, ਜਦੋਂ ਉਸਨੂੰ ਨਾਰਕੋਟਿਕ ਡਰੱਗਜ਼ ਐਂਡ ਸਾਈਕੋਟ੍ਰੋਪਿਕ ਸਬਸਟੈਂਸ (ਐੱਨ.ਡੀ.ਪੀ.ਐੱਸ.) ਐਕਟ ਦੀ ਧਾਰਾ 27 ਅਤੇ 29 ਦੇ ਤਹਿਤ ਲਗਭਗ 3 ਘੰਟੇ ਦੀ ਪੁੱਛਗਿੱਛ ਤੋਂ ਬਾਅਦ ਗ੍ਰਿਫਤਾਰ ਕੀਤਾ ਗਿਆ ਸੀ ਅਤੇ ਬਾਅਦ ਵਿਚ ਉਸਨੂੰ ਜ਼ਮਾਨਤ 'ਤੇ ਰਿਹਾਅ ਕਰ ਦਿੱਤਾ ਗਿਆ, ਅਤੇ ਇੱਕ ਰਸਮੀ ਕੇਸ ਦਰਜ ਕੀਤਾ ਗਿਆ।

ਇਹ ਵੀ ਪੜ੍ਹੋ: ਵੱਡੀ ਖਬਰ; ਬਾਡੀ ਬਿਲਡਰ ਤੇ ਐਕਟਰ ਵਰਿੰਦਰ ਘੁੰਮਣ ਵੱਲੋਂ ਵਿਧਾਨ ਸਭਾ ਚੋਣਾਂ ਲੜਨ ਦਾ ਐਲਾਨ, ਲੋਕਾਂ ਤੋਂ ਮੰਗੀ ਰਾਏ

ਪੁੱਛਗਿੱਛ ਦੌਰਾਨ, ਚਾਕੋ ਨੇ ਕਥਿਤ ਤੌਰ 'ਤੇ ਡਿਜੀਟਲ ਸਬੂਤਾਂ ਦੇ ਸਾਹਮਣੇ ਆਉਣ ਤੋਂ ਬਾਅਦ ਨਸ਼ੀਲੇ ਪਦਾਰਥਾਂ ਦੀ ਵਰਤੋਂ ਕਰਨ ਦੀ ਗੱਲ ਕਬੂਲ ਕੀਤੀ, ਜਿਸ ਵਿੱਚ ਕੋਚੀ ਦੇ ਆਲੇ-ਦੁਆਲੇ ਰੇਵ ਪਾਰਟੀਆਂ ਵਿੱਚ ਉਸਦੀ ਕਥਿਤ ਭਾਗੀਦਾਰੀ ਦੇ ਫੋਨ ਰਿਕਾਰਡ ਅਤੇ ਫੁਟੇਜ ਸ਼ਾਮਲ ਸਨ। ਉਸਦੇ ਕਬੂਲਨਾਮੇ ਤੋਂ ਬਾਅਦ, ਪੁਲਸ ਨੇ ਉਸਦੀ ਗ੍ਰਿਫਤਾਰੀ ਦਰਜ ਕੀਤੀ ਅਤੇ ਉਸਨੂੰ ਨਿਯਮਤ ਡਾਕਟਰੀ ਜਾਂਚ ਲਈ ਲੈ ਗਈ।

ਇਹ ਵੀ ਪੜ੍ਹੋ: ਕੋਹਲੀ ਦੀ 'ਵਿਰਾਟ' ਜਿੱਤ ਮਗਰੋਂ ਫੈਨਜ਼ ਨੇ ਕਿਹਾ- ਵਿਰੁਸ਼ਕਾ ਨੂੰ ਮਿਲਿਆ ਪ੍ਰੇਮਾਨੰਦ ਮਹਾਰਾਜ ਜੀ ਦਾ ਆਸ਼ੀਰਵਾਦ

ਇਹ ਪਹਿਲੀ ਵਾਰ ਨਹੀਂ ਹੈ ਜਦੋਂ ਚਾਕੋ 'ਤੇ ਨਸ਼ੀਲੇ ਪਦਾਰਥਾਂ ਨਾਲ ਸਬੰਧਤ ਦੋਸ਼ ਲੱਗੇ ਹਨ। ਚਾਕੋ ਦੀ ਗ੍ਰਿਫਤਾਰੀ ਦੇ ਸਮੇਂ ਦੌਰਾਨ, ਉਸਦੇ ਮਾਪਿਆਂ ਅਤੇ ਭਰਾ ਨੂੰ ਵੀ ਜਾਂਚ ਟੀਮ ਦੁਆਰਾ ਤਲਬ ਕੀਤਾ ਗਿਆ ਸੀ। ਉਹ ਅਦਾਕਾਰ ਨੂੰ ਨਸ਼ਾ ਛੁਡਾਊ ਇਲਾਜ ਲਈ ਲਿਜਾਣ ਲਈ ਸਹਿਮਤ ਹੋਏ ਸਨ। ਅਪ੍ਰੈਲ ਵਿੱਚ, ਚਾਕੋ ਦਾ ਨਾਮ ਇੱਕ ਗ੍ਰਿਫਤਾਰ ਮਹਿਲਾ ਡਰੱਗ ਤਸਕਰ ਦੁਆਰਾ ਲਿਆ ਗਿਆ ਸੀ ਜਿਸਨੇ ਉਸਨੂੰ ਅਤੇ ਸਾਥੀ ਅਦਾਕਾਰ ਸ਼੍ਰੀਨਾਥ ਨੂੰ ਨਸ਼ੀਲੇ ਪਦਾਰਥ ਸਪਲਾਈ ਕਰਨ ਦਾ ਦਾਅਵਾ ਕੀਤਾ ਸੀ।

ਇਹ ਵੀ ਪੜ੍ਹੋ: ਹਿਨਾ ਖਾਨ ਮਗਰੋਂ ਇਸ ਮਸ਼ਹੂਰ ਸਿੰਗਰ ਨੂੰ ਹੋਇਆ ਬ੍ਰੈਸਟ ਕੈਂਸਰ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8