ਪਹਿਲੀ ਵਾਰ ਸਾਹਮਣੇ ਆਇਆ ਸ਼ਿਲਪਾ ਸ਼ੈੱਟੀ ਦੀ ਬੇਟੀ ਦਾ ਚਿਹਰਾ, ਹੱਦੋਂ ਵੱਧ ਕਿਊਟ ਹੈ ਸਮੀਸ਼ਾ

ਜਲੰਧਰ (ਬਿਊਰੋ)– ਸ਼ਿਲਪਾ ਸ਼ੈੱਟੀ ਸੋਸ਼ਲ ਮੀਡੀਆ ’ਤੇ ਆਪਣੀ ਬੇਟੀ ਸਮੀਸ਼ਾ ਦੀਆਂ ਤਸਵੀਰਾਂ ਤੇ ਵੀਡੀਓਜ਼ ਪੋਸਟ ਕਰਦੀ ਰਹਿੰਦੀ ਹੈ। ਹਾਲਾਂਕਿ ਹੁਣ ਤਕ ਉਸ ਨੇ ਬੇਟੀ ਦਾ ਚਿਹਰਾ ਨਹੀਂ ਦਿਖਾਇਆ ਸੀ।

ਮੁੰਬਈ ’ਚ ਉਹ ਬੇਟੀ ਨਾਲ ਨਿਕਲੀ ਤਾਂ ਫੋਟੋਗ੍ਰਾਫਰਾਂ ਦੇ ਕੈਮਰਿਆਂ ਨੇ ਦੋਵਾਂ ਨੂੰ ਕੈਦ ਕਰ ਲਿਆ। ਉਨ੍ਹਾਂ ਦੀਆਂ ਤਸਵੀਰਾਂ ਬੇਹੱਦ ਪਿਆਰੀਆਂ ਹਨ।

ਸ਼ਿਲਪਾ ਸ਼ੈੱਟੀ ਆਪਣੀ ਬੇਟੀ ਨਾਲ ਦਫ਼ਤਰ ਲਈ ਨਿਕਲੀ ਤੇ ਫੋਟੋਗ੍ਰਾਫਰਾਂ ਨੇ ਉਸ ਦੀ ਬੇਟੀ ਦੇ ਚਿਹਰੇ ਦੀਆਂ ਤਸਵੀਰਾਂ ਖਿੱਚੀਆਂ।

ਤਸਵੀਰਾਂ ’ਚ ਸ਼ਿਲਪਾ ਨੀਲੇ ਰੰਗ ਦੀ ਸ਼ਰਟ ਤੇ ਜੀਨ ਪਹਿਨੀ ਨਜ਼ਰ ਆ ਰਹੀ ਹੈ। ਉਸ ਦੀ ਬੇਟੀ ਨੇ ਗੁਲਾਬੀ ਰੰਗ ਦਾ ਟਾਪ ਤੇ ਸਲੇਟੀ ਰੰਗ ਦੀ ਪੈਂਟ ਪਹਿਨੀ ਹੈ ਤੇ ਗੁਲਾਬੀ ਰੰਗ ਦਾ ਹੇਅਰ ਬੈਂਡ ਲਗਾ ਰੱਖਿਆ ਹੈ।

ਤਸਵੀਰਾਂ ’ਚ ਸਮੀਸ਼ਾ ਬੇਹੱਦ ਪਿਆਰੀ ਦਿਖ ਰਹੀ ਹੈ

ਸ਼ਿਲਪਾ ਸ਼ੈੱਟੀ ਦਾ ਇਕ ਬੇਟਾ ਵਿਆਨ ਵੀ ਹੈ। ਹਾਲ ਹੀ ’ਚ ਉਹ ਸਰੋਗੇਸੀ ਨਾਲ ਬੇਟੀ ਦੀ ਮਾਂ ਬਣੀ ਹੈ। ਉਸ ਨੇ ਨੇਹਾ ਧੂਪੀਆ ਦੇ ਸ਼ੋਅ ’ਤੇ 45 ਸਾਲ ਦੀ ਉਮਰ ’ਚ ਮਾਂ ਬਣਨ ਦੀ ਗੱਲ ਆਖੀ ਸੀ।

ਉਸ ਨੇ ਉਹ ਸਮਾਂ ਯਾਦ ਕੀਤਾ ਜਦੋਂ ਬੇਟੇ ਵਿਆਨ ਤੋਂ ਬਾਅਦ ਕਈ ਵਾਰ ਮਿਸਕੈਰੇਜ ਹੋਏ ਸਨ। ਸ਼ਿਲਪਾ ਨੇ ਇਹ ਵੀ ਕਿਹਾ ਕਿ ਜਦੋਂ ਉਸ ਦੀ ਬੇਟੀ 5 ਸਾਲ ਦੀ ਹੋਵੇਗੀ ਤਾਂ ਉਹ 50 ਸਾਲਾਂ ਦੀ ਹੋ ਜਾਵੇਗੀ।