8 ਘੰਟਿਆਂ ਦੀ ਪੁੱਛਗਿੱਛ ’ਚ ਸ਼ਰਲਿਨ ਚੋਪੜਾ ਨੇ ਕੀਤੇ ਖ਼ੁਲਾਸੇ, ਰਾਜ ਕੁੰਦਰਾ ਨੇ ਪਤਨੀ ਨੂੰ ਲੈ ਕੇ ਆਖੀ ਸੀ ਇਹ ਗੱਲ
08/07/2021 3:08:38 PM
ਮੁੰਬਈ: ਰਾਜ ਕੁੰਦਰਾ ਕੇਸ ਦੇ ਚੱਲਦੇ ਅਦਾਕਾਰਾ ਸ਼ਰਲਿਨ ਚੋਪੜਾ ਇਨੀਂ ਦਿਨੀਂ ਵਿਵਾਦਾਂ ’ਚ ਹੈ। ਉਹ ਲੰਮੇ ਸਮੇਂ ਤੋਂ ਇਸ ਕੇਸ ’ਚ ਖੁੱਲ੍ਹ ਕੇ ਬੋਲਦੀ ਰਹੀ ਹੈ। ਸ਼ਰਲਿਨ ਦੇ ਕਨੈਕਸ਼ਨ ਨੂੰ ਦੇਖਦੇ ਹੋਏ ਮੁੰਬਈ ਕ੍ਰਾਈਮ ਬ੍ਰਾਂਚ ਦੇ ਪ੍ਰਾਪਰਟੀ ਸੇਲ ਨੇ ਉਨ੍ਹਾਂ ਤੋਂ ਬੀਤੇ ਦਿਨ ਸ਼ੁੱਕਰਵਾਰ ਨੂੰ ਪੁੱਛਗਿੱਛ ਕੀਤੀ। ਉਸ ਤੋਂ ਇਹ ਪੁੱਛਗਿੱਛ ਪੂਰੇ 8 ਘੰਟੇ ਤੱਕ ਚੱਲੀ। ਰਾਜ ਕੁੰਦਰਾ ਕੇਸ ’ਚ ਹਰ ਐਂਗਲ ਤੋਂ ਪੁਲਸ ਨੇ ਉਸ ਤੋਂ ਸਵਾਲ ਕੀਤੇ, ਜਿਸ ’ਚ ਉਸ ਨੇ ਜਵਾਬ ਦਿੱਤੇ।
ਪੁਲਸ ਨੇ ਪੁੱਛਗਿੱਛ ਤੋਂ ਬਾਅਦ ਸ਼ਰਲਿਨ ਨੇ ਮੀਡੀਆ ਦੇ ਨਾਲ ਇੰਟਰਵਿਊ ’ਚ ਇਸ ਨੂੰ ਲੈ ਕੇ ਕਈ ਖੁਲਾਸੇ ਕੀਤੇ ਹਨ। ਸ਼ਰਲਿਨ ਨੇ ਦੱਸਿਆ ਕਿ ਉਨ੍ਹਾਂ ਨੇ ਪੁਲਸ ਨੂੰ ਕਈ ਵੱਡੀਆਂ ਜਾਣਕਾਰੀਆਂ ਦਿੱਤੀਆਂ ਹਨ ਕਿਉਂਕਿ ਉਹ ਇਸ ਰੈਕੇਟ ’ਚ ਫਸਣ ਵਾਲੀਆਂ ਕੁੜੀਆਂ ਦੀ ਮਦਦ ਕਰਨਾ ਚਾਹੁੰਦੀ ਹੈ।
ਮੀਡੀਆ ਨਾਲ ਗੱਲਬਾਤ ’ਚ ਸ਼ਰਲਿਨ ਨੇ ਦੱਸਿਆ ਕਿ ਰਾਜ ਕੁੰਦਰਾ ਨੇ ਉਸ ਨੂੰ ਇਹ ਕਹਿ ਕੇ ਗੁੰਮਰਾਹ ਕੀਤਾ ਕਿ ਸ਼ਿਲਪਾ ਸ਼ੈੱਟੀ ਨੂੰ ਉਸ ਦੇ ਵੀਡੀਓ ਪਸੰਦ ਆ ਰਹੇ ਹਨ। ਉਸ ਨੇ ਮੈਨੂੰ ਵਿਸਵਾਸ਼ ਦਿਵਾਇਆ ਸੀ ਕਿ ਸੈਮੀ ਨਿਊਡ ਅਤੇ ਪੋਰਨ ਕੈਜ਼ੁਅਲ ਹਨ। ਹਰ ਕੋਈ ਕਰਦਾ ਹੈ ਤਾਂ ਮੈਨੂੰ ਵੀ ਕਰਨਾ ਚਾਹੀਦਾ।
ਸ਼ਰਲਿਨ ਨੇ ਅੱਗੇ ਕਿਹਾ ਕਿ ਮੈਂ ਕਦੇ ਨਹੀਂ ਸੋਚਿਆ ਸੀ ਕਿ ਮੈਂ ਇਕ ਦਿਨ ਇਸ ਤਰ੍ਹਾਂ ਦੇ ਸਕੈਂਡਲ ’ਚ ਫਸ ਜਾਵਾਂਗੀ ਅਤੇ ਮੈਨੂੰ ਕ੍ਰਾਈਮ ਬ੍ਰਾਂਚ ਦੇ ਸਾਹਮਣੇ ਸਟੇਟਮੈਂਟ ਦੇਣਾ ਪਵੇਗਾ। ਜਦੋਂ ਮੈਂ ਪਹਿਲੀ ਵਾਰ ਰਾਜ ਕੁੰਦਰਾ ਨੂੰ ਮਿਲੀ ਸੀ ਤਾਂ ਮੈਂ ਸੋਚਿਆ ਸੀ ਕਿ ਮੇਰੀ ਪੂਰੀ ਜ਼ਿੰਦਗੀ ਬਦਲ ਜਾਵੇਗੀ। ਮੈਨੂੰ ਲੱਗਦਾ ਸੀ ਕਿ ਮੈਨੂੰ ਵੱਡਾ ਬ੍ਰੇਕ ਮਿਲਿਆ ਹੈ ਪਰ ਮੈਂ ਇਹ ਕਦੇ ਨਹੀਂ ਸੋਚਿਆ ਸੀ ਕਿ ਸ਼ਿਲਪਾ ਸ਼ੈੱਟੀ ਦੇ ਪਤੀ ਮੇਰੇ ਤੋਂ ਗਲਤ ਚੀਜ਼ਾਂ ਕਰਵਾਉਣਗੇ।
ਸ਼ਰਲਿਨ ਨੇ ਅੱਗੇ ਕਿਹਾ ਕਿ ਮੈਂ ਆਰਮਸਪ੍ਰਾਈਮ ਦੇ ਨਾਲ ਐਗਰੀਮੈਂਟ ਸਾਈਨ ਕੀਤਾ ਅਤੇ ਵੀਡੀਓਜ਼ ਬਣਾਉਣ ਲੱਗੀ। ਸ਼ੁਰੂਆਤ ’ਚ ਇਹ ਗਲੈਮਰਸ ਵੀਡੀਓ ਸੀ। ਉਸ ਤੋਂ ਬਾਅਦ ਬੋਲਡ ਫ਼ਿਲਮਾਂ ਬਣਨ ਲੱਗੀਆਂ ਅਤੇ ਬਾਅਦ ’ਚ ਮੈਨੂੰ ਸੈਮੀ ਨਿਊਡ ਅਤੇ ਨਿਊਡ ਵੀਡੀਓਜ਼ ਬਣਾਉਣੀਆਂ ਪਈਆਂ। ਇਸ ਦੌਰਾਨ ਉਨ੍ਹਾਂ ਨੇ ਰਾਖੀ ਸਾਵੰਤ ਦਾ ਵੀ ਵਿਰੋਧ ਕਰਦੇ ਹੋਏ ਕਿਹਾ ਕਿ ਰਾਖੀ ਨੂੰ ਬਿਨ੍ਹਾਂ ਜਾਂਚ ਪੜਤਾਲ ਕੀਤੇ ਬਿਨ੍ਹਾਂ ਕਿਸੇ ਦੇ ਬਾਰੇ ’ਚ ਕੋਈ ਵੀ ਗੱਲ ਨਹੀਂ ਕਹਿਣੀ ਚਾਹੀਦੀ।
ਵਰਣਨਯੋਗ ਹੈ ਕਿ ਅਦਾਕਾਰਾ ਸ਼ਿਲਪਾ ਸ਼ੈੱਟੀ ਦਾ ਪਤੀ ਰਾਜ ਕੁੰਦਰਾ ਅਸ਼ਲੀਲ ਫ਼ਿਲਮਾਂ ਬਣਾਉਣ ਦੇ ਮਾਮਲੇ ’ਚ 19 ਜੁਲਾਈ ਤੋਂ ਪੁਲਸ ਹਿਰਾਸਤ ’ਚ ਹੈ। ਸ਼ੁੱਕਰਵਾਰ ਨੂੰ ਕੋਰਟ ਨੇ ਰਾਜ ਦੀ ਜ਼ਮਾਨਤ ਪਟੀਸ਼ਨ ’ਤੇ ਸੁਣਵਾਈ ਕਰਦੇ ਹੋਏ ਉਸ ਨੂੰ ਰੱਦ ਕਰ ਦਿੱਤਾ ਹੈ ਜਿਸ ਤੋਂ ਬਾਅਦ ਹੁਣ ਇਸ ਅਰਜ਼ੀ ’ਤੇ 10 ਅਗਸਤ ਨੂੰ ਸੁਣਵਾਈ ਹੋਵੇਗੀ।
