ਸੈੱਟ ’ਤੇ ਆਇਆ ਨੁਸਰਤ ਭਰੂਚਾ ਨੂੰ ਅਟੈਕ, ਡਾਕਟਰ ਨੇ ਦਿੱਤੀ 15 ਦਿਨ ਆਰਾਮ ਕਰਨ ਦੀ ਸਲਾਹ
Saturday, Aug 07, 2021 - 12:14 PM (IST)
ਮੁੰਬਈ: ਬਾਲੀਵੁੱਡ ਅਦਾਕਾਰਾ ਨੁਸਰਤ ਭਰੂਚਾ ਦੇ ਪ੍ਰਸ਼ੰਸਕਾਂ ਲਈ ਇਕ ਪਰੇਸ਼ਾਨ ਕਰਨ ਵਾਲੀ ਖ਼ਬਰ ਹੈ। ਨੁਸਰਤ ਬੀਤੇ ਸੱਤ ਦਿਨਾਂ ਤੋਂ ਕਾਫੀ ਬਿਮਾਰ ਸੀ। ਅਦਾਕਾਰਾ ਮੁਸ਼ਕਿਲ ਨਾਲ ਖੜ੍ਹੀ ਜਾਂ ਗੱਲ ਨਹੀਂ ਕਰ ਪਾ ਰਹੀ ਸੀ। ਕਾਫੀ ਦਿਨਾਂ ਤੋਂ ਬਿਮਾਰ ਨੁਸਰਤ ਨੂੰ ਹਾਲ ਹੀ ’ਚ ਫ਼ਿਲਮ ਦੇ ਸੈੱਟ ’ਤੇ ਚੱਕਰ ਆ ਗਿਆ ਜਿਸ ਤੋਂ ਬਾਅਦ ਸਿੱਧਾ ਹਸਪਤਾਲ ਲਿਜਾਇਆ ਗਿਆ। ਉਨ੍ਹਾਂ ਦੇ ਮਾਤਾ-ਪਿਤਾ ਨੂੰ ਉਦੋਂ ਤੱਕ ਪਤਾ ਨਹੀਂ ਸੀ ਜਦੋਂ ਤੱਕ ਉਹ ਹਸਪਤਾਲ ਨਹੀਂ ਪਹੁੰਚੀ।
ਨੁਸਰਤ ਨੂੰ ਆਇਆ ਵਰਟਿਗੋ ਅਟੈਕ
ਉੱਧਰ ਇਸ ਖ਼ਬਰ ਦੀ ਪੁਸ਼ਟੀ ਕਰਦੇ ਹੋਏ ਨੁਸਰਤ ਨੇ ਕਿਹਾ ਕਿ ਡਾਕਟਰਾਂ ਨੇ ਇਸ ਨੂੰ ਵਰਟਿਗੋ ਅਟੈਕ ਦੱਸਿਆ ਹੈ ਜੋ ਸ਼ਾਇਦ ਤਣਾਅ ਦੇ ਕਾਰਨ ਹੋਇਆ ਹੈ। ਮਹਾਮਾਰੀ ਨੇ ਭਾਵਨਾਤਮਕ, ਸਰੀਰਿਕ ਅਤੇ ਆਰਥਿਕ ਰੂਪ ਨਾਲ ਹਰ ਕਿਸੇ ’ਤੇ ਭਾਰੀ ਅਸਰ ਪਾਇਆ ਹੈ।
ਬਲੱਡ ਪ੍ਰੈਸ਼ਰ ਡਿੱਗ ਕੇ ਹੋਇਆ 65/55
ਆਪਣੀ ਗੱਲ ਜਾਰੀ ਰੱਖਦੇ ਹੋਏ ਨੁਸਰਤ ਨੇ ਕਿਹਾ ਕਿ, ‘ਮੈਂ ਸੋਚਿਆ ਸੀ ਕਿ ਇਕ-ਦੋ ਦਿਨ ’ਚ ਠੀਕ ਹੋ ਜਾਵਾਂਗੀ ਪਰ ਮੇਰੀ ਤਬੀਅਤ ਜ਼ਿਆਦਾ ਖਰਾਬ ਹੋ ਗਈ। ਮੈਂ ਸੈੱਟ ’ਤੇ ਇਸ ਦੀ ਸੂਚਨਾ ਦਿੱਤੀ। ਉਨ੍ਹਾਂ ਨੂੰ ਹਿੰਦੁਜਾ ਹਸਪਤਾਲ ਲਿਜਾਣ ਦਾ ਫੈਸਲਾ ਕੀਤਾ। ਜਦੋਂ ਤੱਕ ਮੈਂ ਉਥੇ ਪਹੁੰਚੀ ਮੇਰੀ ਹਾਲਤ ਹੋਰ ਜ਼ਿਆਦਾ ਖਰਾਬ ਹੋ ਗਈ। ਮੈਨੂੰ ਉੱਪਰ ਜਾਣ ਲਈ ਵ੍ਹੀਲਚੇਅਰ ਦੀ ਲੋੜ ਪਈ। ਮੇਰਾ ਬਲੱਡ ਪ੍ਰੈਸ਼ਰ ਡਿੱਗ ਕੇ 65/55 ਗੋ ਗਿਆ ਸੀ’।
15 ਦਿਨ ਦੀ ਬੈੱਡ ਰੈਸਟ
ਨੁਸਰਤ ਨੇ ਅੱਗੇ ਕਿਹਾ ਕਿ, ‘ਉਦੋਂ ਤੱਕ, ਮਾਂ ਅਤੇ ਪਿਤਾ ਜੀ ਹਸਪਤਾਲ ਆ ਚੁੱਕੇ ਸਨ। ਅਗਲੇ 6-7 ਦਿਨ ਬਹੁਤ ਖਰਾਬ ਸਨ। ਮੈਂ ਹਸਪਤਾਲ ’ਚ ਭਰਤੀ ਨਹੀਂ ਹੋਈ, ਮੈਂ ਘਰ ’ਚ ਦਵਾਈਆਂ ਲੈ ਰਹੀ ਹਾਂ। ਪੂਰੀ ਜਾਂਚ ਹੋ ਚੁੱਕੀ ਹੈ ਅਤੇ ਮੈਂ ਠੀਕ ਹਾਂ। ਮੈਂ ਅੱਜ ਤੋਂ ਕਰੀਬ 7 ਦਿਨ ਹੋਰ ਛੁੱਟੀ ਲੈ ਲਈ ਹੈ। ਡਾਕਟਰ ਨੇ 15 ਦਿਨ ਲਈ ਬੈੱਡ ਰੈਸਟ ਦੀ ਸਲਾਹ ਦਿੱਤੀ ਹੈ।
