ਰਾਜਨੀਤਿਕ ਥ੍ਰਿਲਰ ‘ਮੈਚ ਫਿਕਸਿੰਗ’ 17 ਜਨਵਰੀ ਨੂੰ ਹੋਵੇਗੀ ਰਿਲੀਜ਼

ਮੁੰਬਈ (ਬਿਊਰੋ) - ਅਦਾਕਾਰਾ ਵਿਨੀਤ ਕੁਮਾਰ ਸਟਾਰਰ ਅਤੇ ਕੇਦਾਰ ਗਾਇਕਵਾੜ ਦੁਆਰਾ ਨਿਰਦੇਸ਼ਿਤ ਰਾਜਨੀਤਿਕ ਥ੍ਰਿਲਰ ਫਿਲਮ ‘ਮੈਚ ਫਿਕਸਿੰਗ : ਦਿ ਨੇਸ਼ਨ ਐਟ ਸਟੇਕ’ 17 ਜਨਵਰੀ, 2025 ਨੂੰ ਰਿਲੀਜ਼ ਹੋਵੇਗੀ। ਇਸ ਤੋਂ ਪਹਿਲਾਂ ਇਹ ਫਿਲਮ 15 ਨਵੰਬਰ ਨੂੰ ਰਿਲੀਜ਼ ਹੋ ਰਹੀ ਸੀ। ਸਸਪੈਂਸ ਨਾਲ ਭਰੀ ਇਸ ਫਿਲਮ ਨੂੰ ਲੈ ਕੇ ਦਰਸ਼ਕ ਕਾਫੀ ਉਤਸ਼ਾਹਿਤ ਹਨ। ਇਹ ਫਿਲਮ ਕੰਵਰ ਖਟਾਨਾ ਦੀ ਕਿਤਾਬ ‘ਦਿ ਗੇਮ ਬਿਹਾਈਂਡ ਸੇਫਰਨ ਟੈਰਰ' ਤੋਂ ਪ੍ਰੇਰਿਤ ਹੈ। ਫਿਲਮ ਦੀ ਕਹਾਣੀ ਨੂੰ ਅਨੁਜ ਐੱਸ. ਮਹਿਤਾ ਨੇ ਲਿਖਿਆ ਹੈ। 

ਇਹ ਖ਼ਬਰ ਵੀ ਪੜ੍ਹੋ -  ਕੁੱਲ੍ਹੜ ਪਿੱਜ਼ਾ ਕੱਪਲ ਨੂੰ ਸਕਿਓਰਿਟੀ ਮਿਲਣ ਮਗਰੋਂ ਹੋ ਗਿਆ ਵੱਡਾ ਕਾਂਡ

ਫਿਲਮ ’ਚ ਵਿਨੀਤ ਤੋਂ ਇਲਾਵਾ ਅਨੁਜਾ ਸਾਠੇ ਅਤੇ ਮਨੋਜ ਜੋਸ਼ੀ ਵਰਗੇ ਸਿਤਾਰੇ ਵੀ ਨਜ਼ਰ ਆਉਣਗੇ, ਇਸ ਦੇ ਨਾਲ ਹੀ ਫਿਲਮ ਦੇ ਨਿਰਮਾਤਾਵਾਂ ਨੇ ਸਾਫ ਕੀਤਾ ਹੈ ਕਿ ਫਿਲਮ ਦਾ ਮਾਲੇਗਾਓਂ ਮਾਮਲੇ ਨਾਲ ਕੋਈ ਸਬੰਧ ਨਹੀਂ ਹੈ। ਇਹ ਫਿਲਮ ਸਿਰਫ ਸਾਲ 2020 ਵਿਚ ਪ੍ਰਕਾਸ਼ਿਤ ਹੋਈ ਕਿਤਾਬ ‘ਟਰੂਥ ਬਿਹਾਈਂਡ ਸੇਫਰਨ ਟੈਰਰ’' ਤੋਂ ਪ੍ਰੇਰਿਤ ਹੈ। ਫਿਲਮ ਦੀ ਨਿਰਮਾਤਾ ਪੱਲਵੀ ਗੁਰਜਰ ਨੇ ਦੱਸਿਆ ਕਿ ਫਿਲਮ ਦੀ ਕਹਾਣੀ ਅੱਤਵਾਦੀ ਹਮਲਿਆਂ ’ਤੇ ਕੇਂਦਰਿਤ ਹੈ। ਨਿਰਦੇਸ਼ਕ ਕੇਦਾਰ ਗਾਇਕਵਾੜ ਨੇ ਕਿਹਾ ਕਿ ਇਸ ਨੂੰ ਬਣਾਉਣਾ ਸਾਡੀ ਟੀਮ ਲਈ ਬਹੁਤ ਚੁਣੌਤੀਪੂਰਨ ਰਿਹਾ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।