ਸ਼ੋਅ ਰੱਦ ਹੋਣ ''ਤੇ ਭੜਕੇ ਕੁਨਾਲ ਕਾਮਰਾ, ਵਿਸ਼ਵ ਹਿੰਦੂ ਪਰਿਸ਼ਦ ਤੇ ਬਜਰੰਗ ਦਲ ਨੂੰ ਚਿੱਠੀ ਲਿਖ ਦਿੱਤੀ ਵੱਡੀ ਚੁਣੌਤੀ

ਮੁੰਬਈ (ਬਿਊਰੋ) : ਸਟੈਂਡ ਅੱਪ ਕਾਮੇਡੀਅਨ ਕੁਨਾਲ ਕਾਮਰਾ ਨੇ ਵਿਸ਼ਵ ਹਿੰਦੂ ਪਰਿਸ਼ਦ ਨੂੰ ਖੁੱਲ੍ਹੀ ਚਿੱਠੀ ਲਿਖੀ ਹੈ, ਜਿਸ 'ਚ ਮਹਾਤਮਾ ਗਾਂਧੀ ਕਾਤਲ ਨੱਥੂਰਾਮ ਗੋਡਸੇ ਦੀ ਨਿੰਦਾ ਕਰਨ ਦੀ ਸਿੱਧੀ ਚੁਣੌਤੀ ਦਿੱਤੀ ਗਈ ਹੈ। ਦਰਅਸਲ ਵਿਸ਼ਵ ਹਿੰਦੂ ਸੰਗਠਨ ਤੇ ਬਜਰੰਗ ਦਲ ਦੀ ਮੰਗ ਅਤੇ ਕੁਨਾਲ ਕਾਮਰਾ ਦਾ ਗੁਰੂਗ੍ਰਾਮ 'ਚ ਸ਼ੋਅ ਰੱਦ ਕੀਤਾ ਗਿਆ ਸੀ, ਜਿਸ ਤੋਂ ਬਾਅਦ ਉਸ ਨੇ ਟਵਿੱਟਰ 'ਤੇ ਖੁੱਲ੍ਹੀ ਚਿੱਠੀ ਲਿਖੀ ਹੈ। ਕਾਮਰਾ ਨੇ ਟਵਿੱਟਰ 'ਤੇ ਚਿੱਠੀ ਸਾਂਝੀ ਕਰਦਿਆਂ ਲਿਖਿਆ, "ਮੈਂ ਜ਼ੋਰ ਨਾਲ ਤੇ ਮਾਣ ਨਾਲ ਜੈ ਸ਼੍ਰੀ ਸੀਤਾ-ਰਾਮ ਤੇ ਜੈ ਰਾਧਾ ਕ੍ਰਿਸ਼ਨ ਕਹਿੰਦਾ ਹਾਂ, ਜੇਕਰ ਹੁਣ ਤੁਸੀਂ ਸੱਚ 'ਚ ਭਾਰਤ ਦੇ ਪੁੱਤ ਹੋ ਤਾਂ ਗੋਡਸੇ ਮੁਰਦਾਬਾਦ ਲਿਖਕੇ ਭੇਜੋ, ਨਹੀਂ ਤਾਂ ਮੈਂ ਸਮਝਾਂਗਾ ਕਿ ਤੁਸੀ ਹਿੰਦੂ ਵਿਰੋਧੀ ਤੇ ਅੱਤਵਾਦ ਦੇ ਸਮਰਥਕ ਹੋ, ਮੈਨੂੰ ਨਾ ਦੱਸੋ ਕਿ ਤੁਸੀਂ ਗੋਡਸੇ ਨੂੰ ਰੱਬ ਮੰਨਦੇ ਹੋ, ਜੇ ਮੰਨਦੇ ਹੋ ਤਾਂ ਅੱਗੇ ਵੀ ਮੇਰੇ ਸ਼ੋਅਜ਼ ਰੱਦ ਕਰਵਾਉਂਦੇ ਰਹਿਣਾ। ਮੈਨੂੰ ਸਿਰਫ਼ ਇਸ ਗੱਲ ਦੀ ਖ਼ੁਸ਼ੀ ਹੋਵੇਗੀ ਕਿ ਮੈਂ ਤੁਹਾਡੇ ਤੋਂ ਜ਼ਿਆਦਾ ਹਿੰਦੂ ਹੋਣ ਦੇ ਮੁਕਾਬਲੇ 'ਚ ਥੋਡੇ ਤੋਂ ਜਿੱਤ ਗਿਆ। ਮੈਂ ਜੋ ਕੁਝ ਵੀ ਕਰਾਂਗਾ, ਆਪਣੀ ਮਿਹਨਤ ਦੀ ਹੀ ਰੋਟੀ ਖਾਵਾਂਗਾ ਕਿਉਂਕਿ ਮੈਨੂੰ  ਤੁਹਾਡੇ ਤੋਂ ਵੱਡਾ ਹਿੰਦੂ ਹੋਣ ਦੇ ਨਾਤੇ ਲੱਗਦਾ ਹੈ ਕਿ ਕੇਸ ਨੂੰ ਡਰਾ-ਧਮਕਾ ਕੇ ਟੁਕੜੇ ਖਾਣਾ ਪਾਪ ਹੈ।"

मेरा जवाब @VHPDigital pic.twitter.com/J9Ah8ad5ur

— Kunal Kamra (@kunalkamra88) September 11, 2022

ਦੱਸ ਦਈਏ ਕਿ ਇਸ ਚਿੱਠੀ 'ਚ ਉਸ ਨੇ ਇਸ ਗੱਲ ਦਾ ਸਬੂਤ ਪੇਸ਼ ਕਰਨ ਦੀ ਮੰਗ ਕੀਤੀ ਹੈ ਕਿ ਉਸ ਨੇ ਕਿਸ ਸ਼ੋਅ 'ਚ ਹਿੰਦੂ ਦੇਵੀ-ਦੇਵਤਿਆਂ ਦਾ ਮਜ਼ਾਕ ਉਡਾਇਆ ਹੈ। ਕਾਮਰਾ ਨੇ ਕਿਹਾ ਜੇ ਕੋਈ ਅਜਿਹੀ ਵੀਡੀਓ ਤਾਂ ਸਾਂਝੀ ਕੀਤੀ ਜਾਵੇ, ਮੈਂ ਸਿਰਫ਼ ਸਰਕਾਰ ਦਾ ਮਜ਼ਾਕ ਉਡਾਉਂਦਾ ਹਾਂ।

ਦੱਸਣਯੋਗ ਹੈ ਕਿ ਹਰਿਆਣਾ ਦੇ ਗੁਰੂਗ੍ਰਾਮ 'ਚ ਕੁਨਾਲ ਕਾਮਰਾ ਦਾ ਹੋਣ ਦਾ ਸ਼ੋਅ ਰੱਦ ਕਰ ਦਿੱਤਾ ਗਿਆ ਸੀ। ਵਿਸ਼ਵ ਹਿੰਦੂ ਪਰਿਸ਼ਦ ਤੇ ਬਜਰੰਗ ਦਲ ਨੇ ਗੁਰੂਗ੍ਰਾਮ ਪ੍ਰਸ਼ਾਸਨ ਤੋਂ ਕਾਮੇਡੀਅਨ ਦਾ ਸ਼ੋਅ ਰੱਦ ਕਰਨ ਲਈ ਮੰਗ ਪੱਤਰ ਦਿੱਤਾ ਸੀ। ਉਨ੍ਹਾਂ ਕਿਹਾ ਕਿ ਕਾਮਰਾ 17 ਸਤੰਬਰ ਨੂੰ ਇੱਕ ਸ਼ੋਅ ਕਰਨ ਜਾ ਰਹੇ ਹਨ ਤੇ ਉਹ ਆਪਣੇ ਸ਼ੋਅ 'ਚ ਹਿੰਦੂ ਦੇਵੀ-ਦੇਵਤਿਆਂ ਦਾ ਮਜ਼ਾਕ ਉਡਾਉਂਦੇ ਹਨ। ਅਜਿਹੇ 'ਚ ਹਲਾਤ ਖ਼ਰਾਬ ਹੋ ਸਕਦੇ ਹਨ। ਉਨ੍ਹਾਂ ਕਿਹਾ ਕਿ ਵਿਸ਼ਵ ਹਿੰਦੂ ਪਰਿਸ਼ਦ ਤੇ ਬਜਰੰਗ ਦਲ ਇਸਦਾ ਸਖ਼ਤ ਵਿਰੋਧ ਕਰੇਗਾ, ਜਿਸ ਤੋਂ ਬਾਅਦ ਇਸ ਸ਼ੋਅ ਨੂੰ ਰੱਦ ਕੀਤਾ ਗਿਆ।

ਨੋਟ - ਇਸ ਖ਼ਬਰ ਸਬੰਧੀ ਆਪਣੀ ਰਾਏ ਕੁਮੈਂਟ ਰਾਹੀਂ ਸਾਡੇ ਨਾਲ ਜ਼ਰੂਰ ਸਾਂਝੀ ਕਰੋ।