ਕਿਆਰਾ ਅਡਵਾਨੀ ਦੇ ਚਿਹਰੇ ''ਤੇ ਦਿਖਿਆ Pregnancy Glow, ਵੀਡੀਓ ਸਾਂਝੀ ਕਰ ਦਿਖਾਈ ਝਲਕ

ਮੁੰਬਈ (ਏਜੰਸੀ)- ਬਾਲੀਵੁੱਡ ਅਦਾਕਾਰਾ ਕਿਆਰਾ ਅਡਵਾਨੀ ਆਪਣੀ ਗਰਭ ਅਵਸਥਾ ਕਾਰਨ ਕਾਫੀ ਗਲੋ ਕਰ ਰਹੀ ਹੈ। ਐਤਵਾਰ ਨੂੰ ਅਦਾਕਾਰਾ ਨੇ ਆਪਣੇ ਇੰਸਟਾਗ੍ਰਾਮ ਦੇ ਸਟੋਰੀਜ਼ ਸੈਕਸ਼ਨ ਵਿਚ ਆਪਣੀ ਇੱਕ ਵੀਡੀਓ ਸਾਂਝੀ ਕੀਤੀ, ਜਿਸ ਵਿੱਚ ਸਪੱਸ਼ਟ ਤੌਰ 'ਤੇ ਉਨ੍ਹਾਂ ਦੇ ਚਿਹਰੇ 'ਤੇ ਪ੍ਰੈਗਨੈਂਸੀ ਗਲੋਅ ਦਿਖਾਈ ਦਿੱਤਾ। ਪ੍ਰੈਗਨੈਂਸੀ ਗਲੋਅ ਦਾ ਮਤਲਬ ਹੈ ਗਰਭ ਅਵਸਥਾ ਦੌਰਾਨ ਕੁੱਝ ਔਰਤਾਂ ਦਾ ਚਿਹਰਾ ਚਮਕਦਾਰ ਅਤੇ ਲਾਲ ਹੋ ਜਾਣਾ। ਇਹ ਅਕਸਰ ਵਧੇ ਹੋਏ ਖੂਨ ਦੇ ਵਹਾਅ ਅਤੇ ਹਾਰਮੋਨਲ ਤਬਦੀਲੀਆਂ ਕਾਰਨ ਹੁੰਦਾ ਹੈ। ਅਦਾਕਾਰਾ ਨੇ ਵੀਡੀਓ 'ਤੇ ਲਿਖਿਆ, "ਸੰਡੇ ਗਲੋਅ"।

ਇੱਥੇ ਦੱਸ ਦੇਈਏ ਕਿ ਪਿਛਲੇ ਮਹੀਨੇ ਕਿਆਰਾ ਅਤੇ ਉਨ੍ਹਾਂ ਦੇ ਅਦਾਕਾਰ ਪਤੀ ਸਿਧਾਰਥ ਮਲਹੋਤਰਾ ਨੇ ਐਲਾਨ ਕੀਤਾ ਸੀ ਕਿ ਉਹ ਵਿਆਹ ਦੇ 2 ਸਾਲਾਂ ਬਾਅਦ ਆਪਣੇ ਪਹਿਲੇ ਬੱਚੇ ਦੀ ਉਮੀਦ ਕਰ ਰਹੇ ਹਨ। ਆਪਣੇ ਹੱਥਾਂ ਵਿਚ ਉੱਨ ਦੀਆਂ ਬੁਣੀਆਂ ਹੋਈਆਂ ਛੋਟੀਆਂ ਜੁਰਾਬਾਂ ਵਿਚ ਇੱਕ ਤਸਵੀਰ ਸਾਂਝੀ ਕਰਦੇ ਹੋਏ, ਉਨ੍ਹਾਂ ਲਿਖਿਆ, "ਸਾਡੀ ਜ਼ਿੰਦਗੀ ਦਾ ਸਭ ਤੋਂ ਵੱਡਾ ਤੋਹਫ਼ਾ...ਜਲਦੀ ਹੀ ਆ ਰਿਹਾ ਹੈ"। ਕਈ ਸਾਲਾਂ ਤੱਕ ਡੇਟਿੰਗ ਕਰਨ ਤੋਂ ਬਾਅਦ ਇਹ ਜੋੜਾ ਫਰਵਰੀ 2023 ਵਿੱਚ ਵਿਆਹ ਦੇ ਬੰਧਨ ਵਿੱਚ ਬੱਝਿਆ ਸੀ।