ਮਿਸ ਯੂਨੀਵਰਸ ਬਣੀ ਹਰਨਾਜ਼ ਕੌਰ ਸੰਧੂ ਦੀ ਜਾਇਦਾਦ ਜਾਣ ਅੱਖਾਂ ਰਹਿ ਜਾਣਗੀਆਂ ਖੁੱਲ੍ਹੀਆਂ
12/16/2021 4:56:51 PM
ਮੁੰਬਈ (ਬਿਊਰੋ)– ਚੰਡੀਗੜ੍ਹ ’ਚ ਪੜ੍ਹੀ ਭਾਰਤ ਦੀ ਤੀਜੀ ਮਿਸ ਯੂਨੀਵਰਸ ਹਰਨਾਜ਼ ਕੌਰ ਸੰਧੂ ਇਕ ਭਾਰਤੀ ਮਾਡਲ ਹੈ। ਉਹ ਮਿਸ ਵਰਲਡ, ਮਿਸ ਯੂਨੀਵਰਸ, ਮਿਸ ਅਰਥ ਤੇ ਮਿਸ ਇੰਟਰਨੈਸ਼ਨਲ ਵਰਗੇ ਹੋਰ ਸੁੰਦਰਤਾ ਮੁਕਾਬਲੇ ਵੀ ਜਿੱਤ ਚੁੱਕੀ ਹੈ।
ਉਸ ਨੂੰ ਮਿਸ ਦੀਵਾ 2021 ਤੇ ਫੈਮਿਨਾ ਮਿਸ ਇੰਡੀਆ ਪੰਜਾਬ 2019 ਦਾ ਤਾਜ ਵੀ ਦਿੱਤਾ ਗਿਆ ਸੀ। ਇਸ ਦੌਰਾਨ ਉਸ ਨੇ ਬਹੁਤ ਕਮਾਈ ਕੀਤੀ ਤੇ ਹੁਣ ਮਿਸ ਯੂਨੀਵਰਸ ਬਣਨ ਨਾਲ ਉਸ ਨੂੰ ਬਹੁਤ ਸਾਰੀ ਰਾਸ਼ੀ ਤੇ ਸਹੂਲਤਾਂ ਮਿਲਣੀਆਂ ਹਨ।
ਫ਼ਿਲਮੀ ਸਿਆਪਾ ਦੀ ਇਕ ਰਿਪੋਰਟ ਮੁਤਾਬਕ ਉਸ ਦੀ ਕੁਲ ਜਾਇਦਾਦ 5 ਮਿਲੀਅਨ ਡਾਲਰ ਹੈ, ਜੋ ਕਿ ਭਾਰਤੀ ਰੁਪਏ ਮੁਤਾਬਕ ਲਗਭਗ 38 ਕਰੋੜ ਦੇ ਕਰੀਬ ਹੈ।
ਦੂਜੇ ਪਾਸੇ ਜੇਕਰ ਅਸੀਂ ਉਸ ਦੀ ਕੁਲ ਜਾਇਦਾਦ ਦੇ ਵਾਧੇ ਦੀ ਗੱਲ ਕਰੀਏ ਤਾਂ ਸਾਲ 2021 ’ਚ ਇਹ 5 ਮਿਲੀਅਨ ਡਾਲਰ ਹੈ, ਸਾਲ 2020 ’ਚ ਇਹ 4.5 ਮਿਲੀਅਨ ਡਾਲਰ ਸੀ, ਇਸ ਤੋਂ ਪਹਿਲਾਂ ਸਾਲ 2019 ’ਚ ਇਹ 3 ਮਿਲੀਅਨ ਡਾਲਰ ਸੀ, ਸਾਲ ’ਚ 2018 ’ਚ ਇਹ 2 ਮਿਲੀਅਨ ਡਾਲਰ ਸੀ ਤੇ 2017 ’ਚ 1 ਮਿਲੀਅਨ ਡਾਲਰ ਸੀ।
ਰਿਪੋਰਟ ਮੁਤਾਬਕ ਉਸ ਕੋਲ ਮਹਿੰਗੇ ਗਹਿਣੇ ਤੇ ਮਹਿੰਗੇ ਡਿਜ਼ਾਈਨਰ ਕੱਪੜੇ ਵੀ ਹਨ। ਜੇਕਰ ਅਸੀਂ ਆਮਦਨੀ ਦੇ ਸਰੋਤ ਦੀ ਗੱਲ ਕਰੀਏ ਤਾਂ ਹਰਨਾਜ਼ ਇਕ ਮਾਡਲ ਵਜੋਂ ਕਮਾਈ ਕਰਦੀ ਹੈ। ਉਸ ਨੇ ਕਈ ਸੁੰਦਰਤਾ ਮੁਕਾਬਲਿਆਂ ’ਚ ਭਾਗ ਲੈ ਕੇ ਕਾਫੀ ਪੈਸਾ ਵੀ ਕਮਾ ਲਿਆ ਹੈ।
ਹਰਨਾਜ਼ ਨੇ ਭਾਰਤ ’ਚ 21 ਸਾਲ ਦੀ ਉਮਰ ਤੋਂ ਵੱਧ ਕਮਾਈ ਕੀਤੀ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਹਰਨਾਜ਼ ਆਪਣੇ ਮਾਤਾ-ਪਿਤਾ ਨਾਲ ਚੰਡੀਗੜ੍ਹ ਸਥਿਤ ਆਪਣੇ ਘਰ ’ਚ ਰਹਿੰਦੀ ਸੀ ਤੇ ਹੁਣ ਉਹ ਨਿਊਯਾਰਕ ਸ਼ਿਫਟ ਹੋਣ ਲਈ ਤਿਆਰ ਹੈ।
ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।
