ਦਿਸ਼ਾ ਪਾਟਨੀ ਦੇ ਚਿਹਰੇ ਨੂੰ ਇਹ ਕੀ ਹੋਇਆ? ਲੋਕਾਂ ਨੇ ਟਰੋਲ ਕਰਦਿਆਂ ਕਿਹਾ, ‘ਪਲਾਸਟਿਕ ਸਰਜਰੀ ਦੀ ਦੁਕਾਨ’
07/01/2022 12:40:23 PM
ਮੁੰਬਈ (ਬਿਊਰੋ)– 8 ਸਾਲ ਦੇ ਲੰਮੇ ਇੰਤਜ਼ਾਰ ਤੋਂ ਬਾਅਦ ਪਰਦੇ ’ਤੇ ‘ਏਕ ਵਿਲੇਨ ਰਿਟਰਨਜ਼’ ਦੀ ਕਹਾਣੀ ਸਿਨੇਮਾਘਰਾਂ ’ਚ ਦੇਖਣ ਨੂੰ ਮਿਲਣ ਵਾਲੀ ਹੈ। ਫ਼ਿਲਮ ਦਾ ਟਰੇਲਰ ਰਿਲੀਜ਼ ਹੋ ਚੁੱਕਾ ਹੈ, ਜਿਸ ’ਚ ਅਰਜੁਨ ਕਪੂਰ, ਜੌਨ ਅਬ੍ਰਾਹਮ, ਤਾਰਾ ਸੁਤਾਰੀਆ ਤੇ ਦਿਸ਼ਾ ਪਾਟਨੀ ਦਮਦਾਰ ਭੂਮਿਕਾ ਨਿਭਾਅ ਰਹੇ ਹਨ।
ਫ਼ਿਲਮ ਰਿਲੀਜ਼ ਤੋਂ ਪਹਿਲਾਂ ਅਰਜੁਨ ਕਪੂਰ, ਜੌਨ ਅਬ੍ਰਾਹਮ, ਤਾਰਾ ਸੁਤਾਰੀਆ ਤੇ ਦਿਸ਼ਾ ਪਾਟਨੀ ਨੇ ਟਰੇਲਰ ਲਾਂਚ ਦੌਰਾਨ ਮੀਡੀਆ ਨਾਲ ਗੱਲਬਾਤ ਕੀਤੀ। ਇਸੇ ਦੌਰਾਨ ਸਾਰਿਆਂ ਦੀ ਨਜ਼ਰ ਦਿਸ਼ਾ ਪਾਟਨੀ ’ਤੇ ਗਈ।
ਟਰੇਲਰ ਲਾਂਚ ’ਚ ਦਿਸ਼ਾ ਬਲੈਕ ਕਲਰ ਦੀ ਲੌਂਗ ਫਿਟਿਡ ਸਕਰਟ ਤੇ ਕ੍ਰਾਪ ਟਾਪ ਪਹਿਨ ਕੇ ਪਹੁੰਚੀ ਸੀ। ਬਲੈਕ ਕਲਰ ਦੀ ਆਊਟਫਿੱਟ, ਗਲੌਸੀ ਮੇਕਅੱਪ ਤੇ ਓਪਨ ਹੇਅਰਸਟਾਈਲ ’ਚ ਉਹ ਸੁੰਦਰ ਦਿਖ ਰਹੀ ਸੀ।
ਨੋਟਿਸ ਕਰਨ ਵਾਲਿਆਂ ਨੂੰ ਉਸ ’ਚ ਕੁਝ ਅਲੱਗ ਦਿਖਿਆ। ਟਰੇਲਰ ਲਾਂਚ ’ਚ ਦਿਸ਼ਾ ਨੂੰ ਦੇਖ ਕੇ ਕਈ ਲੋਕਾਂ ਨੇ ਦਾਅਵਾ ਕੀਤਾ ਕਿ ਉਸ ਨੇ ਨੱਕ ਤੇ ਲਿਪਸ ਦੀ ਪਲਾਸਟਿਕ ਸਰਜਰੀ ਕਰਵਾਈ ਹੈ।
ਦਿਸ਼ਾ ਨੂੰ ਦੇਖ ਕੇ ਕਿਸੇ ਨੇ ਕਿਹਾ ਕਿ ਪਹਿਲਾਂ ਕਿੰਨੀ ਸੁੰਦਰ ਲੱਗਦੀ ਸੀ, ਹੁਣ ਕੀ ਹੋ ਗਿਆ। ਉਥੇ ਕਿਸੇ ਨੇ ਕਿਹਾ ਕਿ ਪਲਾਸਟਿਕ ਸਰਜਰੀ ਦੀ ਦੁਕਾਨ। ਇਸ ਤਰ੍ਹਾਂ ਨਾਲ ਦਿਸ਼ਾ ਇਕ ਵਾਰ ਮੁੜ ਟਰੋਲਰ ਕਰਨ ਵਾਲਿਆਂ ਦੇ ਨਿਸ਼ਾਨੇ ’ਤੇ ਆ ਗਈ।
ਹੁਣ ਦਿਸ਼ਾ ਨੇ ਲਿਪਸ ਤੇ ਨੱਕ ਦੀ ਸਰਜਰੀ ਕਰਵਾਈ ਹੈ ਜਾਂ ਫਿਰ ਇਹ ਕੈਮਰਾ ਲਾਈਟਸ ਕਾਰਨ ਅਜਿਹਾ ਲੱਗ ਰਿਹਾ ਹੈ। ਇਸ ’ਤੇ ਕੁਝ ਵੀ ਬੋਲਣਾ ਅਜੇ ਜਲਦਬਾਜ਼ੀ ਹੋਵੇਗੀ। ਦੱਸ ਦੇਈਏ ਕਿ ਪਹਿਲੀ ਵਾਰ ਦਿਸ਼ਾ ਪਾਟਨੀ ਕਿਸੇ ਫ਼ਿਲਮ ’ਚ ਨੈਗੇਟਿਵ ਰੋਲ ਨਿਭਾਉਣ ਵਾਲੀ ਹੈ।
ਇਹ ਫ਼ਿਲਮ 29 ਜੁਲਾਈ ਨੂੰ ਰਿਲੀਜ਼ ਹੋਣ ਜਾ ਰਹੀ ਹੈ। ਟਰੇਲਰ ਲਾਂਚ ਦੇ ਨਾਲ ਹੀ ਕਈ ਪ੍ਰਸ਼ੰਸਕ ਇਹ ਵੀ ਕਹਿ ਰਹੇ ਹਨ ਕਿ ‘ਏਕ ਵਿਲੇਨ’ ’ਚ ਸ਼ਰਧਾ ਕਪੂਰ ਦੇ ਰੋਲ ਨੂੰ ਕੋਈ ਰਿਪਲੇਸ ਨਹੀਂ ਕਰ ਸਕਦਾ। ਦੇਖਦੇ ਹਾਂ ਕਿ ਹੁਣ ਇਹ ਸਾਰੇ ਸਿਤਾਰੇ ਫ਼ਿਲਮ ’ਚ ਕੀ ਕਮਾਲ ਕਰਦੇ ਹਨ।
ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।
