ਅਨੁਪਮ ਖੇਰ ਦੇ ਟਵਿਟਰ ਅਕਾਊਂਟ ਤੋਂ ਘੱਟ ਹੋਈ ਫੋਲੋਅਰਸ ਦੀ ਗਿਣਤੀ, ਅਦਾਕਾਰ ਨੇ ਚੁੱਕੇ ਸਵਾਲ

ਮੁੰਬਈ: ਬਾਲੀਵੁੱਡ ਦੇ ਮਸ਼ਹੂਰ ਅਦਾਕਾਰ ਅਨੁਪਮ ਖੇਰ ਨੇ ਦੋਸ਼ ਲਾਇਆ ਕਿ ਟਵਿਟਰ 'ਤੇ ਉਨ੍ਹਾਂ ਦੇ ਫੋਲੋਅਰਸ ਪਿਛਲੇ 36 ਘੰਟਿਆਂ ਵਿੱਚ ਬਹੁਤ ਜ਼ਿਆਦਾ ਘੱਟ ਗਏ ਹਨ। ਅਦਾਕਾਰ ਨੇ ਅੰਕੜਿਆਂ ਦਾ ਖੁਲਾਸਾ ਕਰਦਿਆਂ ਟਵੀਟ ਕਰਦਿਆਂ ਕਿਹਾ ਕਿ ਉਹ ਜਾਣਨ ਲਈ ਉਤਸੁਕ ਹੈ ਕਿ ਇਹ ਤਕਨੀਕੀ ਰੁਕਾਵਟ ਹੈ ਜਾਂ ਕੁਝ ਹੋਰ।

ਅਨੁਪਮ ਖੇਰ ਨੇ ਵੀਰਵਾਰ ਨੂੰ ਟਵੀਟ ਕੀਤਾ,"ਪਿਆਰੇ ਟਵਿਟਰ ਅਤੇ ਟਵਿਟਰ ਇੰਡੀਆ। ਪਿਛਲੇ 36 ਘੰਟਿਆਂ ਵਿੱਚ ਮੇਰੇ 80,000 ਫੋਲੋਅਰਸ ਘੱਟ ਗਏ ਹਨ। ਕੀ ਤੁਹਾਡੀ ਐਪ ਵਿੱਚ ਕੁਝ ਗਲਤੀ ਹੈ ਜਾਂ ਕੁਝ ਹੋਰ ਹੋ ਰਿਹਾ ਹੈ!! ਇਹ ਇੱਕ ਇਤਰਾਜ਼ ਹੈ, ਹਾਲੇ ਕੋਈ ਸ਼ਿਕਾਇਤ ਨਹੀਂ ਹੈ।"

Dear @Twitter and @TwitterIndia! I have 80,000 less followers in the last 36 hours! Is there a glitch in your app or something else is happening!! It is an observation. Not a complaint….. yet.:)

— Anupam Kher (@AnupamPKher) June 10, 2021

ਟਵਿਟਰ ਇੰਡੀਆ ਕੰਮ ਦੇ ਮੋਰਚੇ 'ਤੇ, ਅਦਾਕਾਰ ਅਨੁਪਮ ਖੇਰ ਆਉਣ ਵਾਲੀ ਦਸਤਾਵੇਜ਼ੀ ਫ਼ਿਲਮ 'ਭੁਜ: ਦ ਡੇਅ ਇੰਡੀਆ ਸ਼ੂਕ' ਦੀ ਐਂਕਰਿੰਗ ਤੇ ਕਹਾਣੀ ਸੁਣਾਉਣ ਲਈ ਤਿਆਰ ਹਨ, ਜਿਸ ਦਾ ਟ੍ਰੇਲਰ ਇਸ ਹਫ਼ਤੇ ਦੇ ਸ਼ੁਰੂ ਵਿੱਚ ਜਾਰੀ ਕੀਤਾ ਗਿਆ ਸੀ। ਇਹ ਦਸਤਾਵੇਜ਼ੀ ਫ਼ਿਲਮ 2001 ਦੇ ਤਬਾਹਕੁੰਨ ਭੂਚਾਲ ਬਾਰੇ ਹੈ ਅਤੇ ਬਚਾਅ, ਬਚਾਅ ਕਰਨ ਵਾਲੇ, ਪੱਤਰਕਾਰ, ਫੋਟੋਗ੍ਰਾਫ਼ਰਾਂ ਨੂੰ ਕੈਪਚਰ ਕਰਦੀ ਹੈ। ਇਹ ਫ਼ਿਲਮ 11 ਜੂਨ ਨੂੰ ਡਿਸਕਵਰੀ ਪਲੱਸ ‘ਤੇ ਰਿਲੀਜ਼ ਹੋਣ ਵਾਲੀ ਹੈ।

ਨਿੱਜੀ ਜ਼ਿੰਦਗੀ ਦੀ ਗੱਲ ਕਰੀਏ ਤਾਂ ਇਨ੍ਹੀਂ ਦਿਨੀਂ ਅਨੁਪਮ ਖੇਰ ਦੀ ਪਤਨੀ ਤੇ ਚੰਡੀਗੜ੍ਹ ਹਲਕੇ ਦੇ ਐੱਮ.ਪੀ ਕਿਰਨ ਖੇਰ ਕੈਂਸਰ ਦਾ ਇਲਾਜ ਕਰਵਾ ਰਹੇ ਹਨ। ਅਕਸਰ ਅਨੁਪਮ ਖੇਰ ਸੋਸ਼ਲ ਮੀਡੀਆ ਦੇ ਜ਼ਰੀਏ ਆਪਣੀ ਪਤਨੀ ਦੀ ਸਿਹਤ ਸੰਬੰਧੀ ਅਪਡੇਟਸ ਦਿੰਦੇ ਰਹਿੰਦੇ ਹਨ। ਕੁਝ ਦਿਨ ਪਹਿਲਾਂ ਉਨ੍ਹਾਂ ਦੇ ਬੇਟੇ ਸਿਕੰਦਰ ਖੇਰ ਨੇ ਇੱਕ ਲਾਈਵ ਵੀਡੀਓ ਰਾਹੀਂ ਕਿਰਨ ਖੇਰ ਦੀ ਝਲਕ ਦਿਖਾਈ ਸੀ। ਇਸ ਤੋਂ ਬਾਅਦ ਪ੍ਰਸ਼ੰਸਕਾਂ ਨੂੰ ਕੁਝ ਰਾਹਤ ਮਿਲੀ ਸੀ।