ਸਿਧਾਰਥ ਤੇ ਸਾਰਾ ਗੁਰਪਾਲ ਵਿਚਕਾਰ ਇਸ ਗੱਲ ਨੂੰ ਲੈ ਕੇ ਹੋਇਆ ਤਕਰਾਰ, ਹਸੀਨਾਵਾਂ 'ਚ ਛਿੜੀ 'ਕੈਟ ਫਾਈਟ' (ਵੀਡੀਓ)
Wednesday, Oct 07, 2020 - 04:36 PM (IST)
ਮੁੰਬਈ (ਬਿਊਰੋ) — ਰਿਐਲਿਟੀ ਟੀ. ਵੀ. ਸ਼ੋਅ 'ਬਿੱਗ ਬੌਸ 14' 'ਚ ਘਰਵਾਲਿਆਂ ਵਿਚਕਾਰ ਜ਼ਬਰਦਸਤ ਹੰਗਾਮਾ ਸ਼ੁਰੂ ਹੋ ਗਿਆ ਹੈ। ਆਉਣ ਵਾਲੇ ਐਪੀਸੋਡ 'ਚ ਖਾਣੇ ਦੇ ਬਟਵਾਰੇ ਨੂੰ ਲੈ ਕੇ ਨਿੱਕੀ ਤੰਬੋਲੀ ਤੇ ਘਰ ਵਾਲਿਆਂ ਵਿਚਕਾਰ ਬਹਿਸ ਸ਼ੁਰੂ ਹੋ ਜਾਵੇਗੀ। ਇਸ ਲੜਾਈ 'ਚ ਪੂਰਾ ਪਰਿਵਾਰ ਨਿੱਕੀ ਤੰਬੋਲੀ ਖ਼ਿਲਾਫ਼ ਆ ਕੇ ਖੜ੍ਹਾ ਹੋ ਗਿਆ ਹੈ। ਸਾਰੇ ਘਰ ਵਾਲਿਆਂ ਨੂੰ ਆਪਸੀ ਸਹਿਮਤੀ ਨਾਲ ਗੌਹਰ ਖਾਨ ਨੂੰ 7 ਫੂਡ ਆਈਟਮ ਦੇ ਨਾਂ ਦੱਸਣੇ ਹੋਣਗੇ। ਇਥੇ ਨਿੱਕੀ ਤੰਬੋਲੀ ਕਾਫ਼ੀ ਨਾਂਹ-ਨੁੱਕਰ ਕਰੇਗੀ।
ਇੰਨਾਂ ਹੀ ਨਹੀਂ 'ਬਿੱਗ ਬੌਸ' ਵਲੋਂ ਦਿੱਤੇ ਟਾਸਕ 'ਚ ਤਾਂ ਹਸੀਨਾਵਾਂ 'ਚ ਕੈਟ ਫਾਈਟ ਵੀ ਦੇਖਣ ਨੂੰ ਮਿਲੇਗੀ। ਅੱਜ ਇਕ ਅਜਿਹਾ ਟਾਸਕ ਹੋਵੇਗਾ, ਜਿਸ 'ਚ ਸਿਧਾਰਥ ਸ਼ੁਕਲਾ ਤੇ ਹੋਰ ਮੁਕਾਬਲੇਬਾਜ਼ ਸ਼ਾਮਲ ਹੋਣਗੇ। ਉਥੇ ਹੀ ਹੀਨਾ ਖਾਨ ਵਲੋਂ ਘਰ ਵਾਲਿਆਂ ਨੂੰ ਇਕ ਟਾਸਕ ਦਿੱਤਾ ਜਾਂਦਾ ਹੈ, ਜਿਸ ਵਿਚ ਸਾਰੀਆਂ ਹਸੀਨਾਵਾਂ ਨੇ ਗਹਿਣੇ ਚੌਰੀ ਕਰਨੇ ਹੁੰਦੇ ਹਨ। ਇਸ ਦੌਰਾਨ ਸਿਧਾਰਥ ਸ਼ੁਕਲਾ ਵੀ ਹਸੀਨਾਵਾਂ ਦਾ ਸਾਥ ਦਿੰਦੇ ਨਜ਼ਰ ਆਉਂਦੇ ਹਨ।
ਇਸ ਟਾਸਕ 'ਚ ਲੜਕੀਆਂ ਨੂੰ ਇਮਿਊਨਿਟੀ ਪਾਉਣ ਲਈ ਸਿਧਾਰਥ ਸ਼ੁਕਲਾ ਇੰਪ੍ਰੈੱਸ ਕਰਨਾ ਹੋਵੇਗਾ।
ਦੱਸ ਦਈਏ ਕਿ ਸਿਧਾਰਥ ਸ਼ੁਕਲਾ ਗਾਇਕਾ ਸਾਰਾ ਗੁਰਪਾਲ ਨੂੰ ਪੂਲ ਦਾ ਕੱਚਰਾ ਸਾਫ ਕਰਨ ਨੂੰ ਆਖਦੇ ਹਨ। ਇਹ ਸਭ ਸੁਣ ਕੇ ਸਾਰਾ ਹੈਰਾਨ ਹੋ ਜਾਂਦੀ ਹੈ ਤਾਂ ਆਖਦੀ ਹੈ ਕਿ ਹੱਥਾਂ ਨਾਲ ਕੱਚਰਾ ਸਾਫ਼ ਕਰਾਂ। ਇਸ 'ਤੇ ਸਿਧਾਰਥ ਕਹਿੰਦੇ ਹਨ ਕਿ ਸਾਫ਼ ਤਾਂ ਕਰਨਾ ਪੈਣਾ, ਤੂੰ ਨਮਕ ਦੀ ਤਾਂ ਬਣੀ ਨਹੀਂ ਹੈ, ਜੋ ਤੂੰ ਘੁੱਲ ਜਾਵੇਗੀ।
ਉਥੇ ਹੀ ਅਭਿਨਵ ਸ਼ੁਕਲਾ ਤੇ ਪਤਨੀ ਰੁਬੀਨਾ ਦਿਲੈਕ 'ਚ ਇਕ ਨਵਾਂ ਟਵਿੱਸਟ ਆਇਆ ਹੈ। ਦਰਅਸਲ ਇਸ ਹਫ਼ਤੇ ਬਿੱਗ ਬੌਸ ਦੇ ਘਰ 'ਚ ਨੌਮੀਨੇਸ਼ਨ ਤੇ ਇਮਿਊਨਿਟੀ ਟਾਸਕ ਹੋ ਰਹੇ ਹਨ। ਅਜਿਹੇ 'ਚ 'ਬਿੱਗ ਬੌਸ' ਨੇ ਅਭਿਨਵ ਸ਼ੁਕਲਾ ਤੇ ਰੁਬੀਨਾ 'ਚ ਨੌਮੀਨੇਸ਼ਨ ਤੇ ਇਮਿਊਨਿਟੀ ਨੂੰ ਲੈ ਕੇ ਨਵਾਂ ਟਵਿੱਸਟ ਆਇਆ ਹੈ, ਜਿਸ 'ਚ 'ਬਿੱਗ ਬੌਸ' ਅਭਿਨਵ ਤੇ ਰੁਬੀਨਾ ਲਈ ਆਪਣੀ ਇਮਿਊਨਿਟੀ ਛੱਡਣ ਲਈ ਸ਼ਰਤ ਰੱਖ ਰਹੇ ਹਨ। ਦਰਅਸਲ, ਸ਼ੋਅ 'ਚ ਰਿਜੈਕਟ ਮੁਕਾਬਲੇਬਾਜ਼ ਹੋਣ ਕਾਰਨ ਰੁਬੀਨਾ ਨੂੰ ਬਿੱਗ ਬੌਸ ਦੇ ਘਰ ਦੇ ਗਾਰਡਨ ਏਰੀਆ 'ਚ ਰਹਿਣਾ ਪੈ ਰਿਹਾ ਹੈ। ਅਜਿਹੇ 'ਚ ਪ੍ਰੋਮੋ 'ਚ ਦਿਖਾਇਆ ਗਿਆ ਹੈ ਕਿ 'ਬਿੱਗ ਬੌਸ' ਅਭਿਨਵ ਨੂੰ ਆਖਦੇ ਹਨ ਕਿ ਨੌਮੀਨੇਸ਼ਨ ਲਈ ਮਿਲੀ ਇਮਿਊਨਿਟੀ ਛੱਡ ਕੇ ਉਹ ਆਪਣੀ ਪਤਨੀ ਨੂੰ ਬਿੱਗ ਬੌਸ ਦੇ ਹੋਰ ਮੁਕਾਬਲੇਬਾਜ਼ਾਂ ਵਾਂਗ ਘਰ 'ਚ ਐਂਟਰੀ ਕਰਵਾ ਸਕਦੇ ਹਨ। ਇਹ ਗੱਲ ਸੁਣ ਕੇ ਰੁਬੀਨਾ ਤੇ ਅਭਿਨਵ ਹੈਰਾਨ ਪ੍ਰੇਸ਼ਾਨ ਹੋ ਜਾਂਦੇ ਹਨ।
