ਪੌਪ ਬੈਂਡ BTS ARMY ਨੂੰ ਮਿਲੀ ਸਿਰਫ਼ ਇੱਕ ਗ੍ਰੈਮੀ ਐਵਾਰਡ ਲਈ ਨਾਮਜ਼ਦਗੀ

ਮੁੰਬਈ (ਬਿਊਰੋ) - ਸੰਗੀਤ ਦੇ ਸਭ ਤੋਂ ਵੱਡੇ ਐਵਾਰਡ ਸ਼ੋਅ 'ਗ੍ਰੈਮੀ ਐਵਾਰਡ' ਨੂੰ ਲੈ ਕੇ ਸ਼ੋਸ਼ਲ ਮੀਡੀਆ 'ਤੇ ਕਈ ਸਵਾਲ ਉੱਠ ਰਹੇ ਹਨ। ਲਾਸ ਏਂਜਲਸ 'ਚ 31 ਜਨਵਰੀ ਨੂੰ ਹੋਣ ਵਾਲੇ '2022 ਗ੍ਰੈਮੀ ਐਵਾਰਡਾਂ' 'ਚ ਕੋਰੀਅਨ ਪੌਪ ਸਟਾਰ BTS ਨੇ ਸਰਬੋਤਮ ਪੌਪ ਡੂਓ ਜਾਂ ਸਮੂਹ ਪ੍ਰਦਰਸ਼ਨ ਲਈ ਇੱਕ ਨੌਮੀਨੇਸ਼ਨ ਪ੍ਰਾਪਤ ਕੀਤੀ ਹੈ। ਪੌਪ ਸੁਪਰਸਟਾਰ ਜਿਨ੍ਹਾਂ ਦੇ ਸੁਪਰ ਹਿੱਟ 'ਬਟਰ' ਨੇ ਬਿਲਬੋਰਡਸ ਸੰਗੀਤ ਚਾਰਟ 'ਤੇ ਸਭ ਤੋਂ ਲੰਬੇ ਸਮੇਂ ਤੱਕ ਚੱਲਣ ਵਾਲੇ ਨੰਬਰ 1 ਐਕਟ ਦੇ ਤੌਰ 'ਤੇ ਇਤਿਹਾਸ ਰਚਿਆ ਸੀ, ਉਸ ਨੂੰ ਇੱਕ ਵਾਰ ਫਿਰ ਉਮੀਦ ਤੋਂ ਘੱਟ ਦੇਖਿਆ ਗਿਆ। ਵੱਡੇ ਪੱਧਰ 'ਤੇ ਪ੍ਰਸਿੱਧ ਬੁਆਏ ਬੈਂਡ ਦਾ ਮੁਕਾਬਲਾ ਸੰਗੀਤ ਦੀ ਦੁਨੀਆਂ 'ਚ ਦਿੱਗਜ ਕਹੇ ਜਾਣ ਵਾਲੇ ਕੋਲਡਪਲੇ (ਹਾਈ ਪਾਵਰ), ਡੋਜਾ ਕੈਟ ਅਤੇ ਐਸਜ਼ੈਡਏ (ਕਿਸ ਮੀ ਮੋਰ), ਟੋਨੀ ਬੇਨੇਟ ਅਤੇ ਲੇਡੀ ਗਾਗਾ (ਆਈ ਗੇਟ ਅ ਕਿਕ ਆਊਟ ਆਫ ਯੂ), ਜਸਟਿਨ ਬੀਬਰ ਅਤੇ ਬੈਨੀ ਬਲੈਂਕੋ ਨਾਲ ਹੋਵੇਗਾ।

ਇਹ ਖ਼ਬਰ ਵੀ ਪੜ੍ਹੋ - ਕੰਗਨਾ ਰਣੌਤ ਨੂੰ ਦਿੱਲੀ ਵਿਧਾਨ ਸਭਾ ਦੀ ਕਮੇਟੀ ਵੱਲੋਂ ਨੋਟਿਸ ਜਾਰੀ, ਕਿਸਾਨੀ ਘੋਲ ਨੂੰ ਦੱਸਿਆ ਸੀ 'ਖਾਲਿਸਤਾਨੀ ਅੰਦੋਲਨ'

'ਬਟਰ' ਦੀ ਪ੍ਰਸਿੱਧੀ ਨੂੰ ਦੇਖਦੇ ਹੋਏ, BTS ਗਰੁੱਪ ਦੇ ਗਾਇਕ 'ਸਾਲ ਦਾ ਗੀਤ' (Song of the Year) ਅਤੇ 'ਸਾਲ ਦਾ ਰਿਕਾਰਡ' (Record of the year) ਸਮੇਤ ਚੋਟੀ ਦੇ ਸਨਮਾਨਾਂ ਦੀ ਉਮੀਦ ਕਰ ਰਹੇ ਸਨ। ਉਨ੍ਹਾਂ ਦੀ ਵਿਸ਼ਵਵਿਆਪੀ ਪ੍ਰਸ਼ੰਸਾ - ARMY ਨੂੰ ਇਸ ਨਾਲ ਕੋਈ ਬਹੁਤਾ ਫਰਕ ਨਹੀਂ ਪਿਆ।

ਟਵਿੱਟਰ 'ਤੇ ARMY ਨੇ 'Scammys' ਨੂੰ ਟ੍ਰੈਂਡ ਕਰਨਾ ਸ਼ੁਰੂ ਕਰ ਦਿੱਤਾ ਹੈ ਕਿਉਂਕਿ ਇੰਨੇ ਵੱਡੇ ਐਵਾਰਡ 'ਚ BTS ਨੂੰ ਸਾਰੀਆਂ ਮੁੱਖ ਸ਼੍ਰੇਣੀਆਂ 'ਚੋਂ ਬਾਹਰ ਰੱਖਿਆ ਗਿਆ। ਐਵਾਰਡ ਸ਼ੋਅ ਦੀ ਆਲੋਚਨਾ ਕਰਨ ਤੋਂ ਇਲਾਵਾ ਪ੍ਰਸ਼ੰਸਕਾਂ ਨੇ ਇਹ ਵੀ ਸੁਝਾਅ ਦਿੱਤਾ ਕਿ BTS ਨੂੰ ਪੁਰਸਕਾਰ ਪ੍ਰੋਗਰਾਮ 'ਚ ਪੂਰੀ ਤਰ੍ਹਾਂ ਸ਼ਾਮਲ ਨਾ ਹੋਣ ਦਾ ਦਾਅਵਾ ਕਰਦੇ ਹੋਏ ਕਿਹਾ ਗਿਆ ਹੈ ਕਿ ਇਹ ਸ਼ੋਅ ਸਿਰਫ਼ ਉਨ੍ਹਾਂ ਦੀ ਪ੍ਰਸਿੱਧੀ ਦੀ 'ਵਰਤੋਂ' ਕਰ ਰਿਹਾ ਹੈ।

ਇਹ ਖ਼ਬਰ ਵੀ ਪੜ੍ਹੋ - FIR ਦਰਜ ਹੋਣ ਮਗਰੋਂ ਕੰਗਨਾ ਰਣੌਤ ਦਾ ਬੇਬਾਕ ਅੰਦਾਜ਼, ਕਿਹਾ- ਹੁਣ ਗ੍ਰਿਫ਼ਤਾਰੀ ਦਾ ਹੈ ਇੰਤਜ਼ਾਰ

ਸੋਸ਼ਲ ਮੀਡੀਆ 'ਤੇ ਲੋਕਾਂ ਨੇ ਕੱਢਿਆ ਗੁੱਸਾ :-
ਇੱਕ ਪ੍ਰਸ਼ੰਸਕ ਨੇ ਟਵੀਟ ਕੀਤਾ "ਮੇਰੀ ਰਾਏ 'ਚ! ਬੀ. ਟੀ. ਐੱਸ. ਨੂੰ ਗ੍ਰੈਮੀ 'ਚ ਸ਼ਾਮਲ ਨਹੀਂ ਹੋਣਾ ਚਾਹੀਦਾ ਕਿਉਂਕਿ ਗ੍ਰੈਮੀ ਨੂੰ ਬੀ. ਟੀ. ਐੱਸ. ਦੀ ਵੱਧ ਜ਼ਰੂਰਤ ਹੈ ਅਤੇ ਗ੍ਰੈਮੀ ਸਿਰਫ਼ ਪ੍ਰਚਾਰ ਲਈ ਬੀ. ਟੀ. ਐੱਸ. ਦੀ ਵਰਤੋਂ ਕਰਦੇ ਹਨ।"
ਇੱਕ ਹੋਰ ਪ੍ਰਸ਼ੰਸਕ ਨੇ ਕਿਹਾ "ਹੁਣ ਅਸੀਂ ਸਪੱਸ਼ਟ ਤੌਰ 'ਤੇ ਦੱਸ ਸਕਦੇ ਹਾਂ ਕਿ #ਗ੍ਰੈਮੀ ਗਲੋਬਲ ਐਵਾਰਡ ਨਹੀਂ ਹਨ ਸਗੋਂ ਸਿਰਫ਼ ਕਮਿਊਨਿਟੀ ਐਵਾਰਡ ਹਨ ਅਤੇ ਲੋਕ ਉਨ੍ਹਾਂ ਦੀ ਸ਼ਲਾਘਾ ਕਿਉਂ ਕਰਦੇ ਰਹਿੰਦੇ ਹਨ? #BTS ਇੱਕ ਗਲੋਬਲ ਸੁਪਰਸਟਾਰ ਹਨ, ਉਨ੍ਹਾਂ ਨੂੰ ਅਜਿਹੇ ਛੋਟੇ ਪੁਰਸਕਾਰਾਂ ਦੀ ਜ਼ਰੂਰਤ ਨਹੀਂ ਹੈ।"

ਇਹ ਖ਼ਬਰ ਵੀ ਪੜ੍ਹੋ - ਜਦੋਂ ਰਾਖੀ ਸਾਵੰਤ ਨੇ ਸ਼ਰੇਆਮ ਰਾਹੁਲ ਗਾਂਧੀ ਨੂੰ ਲੈ ਕੇ ਆਖੀ ਸੀ ਇਹ ਗੱਲ, ਮਚਿਆ ਸੀ ਖ਼ੂਬ ਬਵਾਲ

ਦੱਸਣਯੋਗ ਹੈ ਕਿ ਪਿਛਲੇ ਸਾਲ ਲੜਕਿਆਂ ਨੂੰ ਇਸੇ ਸ਼੍ਰੇਣੀ 'ਚ ਨਾਮਜ਼ਦ ਕੀਤਾ ਗਿਆ ਸੀ ਪਰ ਲੇਡੀ ਗਾਗਾ ਅਤੇ ਅਰਿਆਨਾ ਗ੍ਰਾਂਡੇ ਦੀ 'ਰੇਨ ਆਨ ਮੀ' ਤੋਂ ਹਾਰ ਗਏ ਸਨ। ਜਸਟਿਨ ਬੀਬਰ, ਬਿਲੀ ਆਈਲਿਸ਼ ਅਤੇ ਓਲੀਵੀਆ ਰੌਡਰੀਗੋ ਇਸ ਸਾਲ ਦੇ ਗ੍ਰੈਮੀ ਐਵਾਰਡਾਂ ਲਈ ਨਾਮਜ਼ਦ ਪੌਪ ਸਟਾਰ ਅਤੇ ਨਵੇਂ ਲੋਕਾਂ ਦੀ ਇੱਕ ਸ਼ਾਨਦਾਰ ਕਲਾਸ ਦੀ ਅਗਵਾਈ ਕਰ ਰਹੇ ਹਨ। ਬੀਬਰ ਲਾਸ ਏਂਜਲਸ 'ਚ 31 ਜਨਵਰੀ ਨੂੰ ਹੋਣ ਵਾਲੇ ਗਾਲਾ ਵਿੱਚ ਅੱਠ ਟਰਾਫੀਆਂ ਲਈ ਮੁਕਾਬਲਾ ਕਰੇਗਾ, ਜਿਵੇਂ ਕਿ R&B ਪਸੰਦੀਦਾ H.E.R. ਅਤੇ ਗਾਇਕ-ਰੈਪਰ ਡੋਜਾ ਕੈਟ।
ਗ੍ਰੈਮੀ ਡਾਰਲਿੰਗ ਆਈਲਿਸ਼ ਸੱਤ ਦੀ ਦੌੜ 'ਚ ਹੈ, ਜਿਵੇਂ ਕਿ ਓਲੀਵੀਆ ਰੋਡਰੀਗੋ, ਇੱਕ ਸਾਬਕਾ ਡਿਜ਼ਨੀ ਚੈਨਲ ਅਭਿਨੇਤਰੀ ਹੈ, ਜਿਸਨੇ ਇਸ ਸਾਲ ਆਪਣੇ ਬ੍ਰੇਕਆਊਟ 'ਡ੍ਰਾਈਵਰਜ਼ ਲਾਇਸੈਂਸ' ਨਾਲ ਪੌਪ ਸੀਨ 'ਚ ਧਮਾਕਾ ਕੀਤਾ ਸੀ।

ਨੋਟ - ਇਸ ਖ਼ਬਰ ਸਬੰਧੀ ਤੁਹਾਡੀ ਕੀ ਹੈ ਰਾਏ, ਕੁਮੈਂਟ ਕਰਕੇ ਜ਼ਰੂਰ ਦੱਸੋ।