ਅਦਾਕਾਰ ਕਮਲ ਹਸਨ ਨੇ ਕਿਹਾ- ਸਰਕਾਰ ''ਤੇ ਸਵਾਲ ਚੁੱਕਣ ਵਾਲੀਆਂ ਫ਼ਿਲਮਾਂ ਬਣਾਉਣਾ ਜੋਖ਼ਮ ਭਰਿਆ

ਮੁੰਬਈ (ਬਿਊਰੋ) : ਹਿੰਦੀ ਸਿਨੇਮਾ ਦੇ ਪ੍ਰਸਿੱਧ ਅਦਾਕਾਰ ਕਮਲ ਹਸਨ ਦਾ ਕਹਿਣਾ ਹੈ ਕਿ ਕਲਾਕਾਰ ਦੇਸ਼ ਦੇ ਨਾਗਰਿਕ ਹਨ ਅਤੇ ਉਨ੍ਹਾਂ ਨੂੰ ਅਧਿਕਾਰੀਆਂ ਨੂੰ ਜਵਾਬਦੇਹ ਠਹਿਰਾਉਣ ਦਾ ਪੂਰਾ ਅਧਿਕਾਰ ਹੈ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਮੰਨਿਆ ਕਿ ਸਰਕਾਰ 'ਤੇ ਸਵਾਲ ਚੁੱਕ ਕੇ ਫ਼ਿਲਮਾਂ ਬਣਾਉਣਾ ਜੋਖ਼ਮ ਭਰਿਆ ਹੁੰਦਾ ਹੈ। ਅਦਾਕਾਰ ਅਪਣੀ ਆਉਣ ਵਾਲੀ ਫ਼ਿਲਮ 'ਹਿੰਦੁਸਤਾਨੀ 2 : ਜ਼ੀਰੋ ਟਾਲਰੈਂਸ' ਦੇ ਟ੍ਰੇਲਰ ਲਾਂਚ ਮੌਕੇ ਬੋਲ ਰਹੇ ਸਨ। ਇਸ ਫ਼ਿਲਮ ’ਚ ਉਹ ਇਕ ਅਜਿਹੇ ਜਰਨੈਲ ਦੇ ਕਿਰਦਾਰ ’ਚ ਨਜ਼ਰ ਆਉਣਗੇ, ਜਿਸ ਨੇ ਪਹਿਲਾਂ ਭਾਰਤ ਨੂੰ ਅੰਗਰੇਜ਼ਾਂ ਤੋਂ ਆਜ਼ਾਦੀ ਦਿਵਾਉਣ ਲਈ ਲੜਾਈ ਲੜੀ ਅਤੇ ਫਿਰ ਬਾਅਦ ’ਚ ਭ੍ਰਿਸ਼ਟਾਚਾਰ ਵਿਰੁੱਧ ਆਵਾਜ਼ ਬੁਲੰਦ ਕੀਤੀ। 'ਇੰਡੀਅਨ 2 : ਜ਼ੀਰੋ ਟਾਲਰੈਂਸ' ਨਾਂ ਦੀ ਇਹ ਫ਼ਿਲਮ ਕਮਲ ਹਸਨ ਦੀ 1996 'ਚ ਆਈ ਸਭ ਤੋਂ ਵੱਧ ਕਮਾਈ ਕਰਨ ਵਾਲੀ ਫ਼ਿਲਮ 'ਇੰਡੀਅਨ' ਦੀ ਲੜੀਵਾਰ ਹੈ, ਜਿਸ 'ਚ ਉਨ੍ਹਾਂ ਨੇ ਡਬਲ ਰੋਲ ਨਿਭਾਇਆ ਸੀ। ਸ਼ੰਕਰ ਇਸ ਫ਼ਿਲਮ ਦਾ ਨਿਰਦੇਸ਼ਨ ਵੀ ਕਰਨਗੇ। 

ਇਹ ਖ਼ਬਰ ਵੀ ਪੜ੍ਹੋ - ਸੂਫ਼ੀ ਗਾਇਕਾ ਜੋਤੀ ਨੂਰਾਂ ਦੇ ਘਰ ਆਈਆਂ ਖੁਸ਼ੀਆਂ, ਭੈਣ ਦੇ ਘਰ ਨਿਭਾਉਣ ਪਹੁੰਚੀ ਖ਼ਾਸ ਰਸਮ

ਇਹ ਪੁੱਛੇ ਜਾਣ 'ਤੇ ਕਿ ਕੀ ਅੱਜ ਸਰਕਾਰ 'ਤੇ ਸਵਾਲ ਚੁੱਕ ਕੇ ਫ਼ਿਲਮਾਂ ਬਣਾਉਣਾ ਮੁਸ਼ਕਿਲ ਹੈ। ਅਦਾਕਾਰ ਨੇ ਕਿਹਾ ਕਿ ਇਹ ਸਮੱਸਿਆ ਬ੍ਰਿਟਿਸ਼ ਸ਼ਾਸਨ ਤੋਂ ਹੈ। ਉਨ੍ਹਾਂ ਕਿਹਾ, ''ਲੋਕ ਉਦੋਂ ਵੀ ਫ਼ਿਲਮਾਂ ਬਣਾਉਂਦੇ ਸਨ। ਅਸੀਂ ਅਜਿਹੀਆਂ ਫ਼ਿਲਮਾਂ ਬਣਾਉਂਦੇ ਰਹਾਂਗੇ ਅਤੇ ਇਸ ਨਾਲ ਕੋਈ ਫਰਕ ਨਹੀਂ ਪੈਂਦਾ ਕਿ ਸੱਤਾ 'ਚ ਕੌਣ ਹੈ। ਇਹ ਸਿਰਫ ਇਕ ਫ਼ਿਲਮ ਨਿਰਮਾਤਾ ਦਾ ਅਧਿਕਾਰ ਨਹੀਂ ਹੈ ਬਲਕਿ ਸਵਾਲ ਪੁੱਛਣਾ ਨਾਗਰਿਕਾਂ ਦਾ ਵੀ ਅਧਿਕਾਰ ਹੈ।'' ਉਨ੍ਹਾਂ ਕਿਹਾ, ''ਅਸੀਂ ਅਦਾਕਾਰ ਤੁਹਾਡੇ 'ਚ ਬਹੁਤ ਸਾਰੇ ਲੋਕਾਂ ਦੀ ਨੁਮਾਇੰਦਗੀ ਕਰਦੇ ਹਾਂ। ਤਾੜੀਆਂ ਦੀ ਬਦੌਲਤ ਅਸੀਂ ਵਿਸ਼ਵਾਸ ਕਰਦੇ ਹਾਂ ਕਿ ਅਸੀਂ ਤੁਹਾਡੇ ਨੁਮਾਇੰਦੇ ਹਾਂ, ਇਸ ਲਈ ਅਸੀਂ ਸਜ਼ਾ ਬਾਰੇ ਸੋਚੇ ਬਿਨਾਂ ਦਲੇਰੀ ਨਾਲ ਬੋਲਦੇ ਹਾਂ। ਹਾਂ, ਇਸ 'ਚ ਖ਼ਤਰਾ ਹੈ ਅਤੇ ਸਰਕਾਰ ਗੁੱਸੇ ਵੀ ਹੋ ਸਕਦੀ ਹੈ ਪਰ ਤੁਹਾਡੀਆਂ ਕਮਜ਼ੋਰ ਤਾੜੀਆਂ ਉਸ ਅੱਗ ਨੂੰ ਬੁਝਾਉਂਦੀਆਂ ਹਨ, ਇਸ ਲਈ ਤਾੜੀਆਂ ਨੂੰ ਤੇਜ਼ ਕਰੋ।''

69 ਸਾਲ ਦੇ ਹਸਨ ਨੇ ਕਿਹਾ ਕਿ ਇਹ ਸਿਰਫ਼ ਸਿਆਸਤਦਾਨ ਹੀ ਨਹੀਂ ਸਗੋਂ ਨਾਗਰਿਕ ਵੀ ਹਨ, ਜੋ ਦੇਸ਼ 'ਚ ਫੈਲੇ ਭ੍ਰਿਸ਼ਟਾਚਾਰ ਲਈ ਜ਼ਿੰਮੇਵਾਰ ਹਨ। ਉਨ੍ਹਾਂ ਕਿਹਾ, ''ਅਸੀਂ ਸਾਰੇ ਭ੍ਰਿਸ਼ਟਾਚਾਰ ਲਈ ਜ਼ਿੰਮੇਵਾਰ ਹਾਂ ਅਤੇ ਸਾਨੂੰ ਅਪਣੀ ਸੋਚ ਬਦਲਣੀ ਚਾਹੀਦੀ ਹੈ। ਅਪਣੀ ਸੋਚ ਨੂੰ ਬਦਲਣ ਦਾ ਸਭ ਤੋਂ ਵਧੀਆ ਸਮਾਂ ਚੋਣਾਂ ਦੌਰਾਨ ਹੁੰਦਾ ਹੈ। ਇਹ ਸਿਰਫ਼ ਇਸ ਗੱਲ ਦੀ ਯਾਦ ਦਿਵਾਉਂਦੇ ਹਨ ਕਿ ਅਸੀਂ ਕਿੰਨੇ ਭ੍ਰਿਸ਼ਟ ਹੋ ਗਏ ਹਾਂ। ਭ੍ਰਿਸ਼ਟਾਚਾਰ ਕਾਰਨ ਕੁਝ ਨਹੀਂ ਬਦਲਿਆ। ਸਮੂਹਿਕ ਚੇਤਨਾ ਦੀ ਬਦੌਲਤ ਹੀ ਸਭ ਕੁਝ ਬਦਲ ਜਾਵੇਗਾ।''

ਇਹ ਖ਼ਬਰ ਵੀ ਪੜ੍ਹੋ - ਪਿਓ ਤੋਂ ਚੋਰੀ ਹਿਮਾਂਸ਼ੀ ਖੁਰਾਣਾ ਮਾਂ ਨਾਲ ਮਿਲ ਕਰਦੀ ਸੀ ਇਹ ਕੰਮ, ਲੋਕੀਂ ਤਾਹਨੇ ਮਾਰ ਆਖਦੇ ਸਨ 'ਤੂੰ ਤਾਂ ਨੱਚਣ ਵਾਲੀ ਹੈ

ਅਦਾਕਾਰ-ਫ਼ਿਲਮ ਨਿਰਮਾਤਾ ਦਾ ਕਹਿਣਾ ਹੈ ਕਿ ਉਹ ਮਹਾਤਮਾ ਗਾਂਧੀ ਦੇ ਪ੍ਰਸ਼ੰਸਕ ਹਨ ਪਰ ਉਦਾਰਵਾਦ ਦੀ ਵਿਚਾਰਧਾਰਾ ਨਾਲ ਸਹਿਮਤ ਨਹੀਂ ਹਨ। ਕਮਲ ਹਸਨ ਨੇ 2000 'ਚ ਰਿਲੀਜ਼ ਹੋਈ ਫ਼ਿਲਮ 'ਹੇ ਰਾਮ' ਦਾ ਨਿਰਦੇਸ਼ਨ ਅਤੇ ਅਦਾਕਾਰੀ ਵੀ ਕੀਤੀ ਸੀ। ਇਹ ਫ਼ਿਲਮ ਮਹਾਤਮਾ ਗਾਂਧੀ ਦੀ ਹੱਤਿਆ 'ਤੇ ਅਧਾਰਿਤ ਸੀ। ਉਨ੍ਹਾਂ ਕਿਹਾ, ''ਮੈਂ ਗਾਂਧੀ ਜੀ ਦਾ ਬਹੁਤ ਵੱਡਾ ਪ੍ਰਸ਼ੰਸਕ ਹਾਂ। ਉਹ ਕਹਿੰਦੇ ਹਨ ਕਿ ਉਨ੍ਹਾਂ ਨੇ ਤੁਹਾਨੂੰ ਸਹਿਣਸ਼ੀਲਤਾ ਸਿਖਾਈ, ਤੁਸੀਂ ਸਹਿਣਸ਼ੀਲਤਾ ਬਾਰੇ ਕੀ ਸੋਚਦੇ ਹੋ, ਮੈਂ ਕਹਿੰਦਾ ਹਾਂ ਕਿ ਮੈਂ ਉਸ ਸਹਿਣਸ਼ੀਲਤਾ 'ਚ ਬਹੁਤ ਜ਼ਿਆਦਾ ਵਿਸ਼ਵਾਸ ਨਹੀਂ ਕਰਦਾ। ਗਾਂਧੀ ਜੀ ਮੇਰੇ ਨਾਇਕ ਹਨ ਪਰ ਤੁਸੀਂ ਕਿਸ ਨੂੰ ਬਰਦਾਸ਼ਤ ਕਰਦੇ ਹੋ, ਤੁਸੀਂ ਕਿਸੇ ਦੋਸਤ ਨੂੰ ਬਰਦਾਸ਼ਤ ਨਹੀਂ ਕਰਦੇ। ਮੈਂ ਚਾਹੁੰਦਾ ਹਾਂ ਕਿ ਦੁਨੀਆਂ 'ਚ ਦੋਸਤੀ ਵਧੇ, ਜੋ ਤੁਸੀਂ ਬਰਦਾਸ਼ਤ ਕਰਦੇ ਹੋ ਉਹ ਹੈ ਸਿਰ ਦਰਦ, ਜੋ ਵੀ ਸਮਾਜ ਲਈ ਸਿਰ ਦਰਦ ਹੈ, ਉਸ ਪ੍ਰਤੀ ਤੁਹਾਨੂੰ ਸਿਫ਼ਰ ਸਹਿਣਸ਼ੀਲਤਾ ਰੱਖਣੀ ਚਾਹੀਦੀ ਹੈ। ਕੋਈ ਦਵਾਈ ਲੱਭੋ ਅਤੇ ਇਸ ਨੂੰ ਖ਼ਤਮ ਕਰੋ।''

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।