ਹੁਣ 18 ਜੂਨ ਤੱਕ ਸਿਨੇਮਾਘਰਾਂ ''ਚ ਦਿਖਾਈ ਜਾਵੇਗੀ ਫਿਲਮ ''ਲਗਾਨ'', ਪ੍ਰਸ਼ੰਸਕਾਂ ਦੀ ਮੰਗ ''ਤੇ ਵਧਾਈ ਗਈ ਤਰੀਕ

ਨਵੀਂ ਦਿੱਲੀ (ਏਜੰਸੀ)- ਆਮਿਰ ਖਾਨ ਦੀ ਆਸਕਰ-ਨਾਮਜ਼ਦ ਫਿਲਮ "ਲਗਾਨ" ਦੀ ਥੀਏਟਰਿਕ ਰੀ-ਰਿਲੀਜ਼ 18 ਜੂਨ ਤੱਕ ਵਧਾ ਦਿੱਤਾ ਗਿਆ ਹੈ। ਨਿਰਮਾਤਾਵਾਂ ਨੇ ਇਸ ਮਹੀਨੇ ਦੇ ਸ਼ੁਰੂ ਵਿੱਚ ਫਿਲਮ ਦੀ 25ਵੀਂ ਵਰ੍ਹੇਗੰਢ ਦੇ ਮੌਕੇ 'ਤੇ ਇਸ ਨੂੰ ਦੁਬਾਰਾ ਰਿਲੀਜ਼ ਕਰਨ ਦਾ ਐਲਾਨ ਕੀਤਾ ਸੀ, ਜੋ ਕਿ 12 ਜੂਨ ਤੋਂ 14 ਜੂਨ ਤੱਕ ਹੋਣੀ ਸੀ। ਇਕ ਪ੍ਰੈਸ ਰਿਲੀਜ਼ ਮੁਤਾਬਕ, ਲੋਕਾਂ ਦੀ ਮੰਗ ਨੂੰ ਵੇਖਦੇ ਹੋਏ ਇਸ ਦੀ ਸਕ੍ਰੀਨਿੰਗ 18 ਜੂਨ ਤੱਕ ਵਧਾ ਦਿੱਤੀ ਗਈ ਹੈ।

ਇਹ ਫਿਲਮ ਅਸਲ ਵਿੱਚ 15 ਜੂਨ 2001 ਨੂੰ ਰਿਲੀਜ਼ ਹੋਈ ਸੀ ਅਤੇ ਇਸ ਦਾ ਨਿਰਦੇਸ਼ਨ ਆਸ਼ੂਤੋਸ਼ ਗੋਵਾਰੀਕਰ ਦੁਆਰਾ ਕੀਤਾ ਗਿਆ ਸੀ। ਫਿਲਮ ਦਾ ਸੰਗੀਤ ਏ ਆਰ ਰਹਿਮਾਨ ਦੁਆਰਾ ਤਿਆਰ ਕੀਤਾ ਗਿਆ ਸੀ ਅਤੇ ਇਸ ਵਿੱਚ "ਘਨਨ ਘਨਨ", "ਮਿਤਵਾ", "ਰਾਧਾ ਕੈਸੇ ਨਾ ਜਲੇ", ਅਤੇ "ਓ ਰੇ ਛੋਰੀ" ਵਰਗੇ ਗੀਤ ਸ਼ਾਮਲ ਹਨ, ਜੋ ਅਜੇ ਵੀ ਦਰਸ਼ਕਾਂ ਦੇ ਦਿਲਾਂ ਵਿੱਚ ਗੂੰਜਦੇ ਹਨ। ਇਸਨੇ 49ਵੇਂ ਰਾਸ਼ਟਰੀ ਫਿਲਮ ਐਵਾਰਡਸ ਵਿੱਚ ਸਰਵੋਤਮ ਪ੍ਰਸਿੱਧ ਫਿਲਮ ਪੁਰਸਕਾਰ ਸਮੇਤ ਅੱਠ ਪੁਰਸਕਾਰ ਜਿੱਤੇ ਸਨ।