ਭੈਣ ਦੇ ਘਰ ਖੇਤੀਬਾੜੀ ਦੇ ਕੰਮ ''ਚ ਮਦਦ ਕਰਨ ਗਏ ਭਰਾ ''ਤੇ ਜਾਨਲੇਵਾ ਹਮਲਾ

ਨੂਰਮਹਿਲ- ਨੂਰਮਹਿਲ ਥਾਣਾ ਬਿਲਗਾ ਦੇ ਅਧੀਨ ਪੈਂਦੇ ਪਿੰਡ ਮੁਵਾਈ ਵਿਚ ਇਕ ਵਿਅਕਤੀ 'ਤੇ ਤੇਜ਼ਧਾਰ ਹਥਿਆਰਾਂ ਨਾਲ ਹਮਲਾ ਕਰ ਦਿੱਤਾ ਗਿਆ ਗਿਆ। ਮਿਲੀ ਜਾਣਕਾਰੀ ਮੁਤਾਬਕ ਪਿੰਡ ਮੁਵਾਈ ਵਿਚ ਬੀਤੇ ਦਿਨ ਭੈਣ ਦੇ ਘਰ ਖੇਤੀਬਾੜੀ ਸਬੰਧੀ ਕੰਮਾਂ ਵਿਚ ਮਦਦ ਕਰਨ ਪਹੁੰਚੇ ਭਰਾ ਅਜਮੇਰ ਸਿੰਘ 'ਤੇ ਜਾਨਲੇਵਾ ਹਮਲਾ ਕੀਤਾ ਗਿਆ।  ਅਜਮੇਰ ਸਿੰਘ ਦੇ ਭਾਣਜੇ ਰਣਦੀਪ ਸਿੰਘ ਨੇ ਦੱਸਿਆ ਕਿ ਉਸ ਦੇ ਮਾਮਾ ਅਜਮੇਰ ਨੇੜਲੇ ਪਿੰਡ ਪ੍ਰਤਾਪਪੁਰਾ ਵਿੱਚ ਟਰੈਕਟਰ 'ਤੇ ਲੇਬਰ ਛੱਡਣ ਗਏ ਸਨ। ਕਾਫ਼ੀ ਸਮਾਂ ਬੀਤਣ ਦੇ ਬਅਦ ਜਦੋਂ ਘਰ ਨਾ ਪਹੁੰਚੇ ਤਾਂ ਪਤਾ ਲੱਗਾ ਕਿ ਉਹ ਇਕ ਢਾਬੇ ਦੇ ਕੋਲ ਜ਼ਖ਼ਮੀ ਹਾਲਾਤ ਵਿਚ ਮਿਲੇ ਹਨ। 

ਇਹ ਵੀ ਪੜ੍ਹੋ: ਪੰਜਾਬ 'ਚ ਮੌਸਮ ਦੀ ਵੱਡੀ ਭਵਿੱਖਬਾਣੀ! 22 ਤਾਰੀਖ਼ ਤੱਕ ਲਗਾਤਾਰ ਭਾਰੀ ਮੀਂਹ, ਵਿਭਾਗ ਵੱਲੋਂ Alert ਜਾਰੀ

ਰਣਦੀਪ ਨੇ ਦੱਸਿਆ ਕਿ ਮਾਮਾ ਨੇ ਦੱਸਿਆ ਕਿ ਪਿੰਡ ਮੁਵਾਈ ਦੇ 5 ਤੋਂ 6 ਵਿਅਕਤੀਆਂ ਨੇ ਉਸ 'ਤੇ ਜ਼ਹਿਰਲੀ ਚੀਜ਼ ਛਿੜਕ ਕੇ ਉਨ੍ਹਾਂ ਨਾਲ ਕੁੱਟਮਾਰ ਕੀਤੀ ਹੈ। ਮਾਮੇ ਦੇ ਮੂੰਹ ਵਿਚੋਂ ਝੱਗ ਨਿਕਲਣੀ ਸ਼ੁਰੂ ਹੋ ਗਈ ਸੀ। ਸਿਹਤ ਵਿਗੜਦੀ ਵੇਖ ਕੇ ਮਾਮੇ ਨੂੰ ਸਿਵਲ ਹਸਪਤਾਲ ਬਿਲਗਾ ਲਿਜਾਇਆ ਗਿਆ, ਜਿੱਥੋਂ ਉਨ੍ਹਾਂ ਨੂੰ ਨੂਰਮਹਿਲ ਦੇ ਸਿਵਲ ਹਸਪਤਾਲ ਵਿਚ ਰੈਫਰ ਕਰ ਦਿੱਤਾ ਗਿਆ। ਉਨ੍ਹਾਂ ਦੀ ਗੰਭੀਰ ਹਾਲਤ ਨੂੰ ਵੇਖਦਿਆਂ ਨੂਰਮਹਿਲ ਸਿਵਲ ਹਸਪਤਾਲ ਤੋਂ ਜਲੰਧਰ ਰੈਫਰ ਕਰ ਦਿੱਤਾ  ਗਿਆ ਸੀ। ਰਣਦੀਪ ਨੇ ਦੱਸਿਆ ਕਿ ਹਰਵਿੰਦਰ ਸਿੰਘ ਉਰਫ਼ ਪੱਪੂ, ਗੁਰਦਾਵਰ ਸਿੰਘ, ਜਸਵੰਤ ਸਿੰਘ, ਦਿਲਪ੍ਰੀਤ ਸਿੰਘ ਸਮੇਤ 6 ਵਿਅਕਤੀਆਂ ਵੱਲੋਂ ਇਸ ਵਾਰਦਾਤ ਨੂੰ ਅੰਜਾਮ ਦਿੱਤਾ ਗਿਆ ਹੈ। ਰਣਦੀਪ ਸਿੰਘ ਵੱਲੋਂ 112 'ਤੇ ਘਟਨਾ ਦੀ ਜਾਣਕਾਰੀ ਦਿੱਤੀ ਗਈ ਹੈ। ਪੁਲਸ ਵੱਲੋਂ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ।  

ਇਹ ਵੀ ਪੜ੍ਹੋ: ਵੇਖਦੇ ਹੀ ਵੇਖਦੇ ਪੰਜਾਬ ਦੇ ਇਸ ਇਲਾਕੇ 'ਚ ਸਕੂਲ ਕਰ 'ਤੇ ਬੰਦ, ਬਿਜਲੀ ਸਪਲਾਈ ਵੀ ਠੱਪ, ਜਾਣੋ ਕਾਰਨ

ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e