ਇਸ ਦਿਨ ਤੋਂ ਸ਼ੁਰੂ ਹੋ ਰਿਹਾ ਹੈ ਸਾਵਣ ਦਾ ਮਹੀਨਾ , ਇਸ ਵਾਰ ਭੋਲੇਨਾਥ ਨੂੰ ਇਨ੍ਹਾਂ ਉਪਾਵਾਂ ਨਾਲ ਕਰੋ ਖ਼ੁਸ਼

ਨਵੀਂ ਦਿੱਲੀ - ਭਗਵਾਨ ਸ਼ਿਵ ਨੂੰ ਸਮਰਪਿਤ ਸਾਵਣ ਦਾ ਮਹੀਨਾ ਹਿੰਦੂ ਧਰਮ ਵਿੱਚ ਬਹੁਤ ਮਹੱਤਵ ਰੱਖਦਾ ਹੈ। ਅਜਿਹਾ ਮੰਨਿਆ ਜਾਂਦਾ ਹੈ ਕਿ ਇਸ ਦੌਰਾਨ ਭਗਵਾਨ ਸ਼ਿਵ ਧਰਤੀ 'ਤੇ ਜ਼ਰੂਰ ਆਉਂਦੇ ਹਨ। ਇਸੇ ਕਾਰਨ ਮਹਾਦੇਵ ਅਤੇ ਮਾਤਾ ਪਾਰਵਤੀ ਦੀ ਵਿਸ਼ੇਸ਼ ਪੂਜਾ ਕੀਤੀ ਜਾਂਦੀ ਹੈ। ਕਿਹਾ ਜਾਂਦਾ ਹੈ ਕਿ ਸਾਵਣ ਦੇ ਮਹੀਨੇ ਭਗਵਾਨ ਸ਼ਿਵ ਦੀ ਪੂਜਾ ਕਰਨ ਨਾਲ ਮਨਚਾਹਿਆ ਫਲ ਮਿਲਦਾ ਹੈ। ਇਸ ਸਾਲ ਸਾਵਣ ਦਾ ਮਹੀਨਾ 14 ਜੁਲਾਈ ਤੋਂ 12 ਅਗਸਤ ਤੱਕ ਰਹੇਗਾ।

ਇਹ ਵੀ ਪੜ੍ਹੋ : Vastu Shastra : ਇਨ੍ਹਾਂ 5 ਕੰਮਾਂ ਨਾਲ ਕਰੋ ਦਿਨ ਦੀ ਸ਼ੁਰੂਆਤ, ਘਰ ਦੇ ਮੈਂਬਰਾਂ ਨੂੰ ਮਿਲੇਗੀ ਤਰੱਕੀ

12 ਅਗਸਤ ਨੂੰ ਸਮਾਪਤ ਹੋਵੇਗਾ ਮਹੀਨਾ

ਇਸ ਮਹੀਨੇ ਦੌਰਾਨ ਕੁੱਲ ਚਾਰ ਸੋਮਵਾਰ ਦੇ ਵਰਤ ਰੱਖੇ ਜਾਣਗੇ। ਸਾਵਣ ਮਹੀਨੇ ਦਾ ਪਹਿਲਾ ਸੋਮਵਾਰ ਦਾ ਵਰਤ 18 ਜੁਲਾਈ ਨੂੰ ਪੈ ਰਿਹਾ ਹੈ। ਇਸ ਤੋਂ ਬਾਅਦ ਦੂਜਾ ਸੋਮਵਾਰ 25 ਜੁਲਾਈ, ਤੀਜਾ ਸੋਮਵਾਰ 01 ਅਗਸਤ ਅਤੇ ਚੌਥਾ ਸੋਮਵਾਰ 08 ਅਗਸਤ ਨੂੰ ਹੋਵੇਗਾ। ਸ਼ਾਸਤਰਾਂ ਅਨੁਸਾਰ ਸਾਵਣ 'ਚ ਕੁਝ ਖਾਸ ਉਪਾਅ ਕਰਨ ਨਾਲ ਘਰ 'ਚ ਸੁੱਖ, ਖੁਸ਼ਹਾਲੀ, ਸ਼ਾਂਤੀ ਅਤੇ ਸਮਰਿੱਧੀ ਬਣੀ ਰਹਿੰਦੀ ਹੈ। ਇਸ ਦੇ ਨਾਲ ਹੀ ਮਨੋਕਾਮਨਾਵਾਂ ਵੀ ਪੂਰੀਆਂ ਹੁੰਦੀਆਂ ਹਨ। ਆਓ ਤੁਹਾਨੂੰ ਦੱਸਦੇ ਹਾਂ ਕੁਝ ਖ਼ਾਸ ਉਪਾਅ

ਕਾਲੇ ਤਿਲ ਨੂੰ ਪਾਣੀ ਵਿੱਚ ਪਾਓ

ਜੋ ਲੋਕ ਕਿਸੇ ਵੀ ਸਰੀਰਕ ਦਰਦ ਤੋਂ ਪ੍ਰੇਸ਼ਾਨ ਹਨ, ਉਹ ਸਾਵਣ ਦੇ ਮਹੀਨੇ ਰੋਜ਼ਾਨਾ ਸਵੇਰੇ ਪਾਣੀ ਵਿੱਚ ਕਾਲੇ ਤਿਲ ਮਿਲਾ ਕੇ ਉਸ ਜਲ ਨਾਲ ਸ਼ਿਵਲਿੰਗ ਦਾ ਅਭਿਸ਼ੇਕ ਕਰਨ। ਮੰਨਿਆ ਜਾਂਦਾ ਹੈ ਕਿ ਅਜਿਹਾ ਕਰਨ ਨਾਲ ਜਲਦੀ ਹੀ ਸਰੀਰਕ ਬਿਮਾਰੀਆਂ ਤੋਂ ਛੁਟਕਾਰਾ ਮਿਲਦਾ ਹੈ।

ਇਹ ਵੀ ਪੜ੍ਹੋ : Vastu Shastra - ਕੀ ਘੰਟੀ ਵਜਾਉਣ ਨਾਲ ਘਰ ਵਿੱਚ ਹੁੰਦਾ ਹੈ ਦੇਵਤਿਆਂ ਦਾ ਨਿਵਾਸ ?

ਸਰ੍ਹੋਂ ਦੇ ਤੇਲ ਨਾਲ ਸ਼ਿਵਲਿੰਗ ਦਾ ਕਰੋ ਰੁਦ੍ਰਾਭਿਸ਼ੇਕ 

ਸਾਵਣ ਮਹੀਨੇ ਦੇ ਕਿਸੇ ਸੋਮਵਾਰ ਨੂੰ ਸਰ੍ਹੋਂ ਦੇ ਤੇਲ ਨਾਲ ਸ਼ਿਵਲਿੰਗ ਦਾ ਰੁਦ੍ਰਾਭਿਸ਼ੇਕ ਕਰੋ। ਫਿਰ ਭਗਵਾਨ ਸ਼ਿਵ ਨੂੰ ਤੁਹਾਡੀ ਅਤੇ ਤੁਹਾਡੇ ਪਰਿਵਾਰ ਦੀ ਚੰਗੀ ਸਿਹਤ ਲਈ ਪ੍ਰਾਰਥਨਾ ਕਰੋ। ਅਜਿਹਾ ਮੰਨਿਆ ਜਾਂਦਾ ਹੈ ਕਿ ਇਸ ਨਾਲ ਭਗਵਾਨ ਸ਼ਿਵ ਦੀ ਕਿਰਪਾ ਘਰ ਅਤੇ ਪਰਿਵਾਰ 'ਤੇ ਹੁੰਦੀ ਹੈ ਅਤੇ ਬੀਮਾਰੀਆਂ ਤੋਂ ਵੀ ਛੁਟਕਾਰਾ ਮਿਲਦਾ ਹੈ।

ਪੰਚਾਮ੍ਰਿਤ ਨਾਲ ਕਰੋ ਸ਼ਿਵਲਿੰਗ ਦਾ ਅਭਿਸ਼ੇਕ

ਜਿਨ੍ਹਾਂ ਲੋਕਾਂ ਦੇ ਵਿਆਹੁਤਾ ਜੀਵਨ ਵਿੱਚ ਮੁਸ਼ਕਲਾਂ ਆ ਰਹੀਆਂ ਹਨ, ਉਹ ਸਾਵਣ ਦੇ ਮਹੀਨੇ ਸ਼ਿਵਲਿੰਗ ਦਾ ਪੰਚਾਮ੍ਰਿਤ ਨਾਲ ਅਭਿਸ਼ੇਕ ਕਰਨ। ਇਸ ਤੋਂ ਬਾਅਦ ਸ਼ਿਵ ਅਤੇ ਮਾਤਾ ਪਾਰਵਤੀ ਦੀ ਪੂਜਾ ਕਰੋ। ਅਜਿਹਾ ਮੰਨਿਆ ਜਾਂਦਾ ਹੈ ਕਿ ਇਸ ਨਾਲ ਵਿਆਹੁਤਾ ਜੀਵਨ ਦੀਆਂ ਸਮੱਸਿਆਵਾਂ ਖਤਮ ਹੋ ਜਾਂਦੀਆਂ ਹਨ।

ਇਹ ਵੀ ਪੜ੍ਹੋ : ਭਗਵਾਨ ਵਿਸ਼ਨੂੰ ਦਾ ਵਿਲੱਖਣ ਮੰਦਰ ਜਿੱਥੇ ਪੱਥਰ ਦੇ ਥੰਮਾਂ 'ਚੋਂ ਨਿਕਲਦਾ ਹੈ ਸੰਗੀਤ

ਦੇਵੀ ਪਾਰਵਤੀ ਨੂੰ ਚੜ੍ਹਾਓ ਚਾਂਦੀ ਦੀ ਝਾਂਜਰ

ਸਾਵਣ ਦੀ ਸ਼ਿਵਰਾਤਰੀ ਤਰੀਕ 'ਤੇ ਦੇਵੀ ਪਾਰਵਤੀ ਨੂੰ ਚਾਂਦੀ ਦੀ ਝਾਂਜਰ ਚੜ੍ਹਾਓ। ਇਸ ਤੋਂ ਬਾਅਦ ਕੇਸਰ ਮਿਕਸਡ ਖੀਰ ਬਣਾ ਕੇ ਭਗਵਾਨ ਸ਼ਿਵ ਅਤੇ ਦੇਵੀ ਪਾਰਵਤੀ ਨੂੰ ਚੜ੍ਹਾਓ। ਇਸ ਨਾਲ ਨੌਕਰੀ ਅਤੇ ਕਾਰੋਬਾਰ ਨਾਲ ਜੁੜੀਆਂ ਸਮੱਸਿਆਵਾਂ ਤੋਂ ਛੁਟਕਾਰਾ ਮਿਲੇਗਾ। ਕੰਮ ਵਿੱਚ ਸਫਲਤਾ ਦੇ ਨਾਲ ਆਮਦਨ ਅਤੇ ਪੈਸੇ ਦੇ ਨਵੇਂ ਸਰੋਤ ਖੁੱਲਣਗੇ।

ਪੂਜਾ ਦੌਰਾਨ ਇਨ੍ਹਾਂ ਗੱਲਾਂ ਦਾ ਧਿਆਨ ਰੱਖੋ

• ਇਹ ਮਹੀਨਾ ਭਗਵਾਨ ਸ਼ਿਵ ਨੂੰ ਪਿਆਰਾ ਹੈ, ਇਸ ਲਈ ਜੇਕਰ ਤੁਸੀਂ ਵਰਤ ਨਾ ਵੀ ਰੱਖੋ ਤਾਂ ਵੀ ਭੋਲੇਨਾਥ ਨੂੰ ਜਲ ਅਤੇ ਦੁੱਧ ਜ਼ਰੂਰ ਚੜ੍ਹਾਉਣਾ ਚਾਹੀਦਾ ਹੈ।
• ਸ਼ਿਵਲਿੰਗ 'ਤੇ ਜਲ ਦੇ ਨਾਲ ਬੇਲ ਦੇ ਪੱਤੇ ਚੜ੍ਹਾਓ।
• ਭਗਵਾਨ ਦੀ ਪੂਜਾ ਵਿੱਚ ਕੇਤਕੀ ਦੇ ਫੁੱਲਾਂ ਦੀ ਵਰਤੋਂ ਨਾ ਕਰੋ ਕਿਉਂਕਿ ਇਸ ਨਾਲ ਭੋਲੇਨਾਥ ਨੂੰ ਗੁੱਸਾ ਆਉਂਦਾ ਹੈ।
• ਭਗਵਾਨ ਸ਼ਿਵ ਨੂੰ ਕਦੇ ਵੀ ਤੁਲਸੀ ਜਾਂ ਨਾਰੀਅਲ ਪਾਣੀ ਨਾ ਚੜ੍ਹਾਓ।
• ਸ਼ਿਵਲਿੰਗ ਨੂੰ ਹਮੇਸ਼ਾ ਪਿੱਤਲ ਜਾਂ ਕਾਂਸੇ ਦੇ ਭਾਂਡੇ ਨਾਲ ਹੀ ਜਲ ਚੜ੍ਹਾਓ।

ਇਹ ਵੀ ਪੜ੍ਹੋ : ਇਥੇ 1 ਨਹੀਂ ਸਗੋਂ ਇਕੱਠੀਆਂ ਬਿਰਾਜਮਾਨ ਹਨ ਬਜਰੰਗਬਲੀ ਦੀਆਂ ਦੋ ਮੂਰਤੀਆਂ, ਜਾਣੋ ਮੰਦਰ ਦੀ ਖ਼ਾਸੀਅਤ

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।