ਰਿਸ਼ਭ ਪੰਤ ਨੂੰ ਛੱਡ ਪਾਕਿ ਕ੍ਰਿਕਟਰ ਨਸੀਮ ਸ਼ਾਹ ਦੀ ਦੀਵਾਨੀ ਹੋਈ ਉਰਵਸ਼ੀ ਰੌਤੇਲਾ, ਵੀਡੀਓ ਦੇਖ ਪ੍ਰਸ਼ੰਸਕ ਹੋਏ ਨਾਰਾਜ਼

ਮੁੰਬਈ (ਬਿਊਰੋ)– ਬਾਲੀਵੁੱਡ ਅਦਾਕਾਰਾ ਉਰਵਸ਼ੀ ਰੌਤੇਲਾ ਅੱਜਕਲ ਆਪਣੇ ਕ੍ਰਿਕਟ ਪ੍ਰੇਮ ਲਈ ਚਰਚਾ ’ਚ ਬਣੀ ਹੋਈ ਹੈ। ਏਸ਼ੀਆ ਕੱਪ ’ਚ ਭਾਰਤ ਤੇ ਪਾਕਿਸਤਾਨ ਵਿਚਾਲੇ ਹੋਏ ਮੈਚ ਨੂੰ ਦੇਖਣ ਉਰਵਸ਼ੀ ਰੌਤੇਲਾ ਪਹੁੰਚੀ ਸੀ। ਸੋਸ਼ਲ ਮੀਡੀਆ ਯੂਜ਼ਰਸ ਦਾ ਮੰਨਣਾ ਹੈ ਕਿ ਉਰਵਸ਼ੀ ਭਾਰਤ ਦਾ ਮੈਚ ਕ੍ਰਿਕਟਰ ਰਿਸ਼ਭ ਪੰਤ ਤੇ ਆਪਣੀ ਕੋਲਡ ਵਾਰ ਕਾਰਨ ਦੇਖਣ ਪਹੁੰਚੀ ਹੈ।

ਇਹ ਖ਼ਬਰ ਵੀ ਪੜ੍ਹੋ : ਐੱਪਲ ਇਵੈਂਟ ’ਚ ਇਸ ਪ੍ਰੋਡਕਟ ਦੇ ਲਾਂਚ ’ਤੇ ਸੁਣਾਈ ਦਿੱਤਾ ਬਾਦਸ਼ਾਹ ਦਾ ਗੀਤ, ਕੀ ਤੁਸੀਂ ਕੀਤਾ ਨੋਟ?

4 ਸਤੰਬਰ ਨੂੰ ਇਕ ਵਾਰ ਮੁੜ ਉਰਵਸ਼ੀ ਭਾਰਤ-ਪਾਕਿ ਦਾ ਮੈਚ ਦੇਖਣ ਪਹੁੰਚੀ ਸੀ। ਹਾਲਾਂਕਿ ਇਸ ਵਾਰ ਉਸ ਦੀ ਨਜ਼ਰ ਪੰਤ ’ਤੇ ਨਹੀਂ, ਸਗੋਂ ਪਾਕਿਸਤਾਨ ਦੇ ਕ੍ਰਿਕਟਰ ’ਤੇ ਸੀ। ਉਰਵਸ਼ੀ ਰੌਤੇਲਾ ਤੇ ਭਾਰਤੀ ਕ੍ਰਿਕਟਰ ਰਿਸ਼ਭ ਪੰਤ ਵਿਚਾਲੇ ਅਣਬਣ ਤਾਂ ਜਗ-ਜ਼ਾਹਿਰ ਹੈ ਪਰ ਲੱਗਦਾ ਹੈ ਕਿ ਇਸ ਲੜਾਈ ਵਿਚਾਲੇ ਉਰਵਸ਼ੀ ਨੂੰ ਪਾਕਿਸਤਾਨੀ ਕ੍ਰਿਕਟਰ ਨਸੀਮ ਸ਼ਾਹ ’ਤੇ ਕਰੱਸ਼ ਹੋ ਗਿਆ ਹੈ।

ਸ਼ਾਇਦ ਇਸੇ ਲਈ ਉਰਵਸ਼ੀ ਨੇ ਨਸੀਮ ਦੀ ਵੀਡੀਓ ਆਪਣੀ ਇੰਸਟਾਗ੍ਰਾਮ ਸਟੋਰੀ ’ਤੇ ਸਾਂਝੀ ਕੀਤੀ ਸੀ। ਇਸ ਵੀਡੀਓ ’ਚ ਨਸੀਮ ਮੈਦਾਨ ’ਚ ਹੱਸਦੇ ਨਜ਼ਰ ਆਏ, ਉਥੇ ਉਰਵਸ਼ੀ ਉਸ ਨੂੰ ਦੇਖ ਕੇ ਸ਼ਰਮਾਉਂਦੀ ਨਜ਼ਰ ਆਈ।

ਇਹ ਵੀਡੀਓ ਉਰਵਸ਼ੀ ਰੌਤੇਲਾ ਦੇ ਇਕ ਫੈਨ ਪੇਜ ਨੇ ਬਣਾਈ ਸੀ। ਇਸ ਨੂੰ ਉਰਵਸ਼ੀ ਨੇ ਆਪਣੀ ਇੰਸਟਾਗ੍ਰਾਮ ਸਟੋਰੀ ’ਤੇ ਸਾਂਝਾ ਕੀਤਾ ਸੀ। ਵੀਡੀਓ ਦੇ ਸਾਹਮਣੇ ਆਉਂਦਿਆਂ ਹੀ ਸੋਸ਼ਲ ਮੀਡੀਆ ’ਤੇ ਮੀਮਜ਼ ਦਾ ਹੜ੍ਹ ਆ ਗਿਆ ਹੈ। ਉਰਵਸ਼ੀ ਦੀ ਇਸ ਵੀਡੀਓ ਨੂੰ ਦੇਖ ਕੇ ਕਈ ਯੂਜ਼ਰਸ ਨੇ ਉਸ ਦਾ ਮਜ਼ਾਕ ਉਡਾਇਆ, ਉਥੇ ਰਿਸ਼ਭ ਪੰਤ ਦੇ ਪ੍ਰਸ਼ੰਸਕਾਂ ਦਾ ਦਿਲ ਟੁੱਟ ਗਿਆ।

ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।