Wipro ਨੇ ਫਰੈਸ਼ਰਸ ਨੂੰ ਕੀਤਾ ਨਿਰਾਸ਼, ਅੱਧੀ ਤਨਖਾਹ 'ਤੇ ਕੰਮ ਕਰਨ ਦੀ ਦਿੱਤੀ ਪੇਸ਼ਕਸ਼

ਨਵੀਂ ਦਿੱਲੀ : ਗਲੋਬਲ ਅਰਥਵਿਵਸਥਾ ਵਿੱਚ ਅਨਿਸ਼ਚਿਤਤਾ ਅਤੇ ਗਾਹਕਾਂ ਦੁਆਰਾ ਸੌਦਿਆਂ ਨੂੰ ਪੂਰਾ ਕਰਨ ਵਿਚ ਹੋ ਰਹੀ ਦੇਰੀ ਦਰਮਿਆਨ ਆਈਟੀ ਕੰਪਨੀ ਵਿਪਰੋ ਨੇ ਉੱਚ ਸਾਲਾਨਾ ਤਨਖਾਹਾਂ 'ਤੇ ਭਰਤੀ ਕੀਤੇ ਫਰੈਸ਼ਰਾਂ ਨੂੰ ਪੁੱਛਿਆ ਕਿ ਕੀ ਉਹ ਲਗਭਗ ਅੱਧੀ ਤਨਖਾਹ ਵਾਲੇ ਪ੍ਰੋਜੈਕਟਾਂ 'ਤੇ ਕੰਮ ਕਰਨਗੇ। ਕੰਪਨੀ ਨੇ ਫਰੈਸ਼ਰਾਂ ਨੂੰ ਈਮੇਲ ਰਾਹੀਂ ਇਹ ਪੁੱਛਿਆ ਹੈ। ਇਹ ਪੇਸ਼ਕਸ਼ ਉਨ੍ਹਾਂ ਸਿਖਿਆਰਥੀਆਂ ਨੂੰ ਕੀਤੀ ਜਾਂਦੀ ਹੈ ਜਿਨ੍ਹਾਂ ਨੇ ਸਫਲਤਾਪੂਰਵਕ ਆਪਣੀ ਸਿਖਲਾਈ ਪੂਰੀ ਕਰ ਲਈ ਹੈ।

ਇਹ ਵੀ ਪੜ੍ਹੋ : ਅਮਰੀਕਾ 'ਚ ਬੰਦੂਕ ਹਿੰਸਾ ਦਾ ਅਸਰ: ਸਕੂਲਾਂ ਦੀ ਸੁਰੱਖਿਆ ਦਾ ਵਪਾਰ 25 ਹਜ਼ਾਰ ਕਰੋੜ ਤੋਂ ਪਾਰ, ਕੀਤੇ ਹਾਈ ਟੈੱਕ ਪ੍ਰਬੰਧ

ਕੰਪਨੀ ਨੇ ਈਮੇਲ ਰਾਹੀਂ ਪੁੱਛਿਆ ਹੈ ਕਿ ਕੀ ਉਹ 3.5 ਲੱਖ ਰੁਪਏ ਦੀ ਸਾਲਾਨਾ ਤਨਖਾਹ ਵਾਲੇ ਕਿਸੇ ਪ੍ਰੋਜੈਕਟ ਵਿੱਚ ਕੰਮ ਕਰਨਗੇ। ਹਾਲਾਂਕਿ ਇਸ ਤੋਂ ਪਹਿਲਾਂ ਉਨ੍ਹਾਂ ਨੂੰ 6.5 ਲੱਖ ਰੁਪਏ ਦੇ ਸਾਲਾਨਾ ਪੈਕੇਜ ਦੀ ਪੇਸ਼ਕਸ਼ ਕੀਤੀ ਗਈ ਸੀ। ਕੰਪਨੀ ਨੇ ਇੱਕ ਈਮੇਲ ਵਿੱਚ ਕਿਹਾ, "ਉਦਯੋਗ ਵਿੱਚ ਹੋਰਾਂ ਵਾਂਗ, ਅਸੀਂ ਲਗਾਤਾਰ ਗਲੋਬਲ ਅਰਥਵਿਵਸਥਾ ਅਤੇ ਗਾਹਕਾਂ ਦੀਆਂ ਲੋੜਾਂ ਦਾ ਮੁਲਾਂਕਣ ਕਰਦੇ ਹਾਂ ਅਤੇ ਉਸ ਅਨੁਸਾਰ ਆਪਣੀ ਭਰਤੀ ਦੀ ਯੋਜਨਾ ਬਣਾਉਂਦੇ ਹਾਂ।" ਵਰਤਮਾਨ ਵਿੱਚ, ਸਾਡੇ ਕੋਲ 3.5 ਲੱਖ ਰੁਪਏ ਦੀ ਸਾਲਾਨਾ ਤਨਖਾਹ ਨਾਲ ਨਿਯੁਕਤੀ ਲਈ ਪ੍ਰੋਜੈਕਟ ਇੰਜੀਨੀਅਰ ਦੀਆਂ ਅਸਾਮੀਆਂ ਉਪਲਬਧ ਹਨ।

ਇਹ ਵੀ ਪੜ੍ਹੋ : IMF ਦੀ ਪਾਕਿਸਤਾਨ ਨੂੰ ਸਲਾਹ, ਗਰੀਬਾਂ ਨੂੰ ਹੀ ਮਿਲੇ ਸਬਸਿਡੀ ਦਾ ਲਾਭ

ਇਹ ਪੇਸ਼ਕਸ਼ ਵਿੱਤੀ ਸਾਲ 2023 ਬੈਚ ਵਿੱਚ ਵੇਲੋਸਿਟੀ ਗ੍ਰੈਜੂਏਟ ਸ਼੍ਰੇਣੀ ਦੇ ਅਧੀਨ ਰੱਖੇ ਗਏ ਵਿਪਰੋ ਦੇ ਸਾਰੇ ਉਮੀਦਵਾਰਾਂ ਲਈ ਕੀਤੀ ਗਈ ਹੈ। ਇਨ੍ਹਾਂ ਉਮੀਦਵਾਰਾਂ ਨੂੰ ਨਵੀਆਂ ਅਸਾਮੀਆਂ 'ਤੇ ਰੱਖਣ ਦੀ ਕਵਾਇਦ ਮਾਰਚ 2023 ਤੋਂ ਸ਼ੁਰੂ ਕੀਤੀ ਜਾਵੇਗੀ। ਵਿਪਰੋ ਨੇ ਕਿਹਾ, “ਅਸੀਂ ਬਦਲਦੇ ਹੋਏ ਮੈਕਰੋ-ਆਰਥਿਕ ਦ੍ਰਿਸ਼ ਅਤੇ ਨਤੀਜੇ ਵਜੋਂ ਕਾਰੋਬਾਰੀ ਲੋੜਾਂ ਦੇ ਮੱਦੇਨਜ਼ਰ ਆਪਣੀਆਂ ਭਰਤੀ ਯੋਜਨਾਵਾਂ ਨੂੰ ਸੋਧਣ ਲਈ ਮਜਬੂਰ ਹਾਂ। ਅਸੀਂ ਪਿਛਲੇ ਸਮੇਂ ਵਿੱਚ ਕੀਤੀਆਂ ਸ਼ਾਨਦਾਰ ਪੇਸ਼ਕਸ਼ਾਂ ਦਾ ਸਨਮਾਨ ਕਰਦੇ ਹਾਂ, ਪਰ ਮੌਜੂਦਾ ਪੇਸ਼ਕਸ਼ ਉਮੀਦਵਾਰਾਂ ਨੂੰ ਆਪਣੇ ਕਰੀਅਰ ਦੀ ਸ਼ੁਰੂਆਤ ਕਰਨ, ਮੁਹਾਰਤ ਹਾਸਲ ਕਰਨ ਅਤੇ ਨਵੇਂ ਹੁਨਰ ਸਿੱਖਣ ਦਾ ਮੌਕਾ ਪ੍ਰਦਾਨ ਕਰਦੀ ਹੈ।

ਇਹ ਵੀ ਪੜ੍ਹੋ : ਬੈਂਕਾਂ ਦੀ ਸ਼ੁੱਧ ਵਿਆਜ ਆਮਦਨ ’ਚ ਰਿਕਾਰਡ ਵਾਧਾ, ਸ਼ੇਅਰਾਂ ’ਤੇ ਦੇਖਣ ਨੂੰ ਮਿਲੇਗਾ ਵਾਧੇ ਦਾ ਅਸਰ

ਉਮੀਦਵਾਰਾਂ ਨੂੰ 20 ਫਰਵਰੀ ਤੱਕ ਬਦਲਾਅ ਸਵੀਕਾਰ ਕਰਨ ਦੀ ਪੇਸ਼ਕਸ਼ ਕੀਤੀ ਗਈ ਹੈ। ਈਮੇਲ ਵਿੱਚ ਕਿਹਾ ਗਿਆ ਹੈ, “ਜੇਕਰ ਤੁਸੀਂ ਇਸ ਪੇਸ਼ਕਸ਼ ਨੂੰ ਸਵੀਕਾਰ ਕਰਦੇ ਹੋ, ਤਾਂ ਪਿਛਲੀਆਂ ਸਾਰੀਆਂ ਪੇਸ਼ਕਸ਼ਾਂ ਰੱਦ ਹੋ ਜਾਣਗੀਆਂ।” ਕੰਪਨੀ ਨੇ ਸਿਖਲਾਈ ਤੋਂ ਬਾਅਦ ਦੇ ਮੁਲਾਂਕਣ ਵਿੱਚ ਖ਼ਰਾਬ ਪ੍ਰਦਰਸ਼ਨ ਕਰਨ ਵਾਲੇ 425 ਫਰੈਸ਼ਰਾਂ ਨੂੰ ਬਾਹਰ ਦਾ ਰਾਹ ਵਿਖਾ ਦਿੱਤਾ ਹੈ।

ਇਹ ਵੀ ਪੜ੍ਹੋ : ਜਲਦੀ ਪੂਰਾ ਹੋਵੇਗਾ AirIndia ਤੇ Vistara ਦਾ ਰਲੇਵਾਂ , ਹੋਗਨ ਟੈਸਟ ਦੀ ਪ੍ਰਕਿਰਿਆ 'ਚੋਂ ਲੰਘੇਗਾ ਸਟਾਫ਼

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।