UPI ਪੇਮੈਂਟ ਕਰਨ ਵਾਲਿਆਂ ਲਈ ਖ਼ਾਸ ਖਬਰ, ਹੋਣ ਵਾਲਾ ਹੈ ਇਹ ਵੱਡਾ ਬਦਲਾਅ

ਨਵੀਂ ਦਿੱਲੀ - ਡਿਜੀਟਲ ਪੇਮੈਂਟ 'ਚ UPI ਦੀ ਵਧਦੀ ਵਰਤੋਂ ਨਾਲ ਧੋਖਾਧੜੀ ਦੇ ਮਾਮਲੇ ਵੀ ਵਧ ਰਹੇ ਹਨ। ਇਸ ਸਮੱਸਿਆ ਨਾਲ ਨਜਿੱਠਣ ਲਈ ਰੈਗੂਲੇਟਰ ਨੇ ਨਵੇਂ ਉਪਾਵਾਂ 'ਤੇ ਕੰਮ ਕਰਨਾ ਸ਼ੁਰੂ ਕਰ ਦਿੱਤਾ ਹੈ। ਇਸ ਤਹਿਤ ਯੂਪੀਆਈ ਲੈਣ-ਦੇਣ ਨੂੰ ਪਿੰਨ ਦੀ ਬਜਾਏ ਬਾਇਓਮੈਟ੍ਰਿਕ ਰਾਹੀਂ ਪ੍ਰਮਾਣਿਤ ਕਰਨ ਦੀ ਵਿਵਸਥਾ ਕੀਤੀ ਜਾ ਰਹੀ ਹੈ।

ਇਹ ਵੀ ਪੜ੍ਹੋ :     ਹੁਣ ਸਪੈਮ ਕਾਲ ਅਤੇ ਮੈਸੇਜ ਨਹੀਂ ਕਰਨਗੇ ਪਰੇਸ਼ਾਨ, TRAI ਨੇ ਟੈਲੀਕਾਮ ਕੰਪਨੀਆਂ ਨੂੰ ਜਾਰੀ ਕੀਤੇ ਦਿਸ਼ਾ-ਨਿਰਦੇਸ਼

Mint ਦੀ ਇੱਕ ਰਿਪੋਰਟ ਦੇ ਅਨੁਸਾਰ, ਨੈਸ਼ਨਲ ਪੇਮੈਂਟ ਕਾਰਪੋਰੇਸ਼ਨ ਆਫ ਇੰਡੀਆ (NPCI) ਨੇ UPI ਭੁਗਤਾਨਾਂ ਨੂੰ ਹੋਰ ਸੁਰੱਖਿਅਤ ਬਣਾਉਣ ਲਈ ਵੱਡੇ ਬਦਲਾਅ ਦੀ ਯੋਜਨਾ ਬਣਾਈ ਹੈ। ਹੁਣ ਬਾਇਓਮੈਟ੍ਰਿਕਸ ਦੀ ਵਰਤੋਂ UPI ਭੁਗਤਾਨਾਂ ਦੀ ਪੁਸ਼ਟੀ (ਪ੍ਰਮਾਣਿਤ) ਕਰਨ ਲਈ ਕੀਤੀ ਜਾਵੇਗੀ। ਇਸ ਦੇ ਤਹਿਤ ਫਿੰਗਰਪ੍ਰਿੰਟ ਜਾਂ ਫੇਸ ਪ੍ਰਮਾਣਿਕਤਾ ਵਰਗੇ ਬਾਇਓਮੈਟ੍ਰਿਕ ਵਿਕਲਪਾਂ 'ਤੇ ਵਿਚਾਰ ਕੀਤਾ ਜਾ ਰਿਹਾ ਹੈ।

ਇਹ ਵੀ ਪੜ੍ਹੋ :     Gold ਦੀ ਬੰਪਰ ਖ਼ਰੀਦਦਾਰੀ, ਤਿਉਹਾਰ ਮੌਕੇ ਭਾਰਤੀਆਂ ਨੇ ਖ਼ਰੀਦੇ ਕਰੋੜਾਂ ਦੇ ਸੋਨਾ-ਚਾਂਦੀ

ਕਈ ਕੰਪਨੀਆਂ ਨਾਲ ਚੱਲ ਰਹੀ NPCI ਦੀ ਗੱਲਬਾਤ

ਰਿਪੋਰਟ ਮੁਤਾਬਕ NPCI UPI 'ਚ ਬਾਇਓਮੈਟ੍ਰਿਕ ਸੁਵਿਧਾ ਸ਼ੁਰੂ ਕਰਨ ਲਈ ਕਈ ਸਟਾਰਟਅੱਪ ਕੰਪਨੀਆਂ ਨਾਲ ਗੱਲ ਕਰ ਰਹੀ ਹੈ। ਹੁਣ ਜ਼ਿਆਦਾਤਰ ਫੋਨ ਫਿੰਗਰਪ੍ਰਿੰਟ ਸਕੈਨਰ ਅਤੇ ਚਿਹਰੇ ਦੀ ਪਛਾਣ ਵਰਗੇ ਫੀਚਰਸ ਦੇ ਨਾਲ ਆ ਰਹੇ ਹਨ। NPCI ਸਮਾਰਟਫ਼ੋਨਾਂ ਵਿੱਚ ਮੌਜੂਦ ਇਹਨਾਂ ਵਿਸ਼ੇਸ਼ਤਾਵਾਂ ਦੀ ਵਰਤੋਂ ਕਰਕੇ UPI ਰਾਹੀਂ ਲੈਣ-ਦੇਣ ਅਤੇ ਭੁਗਤਾਨ ਨੂੰ ਸੁਰੱਖਿਅਤ ਬਣਾਉਣ ਦੀ ਯੋਜਨਾ ਬਣਾ ਰਿਹਾ ਹੈ।

ਯੂਜ਼ਰਸ ਨੂੰ ਹੋਵੇਗੀ UPI ਪਿੰਨ ਦੀ ਲੋੜ

ਵਰਤਮਾਨ ਵਿੱਚ, UPI ਰਾਹੀਂ ਭੁਗਤਾਨ ਕਰਨ ਲਈ ਪਿੰਨ ਦੀ ਲੋੜ ਹੁੰਦੀ ਹੈ। ਉਪਭੋਗਤਾ 4 ਜਾਂ 6 ਅੰਕਾਂ ਦਾ ਪਿੰਨ ਬਣਾਉਂਦੇ ਹਨ, ਜਿਸ ਦੀ ਮਦਦ ਨਾਲ ਟ੍ਰਾਂਜੈਕਸ਼ਨ ਪ੍ਰਮਾਣਿਤ ਹੁੰਦਾ ਹੈ। Google Pay, Phone Pay ਅਤੇ Paytm ਸਮੇਤ ਸਾਰੀਆਂ UPI ਭੁਗਤਾਨ ਐਪਾਂ ਰਾਹੀਂ ਲੈਣ-ਦੇਣ ਕਰਨ ਲਈ, ਪ੍ਰਮਾਣੀਕਰਨ ਲਈ 4 ਜਾਂ 6 ਅੰਕਾਂ ਦਾ ਪਿੰਨ ਲੋੜੀਂਦਾ ਹੈ। ਤਬਦੀਲੀ ਤੋਂ ਬਾਅਦ, ਪਿੰਨ ਦੀ ਬਜਾਏ ਫਿੰਗਰਪ੍ਰਿੰਟ ਜਾਂ ਚਿਹਰੇ ਦੀ ਪਛਾਣ ਦੀ ਵਰਤੋਂ ਕੀਤੀ ਜਾ ਸਕਦੀ ਹੈ। ਇਸ ਨਾਲ UPI ਭੁਗਤਾਨ ਆਸਾਨ ਹੋ ਜਾਵੇਗਾ ਅਤੇ ਹੁਣ ਨਾਲੋਂ ਜ਼ਿਆਦਾ ਸੁਰੱਖਿਅਤ ਵੀ ਹੋਵੇਗਾ।

ਇਹ ਵੀ ਪੜ੍ਹੋ :    ਰੱਖੜੀ ਤੋਂ ਬਾਅਦ ਸੋਨਾ ਹੋਇਆ ਸਸਤਾ, ਚਾਂਦੀ ਹੋਈ ਮਹਿੰਗੀ, ਚੈੱਕ ਕਰੋ ਤਾਜ਼ਾ ਰੇਟ
     
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt=8