ਅੱਜ ਹੈ ITR ਭਰਨ ਦੀ ਆਖ਼ਰੀ ਤਾਰੀਖ਼, ਅਜੇ ਤੱਕ ਨਹੀਂ ਭਰੀ ਤਾਂ ਇੰਝ ਕਰੋ ਫਾਈਲ

ਨਵੀਂ ਦਿੱਲੀ - ਅੱਜ 31 ਜੁਲਾਈ ਹੈ ਅਤੇ ਅੱਜ ਇਨਕਮ ਟੈਕਸ ਰਿਟਰਨ ਭਰਨ ਦੀ ਆਖਰੀ ਤਾਰੀਖ਼ ਵੀ ਹੈ। ਜੇਕਰ ਤੁਸੀਂ ਅੱਜ ਆਪਣਾ ITR ਫਾਈਲ ਨਹੀਂ ਕਰਦੇ ਤਾਂ ਤੁਹਾਨੂੰ ਇਸ ਦੇ ਲਈ ਭਾਰੀ ਜੁਰਮਾਨਾ ਭਰਨਾ ਪੈ ਸਕਦਾ ਹੈ। ਦਰਅਸਲ, ਇਸ ਵਾਰ ਸਰਕਾਰ ਇਨਕਮ ਟੈਕਸ ਰਿਟਰਨ ਭਰਨ ਦੀ ਮਿਤੀ ਵਧਾਉਣ ਦੇ ਮੂਡ ਵਿੱਚ ਨਹੀਂ ਹੈ, ਇਸ ਲਈ ਤੁਹਾਨੂੰ ਅੱਜ ਹੀ ਆਪਣਾ ਆਈਟੀਆਰ ਭਰ ਲੈਣਾ ਚਾਹੀਦਾ ਹੈ। ਆਓ, ਅੱਜ ਅਸੀਂ ਤੁਹਾਨੂੰ ਦੱਸਾਂਗੇ ਕਿ ਤੁਸੀਂ ਆਪਣੀ ਇਨਕਮ ਟੈਕਸ ਰਿਟਰਨ ਖੁਦ ਕਿਵੇਂ ਭਰ ਸਕਦੇ ਹੋ।

ਤੁਹਾਨੂੰ ਦੱਸ ਦਈਏ ਕਿ ਇਨਕਮ ਟੈਕਸ ਵਿਭਾਗ ਤੋਂ ਮਿਲੀ ਜਾਣਕਾਰੀ ਦੇ ਮੁਤਾਬਕ 31 ਜੁਲਾਈ ਸਵੇਰੇ 9 ਵਜੇ ਤੱਕ 6 ਕਰੋੜ ਤੋਂ ਜ਼ਿਆਦਾ ਲੋਕਾਂ ਨੇ ਆਪਣਾ ITR ਭਰਿਆ ਹੈ। ਜਿਵੇਂ-ਜਿਵੇਂ ਦਿਨ ਗੁਜ਼ਰ ਰਿਹਾ ਹੈ ਰਿਟਰਨ ਭਰਨ ਵਾਲਿਆਂ ਦੀ ਗਿਣਤੀ ਵਿਚ ਵੀ ਵਾਧਾ ਹੋ ਰਿਹਾ ਹੈ।

ਇਹ ਵੀ ਪੜ੍ਹੋ : ਇਨਕਮ ਟੈਕਸ ਵਿਭਾਗ ਨੇ ਜਾਰੀ ਕੀਤਾ ਨਵਾਂ ਆਂਕੜਾ, 6 ਕਰੋੜ ਤੋਂ ਵੱਧ ਲੋਕਾਂ ਨੇ ਭਰੀ ITR

ਆਨਲਾਈ ITR ਭਰਨ ਲਈ ਕਰੋ ਇਹ ਕੰਮ

• ਸਭ ਤੋਂ ਪਹਿਲਾਂ ਇਨਕਮ ਟੈਕਸ ਵਿਭਾਗ ਦੀ ਈ-ਫਾਈਲਿੰਗ ਵੈੱਬਸਾਈਟ 'ਤੇ ਜਾਓ।
• ਹੁਣ ਆਪਣੇ ਪੈਨ ਕਾਰਡ ਦੀ ਮਦਦ ਨਾਲ ਇੱਥੇ ਰਜਿਸਟਰ ਜਾਂ ਲੌਗਇਨ ਕਰੋ।
• ਇਸ ਤੋਂ ਬਾਅਦ ਤੁਹਾਨੂੰ ਕੁਝ ਵੇਰਵਿਆਂ ਜਿਵੇਂ ਕਿ ਮੁਲਾਂਕਣ ਸਾਲ, ਆਈਟੀਆਰ ਫਾਰਮ ਨੰਬਰ, ਆਈਟੀਆਰ ਦੀ ਕਿਸਮ ਅਤੇ ਕੀ ਤੁਸੀਂ ਟੈਕਸ ਆਨਲਾਈਨ ਜਮ੍ਹਾ ਕਰੋਗੇ ਜਾਂ ਆਫਲਾਈਨ ਭਰਨਾ ਹੋਵੇਗਾ।
• ਜੇਕਰ ਤੁਸੀਂ ਇੱਕ ਤਨਖਾਹਦਾਰ ਵਿਅਕਤੀ ਹੋ ਤਾਂ ਤੁਹਾਨੂੰ ਇਹ ਸਾਰੇ ਵੇਰਵੇ ਤੁਹਾਡੇ ਫਾਰਮ 16 'ਤੇ ਮਿਲ ਜਾਣਗੇ। ਬਾਕੀ ਸਬਮਿਟ ਕਰਨ ਲਈ ਤੁਸੀਂ ਆਨਲਾਈਨ ਵਿਕਲਪ ਚੁਣ ਸਕਦੇ ਹੋ।
• ਇਹ ਸਾਰੇ ਵੇਰਵਿਆਂ ਨੂੰ ਭਰਨ ਤੋਂ ਬਾਅਦ, ਤੁਸੀਂ ਅੱਗੇ ਵਧਣ ਦਾ ਵਿਕਲਪ ਦੇਖੋਗੇ। ਇਸ ਤੋਂ ਬਾਅਦ ਤੁਹਾਨੂੰ ਤੁਹਾਡਾ ਸਟੇਟਸ ਪੁੱਛਿਆ ਜਾਵੇਗਾ। ਉਦਾਹਰਨ ਲਈ, ਤੁਸੀਂ ਵਿਅਕਤੀਗਤ ਜਾਂ ਹਿੰਦੂ ਅਣਵੰਡੇ ਪਰਿਵਾਰ ਲਈ, ਜਾਂ ਕਿਸੇ ਫਰਮ ਜਾਂ ਭਾਈਵਾਲੀ ਫਰਮ ਲਈ ITR ਦਾਇਰ ਕਰ ਰਹੇ ਹੋ।
• ਵਿਅਕਤੀਗਤ ਸ਼੍ਰੇਣੀ ਵਿੱਚ ITR ਫਾਈਲ ਕਰਨ ਲਈ, ਤੁਹਾਡੇ ਕੋਲ ਦੋ ਵਿਕਲਪ ਹੋਣਗੇ, ਇੱਕ ITR-1 ਅਤੇ ਦੂਜਾ ITR-4।
• ਇਹ ਦੋਵੇਂ ਫਾਰਮ ਆਮ ਤੌਰ 'ਤੇ ਉਨ੍ਹਾਂ ਲੋਕਾਂ ਦੁਆਰਾ ਭਰੇ ਜਾਂਦੇ ਹਨ ਜਿਨ੍ਹਾਂ ਦੀ ਸਾਲਾਨਾ ਆਮਦਨ 50 ਲੱਖ ਰੁਪਏ ਤੱਕ ਹੈ। ਉਹਨਾਂ ਨੂੰ ਆਪਣੀ ਆਮਦਨੀ ਦੇ ਸਰੋਤ ਅਨੁਸਾਰ ਵੱਖ-ਵੱਖ ਚੋਣ ਕਰਨੀਆਂ ਪੈਂਦੀਆਂ ਹਨ।
• ITR-1 ਵਿਕਲਪ ਧਾਰਕਾਂ ਨੂੰ ਆਪਣੀ ਨਿੱਜੀ ਜਾਣਕਾਰੀ, ਕੁੱਲ ਆਮਦਨ, ਟੈਕਸ ਛੋਟ ਦੀ ਜਾਣਕਾਰੀ, ਟੈਕਸ ਭਰਨ ਦੀ ਜਾਣਕਾਰੀ, ਟੈਕਸ ਦੇਣਦਾਰੀ (ਗਣਨਾ ਆਪਣੇ ਆਪ ਹੀ ਕੀਤੀ ਜਾਂਦੀ ਹੈ) ਨੂੰ ਭਰਨਾ ਪੈਂਦਾ ਹੈ। ਇਹ ਆਮ ਤੌਰ 'ਤੇ ਫਾਰਮ-16 ਵਿੱਚ ਉਪਲਬਧ ਹੁੰਦਾ ਹੈ।
• ITR-4 ਵਿਕਲਪ ਧਾਰਕਾਂ ਨੂੰ ਉਪਰੋਕਤ ਸਾਰੀ ਜਾਣਕਾਰੀ ਭਰਨ ਦੇ ਨਾਲ ਡਿਸਕਲੋਜ਼ਰ ਭਰਨ ਦੀ ਵੀ ਲੋੜ ਹੁੰਦੀ ਹੈ।
• ਤੁਸੀਂ ਆਪਣਾ ITR ਭਰਨ ਤੋਂ ਸਿਰਫ਼ ਇੱਕ ਕਦਮ ਨੇੜੇ ਹੋ। ਅੰਤ ਵਿੱਚ ਤੁਹਾਨੂੰ ਆਪਣਾ ITR ਪ੍ਰਮਾਣਿਤ ਕਰਨਾ ਹੋਵੇਗਾ। ਇਸ ਦੇ ਲਈ ਤੁਸੀਂ ਆਧਾਰ ਆਧਾਰਿਤ OTP ਦੀ ਮਦਦ ਲੈ ਸਕਦੇ ਹੋ। ਹਾਲਾਂਕਿ, ਤੁਹਾਡੇ ਆਧਾਰ ਕਾਰਡ ਨੂੰ ਫ਼ੋਨ ਨੰਬਰ ਅਤੇ ਪੈਨ ਕਾਰਡ ਨਾਲ ਲਿੰਕ ਹੋਣਾ ਜ਼ਰੂਰੀ ਹੈ।

ਇਹ ਵੀ ਪੜ੍ਹੋ : ਚਾਂਦੀ ਨਾਲੋਂ 5 ਗੁਣਾ ਮਹਿੰਗਾ ਹੋਇਆ ਕੇਸਰ, ਜਾਣੋ ਦੋਵੇਂ ਕੀਮਤੀ ਵਸਤੂਆਂ ਦੇ ਭਾਅ

ਨੋਟ:- ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿੱਚ ਜ਼ਰੂਰ ਸਾਂਝੇ ਕਰੋ।

ਜਗ ਬਾਣੀ ਈ-ਪੇਪਰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

 For IOS:- https://itunes.apple.com/in/app/id538323711?mt=8