ਜਿਣਸ ਬਾਜ਼ਾਰਾਂ ਨੂੰ ਮਜਬੂਤ ਕਰਨ ਲਈ MCX ਨੇ ‘ਬੁਲਡੈਕਸ’ ’ਤੇ ਬਦਲ ਕੰਟਰੈਕਟ ਕੀਤੇ ਸ਼ੁਰੂ

ਨਵੀਂ ਦਿੱਲੀ (ਭਾਸ਼ਾ) - ਮਲਟੀ ਕਮੋਡਿਟੀ ਐਕਸਚੇਂਜ ਆਫ ਇੰਡੀਆ ਲਿਮਟਿਡ ਨੇ ਕਿਹਾ ਕਿ ਉਸਨੇ ਆਪਣੇ ਸੋਨੇ-ਚਾਂਦੀ ਨਾਲ ਜੁਡ਼ੇ ਸੂਚਕ ਅੰਕ ‘ਐੱਮ. ਸੀ. ਐਕਸ. ਬੁਲਡੈਕਸ’ ’ਤੇ ਮਹੀਨਾਵਾਰ ਬਦਲ ਕੰਟਰੈਕਟ ਸ਼ੁਰੂ ਕੀਤੇ ਹਨ। ਐਕਸਚੇਂਜ ਦਾ ਉਦੇਸ਼ ਕੀਮਤੀ ਧਾਤਾਂ ਦੇ ਖੇਤਰ ’ਚ ਨਿਵੇਸ਼ਕਾਂ ਨੂੰ ਹੋਰ ਹੇਜਿੰਗ ਉਪਕਰਨ ਮੁਹੱਈਆ ਕਰਵਾਉਣਾ ਹੈ।

ਇਹ ਵੀ ਪੜ੍ਹੋ :     ਮੂਧੇ ਮੂੰਹ ਡਿੱਗੇ ਸੋਨੇ ਦੇ ਭਾਅ, ਆਈ 12 ਸਾਲ ਦੀ ਸਭ ਤੋਂ ਵੱਡੀ ਗਿਰਾਵਟ

‘ਹੇਜਿੰਗ’ ਦਾ ਮਤਲਬ ਜੋਖਮ ਤੋਂ ਬਚਾਅ ਕਰਨਾ ਜਾਂ ਆਪਣੇ ਨਿਵੇਸ਼/ਕਾਰੋਬਾਰ ਨੂੰ ਕੀਮਤਾਂ ’ਚ ਉਤਰਾਅ-ਚੜ੍ਹਾਅ ਤੋਂ ਸੁਰੱਖਿਅਤ ਰੱਖਣਾ ਹੈ। ਸੋਮਵਾਰ ਤੋਂ ਲਾਗੂ ਹੋਏ ਬਦਲ ਕੰਟਰੈਕਟ ਮਲਟੀ ਕਮੋਡਿਟੀ ਐਕਸਚੇਂਜ (ਐੱਮ. ਸੀ. ਐਕਸ.) ਦੇ ਸੋਨੇ ਅਤੇ ਚਾਂਦੀ ਦੇ ਵਾਅਦਾ ਕੰਟਰੈਕਟਾਂ ਵਾਲੇ ਸੂਚਕ ਅੰਕ ’ਤੇ ਆਧਾਰਿਤ ਹਨ। ਇਸ ਨਾਲ ਬਾਜ਼ਾਰ ਹਿੱਸੇਦਾਰਾਂ ਨੂੰ ਇਕ ਹੀ ਰੰਗ ਮੰਚ ਰਾਹੀਂ ਦੋਵਾਂ ਕੀਮਤੀ ਧਾਤਾਂ ’ਚ ਵੱਖ-ਵੱਖ ਬਦਲ ਪ੍ਰਾਪਤ ਕਰਨ ਦਾ ਮੌਕਾ ਮਿਲਦਾ ਹੈ।

ਇਹ ਵੀ ਪੜ੍ਹੋ :     ਪੰਜਾਬ 'ਚ ਚਿਕਨ ਨਾਲੋਂ ਮਹਿੰਗਾ ਹੋਇਆ ਟਮਾਟਰ, 700 ਰੁਪਏ ਤੱਕ ਪਹੁੰਚੀ ਇੱਕ ਕਿਲੋ ਦੀ ਕੀਮਤ

ਇਹ ਬਦਲ ਇਕ ਵਿੱਤੀ ਡੈਰੀਵੇਟਿਵ ਕੰਟਰੈਕਟ ਹੈ ਜੋ ਖਰੀਦਦਾਰ ਨੂੰ ਕਿਸੇ ਅੰਡਰਲਾਇੰਗ ਸੰਪਤੀ ਦੀ ਇਕ ਨਿਸ਼ਚਿਤ ਮਾਤਰਾ ਨੂੰ ਇਕ ਅਗਾਊਂ ਨਿਰਧਾਰਤ ਮੁੱਲ (ਜਿਸ ਨੂੰ ਸਟ੍ਰਾਇਕ ਮੁੱਲ ਕਿਹਾ ਜਾਂਦਾ ਹੈ) ’ਤੇ ਇਕ ਵਿਸ਼ੇਸ਼ ਤਰੀਕ (ਸਮਾਪਤੀ ਮਿਤੀ) ’ਤੇ ਜਾਂ ਉਸ ਤੋਂ ਪਹਿਲਾਂ ਖਰੀਦਣ ਜਾਂ ਵੇਚਣ ਦਾ ਅਧਿਕਾਰ ਦਿੰਦਾ ਹੈ।

ਇਹ ਵੀ ਪੜ੍ਹੋ :     ਆਲ ਟਾਈਮ ਹਾਈ ਤੋਂ ਠਾਹ ਡਿੱਗਾ ਸੋਨਾ, ਚਾਂਦੀ ਵੀ 30350 ਰੁਪਏ ਟੁੱਟੀ, ਜਾਣੋ 24-23-22-18K ਦੇ ਭਾਅ

ਐਕਸਚੇਂਜ ਨੇ ਕਿਹਾ ਕਿ ‘ਐੱਮ. ਸੀ. ਐਕਸ. ਬੁਲਡੈਕਸ ਨਿਵੇਸ਼ਕਾਂ ਅਤੇ ਸੰਸਥਾਵਾਂ ਨੂੰ ਲਾਗਤ ਪ੍ਰਭਾਵੀ ਤਰੀਕੇ ਨਾਲ ਸੋਨਾ-ਚਾਂਦੀ ਭਾਗ ’ਚ ਸੰਤੁਲਿਤ ਪਹੁੰਚ ਪ੍ਰਦਾਨ ਕਰਦਾ ਹੈ ਜੋ ਨਿਵੇਸ਼ ਅਤੇ ‘ਹੇਜਿੰਗ’ ਦੋਵਾਂ ਜ਼ਰੂਰਤਾਂ ਨੂੰ ਪੂਰਾ ਕਰਦਾ ਹੈ। ਐੱਮ. ਸੀ. ਐਕਸ. ਦੇ ਮੈਨੇਜਿੰਗ ਡਾਇਰੈਕਟਰ ਅਤੇ ਮੁੱਖ ਕਾਰਜਕਾਰੀ ਅਧਿਕਾਰੀ (ਸੀ. ਈ. ਓ.) ਪ੍ਰਵੀਣਾ ਰਾਏ ਨੇ ਸ਼ੇਅਰ ਬਾਜ਼ਾਰ ਨੂੰ ਦਿੱਤੀ ਸੂਚਨਾ ’ਚ ਕਿਹਾ, ‘‘ਐੱਮ. ਸੀ. ਐਕਸ. ਬੁਲਡੈਕਸ ’ਤੇ ਬਦਲਾਂ ਦੀ ਸ਼ੁਰੂਆਤ ਭਾਰਤ ਦੇ ਕਮੋਡਿਟੀ ਇਕੋਸਿਸਟਮ ’ਚ ਇਕ ਮਹੱਤਵਪੂਰਨ ਵਿਕਾਸ ਦਾ ਪ੍ਰਤੀਕ ਹੈ।

ਇਹ ਵੀ ਪੜ੍ਹੋ :     ਸਾਲ 2026 ਦੇ ਅੰਤ ਤੱਕ ਸੋਨਾ ਇੰਨਾ ਮਹਿੰਗਾ ਹੋ ਜਾਵੇਗਾ ਕਿ...
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt=8