Credit Card ਦੇ ਖ਼ਰਚਿਆਂ ''ਚ ਹੋਣ ਜਾ ਰਿਹੈ ਵੱਡਾ ਬਦਲਾਅ, ਦਸੰਬਰ ''ਚ ਹੋਣ ਜਾ ਰਹੇ ਹਨ ਲਾਗੂ

ਨਵੀਂ ਦਿੱਲੀ - ਨਿੱਜੀ ਅਤੇ ਕਾਰਪੋਰੇਟ ਬੈਂਕਿੰਗ ਸੇਵਾਵਾਂ ਪ੍ਰਦਾਨ ਕਰਨ ਵਾਲਾ ਦੇਸ਼ ਦਾ ਤੀਜਾ ਸਭ ਤੋਂ ਵੱਡਾ ਨਿੱਜੀ ਖੇਤਰ ਦਾ ਬੈਂਕ ਐਕਸਿਸ ਬੈਂਕ ਅਗਲੇ ਮਹੀਨੇ ਤੋਂ ਆਪਣੇ ਕ੍ਰੈਡਿਟ ਕਾਰਡ ਨਿਯਮਾਂ ਨੂੰ ਬਦਲਣ ਜਾ ਰਿਹਾ ਹੈ। ਬੈਂਕ ਨੇ ਇਨ੍ਹਾਂ ਸੋਧਾਂ ਬਾਰੇ ਗਾਹਕਾਂ ਨੂੰ ਜਾਣਕਾਰੀ ਦੇਣੀ ਸ਼ੁਰੂ ਕਰ ਦਿੱਤੀ ਹੈ ਜੋ 20 ਦਸੰਬਰ, 2024 ਤੋਂ ਲਾਗੂ ਹੋਣਗੀਆਂ। ਇਹਨਾਂ ਵਿੱਚ ਰਿਡੈਂਪਸ਼ਨ ਚਾਰਜ, ਸੋਧੀਆਂ ਵਿਆਜ ਦਰਾਂ ਅਤੇ ਵਾਧੂ ਲੈਣ-ਦੇਣ ਦੇ ਖਰਚੇ ਸ਼ਾਮਲ ਹਨ।

ਰਿਡੈਂਪਸ਼ਨ ਫੀਸ ਕਿੰਨੀ ਹੋਵੇਗੀ?

ਐਕਸਿਸ ਬੈਂਕ ਨੇ EDGE ਰਿਵਾਰਡ ਜਾਂ ਮਾਈਲਸ ਯੂਜ਼ ਕਰਨ 'ਤੇ ਰੀਡੈਂਪਸ਼ਨ ਫੀਸਾਂ ਦੀ ਸ਼ੁਰੂਆਤ ਕੀਤੀ ਹੈ। ਗਾਹਕਾਂ ਤੋਂ ਕੈਸ਼ ਰੀਡੈਂਪਸ਼ਨ ਲਈ 99 ਰੁਪਏ (ਪਲੱਸ 18 ਫੀਸਦੀ ਜੀਐਸਟੀ) ਅਤੇ ਮਾਈਲੇਜ ਪ੍ਰੋਗਰਾਮ ਵਿੱਚ ਪੁਆਇੰਟ ਟ੍ਰਾਂਸਫਰ ਕਰਨ ਲਈ 199 ਰੁਪਏ (18 ਫੀਸਦੀ ਜੀਐਸਟੀ) ਵਸੂਲੇ ਜਾਣਗੇ।

ਇਨ੍ਹਾਂ ਕ੍ਰੈਡਿਟ ਕਾਰਡਾਂ 'ਤੇ ਫੀਸ ਲਾਗੂ ਹੋਵੇਗੀ

ਐਕਸਿਸ ਬੈਂਕ ਐਟਲਸ ਕ੍ਰੈਡਿਟ ਕਾਰਡ
ਸੈਮਸੰਗ ਐਕਸਿਸ ਬੈਂਕ ਇਨਫਿਨਿਟ ਕ੍ਰੈਡਿਟ ਕਾਰਡ
ਸੈਮਸੰਗ ਐਕਸਿਸ ਬੈਂਕ ਕ੍ਰੈਡਿਟ ਕਾਰਡ
ਐਕਸਿਸ ਬੈਂਕ ਮੈਗਨਸ ਕ੍ਰੈਡਿਟ ਕਾਰਡ (ਬਰਗੰਡੀ ਵੇਰੀਐਂਟ ਵੀ ਸ਼ਾਮਲ ਹੈ)
ਐਕਸਿਸ ਬੈਂਕ ਰਿਜ਼ਰਵ ਕ੍ਰੈਡਿਟ ਕਾਰਡ
ਐਕਸਿਸ ਬੈਂਕ ਓਲੰਪਸ ਅਤੇ ਹੋਰਾਈਜ਼ਨ ਵਰਗੇ ਸਿਟੀ-ਪ੍ਰੋਟੇਜ ਕਾਰਡਾਂ 'ਤੇ ਇਹਨਾਂ ਤਬਦੀਲੀਆਂ ਦਾ ਕੋਈ ਅਸਰ ਨਹੀਂ ਹੋਵੇਗਾ।
ਹੋਰ ਮੁੱਖ ਚਾਰਜ ਵਿੱਚ ਬਦਲਾਅ ਹੋਣਗੇ
ਐਕਸਿਸ ਬੈਂਕ ਨੇ ਕਈ ਹੋਰ ਫੀਸਾਂ ਨੂੰ ਸੋਧਿਆ ਹੈ

ਵਿਆਜ ਦਰ(Interest Rate)

ਮਹੀਨਾਵਾਰ ਵਿਆਜ ਦਰ(Monthly Interest Rate) ਵਧ ਕੇ 3.75 ਫੀਸਦੀ ਹੋ ਜਾਵੇਗੀ।

ਭੁਗਤਾਨ ਖਰਚੇ(Payment Charges)

ਆਟੋ ਡੈਬਿਟ ਰਿਵਰਸਲ ਅਤੇ ਚੈੱਕ ਰਿਟਰਨ 'ਤੇ ਭੁਗਤਾਨ ਦੀ ਰਕਮ ਦਾ 2% ਚਾਰਜ ਲੱਗੇਗਾ, ਜਿਸ ਦੀ ਘੱਟੋ-ਘੱਟ ਸੀਮਾ 500 ਰੁਪਏ ਹੈ ਅਤੇ ਕੋਈ ਉਪਰਲੀ ਸੀਮਾ ਨਹੀਂ ਹੈ। ਇਸ ਤੋਂ ਇਲਾਵਾ ਸ਼ਾਖਾਵਾਂ 'ਚ ਨਕਦ ਭੁਗਤਾਨ 'ਤੇ 175 ਰੁਪਏ ਦੀ ਫੀਸ ਵੀ ਵਸੂਲੀ ਜਾਵੇਗੀ।

ਖੁੰਝੇ ਹੋਏ ਭੁਗਤਾਨ(Missed Payment) ਲਈ ਜੁਰਮਾਨਾ

ਜੇਕਰ ਘੱਟੋ-ਘੱਟ ਬਕਾਇਆ ਰਕਮ (MAD) ਲਗਾਤਾਰ ਦੋ ਚੱਕਰਾਂ ਲਈ ਅਦਾ ਨਹੀਂ ਕੀਤੀ ਜਾਂਦੀ, ਭਾਵ ਦੋ ਨਿਯਤ ਸਮੇਂ ਲਈ, 100 ਰੁਪਏ ਦੀ ਵਾਧੂ ਫੀਸ ਲਈ ਜਾਵੇਗੀ ਅਤੇ ਇਹ ਫੀਸ ਉਦੋਂ ਤੱਕ ਲਾਗੂ ਰਹੇਗੀ ਜਦੋਂ ਤੱਕ ਬਕਾਇਆ ਰਕਮ ਦਾ ਭੁਗਤਾਨ ਨਹੀਂ ਕੀਤਾ ਜਾਂਦਾ।

ਡਾਇਨਾਮਿਕ ਮੁਦਰਾ ਪਰਿਵਰਤਨ (DCC) ਮਾਰਕਅੱਪ

ਡੀਸੀਸੀ ਨੂੰ ਸੋਧ ਕੇ 1.5 ਫੀਸਦੀ ਕਰ ਦਿੱਤਾ ਗਿਆ ਹੈ।

ਕਿਰਾਏ ਦੇ ਲੈਣ-ਦੇਣ

ਹੁਣ ਕਿਰਾਏ ਦੇ ਖਾਤੇ ਦੇ ਭੁਗਤਾਨ 'ਤੇ 1 ਫੀਸਦੀ ਫੀਸ ਲਈ ਜਾਵੇਗੀ। ਫੀਸ ਦੀ ਰਕਮ 'ਤੇ ਕੋਈ ਸੀਮਾ ਨਹੀਂ ਹੋਵੇਗੀ।

ਤੀਜੀ-ਧਿਰ ਐਪ ਦੁਆਰਾ ਸਿੱਖਿਆ ਭੁਗਤਾਨ

ਕਿਸੇ ਵੀ ਥਰਡ-ਪਾਰਟੀ ਐਪ (ਜਿਵੇਂ ਕਿ Paytm, Cred, Google Pay ਆਦਿ) ਰਾਹੀਂ ਸਿੱਖਿਆ ਫੀਸ ਦਾ ਭੁਗਤਾਨ ਕਰਨ ਲਈ, 1 ਪ੍ਰਤੀਸ਼ਤ ਫੀਸ ਲਈ ਜਾਵੇਗੀ। ਹਾਲਾਂਕਿ, ਵਿਦਿਅਕ ਸੰਸਥਾਵਾਂ ਨੂੰ ਸਿੱਧੇ ਤੌਰ 'ਤੇ ਕੀਤੇ ਜਾਣ ਵਾਲੇ ਭੁਗਤਾਨਾਂ ਵਿੱਚ ਛੋਟ ਹੋਵੇਗੀ।

ਖਰਚ ਸੀਮਾਵਾਂ ਅਤੇ ਲੈਣ-ਦੇਣ ਦੀਆਂ ਫੀਸਾਂ

ਹੁਣ 10,000 ਰੁਪਏ ਤੋਂ ਜ਼ਿਆਦਾ ਵਾਲੇਟ ਲੋਡ 'ਤੇ 1 ਫੀਸਦੀ ਚਾਰਜ ਲੱਗੇਗਾ।

50,000 ਰੁਪਏ ਤੋਂ ਵੱਧ ਦੇ ਫਿਊਲ ਖਰਚਿਆਂ, 25,000 ਰੁਪਏ ਤੋਂ ਵੱਧ ਯੂਟਿਲਿਟੀ ਅਤੇ ਇਕ ਸਟੇਟਮੈਂਟ ਸਾਈਕਲ ਵਿਚ 10,000 ਰੁਪਏ ਤੋਂ ਵੱਧ ਦੇ ਗੇਮਿੰਗ ਲੈਣ-ਦੇਣ 'ਤੇ ਵੀ 1 ਫੀਸਦੀ ਚਾਰਜ ਲਗਾਇਆ ਜਾਵੇਗਾ। ਇਹ ਬਦਲਾਅ ਐਕਸਿਸ ਬੈਂਕ ਅਤੇ ਸਿਟੀ-ਮਾਈਗ੍ਰੇਟਿਡ ਕ੍ਰੈਡਿਟ ਕਾਰਡਾਂ ਦੋਵਾਂ 'ਤੇ ਲਾਗੂ ਹੋਣਗੇ।