ਤਿਉਹਾਰੀ ਸੀਜ਼ਨ ਤੋਂ ਪਹਿਲਾਂ ਕਾਰ ਖਰੀਦਦਾਰਾਂ ਨੂੰ ਝਟਕਾ: ਅੱਜ ਤੋਂ ਮਹਿੰਗੀਆਂ ਹੋਣਗੀਆਂ ਇਸ ਕੰਪਨੀ ਦੀਆਂ ਕਾਰਾਂ

ਨਵੀਂ ਦਿੱਲੀ : ਜੇਕਰ ਤੁਸੀਂ ਆਉਣ ਵਾਲੇ ਦਿਨਾਂ ਵਿੱਚ ਸਕੋਡਾ (Skoda) ਦੀ ਨਵੀਂ ਕਾਰ ਖਰੀਦਣ ਦੀ ਯੋਜਨਾ ਬਣਾ ਰਹੇ ਹੋ, ਤਾਂ ਤੁਹਾਡੇ ਲਈ ਅਹਿਮ ਖ਼ਬਰ ਹੈ। ਮਹਿੰਦਰਾ ਤੋਂ ਬਾਅਦ ਹੁਣ 'ਸਕੋਡਾ ਆਟੋ ਇੰਡੀਆ' (Skoda Auto India) ਨੇ ਵੀ ਆਪਣੀਆਂ ਗੱਡੀਆਂ ਦੀਆਂ ਕੀਮਤਾਂ ਵਧਾਉਣ ਦਾ ਐਲਾਨ ਕਰ ਦਿੱਤਾ ਹੈ। ਕੰਪਨੀ 1 ਅਕਤੂਬਰ 2026 ਤੋਂ ਆਪਣੇ ਪੂਰੇ ਵਾਹਨ ਪੋਰਟਫੋਲੀਓ ਦੀਆਂ ਐਕਸ-ਸ਼ੋਰੂਮ ਕੀਮਤਾਂ ਵਿੱਚ ਇਜ਼ਾਫ਼ਾ ਕਰਨ ਜਾ ਰਹੀ ਹੈ।

ਕਿਉਂ ਵਧਾਈਆਂ ਜਾ ਰਹੀਆਂ ਹਨ ਕੀਮਤਾਂ?  
ਕੰਪਨੀ ਅਨੁਸਾਰ ਕੱਚੇ ਮਾਲ ਦੀਆਂ ਲਗਾਤਾਰ ਵਧ ਰਹੀਆਂ ਕੀਮਤਾਂ ਅਤੇ ਆਪ੍ਰੇਸ਼ਨਲ ਖਰਚਿਆਂ ਵਿੱਚ ਹੋਏ ਵਾਧੇ ਕਾਰਨ ਇਹ ਫੈਸਲਾ ਲੈਣਾ ਪਿਆ ਹੈ। ਵਧੀਆਂ ਹੋਈਆਂ ਨਵੀਆਂ ਐਕਸ-ਸ਼ੋਰੂਮ ਕੀਮਤਾਂ 1 ਅਕਤੂਬਰ 2026 ਤੋਂ ਲਾਗੂ ਹੋ ਜਾਣਗੀਆਂ।

ਕਿੰਨਾ ਹੋਵੇਗਾ ਕੀਮਤਾਂ 'ਚ ਵਾਧਾ?
ਸਕੋਡਾ ਆਪਣੇ ਭਾਰਤੀ ਪੋਰਟਫੋਲੀਓ ਦੀਆਂ ਗੱਡੀਆਂ ਦੀਆਂ ਕੀਮਤਾਂ ਵਿੱਚ ਵੱਧ ਤੋਂ ਵੱਧ 1.2 ਫ਼ੀਸਦੀ ਤੱਕ ਦਾ ਵਾਧਾ ਕਰੇਗੀ। ਹਾਲਾਂਕਿ, ਹਰੇਕ ਮਾਡਲ ਅਤੇ ਵੇਰੀਐਂਟ ਦੇ ਹਿਸਾਬ ਨਾਲ ਕੀਮਤ ਵਿੱਚ ਫ਼ਰਕ ਹੋਵੇਗਾ। ਕੰਪਨੀ ਨੇ ਵੱਧ ਤੋਂ ਵੱਧ ਵਾਧੇ ਦੀ ਸੀਮਾ ₹20,000 ਤੈਅ ਕੀਤੀ ਹੈ, ਯਾਨੀ ਕਿਸੇ ਵੀ ਮਾਡਲ ਜਾਂ ਵੇਰੀਐਂਟ 'ਤੇ 20,000 ਰੁਪਏ ਤੋਂ ਵੱਧ ਦਾ ਇਜ਼ਾਫ਼ਾ ਨਹੀਂ ਹੋਵੇਗਾ।

ਇਨ੍ਹਾਂ ਮਾਡਲਾਂ 'ਤੇ ਪਵੇਗਾ ਅਸਰ
ਨਵੀਆਂ ਕੀਮਤਾਂ ਦਾ ਅਸਰ ਸਕੋਡਾ ਦੇ ਪੂਰੇ ਭਾਰਤੀ ਲਾਈਨ-ਅੱਪ 'ਤੇ ਪਵੇਗਾ। ਇਸ ਵਿੱਚ ਹੇਠ ਲਿਖੇ ਪ੍ਰਮੁੱਖ ਮਾਡਲ ਸ਼ਾਮਲ ਹਨ:
Kylaq
Slavia
Kushaq
Kodiaq
Octavia RS
Superb

ਨਵੀਂ ਜਨਰੇਸ਼ਨ Superb ਦੀ ਵੀ ਹੋਵੇਗੀ ਐਂਟਰੀ
ਇਸ ਤੋਂ ਇਲਾਵਾ, ਸਕੋਡਾ ਭਾਰਤੀ ਬਾਜ਼ਾਰ ਵਿੱਚ ਨਵੀਂ ਜਨਰੇਸ਼ਨ Superb ਨੂੰ ਲਿਆਉਣ ਦੀ ਤਿਆਰੀ ਵੀ ਕਰ ਰਹੀ ਹੈ। ਇਹ ਨਵੀਂ ਸੇਡਾਨ ਕਾਰ 2.0-ਲੀਟਰ TDI ਡੀਜ਼ਲ ਇੰਜਣ ਨਾਲ ਅਗਲੇ ਸਾਲ ਤੱਕ ਲਾਂਚ ਕੀਤੀ ਜਾ ਸਕਦੀ ਹੈ।