ਚਾਂਦੀ ਦੀ ਹੋ ਗਈ ਭਾਰੀ ਕਿੱਲਤ : ਵਪਾਰੀਆਂ ਨੇ ਬੰਦ ਕੀਤੀ ਬੁਕਿੰਗ, ਉੱਚੇ ਪ੍ਰੀਮੀਅਮ 'ਤੇ ਹੋ ਰਹੀ ਵਿਕਰੀ

ਬਿਜ਼ਨੈੱਸ ਡੈਸਕ : ਮੁੰਬਈ ਦੇ ਜ਼ਵੇਰੀ ਬਾਜ਼ਾਰ ਵਿੱਚ ਚਾਂਦੀ ਦੀ ਸਪਲਾਈ ਵਿਚ ਭਾਰੀ ਕਿੱਲਤ ਹੋ ਗਈ ਹੈ। ਇਸ ਦੇ ਮੱਦੇਨਜ਼ਰ ਵਪਾਰੀਆਂ ਨੇ ਅੱਗੇ ਦੇ ਆਰਡਰ ਲੈਣੇ ਬੰਦ ਕਰ ਦਿੱਤੇ ਹਨ। ਮੌਜੂਦਾ ਸਥਿਤੀ ਇਹ ਹੈ ਕਿ ਕੀਮਤੀ ਧਾਤੂ ਚਾਂਦੀ ਇਸ ਸਮੇਂ ਜਿਊਲਰੀ ਬਾਜ਼ਾਰ ਵਿੱਚ 30,000 ਰੁਪਏ ਤੱਕ ਦੇ ਉੱਚ ਪ੍ਰੀਮੀਅਮ 'ਤੇ ਵੇਚੀ ਜਾ ਰਹੀ ਹੈ। ਕਈ ਵਿਕਰੇਤਾਵਾਂ ਮੁਤਾਬਕ ਪ੍ਰੀਮੀਅਮ ਹੋਰ ਵਧਣ ਦੀ ਸੰਭਾਵਨਾ ਹੈ।

ਇਹ ਵੀ ਪੜ੍ਹੋ :     ਦੀਵਾਲੀ ਤੋਂ ਪਹਿਲਾਂ EPFO ਦੇ ਲੱਖਾਂ ਮੈਂਬਰਾਂ ਲਈ Surprise Gift, ਨਵੇਂ ਨਿਯਮ ਦੇਣਗੇ ਵੱਡੀ ਰਾਹਤ

ਵਰਤਮਾਨ ਦਰ ਅਤੇ ਮੰਗ:

ਜ਼ਵੇਰੀ ਬਾਜ਼ਾਰ ਵਿੱਚ ਚਾਂਦੀ ਦਾ ਪ੍ਰਤੀ ਕਿਲੋਗ੍ਰਾਮ ਭਾਅ ਵਰਤਮਾਨ ਵਿੱਚ 2 ਲੱਖ ਰੁਪਏ ਚੱਲ ਰਿਹਾ ਹੈ। ਤੁਲਨਾਤਮਕ ਤੌਰ 'ਤੇ, ਇੰਡੀਆ ਬੁਲੀਅਨ ਜਿਊਲਰਜ਼ ਐਸੋਸੀਏਸ਼ਨ (IBJA) ਦੀ ਮੰਗਲਵਾਰ ਦੀ ਸਮਾਪਤੀ ਦਰ (closing rate) ਅਨੁਸਾਰ, ਚਾਂਦੀ ਦਾ ਪ੍ਰਤੀ ਕਿਲੋਗ੍ਰਾਮ ਮੁੱਲ 1.78 ਲੱਖ ਰੁਪਏ ਸੀ।
ਤਿਉਹਾਰਾਂ ਦੇ ਸੀਜ਼ਨ ਦੌਰਾਨ, ਲਗਭਗ ਸਾਰੇ ਵਪਾਰੀਆਂ ਨੇ ਚਾਂਦੀ ਦੇ ਨਵੇਂ ਆਰਡਰ ਲੈਣੇ ਬੰਦ ਕਰ ਦਿੱਤੇ ਹਨ। Axis, tata mf ਸਮੇਤ ਕਈ ਪਲੇਟਫਾਰਮ ਨੇ ਵੀ ਭੌਤਿਕ ਚਾਂਦੀ ਦੀ ਘਾਟ ਕਾਰਨ ਨਵੇਂ ਆਰਡਰ ਲੈਣੇ ਬੰਦ ਕਰ ਦਿੱਤੇ ਹਨ। 

ਇਹ ਵੀ ਪੜ੍ਹੋ :     NHAI ਨੇ ਦੇਸ਼ ਭਰ ਦੇ NH 'ਤੇ ਲਾਗੂ ਕੀਤੀ ਯੋਜਨਾ, ਫੋਟੋ ਭੇਜੋ ਤੇ ਹਾਸਲ ਕਰੋ 1,000 ਰੁਪਏ ਦਾ Fastag

ਗਲੋਬਲ ਮੰਗ ਅਤੇ ਭਵਿੱਖ ਦੀ ਉਮੀਦ:

ਮੌਜੂਦਾ ਸਥਿਤੀ ਮੁਤਾਬਕ ਚਾਂਦੀ ਦੀ ਮੰਗ ਇੰਨੀ ਜ਼ਿਆਦਾ ਹੈ ਕਿ 7 ਤੋਂ 10 ਦਿਨਾਂ ਲਈ ਯੋਜਨਾਬੱਧ ਤਿਉਹਾਰਾਂ ਦੀ ਵਿਕਰੀ ਸਿਰਫ਼ ਤਿੰਨ ਦਿਨਾਂ ਵਿੱਚ ਹੀ ਖਤਮ ਹੋ ਗਈ। ਚਾਂਦੀ ਲਈ ਖਰੀਦਦਾਰੀ ਦਾ ਇਹ ਜਨੂੰਨ ਸਿਰਫ਼ ਭਾਰਤ ਤੱਕ ਸੀਮਤ ਨਹੀਂ ਹੈ; ਆਸਟ੍ਰੇਲੀਆ, ਤੁਰਕੀ ਅਤੇ ਚੀਨ ਵਰਗੇ ਦੇਸ਼ਾਂ ਵਿੱਚ ਵੀ ਅਜਿਹੀ ਹੀ ਮੰਗ ਦੇਖੀ ਜਾ ਰਹੀ ਹੈ। ਇਸ ਗਲੋਬਲ ਮੰਗ ਕਾਰਨ ਡਿਲੀਵਰੀ ਵਿੱਚ ਵੱਡਾ ਬੈਕਲਾਗ ਆਇਆ ਹੈ ਅਤੇ ਗੰਭੀਰ ਆਲਮੀ ਘਾਟ ਪੈਦਾ ਹੋ ਗਈ ਹੈ।

ਇਹ ਵੀ ਪੜ੍ਹੋ :     Silver Breaks 1980 Record: ਚਾਂਦੀ ਨੇ ਤੋੜਿਆ 45 ਸਾਲ ਦਾ ਰਿਕਾਰਡ, ਕੀ ਹੈ ਭਵਿੱਖ ਦਾ ਅਨੁਮਾਨ

ਮਾਹਰਾਂ ਮੁਤਾਬਕ ਚਾਂਦੀ ਹੁਣ 'ਨਵੇਂ ਸੋਨੇ' ਵਜੋਂ ਉੱਭਰਦੀ ਜਾਪਦੀ ਹੈ। ਕੱਲ੍ਹ ਸ਼ਾਮ ਤੱਕ, ਚਾਂਦੀ 'ਤੇ 30,000 ਰੁਪਏ ਤੋਂ ਵੱਧ ਦਾ ਪ੍ਰੀਮੀਅਮ ਲਾਗੂ ਸੀ। 

ਜਿੱਥੇ ਸੋਨੇ ਦੀ ਸਪਲਾਈ ਵਿੱਚ ਅਜੇ ਕੋਈ ਵੱਡੀ ਸਮੱਸਿਆ ਨਹੀਂ ਹੈ, ਉੱਥੇ ਚਾਂਦੀ ਦੀ ਘਾਟ ਘੱਟੋ-ਘੱਟ ਦੀਵਾਲੀ ਤੱਕ ਜਾਰੀ ਰਹਿਣ ਦੀ ਸੰਭਾਵਨਾ ਹੈ।

ਇਹ ਵੀ ਪੜ੍ਹੋ :     RBI ਨੇ ਲਾਂਚ ਕੀਤਾ ਨਵਾਂ ਆਫਲਾਈਨ ਡਿਜੀਟਲ ਰੁਪਿਆ, ਇੰਟਰਨੈੱਟ ਤੋਂ ਬਿਨਾਂ ਵੀ ਹੋਵੇਗਾ ਲੈਣ-ਦੇਣ

ਨਵੰਬਰ ਦੇ ਆਸ-ਪਾਸ ਚਾਂਦੀ ਦੀਆਂ ਕੀਮਤਾਂ ਵਿੱਚ ਅਸਥਾਈ ਸੁਧਾਰ (temporary correction) ਹੋ ਸਕਦਾ ਹੈ, ਪਰ ਲੰਬੇ ਸਮੇਂ ਵਿੱਚ ਇਸਦੇ ਸਮੁੱਚੇ ਵਾਧੇ ਦੀ ਉਮੀਦ ਹੈ।

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt=8