ਸਿਲਵਰ ’ਚ ਵੱਡੀ ਖੇਡ, ਬ੍ਰੇਕਆਊਟ ਲੈਵਲ ’ਤੇ ਪਹੁੰਚੀ ਚਾਂਦੀ

ਨਵੀਂ ਦਿੱਲੀ (ਵਿਸ਼ੇਸ਼) - ਅਮਰੀਕਾ ’ਚ ਫੈਡਰਲ ਰਿਜ਼ਰਵ ਵੱਲੋਂ ਵਿਆਜ ਦਰਾਂ ’ਚ ਕਮੀ ਕਰਨ ਦੀ ਉਮੀਦ ’ਚ ਸ਼ੁੱਕਰਵਾਰ ਨੂੰ ਦੁਨੀਆ ਭਰ ’ਚ ਨਿਵੇਸ਼ਕ ਸੋਨੇ ਅਤੇ ਚਾਂਦੀ ’ਚ ਟੈਕਨੀਕਲ ਲੈਵਲ ’ਤੇ ਬ੍ਰੇਕਆਊਟ ਦੀ ਉਮੀਦ ਲਾਈ ਬੈਠੇ ਸਨ ਪਰ ਇਸ ’ਚ ਸ਼ਿਕਾਗੋ ਮਰਕੇਂਟਾਇਲ ਐਕਸਚੇਂਜ (ਸੀ. ਐੱਮ. ਈ.) ’ਤੇ ਵੱਡੀ ਖੇਡ ਹੋ ਗਈ। ਚਾਂਦੀ ’ਚ 54 ਅਤੇ 55 ਡਾਲਰ ਦੇ ਵਿਚਾਲੇ ਬ੍ਰੇਕਆਊਟ ਆਉਣ ਤੋਂ ਪਹਿਲਾਂ ਹੀ ਐਕਸਚੇਂਜ ਨੇ ਅਚਾਨਕ ਕੰਮ ਕਰਨਾ ਬੰਦ ਕਰ ਦਿੱਤਾ ਅਤੇ ਲੱਖਾਂ ਨਿਵੇਸ਼ਕਾਂ ਦੇ ਟ੍ਰੇਡ ਅੱਧ ਵਿਚਾਲੇ ਹੀ ਫਸ ਗਏ।

ਇਹ ਵੀ ਪੜ੍ਹੋ :     1 ਦਸੰਬਰ ਤੋਂ ਬਦਲ ਜਾਣਗੇ ਇਹ ਨਿਯਮ। ਜਾਣੋ ਕੀ ਹੋਵੇਗਾ ਲਾਭ ਅਤੇ ਕਿੱਥੇ ਹੋਵੇਗਾ ਨੁਕਸਾਨ

ਚਾਂਦੀ ’ਚ ਇਸ ਤੋਂ ਪਹਿਲਾਂ ਇਸ ਪੱਧਰਾਂ ’ਤੇ ਵੱਡਾ ਬ੍ਰੇਕਆਊਟ 1980 ਅਤੇ ਫਿਰ 2011 ’ਚ ਆਇਆ ਸੀ। ਹੁਣ ਜੇਕਰ ਇਸ ’ਚ ਟੈਕਨੀਕਲ ਬ੍ਰੇਕਆਊਟ ਆ ਜਾਂਦਾ ਹੈ ਤਾਂ ਚਾਂਦੀ ਦੀਆਂ ਕੀਮਤਾਂ ’ਚ ਤੇਜ਼ੀ ਆ ਸਕਦੀ ਹੈ। ਇਹ ਦੁਨੀਆ ਦਾ ਸਭ ਤੋਂ ਵੱਡਾ ਡੈਰੀਵੇਟਿਵ ਪਲੇਟਫਾਰਮ ਹੈ ਅਤੇ ਇਸ ’ਤੇ ਅਕਤੂਬਰ ਮਹੀਨੇ ਦੌਰਾਨ ਹੀ ਲੱਗਭਗ 7.50 ਲੱਖ ਕਰੋੜ ਰੁਪਏ ਦੇ ਸੌਦੇ ਹੋਏ ਸਨ। ਇਸ ਗਰੁੱਪ ਰਾਹੀਂ ਰੋਜ਼ਾਨਾ ਲੱਗਭਗ 35,000 ਕਰੋੜ ਰੁਪਏ ਦੀ ਟ੍ਰੇਡਿੰਗ ਹੁੰਦੀ ਹੈ ਪਰ ਇਸ ਦੇ ਪਲੇਟਫਾਰਮ ਅਚਾਨਕ ਠੱਪ ਹੋਣ ਨਾਲ ਦੁਨੀਆ ਭਰ ਦੇ ਨਿਵੇਸ਼ਕ ਪ੍ਰੇਸ਼ਾਨ ਨਜ਼ਰ ਆਏ।

ਇਹ ਵੀ ਪੜ੍ਹੋ :     ਪੰਜਾਬ ਸਮੇਤ ਦੇਸ਼ ਭਰ 'ਚ ਡਿੱਗੇ ਸੋਨੇ-ਚਾਂਦੀ ਦੇ ਭਾਅ, ਜਾਣੋ 24K-23K-22K ਦੀ ਕੀਮਤ

ਸੀ. ਐੱਮ. ਈ. ਗਰੁੱਪ ਵੱਲੋਂ ਭਾਰਤੀ ਸਮੇਂ ਅਨੁਸਾਰ ਸਵੇਰੇ 9.43 ਵਜੇ ਸੋਸ਼ਲ ਮੀਡੀਆ ਪਲੇਟਫਾਰਮ ਐਕਸ ’ਤੇ ਜਾਣਕਾਰੀ ਦਿੰਦੇ ਹੋਏ ਲਿਖਿਆ ਗਿਆ ਕਿ ਸਾਇਰਸਵਨ ਡਾਟਾ ਸੈਂਟਰ ’ਚ ਕੂਲਿੰਗ ਦੀ ਸਮੱਸਿਆ ਕਾਰਨ ਸਾਡੀ ਮਾਰਕੀਟ ਫਿਲਹਾਲ ਬੰਦ ਹੈ, ਸੁਪੋਰਟ ਟੀਮ ਇਸ ਸਮੱਸਿਆ ਨੂੰ ਛੇਤੀ ਹੀ ਠੀਕ ਕਰਨ ’ਤੇ ਕੰਮ ਕਰ ਰਹੀ ਹੈ ਅਤੇ ਪ੍ਰੀ-ਓਪਨ ਨਾਲ ਜੁਡ਼ੀ ਜਾਣਕਾਰੀ ਕਲਾਇੰਟਸ ਨੂੰ ਉਪਲੱਬਧ ਹੁੰਦਿਆਂ ਹੀ ਮੁਹੱਈਆ ਕਰਵਾਈ ਜਾਵੇਗੀ। ਇਸ ਤੋਂ ਬਾਅਦ ਭਾਰਤੀ ਸਮੇਂ ਅਨੁਸਾਰ ਐਕਸਚੇਂਜ ਸ਼ਾਮ 7.24 ਵਜੇ ਤੱਕ ਬੰਦ ਰਹੀ। ਭਾਵ ਲੱਗਭਗ ਪੌਣੇ 10 ਘੰਟੇ ਠੱਪ ਰਹੀ।

ਇਹ ਵੀ ਪੜ੍ਹੋ :    ਵੱਡਾ ਝਟਕਾ! ਪੁਰਾਣੇ ਵਾਹਨਾਂ ਲਈ ਲਾਗੂ ਹੋਏ ਨਵੇਂ ਨਿਯਮ, ਫੀਸਾਂ ਕਈ ਗੁਣਾ ਵਧੀਆਂ

ਐੱਮ. ਸੀ. ਐਕਸ. ’ਤੇ ਟ੍ਰੇਡ ਕਰਨ ਵਾਲੇ ਵੀ ਰਹੇ ਪ੍ਰੇਸ਼ਾਨ

ਭਾਰਤ ’ਚ ਐੱਮ. ਸੀ. ਐਕਸ. ’ਤੇ ਹੋਣ ਵਾਲੇ ਟ੍ਰੇਡ ਲਈ ਵੀ ਨਿਊਯਾਰਕ ਦੇ ਕਮੋਡਿਟੀ ਐਕਸਚੇਂਜ (ਕਾਮੈਕਸ) ਦੇ ਰੇਟ ਅਨੁਸਾਰ ਹੀ ਭਾਅ ਤੈਅ ਹੁੰਦਾ ਹੈ ਪਰ ਕਾਮੈਕਸ ’ਚ ਕੰਮ ਠੱਪ ਹੋਣ ਨਾਲ ਭਾਰਤ ’ਚ ਵੀ ਇਸ ਦਾ ਅਸਰ ਦੇਖਣ ਨੂੰ ਮਿਲਿਆ ਅਤੇ ਸ਼ਾਮ ਤੱਕ ਭਾਰਤੀ ਬਾਜ਼ਾਰਾਂ ’ਚ ਵੀ ਸੀਮਤ ਘੇਰੇ ’ਚ ਕਾਰੋਬਾਰ ਹੁੰਦਾ ਰਿਹਾ ਅਤੇ ਨਿਵੇਸ਼ਕ ਪ੍ਰੇਸ਼ਾਨ ਰਹੇ।

ਇਹ ਵੀ ਪੜ੍ਹੋ :    1 ਲੱਖ ਸੈਲਰੀ ਵਾਲਿਆਂ ਦਾ ਜੈਕਪਾਟ! ਰਿਟਾਇਰਮੈਂਟ 'ਤੇ 2.31 ਕਰੋੜ ਰੁਪਏ ਦਾ ਵਾਧੂ ਲਾਭ

ਭਾਰਤ ’ਚ ਐੱਮ. ਸੀ. ਐਕਸ. ’ਤੇ ਰੋਜ਼ਾਨਾ ਲੱਗਭਗ 13 ਲੱਖ ਟ੍ਰੇਡਰਜ਼ ਵੱਖ-ਵੱਖ ਕਮੋਡਿਟੀਜ਼ ’ਚ ਵਾਅਦਾ ਦੇ ਸੌਦੇ ਕਰਦੇ ਹਨ ਅਤੇ ਮਾਲੀ ਸਾਲ 2024-25 ਦੌਰਾਨ ਮਲਟੀ ਕਮੋਡਿਟੀ ਐਕਸਚੇਂਜ ’ਤੇ ਐਵਰੇਜ ਡੇਲੀ ਟਰਨ ਓਵਰ (ਏ. ਡੀ. ਟੀ.) 2,19,063 ਕਰੋਡ਼ ਰੁਪਏ ਦਾ ਹੈ ਅਤੇ ਇਸ ’ਚ ਪਿਛਲੇ ਸਾਲ ਦੇ ਮੁਕਾਬਲੇ 101 ਫ਼ੀਸਦੀ ਵਾਧਾ ਹੋਇਆ ਹੈ।

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt