ਸ਼੍ਰੀਰਾਮ ਪ੍ਰਾਪਰਟੀਜ਼ ਦਾ ਜੂਨ ਤਿਮਾਹੀ ਦਾ ਸ਼ੁੱਧ ਲਾਭ 5 ਫੀਸਦੀ ਵੱਧ ਕੇ 17.46 ਕਰੋੜ ਰੁਪਏ ’ਤੇ

ਨਵੀਂ ਦਿੱਲੀ, (ਭਾਸ਼ਾ)- ਰੀਅਲ ਅਸਟੇਟ ਕੰਪਨੀ ਸ਼੍ਰੀਰਾਮ ਪ੍ਰਾਪਰਟੀਜ਼ ਦਾ ਏਕੀਕ੍ਰਿਤ ਸ਼ੁੱਧ ਲਾਭ ਚਾਲੂ ਵਿੱਤੀ ਸਾਲ ਦੀ ਅਪ੍ਰੈਲ-ਜੂਨ ਤਿਮਾਹੀ ’ਚ 5 ਫੀਸਦੀ ਵੱਧ ਕੇ 17.46 ਕਰੋੜ ਰੁਪਏ ਰਿਹਾ ਹੈ। ਬੀਤੇ ਵਿੱਤੀ ਸਾਲ ਦੀ ਆਮ ਤਿਮਾਹੀ ’ਚ ਕੰਪਨੀ ਦਾ ਸ਼ੁੱਧ ਲਾਭ 16.62 ਕਰੋੜ ਰੁਪਏ ਰਿਹਾ ਸੀ। ਕੰਪਨੀ ਨੇ ਬੁੱਧਵਾਰਨੂੰ  ਸ਼ੇਅਰ ਬਾਜ਼ਾਰ ਨੂੰ ਦਿੱਤੀ ਸੂਚਨਾ ’ਚ ਕਿਹਾ ਕਿ ਉਸ ਦੀ ਕੁੱਲ ਆਮਦਨੀ ਜੂਨ ਤਿਮਾਹੀ ’ਚ ਵੱਧ ਕੇ 210.90 ਕਰੋੜ ਰੁਪਏ ਰਹੀ ਹੈ ਜੋ ਬੀਤੇ ਵਿੱਤੀ ਸਾਲ ਦੀ ਆਮ ਤਿਮਾਹੀ ’ਚ 157.17 ਕਰੋੜ ਰੁਪਏ ਸੀ।

ਇਹ ਵੀ ਪੜ੍ਹੋ :     Vistara ਦਾ ਸ਼ਾਨਦਾਰ ਆਫਰ, ਸਿਰਫ 1578 ਰੁਪਏ 'ਚ ਕਰੋ ਹਵਾਈ ਯਾਤਰਾ, ਜਾਣੋ ਬੁਕਿੰਗ ਪ੍ਰਕਿਰਿਆ

ਕੰਪਨੀ ਨੇ ਇਕ ਬਿਆਨ ’ਚ ਕਿਹਾ ਕਿ ਉਸ ਨੇ ਰਵਿੰਦਰ ਕੁਮਾਰ ਪਾਂਡੇ ਨੂੰ ਮੁੱਖ ਵਿੱਤੀ ਅਧਿਕਾਰੀ (ਸੀ.ਐੱਫ.ਓ.) ਨਿਯੁਕਤ ਕੀਤਾ ਹੈ ਅਤੇ ਰਾਜ ਯਸ਼ਵੰਤ ਸ਼ਿਰਵਾਤਕਰ ਨੂੰ ਉਪ ਮੁੱਖ ਵਿੱਤੀ ਅਧਿਕਾਰੀ ਦੇ ਅਹੁਦੇ ਤੋਂ ਤਰੱਕੀ ਦਿੱਤੀ ਹੈ। ਸ਼੍ਰੀਰਾਮ ਪ੍ਰਾਪਰਟੀਜ਼ ਨੇ ਚਾਲੂ ਵਿੱਤੀ ਸਾਲ ਦੀ ਪਹਿਲੀ ਤਿਮਾਹੀ ਦੇ ਦੌਰਾਨ 376 ਕਰੋੜ ਰੁਪਏ ’ਚ 7 ਲੱਖ ਵਰਗ ਫੁੱਟ ਦੀ ਵਿਕਰੀ ਦਰਜ ਕੀਤੀ। ਸ਼੍ਰੀਰਾਮ ਪ੍ਰਾਪਰਟੀਜ਼ ਦੇ ਚੇਅਰਮੈਨ ਅਤੇ ਪ੍ਰਬੰਧ ਨਿਰਦੇਸ਼ਕ (ਸੀ.ਐੱਮ.ਡੀ.) ਮੁਰਲੀ ਐੱਮ. ਨੇ ਤਿਮਾਹੀ ਪ੍ਰਦਰਸ਼ਨ ’ਤੇ ਕਿਹਾ, ‘‘ਬਾਜ਼ਾਰ ’ਚ ਮਜ਼ਬੂਤ ਹਾਜ਼ਰੀ ਅਤੇ ਰਣਨੀਤਕ ਪਹਿਲ ਦੀ ਸਫਲਤਾ ਸਾਨੂੰ ਆਉਣ ਵਾਲੇ ਸਾਲਾਂ ’ਚ ਵਾਧੇ ਨੂੰ ਬਣਾਈ ਰੱਖਣ ਅਤੇ ਆਪਣੀਆਂ ਪ੍ਰਤੀਬੱਧਤਾਵਾਂ ਨੂੰ ਪੂਰਾ ਕਰਨ ਦਾ ਭਰੋਸਾ ਦਿਵਾਉਂਦੀ ਹੈ।

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt=8