ਬਾਜ਼ਾਰ ਲਈ ਮੰਗਲ ਬਣਿਆ ਅਮੰਗਲ : ਸੈਂਸੈਕਸ 800 ਤੋਂ ਵੱਧ ਅੰਕ ਟੁੱਟਿਆ, ਨਿਫਟੀ 24,683 ਦੇ ਪੱਧਰ ''ਤੇ ਬੰਦ

ਮੁੰਬਈ: ਅੱਜ, ਮੰਗਲਵਾਰ, 20 ਮਈ ਨੂੰ, ਹਫ਼ਤੇ ਦੇ ਦੂਜੇ ਕਾਰੋਬਾਰੀ ਦਿਨ, ਸੈਂਸੈਕਸ 872.98 ਅੰਕ ਭਾਵ 1.06 ਫ਼ੀਸਦੀ ਡਿੱਗ ਕੇ 81,186.44 ਦੇ ਪੱਧਰ 'ਤੇ ਬੰਦ ਹੋਇਆ ਹੈ। ਸੈਂਸੈਕਸ ਦੇ 3 ਸਟਾਕ ਵਾਧੇ ਨਾਲ ਅਤੇ ਬਾਕੀ ਸਾਰੇ ਸਟਾਕਸ ਵਿਚ ਗਿਰਾਵਟ ਦੇਖਣ ਨੂੰ ਮਿਲ ਰਹੀ ਹੈ।

 ਦੂਜੇ ਨਿਫਟੀ ਵੀ 261.55 ਅੰਕ ਭਾਵ 1.05 ਫ਼ੀਸਦੀ ਡਿੱਗ ਕੇ 24,683.90 ਦੇ ਪੱਧਰ 'ਤੇ ਬੰਦ ਹੋਇਆ ਹੈ। ਇਸ ਦੇ ਨਾਲ ਹੀ ਬੈਂਕ ਨਿਫਟੀ ਵੀ 543.35 ਅੰਕ ਡਿੱਗ ਕੇ ਬੰਦ ਹੋਇਆ ਹੈ। 

ਗਲੋਬਲ ਬਾਜ਼ਾਰਾਂ ਦਾ ਹਾਲ

ਏਸ਼ੀਆਈ ਬਾਜ਼ਾਰਾਂ ਵਿੱਚ, ਜਾਪਾਨ ਦਾ ਨਿੱਕੇਈ ਲਗਭਗ 200 ਅੰਕ (0.5%) ਵਧ ਕੇ 37,700 'ਤੇ ਕਾਰੋਬਾਰ ਕਰ ਰਿਹਾ ਹੈ, ਅਤੇ ਕੋਰੀਆ ਦਾ ਕੋਸਪੀ ਲਗਭਗ 10 ਅੰਕ (0.3%) ਵਧ ਕੇ 2,610 'ਤੇ ਕਾਰੋਬਾਰ ਕਰ ਰਿਹਾ ਹੈ।
ਹਾਂਗ ਕਾਂਗ ਦਾ ਹੈਂਗ ਸੇਂਗ ਇੰਡੈਕਸ ਲਗਭਗ 300 ਅੰਕ (1.3%) ਵਧ ਕੇ 23,630 'ਤੇ ਕਾਰੋਬਾਰ ਕਰ ਰਿਹਾ ਹੈ। ਚੀਨ ਦਾ ਸ਼ੰਘਾਈ ਕੰਪੋਜ਼ਿਟ 13 ਅੰਕ (0.38%) ਵਧ ਕੇ 3,380 'ਤੇ ਪਹੁੰਚ ਗਿਆ।
19 ਮਈ ਨੂੰ, ਅਮਰੀਕਾ ਦਾ ਡਾਓ ਜੋਨਸ 137 ਅੰਕ (0.32%) ਦੇ ਵਾਧੇ ਨਾਲ 42,792 'ਤੇ ਬੰਦ ਹੋਇਆ। ਨੈਸਡੈਕ ਕੰਪੋਜ਼ਿਟ ਅਤੇ ਐਸ ਐਂਡ ਪੀ 500 19,215 ਅਤੇ 5,963 'ਤੇ ਸਥਿਰ ਬੰਦ ਹੋਏ।

ਸੋਮਵਾਰ ਨੂੰ ਸ਼ੇਅਰ ਬਾਜ਼ਾਰ 271 ਅੰਕ ਡਿੱਗਾ

ਅੱਜ ਯਾਨੀ ਸੋਮਵਾਰ, 19 ਮਈ, ਹਫ਼ਤੇ ਦੇ ਪਹਿਲੇ ਕਾਰੋਬਾਰੀ ਦਿਨ, ਸ਼ੇਅਰ ਬਾਜ਼ਾਰ ਵਿੱਚ ਗਿਰਾਵਟ ਆਈ। ਸੈਂਸੈਕਸ 271 ਅੰਕ ਡਿੱਗ ਕੇ 82,059 'ਤੇ ਬੰਦ ਹੋਇਆ। ਨਿਫਟੀ 74 ਅੰਕ ਡਿੱਗ ਕੇ 24,945 'ਤੇ ਬੰਦ ਹੋਇਆ।