SBI ਦੇ ਖ਼ਾਤਾਧਾਰਕਾਂ ਲਈ ਅਹਿਮ ਖ਼ਬਰ: 1 ਜੁਲਾਈ ਤੋਂ ਸਰਵਿਸ ਚਾਰਜ 'ਚ ਹੋਣਗੇ ਬਦਲਾਅ

ਨਵੀਂ ਦਿੱਲੀ - ਸਟੇਟ ਬੈਂਕ ਆਫ਼ ਇੰਡੀਆ ਅਗਲੇ ਮਹੀਨੇ 1 ਜੁਲਾਈ 2021 ਤੋਂ ਸਰਵਿਸ ਚਾਰਜਸ ਵਿਚ ਬਦਲਾਅ ਕਰ ਰਿਹਾ ਹੈ। ਇਸ ਵਿਚ SBI ATM, ਸ਼ਾਖਾ 'ਚੋਂ ਪੈਸੇ ਕਢਵਾਉਣ ਅਤੇ ਚੈੱਕ ਬੁੱਕ ਜਾਰੀ ਕਰਨ ਦੇ ਖਰਚੇ ਸ਼ਾਮਲ ਹਨ। ਹਾਲਾਂਕਿ ਇਹ ਤਬਦੀਲੀਆਂ ਬੇਸਿਕ ਬਚਤ ਬੈਂਕ ਜਮ੍ਹਾਂ (ਬੀ.ਐੱਸ.ਬੀ.ਡੀ.) ਖਾਤਾ ਧਾਰਕਾਂ ਲਈ ਹਨ। 

ATM ਤੋਂ ਵਾਪਸ ਕਢਵਾਉਣ ਦਾ ਖਰਚਾ

ਸਟੇਟ ਬੈਂਕ ਦੇ ਏ.ਟੀ.ਐੱਮ ਤੋਂ ਪਹਿਲੇ ਚਾਰ ਵਾਰ ਪੈਸੇ ਕਢਵਾਉਣ 'ਤੇ ਕੋਈ ਚਾਰਜ ਨਹੀਂ ਲੱਗੇਗਾ ਭਾਵ ਮੁਫਤ ਹੋਣਗੇ। ਬੈਂਕ ਨੇ ਮੁਫਤ ਨਕਦ ਲੈਣ-ਦੇਣ ਦੀ ਗਿਣਤੀ ਵਧਾ ਕੇ 4 ਕਰ ਦਿੱਤੀ ਹੈ। ਯਾਨੀ ਹੁਣ ਜੇ ਤੁਸੀਂ ਸਟੇਟ ਬੈਂਕ ਆਫ਼ ਇੰਡੀਆ ਦੇ ਏ.ਟੀ.ਐੱਮ ਤੋਂ ਇਕ ਮਹੀਨੇ ਵਿਚ ਚਾਰ ਵਾਰ ਤੋਂ ਵੀ ਵੱਧ ਪੈਸੇ ਕਢਵਾਉਂਦੇ ਹੋ ਤਾਂ ਤੁਹਾਨੂੰ ਪੰਜਵੀਂ ਟਰਾਂਜੈਕਸ਼ਨ ਤੋਂ ਲੈ ਕੇ ਅਗਲੀ ਹਰ ਟਰਾਂਜੈਕਸ਼ਨ ਲਈ 15 ਰੁਪਏ + GST ਦੇਣਾ ਪਵੇਗਾ। ਇਹ ਸੇਵਾ ਚਾਰਜ ਸਾਰੇ ਸਟੇਟ ਬੈਂਕ ਅਤੇ ਗੈਰ- ਸਟੇਟ ਬੈਂਕ ਦੇ ਏਟੀਐਮ 'ਤੇ ਵੀ ਲਗਾਇਆ ਜਾਵੇਗਾ।

ਇਹ ਵੀ ਪੜ੍ਹੋ : ਜ਼ੋਮੈਟੋ ਤੇ ਸਵਿੱਗੀ ਦਾ ਵਧ ਸਕਦੈ ਸੰਕਟ, 25 ਫ਼ੀਸਦੀ ਰੈਸਟੋਰੈਂਟ ਵਾਲਿਆਂ ਨੇ ਲੱਭਿਆ ਬਦਲ

ਸ਼ਾਖਾ ਵਿਚੋਂ ਨਕਦ ਕਢਵਾਉਣ ਲਈ ਚਾਰਜ

ਐੱਸ.ਬੀ.ਆਈ. ਦੀ ਵੈਬਸਾਈਟ 'ਤੇ ਦਿੱਤੀ ਜਾਣਕਾਰੀ ਮੁਤਾਬਕ ਏ.ਟੀ.ਐੱਮ. ਵਿਚੋਂ ਨਕਦ ਕਢਵਾਉਣ ਦੇ ਨਾਲ ਬੈਂਕ ਨੇ ਬ੍ਰਾਂਚ ਤੋਂ 4 ਵਾਰ ਨਕਦ ਕਢਵਾਉਣ ਲਈ ਲੱਗਣ ਵਾਲੇ ਚਾਰਜ ਨੂੰ ਮੁਆਫ਼ ਕਰ ਦਿੱਤਾ ਹੈ। ਅਰਥਾਤ ਪਹਿਲੀਆਂ ਚਾਰ ਨਿਕਾਸੀ ਮੁਫਤ ਹੋਣਗੀਆਂ ਇਸ ਤੋਂ ਬਾਅਦ ਬੈਂਕ ਸ਼ਾਖਾ ਤੋਂ ਪੈਸੇ ਕਢਵਾਉਣ 'ਤੇ ਇੱਕ ਚਾਰਜ ਲੱਗੇਗਾ। ਨਵਾਂ ਚਾਰਜ ਸ਼ਾਖਾ / ਏ.ਟੀ.ਐੱਮ 'ਤੇ ਪ੍ਰਤੀ ਨਕਦ ਕਢਵਾਉਣ ਲਈ 15 ਰੁਪਏ + ਜੀ.ਐੱਸ.ਟੀ. ਹੈ।

ਇਹ ਵੀ ਪੜ੍ਹੋ : ਮੁਸ਼ਕਲ ਸਮੇਂ 'ਚ ਰਿਲਾਇੰਸ ਨੇ ਖੋਲ੍ਹੇ ਮਦਦ ਲਈ ਦਰਵਾਜ਼ੇ, ਮੁਲਾਜ਼ਮਾਂ ਸਮੇਤ ਪਰਿਵਾਰਾਂ ਦੀ ਕਰੇਗੀ ਸਹਾਇਤਾ

ਚੈੱਕ ਬੁੱਕ ਚਾਰਜ

ਬੀ.ਐੱਸ.ਬੀ.ਡੀ. ਖਾਤਾ ਖੁੱਲਵਾਉਣ 'ਤੇ Bank ਵਲੋਂ ਖ਼ਾਤਾਧਾਰਕ ਨੂੰ 10 ਚੈੱਕ ਬੁੱਕ ਪੰਨੇ ਮੁਫਤ ਦਿੱਤੇ ਜਾਣਗੇ। ਇਹ ਇਕ ਵਿੱਤੀ ਸਾਲ ਦੀ ਸੀਮਾ ਹੈ, ਜਿਸ ਤੋਂ ਬਾਅਦ ਚੈੱਕਬੁੱਕ ਲੈਣ ਲਈ ਵੱਖਰੀ ਫੀਸ ਜਮ੍ਹਾ ਕਰਨੀ ਪਏਗੀ। ਜੇ ਕੋਈ ਖ਼ਾਤਾਧਾਰਕ ਵਿੱਤੀ ਸਾਲ ਵਿਚ 10 ਮੁਫਤ ਚੈੱਕ ਬੁੱਕ ਤੋਂ ਇਲਾਵਾ 10 ਪੰਨਿਆਂ ਦੀ ਚੈੱਕ ਬੁੱਕ ਲੈਂਦਾ ਹੈ, ਤਾਂ 40 ਰੁਪਏ + ਜੀ.ਐੱਸ.ਟੀ. ਲਗਾਇਆ ਜਾਵੇਗਾ। 75 ਰੁਪਏ + GST ਚਾਰਜ 25 ਪੰਨਿਆਂ ਲਈ ਵਸੂਲਿਆ ਜਾਵੇਗਾ। ਐਮਰਜੈਂਸੀ ਸੇਵਾ ਤਹਿਤ 10 ਪੰਨਿਆਂ ਦੀ ਚੈੱਕ ਬੁੱਕ ਲਈ 50 ਰੁਪਏ + ਜੀ.ਐਸ.ਟੀ. ਲਏ ਜਾਣਗੇ। ਹਾਲਾਂਕਿ ਬਜ਼ੁਰਗ ਨਾਗਰਿਕਾਂ ਨੂੰ ਚੈੱਕ ਬੁੱਕਾਂ 'ਤੇ ਨਵੇਂ ਸਰਵਿਸ ਚਾਰਜ ਤੋਂ ਛੋਟ ਹੈ।

ਇਹ ਵੀ ਪੜ੍ਹੋ : ਹੈਕਰਸ ਦੀ ਦਾਦਾਗਿਰੀ: ਆਪਣਾ ਹੀ ਡਾਟਾ ਵਾਪਸ ਲੈਣ ਲਈ ਭਾਰਤੀ ਕੰਪਨੀਆਂ ਚੁਕਾ ਰਹੀਆਂ ਕਰੋੜਾਂ ਰੁਪਏ

SBI BSBD ਖਾਤਾ ਕੀ ਹੈ?

SBI BSBD ਖ਼ਾਤਾ ਜ਼ੀਰੋ ਬੈਲੇਂਸ ਸੇਵਿੰਗ ਅਕਾਉਂਟ ਵਜੋਂ ਜਾਣਿਆ ਜਾਂਦਾ ਹੈ। ਇਹ ਮੁੱਖ ਤੌਰ 'ਤੇ ਸਮਾਜ ਦੇ ਗਰੀਬ ਵਰਗਾਂ ਲਈ ਹੈ, ਤਾਂ ਜੋ ਉਨ੍ਹਾਂ ਨੂੰ ਬਿਨਾਂ ਕਿਸੇ ਫੀਸ ਦੇ ਬਚਤ ਸ਼ੁਰੂ ਕਰਨ ਲਈ ਉਤਸ਼ਾਹਤ ਕੀਤਾ ਜਾ ਸਕੇ। ਇਸ ਖਾਤੇ 'ਤੇ ਵਿਆਜ ਨਿਯਮਤ ਬਚਤ ਖਾਤਿਆਂ ਵਾਂਗ ਹੀ ਹੈ।

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।