''ਕਾਰਾਂ ਦੀ ਮੰਗ ਨੂੰ ਨਕਾਰਾਤਮਕ ਤੌਰ ''ਤੇ ਪ੍ਰਭਾਵਿਤ ਕਰਦਾ ਹੈ ਸੈਮੀਕੰਡਕਟਰਾਂ ਦੀ ਘਾਟ ਕਾਰਨ ਵਧਿਆ ਵੇਟਿੰਗ ਪੀਰੀਅਡ''

ਨਵੀਂ ਦਿੱਲੀ — ਦੇਸ਼ ਦੀ ਪ੍ਰਮੁੱਖ ਕਾਰ ਨਿਰਮਾਤਾ ਕੰਪਨੀ ਮਾਰੂਤੀ ਸੁਜ਼ੂਕੀ ਇੰਡੀਆ (ਐੱਮ. ਐੱਸ. ਆਈ.) ਦਾ ਮੰਨਣਾ ਹੈ ਕਿ ਸੈਮੀਕੰਡਕਟਰਾਂ ਦੀ ਕਮੀ ਕਾਰਨ ਉਡੀਕ ਮਿਆਦ ਵਧਣ ਨਾਲ ਦੇਸ਼ 'ਚ ਕਾਰਾਂ ਦੀ ਮੰਗ 'ਤੇ ਨਕਾਰਾਤਮਕ ਅਸਰ ਪੈ ਸਕਦਾ ਹੈ। ਹਾਲਾਂਕਿ ਇਸ ਦੇ ਨਾਲ ਹੀ ਕੰਪਨੀ ਨੇ ਕਿਹਾ ਹੈ ਕਿ ਪਿਛਲੇ ਕੁਝ ਮਹੀਨਿਆਂ ਦੌਰਾਨ ਚਿੱਪ ਦੀ ਸਪਲਾਈ 'ਚ ਹੌਲੀ-ਹੌਲੀ ਸੁਧਾਰ ਹੋ ਰਿਹਾ ਹੈ। ਕੰਪਨੀ ਕੋਲ ਇਸ ਸਮੇਂ ਲਗਭਗ 2.5 ਲੱਖ ਯੂਨਿਟਾਂ ਦਾ ਆਰਡਰ ਬਕਾਇਆ ਹੈ। ਇਸ ਦੇ ਨਾਲ ਹੀ ਬਾਜ਼ਾਰ 'ਚ ਮੰਗ ਵੀ ਲਗਾਤਾਰ ਮਜ਼ਬੂਤ ਬਣੀ ਹੋਈ ​​ਹੈ। ਨਵੰਬਰ ਵਿਚ ਕੰਪਨੀ ਦਾ ਉਤਪਾਦਨ ਆਮ ਤੋਂ 80 ਫ਼ੀਸਦੀ ਵਧ ਰਿਹਾ।

ਮਾਰੂਤੀ ਸੁਜ਼ੂਕੀ ਦੇ ਸੀਨੀਅਰ ਕਾਰਜਕਾਰੀ ਨਿਰਦੇਸ਼ਕ (ਮਾਰਕੀਟਿੰਗ ਅਤੇ ਸੇਲਜ਼) ਸ਼ਸ਼ਾਂਕ ਸ਼੍ਰੀਵਾਸਤਵ ਨੇ ਕਿਹਾ, “ਬੁਕਿੰਗ ਦਰਸਾਉਂਦੀ ਹੈ ਕਿ ਮੰਗ ਬਹੁਤ ਮਜ਼ਬੂਤ ​​ਹੈ। ਪੁੱਛਗਿੱਛ ਅਤੇ ਬੁਕਿੰਗ ਦੋਵਾਂ ਵਿੱਚ ਸੁਧਾਰ ਹੋਇਆ ਹੈ ਪਰ ਹੁਣ ਉਪਲਬਧਤਾ ਇੱਕ ਮੁੱਦਾ ਹੈ ਅਤੇ ਉਡੀਕ ਦੀ ਮਿਆਦ ਵਧ ਗਈ ਹੈ।” ਉਨ੍ਹਾਂ ਨੇ ਅੱਗੇ ਕਿਹਾ, “ਇਸ ਲਈ ਸਾਨੂੰ ਡਰ ਹੈ ਕਿ ਲੰਬੇ ਉਡੀਕ ਸਮੇਂ ਦੇ ਕਾਰਨ ਮੰਗ ਦਾ ਰੁਝਾਨ ਪ੍ਰਭਾਵਿਤ ਹੋ ਸਕਦਾ ਹੈ, ਇਸਦਾ ਨਕਾਰਾਤਮਕ ਪ੍ਰਭਾਵ ਮੌਜੂਦਾ ਸਮੇਂ ਵਿੱਚ ਪ੍ਰਭਾਵਿਤ ਹੋ ਸਕਦਾ ਹੈ। ਵਰਤਮਾਨ ਸਮੇਂ ਵਿਚ ਘਰੇਲੂ ਯਾਤਰੀ ਵਾਹਨ ਬਾਜ਼ਾਰ ਵਿਚ ਮਾਡਲਾਂ ਅਤੇ ਸੰਸਕਰਣਾਂ ਦੇ ਆਧਾਰ 'ਤੇ ਉਡੀਕ ਦੀ ਮਿਆਦ ਹਫ਼ਤਿਆਂ ਤੋਂ ਮਹੀਨਿਆਂ ਤੱਕ ਹੋ ਸਕਦੀ ਹੈ।' ਸ਼੍ਰੀਨਿਵਾਸ ਨੇ ਕਿਹਾ ਕਿ ਮਾਰੂਤੀ ਦੀ ਬੁਕਿੰਗ ਰੱਦ ਨਹੀਂ ਹੋ ਰਹੀ ਹੈ ਕਿਉਂਕਿ ਕੰਪਨੀ ਆਪਣੇ ਗਾਹਕਾਂ ਨਾਲ ਲਗਾਤਾਰ ਰਾਭਤਾ ਕਾਇਮ ਰੱਖ ਰਹੀ ਹੈ।

ਉਨ੍ਹਾਂ ਨੇ  ਕਿਹਾ ਕਿ ਲਗਭਗ ਹਰ ਗਾਹਕ ਨੂੰ ਹਰ ਹਫ਼ਤੇ ਸੰਪਰਕ ਕੀਤਾ ਜਾ ਰਿਹਾ ਹੈ ਅਤੇ ਸਥਿਤੀ ਤੋਂ ਜਾਣੂ ਕਰਵਾਇਆ ਜਾ ਰਿਹਾ ਹੈ। ਮੈਨੂੰ ਇਹ ਦੱਸਦੇ ਹੋਏ ਖੁਸ਼ੀ ਹੋ ਰਹੀ ਹੈ ਕਿ ਉਹ ਉਡੀਕ ਦੀ ਮਿਆਦ ਦੇ ਕਾਰਨ ਬੁਕਿੰਗ ਨੂੰ ਰੱਦ ਨਹੀਂ ਕਰ ਰਹੇ ਹਨ। ਇਸ ਤੋਂ ਇਲਾਵਾ ਕੰਪਨੀ ਇਸ ਸਥਿਤੀ ਨਾਲ ਨਜਿੱਠਣ ਲਈ ਉਤਪਾਦਨ ਵਧਾਉਣ ਦੀ ਪੂਰੀ ਕੋਸ਼ਿਸ਼ ਕਰ ਰਹੀ ਹੈ।

ਸ੍ਰੀਵਾਸਤਵ ਨੇ ਕਿਹਾ ਕਿ ਸੈਮੀਕੰਡਕਟਰ ਦੀ ਕਮੀ ਕਾਰਨ ਸਪਲਾਈ ਵਿੱਚ ਆਈ ਗਿਰਾਵਟ ਵਿੱਚ ਹੁਣ ਸੁਧਾਰ ਹੋਇਆ ਹੈ। “ਜੇਕਰ ਤੁਸੀਂ ਇਲੈਕਟ੍ਰਾਨਿਕ ਪੁਰਜ਼ਿਆਂ ਦੀ ਉਪਲਬਧਤਾ ਨੂੰ ਵੇਖਦੇ ਹੋ, ਤਾਂ ਇਹ ਅਗਸਤ ਤੋਂ ਬਾਅਦ ਉਤਪਾਦਨ ਨੂੰ ਪ੍ਰਭਾਵਤ ਕਰ ਰਿਹਾ ਹੈ। ਚੀਜ਼ਾਂ ਥੋੜ੍ਹੀਆਂ ਬਿਹਤਰ ਹੋ ਰਹੀਆਂ ਹਨ - ਸਤੰਬਰ ਵਿੱਚ ਕੰਪਨੀ ਦਾ ਉਤਪਾਦਨ 40 ਪ੍ਰਤੀਸ਼ਤ ਸੀ। ਅਕਤੂਬਰ 'ਚ ਇਹ 60 ਫੀਸਦੀ ਸੀ, ਨਵੰਬਰ 'ਚ ਇਹ ਲਗਭਗ 83-84 ਫੀਸਦੀ ਸੀ। ਸਾਨੂੰ ਉਮੀਦ ਹੈ ਕਿ ਦਸੰਬਰ ਵਿੱਚ ਉਤਪਾਦਨ ਆਮ ਨਾਲੋਂ 80-85% ਦੇ ਆਸਪਾਸ ਰਹੇਗਾ। ਹਾਲਾਂਕਿ, ਇਸ ਦੇ ਨਾਲ ਹੀ ਉਨ੍ਹਾਂ ਕਿਹਾ ਕਿ ਸਥਿਤੀ ਕਦੋਂ ਆਮ ਹੋਵੇਗੀ, ਇਹ ਕਹਿਣਾ ਮੁਸ਼ਕਲ ਹੋਵੇਗਾ।

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।