ਬੈਂਕ ''ਚ ਚੈੱਕ ਕਲੀਅਰ ਹੋਣ ''ਚ ਲੱਗਦਾ ਹੈ ਕਿੰਨਾ ਸਮਾਂ? ਜਾਣੋ ਖਾਤੇ ਵਿੱਚ ਪੈਸੇ ਆਉਣ ਸਬੰਧੀ RBI ਦੇ ਨਵੇਂ ਨਿਯਮ

ਬਿਜ਼ਨੈੱਸ ਡੈਸਕ : ਅੱਜ-ਕੱਲ੍ਹ ਡਿਜੀਟਲ ਪੇਮੈਂਟਸ ਦਾ ਰੁਝਾਨ ਬਹੁਤ ਵਧ ਗਿਆ ਹੈ, ਪਰ ਇਸ ਦੇ ਬਾਵਜੂਦ ਵੱਡੇ ਵਪਾਰਕ ਲੈਣ-ਦੇਣ ਲਈ ਬੈਂਕ ਚੈੱਕ ਅੱਜ ਵੀ ਅਹਿਮ ਭੂਮਿਕਾ ਨਿਭਾ ਰਹੇ ਹਨ। ਭਾਰਤੀ ਰਿਜ਼ਰਵ ਬੈਂਕ (RBI) ਵੱਲੋਂ ਲਾਗੂ ਕੀਤੀ ਗਈ ਨਵੀਂ ਵਿਵਸਥਾ ਅਤੇ ਚੈੱਕ ਟ੍ਰੰਕੇਸ਼ਨ ਸਿਸਟਮ (CTS) ਕਾਰਨ ਹੁਣ ਚੈੱਕ ਕਲੀਅਰ ਹੋਣ ਦੀ ਪ੍ਰਕਿਰਿਆ ਪਹਿਲਾਂ ਦੇ ਮੁਕਾਬਲੇ ਕਾਫੀ ਤੇਜ਼ ਹੋ ਗਈ ਹੈ।

ਇਹ ਵੀ ਪੜ੍ਹੋ :  8ਵੇਂ ਤਨਖਾਹ ਕਮਿਸ਼ਨ ਤਹਿਤ ਸੈਲਰੀ 'ਚ ਇਤਿਹਾਸਕ ਵਾਧੇ ਦੀ ਤਿਆਰੀ! ਇਨ੍ਹਾਂ ਸੂਬਿਆਂ 'ਚ ਮੁਕੰਮਲ ਹੋਏ ਮੀਟਿੰਗਾਂ ਦੇ ਦੌਰ

ਕੀ ਹੈ CTS ਸਿਸਟਮ? 

ਪੁਰਾਣੇ ਸਮੇਂ ਵਿੱਚ ਚੈੱਕ ਨੂੰ ਇੱਕ ਬੈਂਕ ਤੋਂ ਦੂਜੇ ਬੈਂਕ ਤੱਕ ਸਰੀਰਕ (physically) ਤੌਰ 'ਤੇ ਭੇਜਿਆ ਜਾਂਦਾ ਸੀ, ਜਿਸ ਕਾਰਨ ਇਸ ਪ੍ਰਕਿਰਿਆ ਵਿੱਚ ਕਈ ਦਿਨ ਲੱਗ ਜਾਂਦੇ ਸਨ। ਪਰ ਹੁਣ CTS ਸਿਸਟਮ ਦੇ ਤਹਿਤ ਚੈੱਕ ਦੀ ਸਿਰਫ਼ ਡਿਜੀਟਲ ਇਮੇਜ ਸਕੈਨ ਕਰਕੇ ਇਲੈਕਟ੍ਰਾਨਿਕ ਤਰੀਕੇ ਨਾਲ ਕਲੀਅਰਿੰਗ ਹਾਊਸ ਨੂੰ ਭੇਜੀ ਜਾਂਦੀ ਹੈ, ਜਿਸ ਨਾਲ ਸਮੇਂ ਦੀ ਕਾਫੀ ਬਚਤ ਹੁੰਦੀ ਹੈ।

ਇਹ ਵੀ ਪੜ੍ਹੋ :    ਘਰੇਲੂ LPG ਸਿਲੰਡਰ ਦੀ ਡਿਲੀਵਰੀ ਲਈ OTP ਸਿਸਟਮ ਹੋਵੇਗਾ ਖ਼ਤਮ! BHC ਨੇ ਤੇਲ ਕੰਪਨੀਆਂ ਨੂੰ ਦਿੱਤੇ ਨਿਰਦੇਸ਼

ਲੋਕਲ ਅਤੇ ਆਊਟਸਟੇਸ਼ਨ ਚੈੱਕ ਲਈ ਨਿਯਮ

ਲੋਕਲ ਚੈੱਕ: ਨਵੀਂ ਵਿਵਸਥਾ ਅਨੁਸਾਰ ਲੋਕਲ ਚੈੱਕ ਆਮ ਤੌਰ 'ਤੇ T+1 ਵਰਕਿੰਗ ਡੇ ਵਿੱਚ ਕਲੀਅਰ ਹੋ ਜਾਂਦੇ ਹਨ। ਇਸ ਦਾ ਮਤਲਬ ਹੈ ਕਿ ਜੇਕਰ ਚੈੱਕ ਕਿਸੇ ਕੰਮਕਾਜੀ ਦਿਨ ਜਮ੍ਹਾ ਕੀਤਾ ਗਿਆ ਹੈ, ਤਾਂ ਅਗਲੇ ਦਿਨ ਤੱਕ ਪੈਸੇ ਖਾਤੇ ਵਿੱਚ ਆ ਸਕਦੇ ਹਨ। ਕਈ ਵਾਰ ਸਵੇਰੇ ਜਲਦੀ ਜਮ੍ਹਾ ਕੀਤੇ ਗਏ ਚੈੱਕ ਉਸੇ ਦਿਨ ਸ਼ਾਮ ਤੱਕ ਵੀ ਕਲੀਅਰ ਹੋ ਜਾਂਦੇ ਹਨ।

ਇਹ ਵੀ ਪੜ੍ਹੋ :  EPFO ਦਾ ਕਰੋੜਾਂ ਕਰਮਚਾਰੀਆਂ ਨੂੰ ਵੱਡਾ ਤੋਹਫ਼ਾ: ਹੁਣ ਕਿਸੇ ਵੀ ਸਮੇਂ ਕਢਵਾ ਸਕੋਗੇ PF ਦੇ ਪੈਸੇ, ਜਾਣੋ ਨਵਾਂ ਸਿਸਟਮ

ਆਊਟਸਟੇਸ਼ਨ ਚੈੱਕ: ਬਾਹਰਲੇ ਸ਼ਹਿਰਾਂ ਦੇ ਚੈੱਕ ਵੀ ਹੁਣ ਤੇਜ਼ੀ ਨਾਲ ਸੈਟਲ ਹੋ ਰਹੇ ਹਨ। CTS ਗ੍ਰਿਡ ਪ੍ਰਣਾਲੀ ਦੇ ਆਉਣ ਤੋਂ ਬਾਅਦ ਇਹ ਚੈੱਕ 2 ਤੋਂ 3 ਕੰਮਕਾਜੀ ਦਿਨਾਂ ਵਿੱਚ ਕਲੀਅਰ ਹੋ ਜਾਂਦੇ ਹਨ, ਜਦਕਿ ਪਹਿਲਾਂ ਇਸ ਵਿੱਚ ਹਫ਼ਤੇ ਤੋਂ ਵੱਧ ਦਾ ਸਮਾਂ ਲੱਗਦਾ ਸੀ।

ਇਹ ਵੀ ਪੜ੍ਹੋ : ਜ਼ਮੀਨ 'ਤੇ ਜਹਾਜ਼ ਚਲਾਉਣ ਲਈ ਏਅਰਲਾਈਨ ਲੱਭ ਰਹੀ ਪਾਇਲਟ, 95 ਲੱਖ ਰੁਪਏ ਮਿਲੇਗੀ ਤਨਖ਼ਾਹ

ਦੇਰੀ ਹੋਣ 'ਤੇ ਬੈਂਕ ਨੂੰ ਦੇਣਾ ਪਵੇਗਾ ਹਰਜਾਨਾ

RBI ਨੇ ਬੈਂਕਾਂ ਨੂੰ ਸਖ਼ਤ ਨਿਰਦੇਸ਼ ਦਿੱਤੇ ਹਨ ਕਿ ਚੈੱਕ ਕਲੀਅਰਿੰਗ ਵਿੱਚ ਬਿਨਾਂ ਵਜ੍ਹਾ ਦੇਰੀ ਨਾ ਕੀਤੀ ਜਾਵੇ। ਜੇਕਰ ਬੈਂਕ ਦੀ ਲਾਪਰਵਾਹੀ ਕਾਰਨ ਤੈਅ ਸਮਾਂ ਸੀਮਾ ਤੋਂ ਵੱਧ ਦੇਰੀ ਹੁੰਦੀ ਹੈ, ਤਾਂ ਬੈਂਕ ਨੂੰ ਗਾਹਕ ਨੂੰ ਮੁਆਵਜ਼ੇ ਜਾਂ ਵਿਆਜ ਦੇ ਰੂਪ ਵਿੱਚ ਹਰਜਾਨਾ ਦੇਣਾ ਪਵੇਗਾ। ਕੁੱਲ ਮਿਲਾ ਕੇ, ਡਿਜੀਟਲ ਤਕਨੀਕ ਅਤੇ RBI ਦੇ ਇਨ੍ਹਾਂ ਨਿਯਮਾਂ ਨੇ ਚੈੱਕ ਕਲੀਅਰਿੰਗ ਸਿਸਟਮ ਨੂੰ ਵਧੇਰੇ ਤੇਜ਼, ਪਾਰਦਰਸ਼ੀ ਅਤੇ ਗਾਹਕ-ਪੱਖੀ ਬਣਾ ਦਿੱਤਾ ਹੈ।

ਇਹ ਵੀ ਪੜ੍ਹੋ :   ਦੋ ਦਿਨ ਦੀ ਦੇਸ਼ ਵਿਆਪੀ Bank Strike ਦਾ ਐਲਾਨ, ਪ੍ਰਭਾਵਿਤ ਹੋ ਸਕਦੀਆਂ ਹਨ ਬੈਂਕਿੰਗ ਸੇਵਾਵਾਂ

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt