Hyundai ਨੇ ਦੁਨੀਆ ਭਰ 'ਚੋਂ 1.32 ਲੱਖ SUV ਗੱਡੀਆਂ ਮੰਗਵਾਈਆਂ ਵਾਪਸ,  ਜਾਨਲੇਵਾ ਬਣਿਆ ਲਗਜ਼ਰੀ ਫੀਚਰ

ਬਿਜ਼ਨੈੱਸ ਡੈਸਕ : ਅੱਜ ਦੇ ਦੌਰ ਵਿੱਚ ਅਸੀਂ ਗੱਡੀਆਂ ਵਿੱਚ ਮਿਲਣ ਵਾਲੀ ਲਗਜ਼ਰੀ ਅਤੇ ਆਧੁਨਿਕ ਸੁਵਿਧਾਵਾਂ ਨੂੰ ਸੁਰੱਖਿਆ ਦੀ ਗਾਰੰਟੀ ਮੰਨਦੇ ਹਾਂ, ਪਰ ਕਈ ਵਾਰ ਇਹੀ ਤਕਨੀਕ ਜਾਨਲੇਵਾ ਸਾਬਤ ਹੋ ਸਕਦੀ ਹੈ। ਮਸ਼ਹੂਰ ਕਾਰ ਨਿਰਮਾਤਾ ਕੰਪਨੀ Hyundai ਨੇ ਇੱਕ ਮਾਸੂਮ ਬੱਚੇ ਦੀ ਦਰਦਨਾਕ ਮੌਤ ਤੋਂ ਬਾਅਦ ਵੱਡਾ ਕਦਮ ਚੁੱਕਦੇ ਹੋਏ ਗਲੋਬਲ ਮਾਰਕੀਟ ਵਿੱਚੋਂ ਆਪਣੀ ਪ੍ਰੀਮੀਅਮ SUV 'Palisade' ਦੀਆਂ 1.32 ਲੱਖ ਗੱਡੀਆਂ ਨੂੰ ਵਾਪਸ ਮੰਗਵਾਉਣ (Recall) ਦਾ ਫੈਸਲਾ ਕੀਤਾ ਹੈ।

ਇਹ ਵੀ ਪੜ੍ਹੋ :  1 ਅਪ੍ਰੈਲ ਤੋਂ ਲਾਗੂ ਹੋਵੇਗਾ ਨਵਾਂ ਇਨਕਮ ਟੈਕਸ ਕਾਨੂੰਨ, ਤਨਖਾਹ ਲੈਣ ਵਾਲੇ ਕਰਮਚਾਰੀਆਂ ਲਈ ਵੱਡੇ ਬਦਲਾਅ

ਜਾਣੋ ਪੂਰਾ ਮਾਮਲਾ

ਇਸ ਪੂਰੀ ਘਟਨਾ ਦੀ ਵਜ੍ਹਾ ਕਾਰ ਦੀ ਤੀਜੀ ਲਾਈਨ ਵਿੱਚ ਲੱਗੀ 'ਪਾਵਰ ਫੋਲਡਿੰਗ ਸੀਟ' (Power folding seat) ਹੈ। ਅਸਲ ਵਿੱਚ, ਆਧੁਨਿਕ ਕਾਰਾਂ ਵਿੱਚ 'ਐਂਟੀ-ਪਿੰਚ' (Anti-pinch) ਸੈਂਸਰ ਲਗਾਏ ਜਾਂਦੇ ਹਨ, ਜਿਨ੍ਹਾਂ ਦਾ ਕੰਮ ਇਹ ਹੁੰਦਾ ਹੈ ਕਿ ਜੇਕਰ ਸੀਟ ਜਾਂ ਸ਼ੀਸ਼ਾ ਬੰਦ ਹੁੰਦੇ ਸਮੇਂ ਕੋਈ ਚੀਜ਼ ਜਾਂ ਸਰੀਰ ਦਾ ਹਿੱਸਾ ਵਿਚਕਾਰ ਆ ਜਾਵੇ, ਤਾਂ ਸਿਸਟਮ ਤੁਰੰਤ ਰੁਕ ਜਾਵੇ। Palisade ਦੇ ਮਾਮਲੇ ਵਿੱਚ ਇਹ ਸੈਂਸਰ ਸਹੀ ਸਮੇਂ 'ਤੇ ਕੰਮ ਕਰਨ ਵਿੱਚ ਨਾਕਾਮ ਰਿਹਾ, ਜਿਸ ਕਾਰਨ ਇੱਕ ਦੋ ਸਾਲ ਦਾ ਬੱਚਾ ਸੀਟ ਦੇ ਹੇਠਾਂ ਦਬ ਗਿਆ ਅਤੇ ਉਸ ਦੀ ਮੌਤ ਹੋ ਗਈ।

ਇਹ ਵੀ ਪੜ੍ਹੋ :  ਸਰਕਾਰ ਨੇ ਪੈਟਰੋਲ ਅਤੇ ਡੀਜ਼ਲ 'ਤੇ ਘਟਾਈ ਐਕਸਾਈਜ਼ ਡਿਊਟੀ, ਕੀ ਸਸਤਾ ਹੋਵੇਗਾ ਤੇਲ ?

ਇਨ੍ਹਾਂ ਮਾਡਲਾਂ 'ਤੇ ਪਵੇਗਾ ਅਸਰ

ਕੰਪਨੀ ਨੇ ਸਵੀਕਾਰ ਕੀਤਾ ਹੈ ਕਿ ਖਾਸ ਤੌਰ 'ਤੇ 'ਲਿਮਿਟੇਡ' (Limited) ਅਤੇ 'ਕੈਲੀਗ੍ਰਾਫੀ' (Calligraphy) ਵੇਰੀਐਂਟਸ ਵਿੱਚ ਇਹ ਤਕਨੀਕੀ ਖਰਾਬੀ ਦੇਖੀ ਗਈ ਹੈ। ਇਸ ਸੁਧਾਰ ਮੁਹਿੰਮ ਤਹਿਤ ਉੱਤਰੀ ਅਮਰੀਕਾ ਅਤੇ ਕੈਨੇਡਾ ਸਮੇਤ ਕਈ ਦੇਸ਼ਾਂ ਤੋਂ ਲਗਭਗ 1,32,000 ਗੱਡੀਆਂ ਵਾਪਸ ਬੁਲਾਈਆਂ ਗਈਆਂ ਹਨ।

ਇਹ ਵੀ ਪੜ੍ਹੋ :   1 ਅਪ੍ਰੈਲ ਤੋਂ ਬਦਲ ਜਾਵੇਗੀ ਤੁਹਾਡੀ ਸੈਲਰੀ! ਜਾਣੋ ਨਵੇਂ IT ਨਿਯਮਾਂ ਦਾ ਤੁਹਾਡੀ ਜੇਬ 'ਤੇ ਕੀ ਪਵੇਗਾ ਅਸਰ

ਕੰਪਨੀ 'ਤੇ ਪਵੇਗਾ ਕਰੋੜਾਂ ਦਾ ਬੋਝ

ਮਾਹਿਰਾਂ ਅਨੁਸਾਰ, ਇਸ ਵੱਡੇ ਰਿਕਾਲ ਕਾਰਨ Hyundai ਨੂੰ ਕਰੀਬ 100 ਅਰਬ ਵੌਨ (ਲਗਭਗ 550 ਕਰੋੜ ਰੁਪਏ) ਤੋਂ ਵੱਧ ਦਾ ਖਰਚਾ ਚੁੱਕਣਾ ਪਵੇਗਾ। ਹਾਲਾਂਕਿ ਇਹ ਰਕਮ ਕੰਪਨੀ ਦੇ ਮੁਨਾਫੇ ਦਾ ਛੋਟਾ ਹਿੱਸਾ ਹੋ ਸਕਦੀ ਹੈ, ਪਰ ਬ੍ਰਾਂਡ ਦੀ ਸਾਖ ਅਤੇ ਗਾਹਕਾਂ ਦੇ ਭਰੋਸੇ ਨੂੰ ਬਣਾਏ ਰੱਖਣਾ ਕੰਪਨੀ ਲਈ ਵੱਡੀ ਚੁਣੌਤੀ ਹੋਵੇਗੀ।

ਇਹ ਵੀ ਪੜ੍ਹੋ :  1 ਅਪ੍ਰੈਲ ਤੋਂ ਬਦਲ ਜਾਣਗੇ ਅਹਿਮ ਨਿਯਮ, LPG ਸਿਲੰਡਰ ਤੋਂ ਲੈ ਕੇ ATM ਤੱਕ, ਤੁਹਾਡੀ ਜੇਬ 'ਤੇ ਹੋਵੇਗਾ ਅਸਰ

ਕਾਰ ਮਾਲਕਾਂ ਲਈ ਜ਼ਰੂਰੀ ਸਲਾਹ

Hyundai ਫਿਲਹਾਲ ਪ੍ਰਭਾਵਿਤ ਗੱਡੀਆਂ ਦੇ ਸਾਫਟਵੇਅਰ ਅਤੇ ਸੀਟ ਅਸੈਂਬਲੀ ਨੂੰ ਠੀਕ ਕਰਨ ਦੀ ਯੋਜਨਾ 'ਤੇ ਕੰਮ ਕਰ ਰਹੀ ਹੈ। ਮਾਹਿਰਾਂ ਨੇ ਸਲਾਹ ਦਿੱਤੀ ਹੈ ਕਿ ਜਦੋਂ ਤੱਕ ਇਹ ਤਕਨੀਕੀ ਨੁਕਸ ਪੂਰੀ ਤਰ੍ਹਾਂ ਠੀਕ ਨਹੀਂ ਹੋ ਜਾਂਦਾ, ਉਦੋਂ ਤੱਕ ਬੱਚਿਆਂ ਨੂੰ ਕਾਰ ਦੀਆਂ ਪਾਵਰ ਸੀਟਾਂ ਦੇ ਕੋਲ ਇਕੱਲੇ ਨਾ ਛੱਡਿਆ ਜਾਵੇ।

ਇਹ ਵੀ ਪੜ੍ਹੋ :   ਆਮ ਆਦਮੀ 'ਤੇ ਮਹਿੰਗਾਈ ਦੀ ਮਾਰ: ਪੈਟਰੋਲ 5.30 ਰੁਪਏ ਤੇ ਡੀਜ਼ਲ 3 ਰੁਪਏ ਹੋਇਆ ਮਹਿੰਗਾ

ਭਾਰਤ ਵਿੱਚ Palisade ਦੀ ਕੀਮਤ

ਦੱਸ ਦੇਈਏ ਕਿ ਭਾਰਤ ਵਿੱਚ ਹੁੰਡਈ ਪਲਿਸੇਡ (Hyundai Palisade) ਦੀ ਅਨੁਮਾਨਿਤ ਕੀਮਤ 40 ਲੱਖ ਤੋਂ 60 ਲੱਖ ਰੁਪਏ (ਐਕਸ-ਸ਼ੋਰੂਮ) ਦੇ ਵਿਚਕਾਰ ਹੋਣ ਦੀ ਸੰਭਾਵਨਾ ਹੈ। ਇਹ ਇੱਕ ਪ੍ਰੀਮੀਅਮ 7-8 ਸੀਟਰ SUV ਹੈ, ਜੋ ਟੋਇਟਾ ਫਾਰਚੂਨਰ ਵਰਗੀਆਂ ਗੱਡੀਆਂ ਨੂੰ ਟੱਕਰ ਦਿੰਦੀ ਹੈ।

ਇਹ ਵੀ ਪੜ੍ਹੋ :   LPG ਸਿਲੰਡਰ ਬੁੱਕ ਕਰਨ ਦੇ ਨਿਯਮਾਂ 'ਚ ਫਿਰ ਹੋ ਗਿਆ ਵੱਡਾ ਬਦਲਾਅ, 24 ਘੰਟੇ ਸੇਵਾ ਹੋਈ ਬੰਦ

ਇਹ ਵੀ ਪੜ੍ਹੋ :  ਹੁਣ 25 ਦਿਨਾਂ ਬਾਅਦ ਬੁਕਿੰਗ ਵਾਲਾ ਨਿਯਮ ਵੀ ਬਦਲਿਆ, ਜਾਣੋ ਕਿਸ ਨੂੰ ਕਿੰਨੇ ਦਿਨਾਂ ਬਾਅਦ ਮਿਲੇਗਾ ਸਿਲੰਡਰ

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt