ਮੋਬਾਇਲ ਫੋਨ ਸਮੇਤ ਇਨ੍ਹਾਂ ਚੀਜ਼ਾਂ ''ਤੇ ਵਧ ਸਕਦੀਆਂ ਹਨ GST ਦਰਾਂ, ਜਾਣੋ ਕਿੰਨਾ ਵਧੇਗਾ ਟੈਕਸ

Wednesday, Dec 25, 2019 - 12:11 PM (IST)

ਮੋਬਾਇਲ ਫੋਨ ਸਮੇਤ ਇਨ੍ਹਾਂ ਚੀਜ਼ਾਂ ''ਤੇ ਵਧ ਸਕਦੀਆਂ ਹਨ GST ਦਰਾਂ, ਜਾਣੋ ਕਿੰਨਾ ਵਧੇਗਾ ਟੈਕਸ

ਨਵੀਂ ਦਿੱਲੀ—ਅਰਥਵਿਵਸਥਾ 'ਚ ਗਤੀ ਲਿਆਉਣ ਲਈ ਸਰਕਾਰ ਰਾਜਸਵ 'ਚ ਵਾਧੇ ਲਈ ਗੁਡਸ ਐਂਡ ਸਰਵਿਸ ਟੈਕਸ (ਜੀ.ਐੱਸ.ਟੀ.) ਦੀਆਂ ਦਰਾਂ 'ਚ ਬਦਲਾਅ 'ਤੇ ਵਿਚਾਰ ਕਰ ਰਹੀ ਹੈ। ਜਿਸ ਨਾਲ ਸੋਨਾ, ਚਾਂਦੀ ਅਤੇ ਮੋਬਾਇਲ ਫੋਨ ਆਦਿ ਮਹਿੰਗੇ ਹੋ ਸਕਦੇ ਹਨ। ਸਰਕਾਰ ਨੇ ਜੀ.ਐੱਸ.ਟੀ. ਦੀਆਂ ਦਰਾਂ 'ਤੇ ਸਮੀਖਿਆ ਲਈ ਕਮੇਟੀ ਆਫ ਆਫਿਸਰਸ ਦਾ ਗਠਨ ਕੀਤਾ ਸੀ। ਹੁਣ ਇਸ ਕਮੇਟੀ ਨੇ ਆਪਣੀ ਕੁਝ ਸਿਫਾਰਿਸ਼ਾਂ ਕੇਂਦਰ ਸਰਕਾਰ ਦੇ ਸਾਹਮਣੇ ਪੇਸ਼ ਕੀਤੀਆਂ ਹਨ। ਕੇਂਦਰ ਸਰਕਾਰ ਇਨ੍ਹਾਂ ਸਿਫਾਰਿਸ਼ਾਂ 'ਤੇ ਵਿਚਾਰ ਕਰਕੇ ਇਨ੍ਹਾਂ ਨੂੰ ਜੀ.ਐੱਸ.ਟੀ. ਪ੍ਰੀਸ਼ਦ ਦੇ ਸਾਹਮਣੇ ਰੱਖੇਗੀ। ਇਸ ਦੇ ਬਾਅਦ ਜੀ.ਐੱਸ.ਟੀ. ਕਾਊਂਸਿਲ ਫੈਸਲਾ ਲਵੇਗੀ ਕਿ ਇਨ੍ਹਾਂ ਸਿਫਾਰਿਸ਼ਾਂ ਨੂੰ ਮੰਨਿਆ ਜਾਵੇ ਜਾਂ ਨਹੀਂ।
ਇਹ ਵੀ ਪਤਾ ਚੱਲਿਆ ਹੈ ਕਿ ਕਮੇਟੀ ਆਫ ਆਫਿਸਰਸ ਦੀਆਂ ਸਿਫਾਰਿਸ਼ਾਂ ਨੂੰ ਅਪ੍ਰੈਲ 2020 ਤੋਂ ਲਾਗੂ ਕੀਤਾ ਜਾ ਸਕਦਾ ਹੈ। ਸਰਕਾਰ ਨੇ ਇਸ ਕਮੇਟੀ ਦਾ ਗਠਨ ਅਕਤੂਬਰ 'ਚ ਕੀਤਾ ਸੀ। ਜੋ ਵਸਤੂਆਂ 5 ਅਤੇ 12 ਫੀਸਦੀ ਟੈਕਸ ਦੇ ਦਾਇਰੇ 'ਚ ਹਨ ਉਨ੍ਹਾਂ ਨੂੰ ਹੋਰ ਉੱਚੇ ਸਲੈਬ 'ਚ ਲਿਆਂਦਾ ਜਾ ਸਕਦਾ ਹੈ। ਇਸ ਦੇ ਇਲਾਵਾ ਕੀਮਤੀ ਧਾਤੂਆਂ 'ਚ ਜਿਵੇਂ ਸੋਨਾ, ਚਾਂਦੀ 'ਤੇ ਜੀ.ਐੱਸ.ਟੀ. ਦੀ ਦਰ ਨੂੰ 3 ਤੋਂ ਵਧਾ ਕੇ 5 ਫੀਸਦੀ ਕੀਤਾ ਜਾਵੇ।
ਸਪੈਸ਼ਲ ਲਗਜ਼ਰੀ ਆਈਟਮਜ਼ 'ਤੇ ਉੱਚੀਆਂ ਦਰਾਂ ਦਾ ਸੁਝਾਅ
ਨਾਲ ਹੀ ਕਮੇਟੀ ਆਫ ਆਫਿਸਰਸ ਨੇ ਸੁਝਾਅ ਦਿੱਤਾ ਹੈ ਕਿ ਸਿੱਖਿਆ ਅਤੇ ਸਿਹਤ ਨੂੰ ਵੀ ਉੱਚੇ ਟੈਕਸ ਸਲੈਬ 'ਚ ਸ਼ਾਮਲ ਕੀਤਾ ਜਾਣਾ ਚਾਹੀਦਾ। ਸਪੈਸ਼ਲ ਲਗਜ਼ਰੀ ਆਈਟਮਸ 'ਤੇ ਉੱਚੀਆਂ ਦਰਾਂ ਹੋਣੀਆਂ ਚਾਹੀਦੀਆਂ ਹਨ। ਜੇਕਰ ਜੀ.ਐੱਸ.ਟੀ. ਕਾਊਂਸਿਲ ਕਮੇਟੀ ਆਫ ਆਫਿਸਰਸ ਦੀਆਂ ਸਿਫਾਰਿਸ਼ਾਂ ਨੂੰ ਮੰਨ ਲੈਂਦੀ ਹੈ ਤਾਂ ਆਉਣ ਵਾਲੇ ਨਵੇਂ ਵਿੱਤੀ ਸਾਲ 'ਚ ਸੋਨਾ, ਚਾਂਦੀ ਤਾਂ ਮਹਿੰਗਾ ਹੋ ਜਾਵੇਗਾ, ਨਾਲ ਹੀ ਐਜੂਕੇਸ਼ਨ ਅਤੇ ਹੈਲਥ ਸੁਵਿਧਾਵਾਂ ਵੀ ਮਹਿੰਗੀਆਂ ਹੋ ਜਾਣਗੀਆਂ। ਨਵੀਆਂ ਸਿਫਾਰਿਸ਼ਾਂ ਦੇ ਲਾਗੂ ਹੋਣ ਨਾਲ ਮੋਬਾਇਲ ਫੋਨ ਵੀ ਮਹਿੰਗੇ ਹੋ ਜਾਣਗੇ। ਇਸ ਦਾ ਸਭ ਤੋਂ ਜ਼ਿਆਦਾ ਅਸਰ ਖੇਤੀ-ਕਿਸਾਨਾਂ 'ਤੇ ਪਵੇਗਾ, ਕਿਉਂਕਿ ਕਮੇਟੀ ਨੇ ਫਰਟੀਲਾਈਜ਼ੇਸ਼ਨ 'ਤੇ ਡਿਊਟੀ ਵਧਾਉਣ ਦੀ ਗੱਲ ਕਹੀ ਹੈ। ਇਸ ਨਾਲ ਕਿਸਾਨਾਂ ਨੂੰ ਮਿਲਣ ਵਾਲੀ ਖਾਦ ਮਹਿੰਗੀ ਹੋ ਜਾਵੇਗੀ।


author

Aarti dhillon

Content Editor

Related News