ਘਟੀਆ ਵਸਤਾਂ ਦੀ ਦਰਾਮਦ ਰੋਕਣ ਲਈ 58 ਕੁਆਲਿਟੀ ਕੰਟਰੋਲ ਆਰਡਰ ਲਿਆਵੇਗੀ ਸਰਕਾਰ

03/05/2023 5:02:53 PM

ਨਵੀਂ ਦਿੱਲੀ (ਭਾਸ਼ਾ) - ਘਟੀਆ ਵਸਤਾਂ ਦੇ ਆਯਾਤ ਨੂੰ ਰੋਕਣ ਅਤੇ ਘਰੇਲੂ ਉਦਯੋਗ ਨੂੰ ਹੁਲਾਰਾ ਦੇਣ ਲਈ ਸਰਕਾਰ ਅਗਲੇ ਛੇ ਮਹੀਨਿਆਂ ਵਿੱਚ ਐਲੂਮੀਨੀਅਮ, ਤਾਂਬੇ ਦੇ ਉਤਪਾਦਾਂ ਅਤੇ ਘਰੇਲੂ ਬਿਜਲੀ ਉਪਕਰਣਾਂ ਲਈ ਘੱਟੋ-ਘੱਟ 58 ਕੁਆਲਿਟੀ ਕੰਟਰੋਲ ਟੈਸਟ ਸਥਾਪਤ ਕਰੇਗੀ। ਇਕ ਸੀਨੀਅਰ ਅਧਿਕਾਰੀ ਨੇ ਇਹ ਜਾਣਕਾਰੀ ਦਿੱਤੀ।

ਇਹ ਵੀ ਪੜ੍ਹੋ : ਟ੍ਰਾਈਡੈਂਟ ਗਰੁੱਪ ਨੇ ਸ਼ੁਰੂ ਕੀਤਾ ‘ਤਕਸ਼ਸ਼ਿਲਾ ਪ੍ਰੋਗਰਾਮ’ , ਨੌਜਵਾਨਾਂ ਨੂੰ ਮਿਲੇਗਾ ਕਮਾਈ ਕਰਨ ਦਾ ਮੌਕਾ

ਉਦਯੋਗ ਅਤੇ ਅੰਦਰੂਨੀ ਵਪਾਰ ਦੇ ਪ੍ਰੋਤਸਾਹਨ ਵਿਭਾਗ (DPIIT) ਦੇਸ਼ ਵਿੱਚ ਉੱਚ ਗੁਣਵੱਤਾ ਵਾਲੇ ਉਤਪਾਦਾਂ ਦੇ ਨਿਰਮਾਣ ਨੂੰ ਉਤਸ਼ਾਹਿਤ ਕਰਨ ਦੀ ਕੋਸ਼ਿਸ਼ ਕਰ ਰਿਹਾ ਹੈ। ਇਸ ਦਿਸ਼ਾ ਵਿੱਚ ਇਹ ਕਦਮ ਚੁੱਕਣ ਦੀ ਤਿਆਰੀ ਹੈ। ਡੀਪੀਆਈਆਈਟੀ ਵਿੱਚ ਸੰਯੁਕਤ ਸਕੱਤਰ, ਸੰਜੀਵ ਨੇ ਕਿਹਾ, “ ਸਾਲ 1987 ਤੋਂ ਹੁਣ ਤੱਕ ਸਿਰਫ਼ 34 ਕਿਊਸੀਓਜ਼ ਨੂੰ ਲਿਆਂਦਾ ਗਿਆ ਹੈ। ਪਰ ਹੁਣ ਅਸੀਂ ਅਗਲੇ ਛੇ ਮਹੀਨਿਆਂ ਵਿੱਚ 58 ਕਿਊਸੀਓ ਲਿਆਵਾਂਗੇ।

ਇਹ ਵੀ ਪੜ੍ਹੋ : ਅਮਰੀਕਨ ਏਅਰਲਾਈਨਜ਼ 'ਚ ਵਿਅਕਤੀ ਨੇ ਨਸ਼ੇ ਦੀ ਹਾਲਤ 'ਚ ਸਹਿ-ਯਾਤਰੀ 'ਤੇ ਕੀਤਾ ਪਿਸ਼ਾਬ

ਇਸ ਦਾ ਮੁੱਖ ਉਦੇਸ਼ ਸੈਕੰਡਰੀ ਵਸਤਾਂ ਦੀ ਦਰਾਮਦ ਨੂੰ ਰੋਕਣਾ ਹੈ। ਇਹ ਲਾਜ਼ਮੀ ਮਾਪਦੰਡ ਘਰੇਲੂ ਅਤੇ ਵਿਦੇਸ਼ੀ ਦੋਵਾਂ ਕੰਪਨੀਆਂ ਲਈ ਹੋਣਗੇ। ਗੁਣਵੱਤਾ ਨਿਯੰਤਰਣ ਲਈ ਜਾਰੀ ਕੀਤੇ ਜਾਣ ਵਾਲੇ ਇਨ੍ਹਾਂ ਆਦੇਸ਼ਾਂ ਦੇ ਤਹਿਤ 315 ਉਤਪਾਦ ਮਾਪਦੰਡ ਹੋਣਗੇ। ਉਸਨੇ ਕਿਹਾ , ''ਇਨ੍ਹਾਂ ਹੁਕਮਾਂ ਦੇ ਤਹਿਤ, ਉਹ ਉਤਪਾਦ ਜੋ ਭਾਰਤੀ ਮਿਆਰ ਬਿਊਰੋ (ਬੀਆਈਐਸ) ਮਾਰਕ ਨਹੀਂ ਰੱਖਦੇ ਹਨ, ਉਨ੍ਹਾਂ ਦਾ ਉਤਪਾਦਨ, ਵਿਕਰੀ-ਵਪਾਰ, ਆਯਾਤ ਅਤੇ ਸਟੋਰ ਨਹੀਂ ਕੀਤਾ ਜਾ ਸਕੇਗਾ। ਉਨ੍ਹਾਂ ਕਿਹਾ "ਇਹ QCOs ਪ੍ਰਕਿਰਿਆ ਦੀ ਪਾਲਣਾ ਕਰਨ ਤੋਂ ਬਾਅਦ ਇੱਕ ਸਾਲ ਦੇ ਅੰਦਰ ਸੂਚਿਤ ਕੀਤੇ ਜਾਣਗੇ।" । ਉਨ੍ਹਾਂ ਕਿਹਾ ਕਿ ਘਰੇਲੂ ਵਸਤੂਆਂ ਦੀ ਗੁਣਵੱਤਾ ਨੂੰ ਯਕੀਨੀ ਬਣਾ ਕੇ ਘਰੇਲੂ ਵਸਤਾਂ ਲਈ ਗਲੋਬਲ ਬਾਜ਼ਾਰ ਵੀ ਉਪਲੱਬਧ ਹੋ ਸਕੇਗਾ। 

ਇਹ ਵੀ ਪੜ੍ਹੋ : ਸੋਨਾ ਖ਼ਰੀਦਣ ਦੇ ਨਿਯਮਾਂ 'ਚ ਵੱਡਾ ਬਦਲਾਅ, ਜਾਣ ਲਓ ਇਹ ਜ਼ਰੂਰੀ ਗੱਲ

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
 


Harinder Kaur

Content Editor

Related News