ਫਰਵਰੀ ਅੰਤ ਤੱਕ ਫਿਸਕਲ ਘਾਟਾ ਬਜਟ ਅਨੁਮਾਨ ਦੇ 134 ਫੀਸਦੀ ਦੇ ਪਾਰ

ਨਵੀਂ ਦਿੱਲੀ—ਦੇਸ਼ ਦਾ ਫਿਸਕਲ ਘਾਟਾ ਫਰਵਰੀ 2019 ਦੇ ਅੰਤ ਤੱਕ ਪੂਰੇ ਸਾਲ ਦੇ ਸੰਸ਼ੋਧਿਤ ਬਜਟ ਅਨੁਮਾਨ ਦੇ 134.2 ਫੀਸਦੀ 'ਤੇ ਪਹੁੰਚ ਗਿਆ ਹੈ। ਸ਼ੁੱਕਰਵਾਰ ਨੂੰ ਜਾਰੀ ਅਧਿਕਾਰਿਕ ਅੰਕੜਿਆਂ ਮੁਤਾਬਕ ਮੁੱਖ ਤੌਰ 'ਤੇ ਰਾਜਸਵ ਭੰਡਾਰ ਦਾ ਵਾਧਾ ਘਟ ਰਹਿਣ ਨਾਲ ਫਿਸਕਲ ਘਾਟਾ ਵਧਿਆ ਹੈ। ਲੇਖਾ ਮਹਾਕੰਟਰੋਲ (ਸੀ.ਜੀ.ਏ.) ਦੇ ਅੰਕੜਿਆਂ ਦੇ ਅਨੁਸਾਰ ਅਪ੍ਰੈਲ-ਫਰਵਰੀ 2018-19 'ਚ ਫਿਸਕਲ ਘਾਟਾ 8.51 ਲੱਖ ਕਰੋੜ ਰੁਪਏ ਰਿਹਾ ਹੈ ਜੋ ਪੂਰੇ ਸਾਲ ਦੇ ਲਈ ਸੰਸ਼ੋਧਿਤ ਬਜਟ ਅਨੁਮਾਨ 6.34 ਲੱਖ ਕਰੋੜ ਰੁਪਏ ਤੋਂ 134.2 ਫੀਸਦੀ ਜ਼ਿਆਦਾ ਹੈ। ਹਾਲਾਂਕਿ ਆਰਥਿਕ ਮਾਮਲਿਆਂ ਦੇ ਸਕੱਤਰ ਐੱਸ.ਸੀ.ਗਰਗ ਨੇ ਇਥੇ ਪੱਤਰਕਾਰਾਂ ਨੂੰ ਕਿਹਾ ਕਿ ਸਰਕਾਰ ਫਿਸਕਲ ਘਾਟੇ ਦੀ ਸਕਲ ਘਰੇਲੂ ਉਤਪਾਦ (ਜੀ.ਡੀ.ਪੀ.) ਦੇ 3.4 ਕਰੋੜ ਰਹੀ ਜੋ ਸੰਸ਼ੋਧਿਤ ਬਜਟ ਅਨੁਮਾਨ ਦਾ 73.2 ਫੀਸਦੀ ਹੈ। ਇਸ ਤੋਂ ਪਿਛਲੇ ਵਿੱਤੀ ਸਾਲ ਦੀ ਸਮਾਨ ਸਮੇਂ 'ਚ ਰਾਜਸਵ ਪ੍ਰਾਪਤੀਆਂ ਬਜਟ ਅਨੁਮਾਨ ਦਾ 78.2 ਫੀਸਦੀ ਸੀ। ਸਰਕਾਰ ਦਾ ਟੈਕਸ ਰਾਜਸਵ 10.94 ਲੱਖ ਕਰੋੜ ਰੁਪਏ ਅਤੇ ਗੈਰ ਟੈਕਸ ਰਾਜਸਵ 1.7 ਲੱਖ ਕਰੋੜ ਰੁਪਏ ਰਿਹਾ। ਅਪ੍ਰੈਲ-ਫਰਵਰੀ 2018-19 ਦੇ ਸਮੇਂ 'ਚ ਸਰਕਾਰ ਦਾ ਕੁੱਲ ਖਰਚ 21.88 ਲੱਖ ਕਰੋੜ ਰੁਪਏ (ਬਜਟ ਅਨੁਮਾਨ ਦਾ 89.08 ਫੀਸਦੀ) ਰਿਹਾ। ਇਸ 'ਚੋਂ 19.15 ਲੱਖ ਰੁਪਏ ਖਾਤੇ ਦਾ 2.73 ਲੱਖ ਕਰੋੜ ਰੁਪਏ ਪੂੰਜੀ ਖਾਤੇ ਦਾ ਸੀ। ਇਸ ਦੌਰਾਨ ਵਿੱਤ ਮੰਤਰਾਲੇ ਨੇ ਬਿਆਨ 'ਚ ਕਿਹਾ ਕਿ ਫਰਵਰੀ ਤੱਕ ਕੇਂਦਰ ਸਰਕਾਰ ਨੇ ਸੂਬਿਆਂ ਨੂੰ ਉਨ੍ਹਾਂ ਦੇ ਹਿੱਸੇ ਦੇ ਤਹਿਤ 5.96 ਲੱਖ ਕਰੋੜ ਰੁਪਏ ਸਥਾਨਾਂਤਰਿਤ ਕੀਤੇ। ਇਹ 2017-18 ਦੀ ਸਮਾਨ ਸਮੇਂ ਤੋਂ 67,043 ਕਰੋੜ ਰੁਪਏ ਜ਼ਿਆਦਾ ਹੈ।