ਸੋਨਾ-ਚਾਂਦੀ ਦੀਆਂ ਕੀਮਤਾਂ 'ਚ ਆਈ ਗਿਰਾਵਟ, ਜਾਣੋ ਅੱਜ ਦੀਆਂ ਨਵੀਂਆਂ ਕੀਮਤਾਂ ਬਾਰੇ

ਨਵੀਂ ਦਿੱਲੀ — ਅੰਤਰਰਾਸ਼ਟਰੀ ਬਾਜ਼ਾਰ ਦੇ ਸਕਾਰਾਤਮਕ ਸੰਕੇਤਾਂ ਦੇ ਬਾਵਜੂਦ ਸੋਮਵਾਰ ਨੂੰ ਐੱਮ.ਸੀ.ਐਕਸ ਦੇ ਸ਼ੁਰੂਆਤੀ ਕਾਰੋਬਾਰ ਵਿਚ ਸੋਨੇ ਅਤੇ ਚਾਂਦੀ ਦੀਆਂ ਕੀਮਤਾਂ ਵਿਚ ਗਿਰਾਵਟ ਆਈ। ਹਾਲਾਂਕਿ ਗਿਰਾਵਟ ਮਾਮੂਲੀ ਹੀ ਸੀ। ਐਮਸੀਐਕਸ 'ਤੇ ਸੋਨੇ ਵਾਅਦਾ ਮਾਮੂਲੀ ਗਿਰਾਵਟ ਨਾਲ 50,211 ਪ੍ਰਤੀ 10 ਗ੍ਰਾਮ ਜਦੋਂਕਿ ਚਾਂਦੀ ਵਾਅਦਾ 0.16% ਦੀ ਗਿਰਾਵਟ ਨਾਲ 62,060 ਪ੍ਰਤੀ ਕਿਲੋਗ੍ਰਾਮ 'ਤੇ ਕਾਰੋਬਾਰ ਕਰ ਰਿਹਾ ਹੈ। ਪਿਛਲੇ ਸੈਸ਼ਨ ਵਿਚ ਸੋਨੇ ਵਿਚ 0.54% ਦੀ ਤੇਜ਼ੀ ਆਈ ਸੀ, ਜਦੋਂਕਿ ਚਾਂਦੀ ਵਿਚ 1.2% ਦਾ ਵਾਧਾ ਹੋਇਆ ਸੀ।

ਗਲੋਬਲ ਬਾਜ਼ਾਰਾਂ ਵਿਚ ਅੱਜ ਸੋਨੇ ਦੀਆਂ ਕੀਮਤਾਂ ਚੜ੍ਹ ਗਈਆਂ ਹਨ। ਹਾਜਰ ਸੋਨਾ 0.2% ਚੜ੍ਹ ਕੇ 1,874.25 ਡਾਲਰ ਪ੍ਰਤੀ ਔਂਸ 'ਤੇ ਪਹੁੰਚ ਗਿਆ। ਹੋਰ ਕੀਮਤੀ ਧਾਤਾਂ ਵਿਚ ਚਾਂਦੀ 0.4% ਦੀ ਤੇਜ਼ੀ ਨਾਲ 24.24 ਡਾਲਰ ਪ੍ਰਤੀ ਔਂਸ 'ਤੇ ਜਦੋਂਕਿ ਪਲੈਟੀਨਮ 0.3% ਦੀ ਗਿਰਾਵਟ ਦੇ ਨਾਲ 943.21 ਡਾਲਰ 'ਤੇ ਬੰਦ ਹੋਇਆ। ਡਾਲਰ 'ਚ ਨਰਮੀ ਕਾਰਨ ਸੋਨੇ ਦੀਆਂ ਕੀਮਤਾਂ ਵਿਚ ਵਾਧਾ ਹੋਇਆ ਹੈ। ਡਾਲਰ ਦਾ ਇੰਡੈਕਸ ਵਿਸ਼ਵ ਦੀਆਂ ਹੋਰ ਮੁਦਰਾਵਾਂ ਦੇ ਮੁਕਾਬਲੇ 0.17% ਘੱਟ ਰਿਹਾ।

ਇਹ ਵੀ ਪੜ੍ਹੋ : ਇਸ ਪ੍ਰਾਪਤੀ ਨੂੰ ਹਾਸਲ ਕਰਨ ਵਾਲਾ ਵਿਸ਼ਵ ਦਾ ਪਹਿਲਾ ਸੈਂਟਰਲ ਬੈਂਕ ਬਣਿਆ RBI

ਦੂਜੇ ਪਾਸੇ ਵਿਸ਼ਵ ਦੀ ਸਭ ਤੋਂ ਵੱਡੀ ਸੋਨੇ ਦੀ ਈ.ਟੀ.ਐਫ. ਐਸ.ਪੀ.ਡੀ.ਆਰ. ਗੋਲਡ ਟਰੱਸਟ ਦੀ ਹੋਲਡਿੰਗ ਸ਼ੁੱਕਰਵਾਰ ਨੂੰ 0.24% ਦੀ ਤੇਜ਼ੀ ਨਾਲ 1,220.17 ਟਨ 'ਤੇ ਪਹੁੰਚ ਗਈ। ਦੁਨੀਆ ਦੇ ਬਹੁਤ ਸਾਰੇ ਹਿੱਸਿਆਂ ਵਿੱਚ ਅਜੇ ਵੀ ਕੋਰੋਨਾ ਵਾਇਰਸ ਦੇ ਕੇਸ ਵੱਧ ਰਹੇ ਹਨ, ਕੋਰੋਨਾ ਟੀਕੇ ਦੇ ਅੰਤਮ ਪੜਾਅ ਦੀ ਸਫਲਤਾ ਕਾਰਨ ਇਹ ਉਮੀਦ ਜਤਾਈ ਜਾ ਰਹੀ ਹੈ ਕਿ ਕੋਰੋਨਾ ਵੈਕਸੀਨ ਕਿਸੇ ਵੀ ਸਮੇਂ ਆ ਸਕਦੀ ਹੈ। ਇਸ ਨਾਲ ਸੋਨੇ ਦੀ ਸੁਰੱਖਿਅਤ ਨਿਵੇਸ਼ ਦੀ ਮੰਗ ਘਟਣ ਦੀ ਉਮੀਦ ਹੈ।

ਇਹ ਵੀ ਪੜ੍ਹੋ : ਓਲਾ ਇਲੈਕਟ੍ਰਿਕ ਸਕੂਟਰ : ਭਾਰਤ 'ਚ ਕੀਤੇ ਜਾਣਗੇ ਲਾਂਚ, ਘੱਟ ਕੀਮਤ 'ਤੇ ਮਿਲੇਗੀ ਜ਼ਿਆਦਾ ਮਾਈਲੇਜ

ਨਿਵੇਸ਼ਕ ਅਮਰੀਕੀ ਕੇਂਦਰੀ ਬੈਂਕ ਫੈਡਰਲ ਰਿਜ਼ਰਵ ਦੀ ਤਾਜ਼ਾ ਬੈਠਕ ਦੇ ਵੇਰਵਿਆਂ ਦੀ ਉਡੀਕ ਕਰ ਰਹੇ ਹਨ। ਫੈਡਰਲ ਰਿਜ਼ਰਵ ਮਿੰਟ ਬੁੱਧਵਾਰ ਨੂੰ ਜਾਰੀ ਕੀਤੇ ਜਾਣਗੇ। ਇਸ ਤੋਂ ਇਲਾਵਾ ਬੇਰੁਜ਼ਗਾਰੀ ਦੇ ਦਾਅਵੇ, ਜੀ.ਡੀ.ਪੀ. ਅਤੇ ਨਿੱਜੀ ਖਰਚਿਆਂ ਦੇ ਅੰਕੜੇ ਵੀ ਇਸ ਹਫਤੇ ਅਮਰੀਕਾ ਆ ਰਹੇ ਹਨ। ਨਿਵੇਸ਼ਕ ਵੀ ਇਸ ਵੱਲ ਧਿਆਨ ਦੇ ਰਹੇ ਹਨ।

ਇਹ ਵੀ ਪੜ੍ਹੋ : LPG ਸਿਲੰਡਰ ਲਈ ਵੀ ਬੀਮਾ ਕਵਰ ਲੈਣ 'ਤੇ ਮਿਲਦਾ ਹੈ 30 ਲੱਖ ਰੁਪਏ ਦਾ ਲਾਭ, ਜਾਣੋ ਦਾਅਵੇ ਦੀ ਪ੍ਰਕਿਰਿਆ