EPFO ਨੇ ਕਲੇਮ ਪ੍ਰਕਿਰਿਆ ਕੀਤੀ ਬੇਹੱਦ ਆਸਾਨ, ਹੁਣ ਘਰ ਬੈਠੇ ਹੀ ਨਿਕਲਵਾ ਸਕੋਗੇ ਪੈਸੇ

ਨਵੀਂ ਦਿੱਲੀ: ਕਰਮਚਾਰੀ ਭਵਿੱਖ ਨਿਧੀ ਸੰਗਠਨ (EPFO) ਨੇ ਪੀਐਫ (PF) ਕਲੇਮ ਦੀ ਪ੍ਰਕਿਰਿਆ ਨੂੰ ਪਹਿਲਾਂ ਨਾਲੋਂ ਕਿਤੇ ਜ਼ਿਆਦਾ ਆਸਾਨ ਬਣਾ ਦਿੱਤਾ ਹੈ। ਹੁਣ ਕਰਮਚਾਰੀ ਆਪਣੇ UAN (ਯੂਨੀਵਰਸਲ ਅਕਾਊਂਟ ਨੰਬਰ) ਰਾਹੀਂ ਆਨਲਾਈਨ ਕਲੇਮ ਫਾਈਲ ਕਰ ਸਕਦੇ ਹਨ ਅਤੇ OTP ਵੈਰੀਫਿਕੇਸ਼ਨ ਰਾਹੀਂ ਘਰ ਬੈਠੇ ਹੀ ਆਪਣਾ ਸਟੇਟਸ ਵੀ ਚੈੱਕ ਕਰ ਸਕਦੇ ਹਨ। ਇਸ ਸੁਵਿਧਾ ਨਾਲ ਕਰਮਚਾਰੀਆਂ ਦੇ ਸਮੇਂ ਅਤੇ ਮਿਹਨਤ ਦੋਵਾਂ ਦੀ ਬਚਤ ਹੋਵੇਗੀ।

ਕੀ ਹੈ EPF ਅਤੇ ਕਦੋਂ ਨਿਕਲਵਾ ਸਕਦੇ ਹੋ ਪੈਸੇ?
EPF ਇੱਕ ਅਜਿਹੀ ਬਚਤ ਯੋਜਨਾ ਹੈ ਜਿਸ ਵਿੱਚ ਨੌਕਰੀਪੇਸ਼ਾ ਲੋਕਾਂ ਦੀ ਤਨਖਾਹ ਦਾ ਇੱਕ ਹਿੱਸਾ ਜਮ੍ਹਾਂ ਹੁੰਦਾ ਹੈ। ਇਸ ਫੰਡ ਨੂੰ ਲੋੜ ਪੈਣ 'ਤੇ ਅੰਸ਼ਿਕ (ਥੋੜ੍ਹਾ) ਤੌਰ 'ਤੇ ਨਿਕਲਵਾਇਆ ਜਾ ਸਕਦਾ ਹੈ, ਜਾਂ ਫਿਰ ਰਿਟਾਇਰਮੈਂਟ ਜਾਂ ਬੇਰੁਜ਼ਗਾਰੀ ਦੀ ਸਥਿਤੀ ਵਿੱਚ ਪੂਰਾ ਪੈਸਾ ਕਢਵਾਇਆ ਜਾ ਸਕਦਾ ਹੈ।

ਆਨਲਾਈਨ ਕਲੇਮ ਲਈ ਜ਼ਰੂਰੀ ਸ਼ਰਤਾਂ:
ਆਨਲਾਈਨ ਕਲੇਮ ਦੀ ਪ੍ਰਕਿਰਿਆ ਸ਼ੁਰੂ ਕਰਨ ਤੋਂ ਪਹਿਲਾਂ ਕੁਝ ਜ਼ਰੂਰੀ ਚੀਜ਼ਾਂ ਨੂੰ ਯਕੀਨੀ ਬਣਾਉਣਾ ਹੋਵੇਗਾ:
   ਤੁਹਾਡਾ UAN ਨੰਬਰ ਐਕਟਿਵ ਹੋਣਾ ਚਾਹੀਦਾ ਹੈ।
   ਆਧਾਰ ਕਾਰਡ, ਬੈਂਕ ਖਾਤਾ ਅਤੇ PAN ਕਾਰਡ UAN ਨਾਲ ਲਿੰਕ ਹੋਣੇ ਚਾਹੀਦੇ ਹਨ।
   ਰਜਿਸਟਰਡ ਮੋਬਾਈਲ ਨੰਬਰ ਚਾਲੂ ਹੋਣਾ ਚਾਹੀਦਾ ਹੈ।

ਆਨਲਾਈਨ ਪੀਐਫ ਕਲੇਮ ਕਰਨ ਦਾ ਆਸਾਨ ਤਰੀਕਾ:
1.  ਸਭ ਤੋਂ ਪਹਿਲਾਂ EPFO ਪੋਰਟਲ 'ਤੇ ਆਪਣੇ UAN ਅਤੇ ਪਾਸਵਰਡ ਨਾਲ ਲੌਗਇਨ ਕਰੋ।
2.  'Online Services' ਵਿਕਲਪ ਵਿੱਚ ਜਾ ਕੇ Claim (Form-31, 19, 10C, 10D) ਨੂੰ ਚੁਣੋ।
3.  ਆਪਣੀ ਪਾਤਰਤਾ ਅਤੇ ਲੋੜ ਅਨੁਸਾਰ ਕਲੇਮ ਫਾਰਮ ਸਿਲੈਕਟ ਕਰੋ।
4.  ਆਧਾਰ ਨਾਲ ਲਿੰਕ ਮੋਬਾਈਲ ਨੰਬਰ 'ਤੇ ਆਏ OTP ਰਾਹੀਂ ਕਲੇਮ ਨੂੰ ਵੈਰੀਫਾਈ ਕਰੋ।
5.  ਫਾਰਮ ਸਬਮਿਟ ਕਰਦੇ ਹੀ ਤੁਹਾਡੀ ਕਲੇਮ ਪ੍ਰਕਿਰਿਆ ਸ਼ੁਰੂ ਹੋ ਜਾਵੇਗੀ।

ਕਿਵੇਂ ਚੈੱਕ ਕਰੀਏ ਕਲੇਮ ਦਾ ਸਟੇਟਸ?
ਆਪਣੀ ਅਰਜ਼ੀ ਦੀ ਸਥਿਤੀ ਜਾਣਨ ਲਈ UAN ਪੋਰਟਲ 'ਤੇ ਲੌਗਇਨ ਕਰੋ ਅਤੇ 'Online Services' ਵਿੱਚ Track Claim Status 'ਤੇ ਕਲਿੱਕ ਕਰੋ। ਇੱਥੇ ਤੁਸੀਂ ਆਪਣਾ ਰੈਫਰੈਂਸ ਨੰਬਰ ਪਾ ਕੇ ਸਟੇਟਸ ਦੇਖ ਸਕਦੇ ਹੋ। 

EPFO ਦੀ ਇਸ ਆਨਲਾਈਨ ਸੁਵਿਧਾ ਨਾਲ ਹੁਣ ਪੀਐਫ ਕਲੇਮ ਕਰਨਾ ਪਹਿਲਾਂ ਨਾਲੋਂ ਕਿਤੇ ਜ਼ਿਆਦਾ ਤੇਜ਼ ਹੋ ਗਿਆ ਹੈ। ਸਹੀ ਜਾਣਕਾਰੀ ਅਤੇ ਦਸਤਾਵੇਜ਼ਾਂ ਦੇ ਨਾਲ ਤੁਸੀਂ ਬਿਨਾਂ ਕਿਸੇ ਪਰੇਸ਼ਾਨੀ ਦੇ ਆਪਣਾ ਪੈਸਾ ਨਿਕਲਵਾ ਸਕਦੇ ਹੋ।