ਮੁਸ਼ਕਲਾਂ 'ਚ ਫਸੇ ਗੋਤਮ ਅਡਾਨੀ ਦੇ ਘਰ ਆਈ ਖ਼ੁਸ਼ੀ, ਹੀਰਾ ਕਾਰੋਬਾਰੀ ਦੀ ਧੀ ਨਾਲ ਹੋਈ ਪੁੱਤਰ ਦੀ ਮੰਗਣੀ

03/14/2023 7:05:42 PM

ਨਵੀਂ ਦਿੱਲੀ : ਹਿੰਡਨਬਰਗ ਦੀ ਰਿਪੋਰਟ ਤੋਂ ਬਾਅਦ ਅਡਾਨੀ ਗਰੁੱਪ ਦੇ ਔਖੇ ਦਿਨ ਸ਼ੁਰੂ ਹੋ ਗਏ ਹਨ। ਅਡਾਨੀ ਦੀ ਕੰਪਨੀਆਂ ਨੂੰ ਵੱਡਾ ਝਟਕਾ ਲੱਗਾ ਹੈ। ਅਡਾਨੀ ਦੀ ਅੱਧੀ ਦੌਲਤ ਲੁੱਟੀ ਗਈ ਹੈ। ਪਰ ਵੱਡੀਆਂ ਮੁਸ਼ਕਲਾਂ ਦਰਮਿਆਨ ਗੌਤਮ ਅਡਾਨੀ ਦੇ ਘਰ ਖੁਸ਼ੀਆਂ ਆ ਗਈਆਂ ਹਨ। ਗੌਤਮ ਅਡਾਨੀ ਦੇ ਛੋਟੇ ਬੇਟੇ ਜੀਤ ਅਡਾਨੀ ਦੀ ਮੰਗਣੀ ਹੋ ਗਈ ਹੈ। ਜੀਤ ਅਡਾਨੀ ਅਤੇ ਹੀਰਾ ਵਪਾਰੀ ਦੀ ਬੇਟੀ ਦੀਵਾ ਜੈਮਿਨ ਸ਼ਾਹ ਦੀ ਮੰਗਣੀ ਹੋ ਗਈ ਹੈ।

ਇਹ ਵੀ ਪੜ੍ਹੋ : ਕ੍ਰਿਪਟੋ ਕਰੰਸੀ ਨਾਲ ਸਬੰਧਤ ਕਈ ਮਾਮਲਿਆਂ ਦੀ ਜਾਂਚ ਕਰ ਰਹੀ ਹੈ ED: ਨਿਰਮਲਾ ਸੀਤਾਰਮਨ

ਅਡਾਨੀ ਦੇ ਘਰ ਖੁਸ਼ੀਆਂ ਆ ਗਈਆਂ

ਟਾਈਮਜ਼ ਨਾਓ ਦੀ ਰਿਪੋਰਟ ਅਨੁਸਾਰ, ਜੀਤ ਅਡਾਨੀ ਅਤੇ ਦੀਵਾ ਜਾਮਿਨ ਸ਼ਾਹ ਨੇ ਐਤਵਾਰ 12 ਮਾਰਚ ਨੂੰ ਮੰਗਣੀ ਕੀਤੀ ਸੀ। ਵਿਆਹ ਦੀ ਤਰੀਕ ਅਜੇ ਤੈਅ ਨਹੀਂ ਹੋਈ ਹੈ। ਮੰਗਣੀ ਅਹਿਮਦਾਬਾਦ ਵਿੱਚ ਇੱਕ ਬਹੁਤ ਹੀ ਨਿੱਜੀ ਸਮਾਰੋਹ ਵਿੱਚ ਹੋਈ। ਸਗਾਈ ਦੀ ਰਸਮ ਬਹੁਤ ਹੀ ਨਿੱਜੀ ਰੱਖੀ ਗਈ ਸੀ, ਜਿਸ ਵਿਚ ਦੋਵਾਂ ਪਰਿਵਾਰਾਂ ਦੇ ਨਜ਼ਦੀਕੀ ਰਿਸ਼ਤੇਦਾਰਾਂ ਅਤੇ ਦੋਸਤਾਂ ਨੇ ਸ਼ਿਰਕਤ ਕੀਤੀ ਸੀ। ਅਡਾਨੀ ਪਰਿਵਾਰ ਦੀ ਛੋਟੀ ਨੂੰਹ ਵੀ ਕਾਰੋਬਾਰੀ ਪਰਿਵਾਰ ਤੋਂ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਜੀਤ ਅਡਾਨੀ ਗੌਤਮ ਅਡਾਨੀ ਦੇ ਛੋਟੇ ਬੇਟੇ ਹਨ। ਜੀਨ ਨੇ ਪੈਨਸਿਲਵੇਨੀਆ ਯੂਨੀਵਰਸਿਟੀ ਤੋਂ ਗ੍ਰੈਜੂਏਸ਼ਨ ਦੀ ਡਿਗਰੀ ਹਾਸਲ ਕੀਤੀ ਹੈ। ਜੀਤ 2019 ਤੋਂ ਕਾਰੋਬਾਰ ਵਿੱਚ ਅਡਾਨੀ ਗਰੁੱਪ ਨਾਲ ਜੁੜਿਆ ਹੋਇਆ ਹੈ। ਉਨ੍ਹਾਂ ਨੂੰ ਸਾਲ 2022 ਵਿੱਚ ਅਡਾਨੀ ਸਮੂਹ ਦਾ ਵਾਈਸ ਪ੍ਰੈਸੀਡੈਂਟ ਬਣਾਇਆ ਗਿਆ ਸੀ। ਜੀਤ ਅਡਾਨੀ ਪੋਰਟਸ, ਅਡਾਨੀ ਡਿਜੀਟਲ ਲੈਬਸ ਵਰਗੇ ਸੈਕਸ਼ਨਾਂ ਦਾ ਮੁਖੀ ਹੈ।

ਇਹ ਵੀ ਪੜ੍ਹੋ : ਕੇਂਦਰੀ ਕਰਮਚਾਰੀਆਂ ਨੂੰ ਨਹੀਂ ਮਿਲੇਗਾ ਬਕਾਇਆ 18 ਮਹੀਨਿਆਂ ਦਾ ਮਹਿੰਗਾਈ ਭੱਤਾ, ਵਿੱਤ ਰਾਜ ਮੰਤਰੀ ਨੇ ਦੱਸੀ ਵਜ੍ਹਾ

ਕੌਣ ਹੈ ਦੀਵਾ ਜਾਮਿਨ ਸ਼ਾਹ 

ਅਡਾਨੀ ਪਰਿਵਾਰ ਦੀ ਛੋਟੀ ਨੂੰਹ ਦੀਵਾ ਜਾਮਿਨ ਸ਼ਾਹ ਹੀਰਾ ਵਪਾਰੀ ਪਰਿਵਾਰ ਨਾਲ ਸਬੰਧਤ ਹੈ। ਉਹ ਦੀਵਾ ਸੀ. ਦਿਨੇਸ਼ ਐਂਡ ਕੰਪਨੀ ਲਿਮਟਿਡ ਦੇ ਮਾਲਕ ਜਾਮਿਨ ਸ਼ਾਹ ਦੀ ਬੇਟੀ ਹੈ। ਉਸ ਦਾ ਪਿਤਾ ਹੀਰੇ ਦਾ ਵਪਾਰੀ ਹੈ। ਡਾਇਮੰਡ ਕੰਪਨੀ ਮੁੰਬਈ ਅਤੇ ਸੂਰਤ ਵਿੱਚ ਸਥਿਤ ਹੈ। ਇਸ ਕੰਪਨੀ ਦੀ ਸ਼ੁਰੂਆਤ ਚੀਨੂ ਦੋਸ਼ੀ, ਦਿਨੇਸ਼ ਸ਼ਾਹ ਨੇ ਕੀਤੀ ਸੀ। ਜਾਮਿਨ ਸ਼ਾਹ ਕੰਪਨੀ ਦੇ ਡਾਇਰੈਕਟਰ ਹਨ। ਤੁਹਾਨੂੰ ਦੱਸ ਦੇਈਏ ਕਿ ਗੌਤਮ ਅਡਾਨੀ ਦੀ ਵੱਡੀ ਨੂੰਹ ਪਰਿਧੀ ਸ਼ਰਾਫ ਇੱਕ ਕਾਰਪੋਰੇਟ ਵਕੀਲ ਹੈ। ਪਰਿਧੀ ਅਤੇ ਕਰਨ ਅਡਾਨੀ ਦਾ ਵਿਆਹ ਸਾਲ 2013 'ਚ ਹੋਇਆ ਸੀ।

ਇਹ ਵੀ ਪੜ੍ਹੋ : ਪਹਿਲਾਂ ਅਡਾਨੀ ਨੇ ਝੰਬਿਆ, ਹੁਣ ਸਿਲੀਕਾਨ ਦਾ ਕਹਿਰ ਹੋਇਆ ਹਾਵੀ, ਬਾਜ਼ਾਰ ਦੀ ਤਬਾਹੀ 'ਚ 7.33 ਲੱਖ ਕਰੋੜ ਡੁੱਬੇ

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
 


Harinder Kaur

Content Editor

Related News