Costco ਦੀ ਭਾਰਤ ''ਚ ਐਂਟਰੀ! ਹਜ਼ਾਰਾਂ ਨੌਕਰੀਆਂ, ਟੈਕਨੋਲੋਜੀ ਖੇਤਰ ਨੂੰ ਮਿਲੇਗੀ ਨਵੀਂ ਰਫ਼ਤਾਰ

ਚੇਨਈ : ਅਮਰੀਕੀ ਰਿਟੇਲ ਜਾਇੰਟ ਕੌਸਟਕੋ ਵ੍ਹੋਲਸੇਲ ਕੋਰਪੋਰੇਸ਼ਨ ਭਾਰਤ ਵਿੱਚ ਆਪਣਾ ਗਲੋਬਲ ਕੇਪੇਬਿਲਟੀ ਸੈਂਟਰ (GCC) ਸਥਾਪਤ ਕਰਨ ਜਾ ਰਹੀ ਹੈ, ਜੋ ਕਿ ਦੇਸ਼ ਵਿੱਚ ਕੰਪਨੀ ਦੇ ਅਧਿਕਾਰਤ ਦਾਖਲੇ ਉੱਤੇ ਮੋਹਰ ਹੈ। ਇਹ ਸੈਂਟਰ ਟੈਕਨੋਲੋਜੀ ਅਤੇ ਰਿਸਰਚ ਸੰਬੰਧੀ ਕੰਮਾਂ 'ਤੇ ਧਿਆਨ ਕੇਂਦਰਤ ਕਰੇਗਾ ਅਤੇ ਕੌਸਟਕੋ ਦੀਆਂ ਵਿਦੇਸ਼ੀ ਟੀਮਾਂ ਨਾਲ ਨਜ਼ਦੀਕੀ ਤਾਲਮੇਲ ਵਿੱਚ ਕੰਮ ਕਰੇਗਾ।

ਰਿਪੋਰਟਾਂ ਮੁਤਾਬਕ, ਸ਼ੁਰੂਆਤ ਵਿੱਚ ਇਹ ਕੇਂਦਰ 1,000 ਪ੍ਰੋਫੈਸ਼ਨਲਜ਼ ਨੂੰ ਨੌਕਰੀ ਦੇਵੇਗਾ, ਪਰ ਅੱਗੇ ਚੱਲ ਕੇ ਇਹ ਗਿਣਤੀ ਕਾਫੀ ਵਧਾਈ ਜਾਵੇਗੀ। ਖਾਸ ਤੌਰ 'ਤੇ ਸਾਫਟਵੇਅਰ ਇੰਜੀਨੀਅਰਿੰਗ, ਡਾਟਾ ਐਨਾਲਿਟਿਕਸ, ਸਾਈਬਰ ਸੁਰੱਖਿਆ ਅਤੇ R&D ਖੇਤਰਾਂ ਵਿੱਚ ਰੋਜ਼ਗਾਰ ਦੇ ਨਵੇਂ ਮੌਕੇ ਬਣਣਗੇ। ਉਦਯੋਗ ਵਿਸ਼ਲੇਸ਼ਕ ਮੰਨਦੇ ਹਨ ਕਿ ਇਸ ਨਵੇਂ ਕਦਮ ਨਾਲ ਨੌਕਰੀ ਦੇ ਮੌਕਿਆਂ ਦੇ ਨਾਲ-ਨਾਲ ਤਨਖਾਹਾਂ ਅਤੇ ਕਰੀਅਰ ਗਰੋਥ ਲਈ ਵੀ ਨਵੇਂ ਮਾਪਦੰਡ ਸੈੱਟ ਹੋਣਗੇ।

ਭਾਰਤ ਵਿੱਚ ਇਸ ਸਮੇਂ 1,600 ਤੋਂ ਵੱਧ ਗਲੋਬਲ ਕੇਪੇਬਿਲਟੀ ਸੈਂਟਰ (GCCs) ਚੱਲ ਰਹੇ ਹਨ, ਜਿਨ੍ਹਾਂ ਨੇ 2019 ਤੋਂ 2024 ਦਰਮਿਆਨ 6 ਲੱਖ ਤੋਂ ਵੱਧ ਨੌਕਰੀਆਂ ਦਿੱਤੀਆਂ ਹਨ। ਅੰਦਾਜ਼ਾ ਲਗਾਇਆ ਜਾ ਰਿਹਾ ਹੈ ਕਿ 2030 ਤੱਕ ਇਹ ਗਿਣਤੀ 28 ਤੋਂ 40 ਲੱਖ ਤੱਕ ਪਹੁੰਚ ਸਕਦੀ ਹੈ। ਖਾਸ ਕਰਕੇ ਰਿਟੇਲ ਅਤੇ ਕਨਜ਼ਿਊਮਰ ਗੁੱਡਜ਼ ਸੈਕਟਰ ਨਾਲ ਸੰਬੰਧਿਤ GCCs ਦੀ ਮੰਗ ਵਿੱਚ ਤੇਜ਼ੀ ਆ ਰਹੀ ਹੈ, ਜੋ ਉਤਪਾਦ ਵਿਕਾਸ, ਸਪਲਾਈ ਚੇਨ ਐਨਾਲਿਟਿਕਸ ਅਤੇ AI-ਚਲਿਤ ਓਪਰੇਸ਼ਨਾਂ ਵਿੱਚ ਆਗੂ ਭੂਮਿਕਾ ਨਿਭਾ ਰਹੇ ਹਨ।

ਕੌਸਟਕੋ ਦਾ ਇਹ ਸੈਂਟਰ ਸ਼ਾਇਦ ਬੈਂਗਲੁਰੂ ਵਿੱਚ ਬਣੇਗਾ, ਜਿਸ ਨਾਲ ਨਿਰਧਾਰਤ ਰੂਪ ਵਿੱਚ ਉੱਚ ਦਰਜੇ ਦੀਆਂ ਨੌਕਰੀਆਂ ਪੈਦਾ ਹੋਣਗੀਆਂ, ਨਾਲ ਹੀ ਸੁਵਿਧਾ ਪ੍ਰਬੰਧਨ, ਟ੍ਰੇਨਿੰਗ, ਆਈ.ਟੀ. ਸਹਾਇਤਾ ਤੇ ਲਾਜਿਸਟਿਕਸ ਵਰਗੀਆਂ ਸੈਕੰਡਰੀ ਸਰਵਿਸਿਜ਼ ਵਿੱਚ ਵੀ ਨਵੇਂ ਮੌਕੇ ਪੈਦਾ ਹੋਣਗੇ। ਇਸ ਦੇ ਨਾਲ ਹੀ ਨਿਸ਼ਚਿਤ ਤੌਰ 'ਤੇ ਭਾਰਤ ਦੀ ਨੌਜਵਾਨ ਟੈਕਨੋਲੋਜੀ ਵਰਕਫੋਰਸ ਲਈ ਇਕ ਨਵਾਂ ਮੌਕਾ ਖੁੱਲੇਗਾ।

ਇਸ ਕਦਮ ਨਾਲ ਨਾ ਸਿਰਫ਼ ਭਾਰਤੀ ਸੂਬਿਆਂ ਦੀਆਂ ਨਿਵੇਸ਼ ਨੀਤੀਆਂ ਨੂੰ ਮਜ਼ਬੂਤੀ ਮਿਲੇਗੀ, ਬਲਕਿ ਉੱਚ ਗੁਣਵੱਤਾ ਵਾਲੇ ਕੌਸ਼ਲ ਵਿਕਾਸ ਤੇ ਆਰਥਿਕ ਵਾਧੂ ਨੂੰ ਵੀ ਨਵੀਂ ਰਫ਼ਤਾਰ ਮਿਲੇਗੀ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e