BCCL ਦੇ IPO ਨੇ ਰਚਿਆ ਇਤਿਹਾਸ; 90 ਲੱਖ ਅਰਜ਼ੀਆਂ ਦਾ ਬਣਾਇਆ ਨਵਾਂ ਰਿਕਾਰਡ

ਬਿਜ਼ਨੈੱਸ ਡੈਸਕ : ਮਿਨੀਰਤਨ ਕੰਪਨੀ ਭਾਰਤ ਕੋਕਿੰਗ ਕੋਲ ਲਿਮਟਿਡ (BCCL) ਦੇ ਆਈ.ਪੀ.ਓ. (IPO) ਨੇ ਸ਼ੇਅਰ ਬਾਜ਼ਾਰ ਵਿੱਚ ਨਵਾਂ ਇਤਿਹਾਸ ਸਿਰਜ ਦਿੱਤਾ ਹੈ। ਇਸ ਆਈ.ਪੀ.ਓ. ਨੂੰ ਨਿਵੇਸ਼ਕਾਂ ਵੱਲੋਂ ਇੰਨਾ ਜ਼ਬਰਦਸਤ ਹੁੰਗਾਰਾ ਮਿਲਿਆ ਹੈ ਕਿ ਇਸ ਨੇ ਅਰਜ਼ੀਆਂ ਦੇ ਮਾਮਲੇ ਵਿੱਚ ਪਿਛਲੇ ਸਾਰੇ ਰਿਕਾਰਡ ਤੋੜ ਦਿੱਤੇ ਹਨ।

ਇਹ ਵੀ ਪੜ੍ਹੋ :      ਮੂਧੇ ਮੂੰਹ ਡਿੱਗੇ ਸੋਨੇ-ਚਾਂਦੀ ਦੇ ਭਾਅ, ਜਾਣੋ ਕਿੰਨੀਆਂ ਘਟੀਆਂ ਕੀਮਤੀ ਧਾਤਾਂ ਦੀਆਂ ਕੀਮਤਾਂ

90 ਲੱਖ ਤੋਂ ਵੱਧ ਅਰਜ਼ੀਆਂ ਮਿਲਣ ਦਾ ਰਿਕਾਰਡ

ਭਾਰਤ ਕੋਕਿੰਗ ਕੋਲ ਦੇ ਆਈ.ਪੀ.ਓ. ਨੂੰ ਰਿਕਾਰਡ 90.31 ਲੱਖ ਅਰਜ਼ੀਆਂ ਪ੍ਰਾਪਤ ਹੋਈਆਂ ਹਨ। ਇਸ ਦੇ ਨਾਲ ਹੀ ਇਸ ਕੰਪਨੀ ਨੇ 'ਵਾਰੀ ਐਨਰਜੀਜ਼' (Waaree Energies) ਦਾ ਰਿਕਾਰਡ ਤੋੜ ਦਿੱਤਾ ਹੈ, ਜਿਸ ਨੂੰ ਸਾਲ 2024 ਦੇ ਅਖੀਰ ਵਿੱਚ 82.65 ਲੱਖ ਅਰਜ਼ੀਆਂ ਮਿਲੀਆਂ ਸਨ।

ਇਹ ਵੀ ਪੜ੍ਹੋ :      ਮਾਰਚ 'ਚ ਬੰਦ ਹੋ ਜਾਣਗੇ 500 ਰੁਪਏ ਦੇ ਨੋਟ! ਜਾਣੋ ਸੋਸ਼ਲ ਮੀਡੀਆ 'ਤੇ ਫੈਲੇ ਦਾਅਵੇ ਦੀ ਸੱਚਾਈ

1.17 ਲੱਖ ਕਰੋੜ ਰੁਪਏ ਦੀਆਂ ਲੱਗੀਆਂ ਬੋਲੀਆਂ 

ਕੰਪਨੀ ਦੇ 1,071 ਕਰੋੜ ਰੁਪਏ ਦੇ ਇਸ਼ੂ ਸਾਈਜ਼ ਦੇ ਮੁਕਾਬਲੇ ਨਿਵੇਸ਼ਕਾਂ ਨੇ 1.1 ਲੱਖ ਕਰੋੜ ਰੁਪਏ ਤੋਂ ਵੱਧ ਦੀਆਂ ਬੋਲੀਆਂ ਲਗਾਈਆਂ ਹਨ,। ਐਕਸਚੇਂਜ ਡੇਟਾ ਮੁਤਾਬਕ, ਨਿਵੇਸ਼ਕਾਂ ਨੇ 23 ਰੁਪਏ ਦੇ ਉਪਰਲੇ ਪ੍ਰਾਈਸ ਬੈਂਡ 'ਤੇ ਲਗਭਗ 1.17 ਲੱਖ ਕਰੋੜ ਰੁਪਏ ਦੀ ਕੁੱਲ ਬੋਲੀ ਲਗਾਈ ਹੈ। ਇਹ ਆਈ.ਪੀ.ਓ. ਕੁੱਲ 143.85 ਗੁਣਾ ਸਬਸਕ੍ਰਾਈਬ ਹੋਇਆ ਹੈ।

ਇਹ ਵੀ ਪੜ੍ਹੋ :     1499 ਰੁਪਏ 'ਚ ਭਰ ਸਕੋਗੇ ਉਡਾਣ ਤੇ ਬੱਚੇ 1 ਰੁਪਏ 'ਚ ਕਰ ਸਕਣਗੇ ਸਫ਼ਰ, ਮਿਲੇਗੀ ਖ਼ਾਸ ਆਫ਼ਰ!

ਵੱਖ-ਵੱਖ ਸ਼੍ਰੇਣੀਆਂ ਵਿੱਚ ਸਬਸਕ੍ਰਿਪਸ਼ਨ ਦਾ ਹਾਲ:

• ਕੁਆਲੀਫਾਈਡ ਇੰਸਟੀਚਿਊਸ਼ਨਲ ਬਾਇਰਜ਼ (QIB): 310.81 ਗੁਣਾ
• ਗੈਰ-ਸੰਸਥਾਗਤ ਨਿਵੇਸ਼ਕ (NII): 240.49 ਗੁਣਾ
• ਸ਼ੇਅਰਧਾਰਕ ਸ਼੍ਰੇਣੀ: 87.20 ਗੁਣਾ
• ਆਮ ਨਿਵੇਸ਼ਕ (Retail): 49.37 ਗੁਣਾ
• ਕਰਮਚਾਰੀ ਕੋਟਾ: 5.17 ਗੁਣਾ

ਇਹ ਵੀ ਪੜ੍ਹੋ :     1.5 ਕਰੋੜ ਕਰਮਚਾਰੀਆਂ-ਪੈਨਸ਼ਨਰਾਂ ਲਈ ਅਹਿਮ ਖ਼ਬਰ, ਸਰਕਾਰ ਨੇ ਨਿਯਮਾਂ 'ਚ ਕੀਤਾ ਬਦਲਾਅ

ਨਿਵੇਸ਼ਕਾਂ ਨੂੰ ਹੋ ਸਕਦਾ ਹੈ ਮੋਟਾ ਮੁਨਾਫਾ 

BCCL ਦੇ ਆਈ.ਪੀ.ਓ. ਵਿੱਚ ਸ਼ੇਅਰ ਦੀ ਕੀਮਤ 23 ਰੁਪਏ ਨਿਰਧਾਰਤ ਕੀਤੀ ਗਈ ਹੈ,। ਗ੍ਰੇ ਮਾਰਕੀਟ ਵਿੱਚ ਇਹ ਸ਼ੇਅਰ 13 ਰੁਪਏ ਦੇ ਪ੍ਰੀਮੀਅਮ (GMP) ਨਾਲ ਕਾਰੋਬਾਰ ਕਰ ਰਹੇ ਹਨ,। ਮੌਜੂਦਾ ਜੀ.ਐਮ.ਪੀ. (GMP) ਦੇ ਹਿਸਾਬ ਨਾਲ ਇਹ ਸ਼ੇਅਰ ਬਾਜ਼ਾਰ ਵਿੱਚ 36 ਰੁਪਏ 'ਤੇ ਲਿਸਟ ਹੋ ਸਕਦੇ ਹਨ, ਜਿਸਦਾ ਮਤਲਬ ਹੈ ਕਿ ਨਿਵੇਸ਼ਕਾਂ ਨੂੰ ਲਿਸਟਿੰਗ ਵਾਲੇ ਦਿਨ ਹੀ 56 ਫੀਸਦੀ ਤੋਂ ਜ਼ਿਆਦਾ ਦਾ ਮੁਨਾਫਾ ਮਿਲਣ ਦੀ ਉਮੀਦ ਹੈ।

ਇਹ ਵੀ ਪੜ੍ਹੋ :     Banking Sector 'ਚ ਵਧੀ ਹਲਚਲ, ਦੋ ਵੱਡੇ ਸਰਕਾਰੀ ਬੈਂਕ ਦੇ ਰਲੇਵੇਂ ਦੀ ਤਿਆਰੀ!

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt