Apple ਨੂੰ ਇਕ ਦਿਨ ''ਚ 120 ਅਰਬ ਡਾਲਰ ਦਾ ਘਾਟਾ, ਵਿਕਰੀ ਦੇ ਤੂਫਾਨ ''ਚ ਕਈ ਹੋਰ ਕੰਪਨੀਆਂ ਨੂੰ ਵੀ ਤਕੜਾ ਝਟਕਾ

ਨਵੀਂ ਦਿੱਲੀ - ਆਈਫੋਨ ਬਣਾਉਣ ਵਾਲੀ ਅਮਰੀਕੀ ਤਕਨੀਕੀ ਕੰਪਨੀ ਐਪਲ ਲਈ ਵੀਰਵਾਰ ਦਾ ਦਿਨ ਬਹੁਤ ਭਾਰੀ ਰਿਹਾ। ਦੁਨੀਆ ਦੀ ਸਭ ਤੋਂ ਕੀਮਤੀ ਕੰਪਨੀ ਦੇ ਸ਼ੇਅਰ 4.9 ਫੀਸਦੀ ਡਿੱਗ ਗਏ। ਇਸ ਨਾਲ ਕੰਪਨੀ ਦੀ ਮਾਰਕੀਟ ਕੈਪ ਲਗਭਗ 120 ਅਰਬ ਡਾਲਰ ਘਟ ਗਈ। ਇਹ ਰਕਮ ਗੌਤਮ ਅਡਾਨੀ ਦੀ ਕੁੱਲ ਜਾਇਦਾਦ ਤੋਂ ਡੇਢ ਗੁਣਾ ਅਤੇ ਮੁਕੇਸ਼ ਅੰਬਾਨੀ ਦੀ ਕੁੱਲ ਜਾਇਦਾਦ ਤੋਂ ਡੇਢ ਗੁਣਾ ਘੱਟ ਹੈ। ਬਲੂਮਬਰਗ ਬਿਲੀਨੇਅਰਜ਼ ਇੰਡੈਕਸ ਅਨੁਸਾਰ ਅਡਾਨੀ ਦੀ ਕੁੱਲ ਜਾਇਦਾਦ 128 ਅਰਬ ਡਾਲਰ ਹੈ ਅਤੇ ਅੰਬਾਨੀ ਦੀ ਕੁੱਲ ਜਾਇਦਾਦ 80.3 ਅਰਬ ਡਾਲਰ ਹੈ। ਇਸ ਦੇ ਨਾਲ ਹੀ ਇਹ ਰਕਮ ਦੁਨੀਆ ਦੇ ਸਭ ਤੋਂ ਅਮੀਰ ਏਲੋਨ ਮਸਕ ਦੀ ਨੈੱਟਵਰਥ ਤੋਂ ਅੱਧੀ ਹੈ। ਮਸਕ ਦੀ ਕੁੱਲ ਜਾਇਦਾਦ 240 ਅਰਬ ਡਾਲਰ ਹੈ।

ਇਹ ਵੀ ਪੜ੍ਹੋ : AirIndia ਨੇ ਸੀਨੀਅਰ ਨਾਗਰਿਕਾਂ ਤੇ ਵਿਦਿਆਰਥੀਆਂ ਨੂੰ ਮਿਲਣ ਵਾਲੀ ਇਸ ਸਹੂਲਤ 'ਤੇ ਚਲਾਈ ਕੈਂਚੀ

ਬੈਂਕ ਆਫ ਅਮਰੀਕਾ ਨੇ ਐਪਲ ਦੀ ਰੇਟਿੰਗ ਬਾਇ ਤੋਂ ਨਿਊਟਰਲ ਕਰ ਦਿੱਤਾ ਹੈ। ਨਤੀਜੇ ਵਜੋਂ, ਕੰਪਨੀ ਦੇ ਸ਼ੇਅਰਾਂ ਵਿੱਚ ਤੇਜ਼ੀ ਨਾਲ ਗਿਰਾਵਟ ਆਈ। ਬੈਂਕ ਦਾ ਕਹਿਣਾ ਹੈ ਕਿ ਕੰਪਨੀ ਦੇ ਮਸ਼ਹੂਰ ਡਿਵਾਈਸਾਂ ਦੀ ਮੰਗ ਘੱਟ ਸਕਦੀ ਹੈ। ਐਪਲ ਦੀ ਮਾਰਕੀਟ ਕੈਪ ਲਗਭਗ 23 ਟ੍ਰਿਲੀਅਨ ਡਾਲਰ ਹੈ। ਕੰਪਨੀ ਦੇ ਸ਼ੇਅਰ ਇਸ ਸਾਲ ਕਰੀਬ 20 ਫੀਸਦੀ ਡਿੱਗੇ ਹਨ, ਜਦਕਿ ਨੈਸਡੈਕ 100 ਇਸ ਸਮੇਂ ਦੌਰਾਨ ਲਗਭਗ 32 ਫੀਸਦੀ ਡਿੱਗਿਆ ਹੈ। ਕੰਪਨੀ ਦੇ ਸ਼ੇਅਰ ਦੀ ਕੀਮਤ ਹੁਣ 142.48 ਡਾਲਰ ਰਹਿ ਗਈ ਹੈ।

ਛਾਂਟੀ ਦੀ ਤਿਆਰੀ ਕਰ ਰਿਹਾ ਹੈ ਫੇਸਬੁੱਕ 

ਐਪਲ ਤੋਂ ਇਲਾਵਾ ਸਾਰੀਆਂ ਤਕਨੀਕੀ ਕੰਪਨੀਆਂ ਦੇ ਸ਼ੇਅਰ ਵੀਰਵਾਰ ਨੂੰ ਡਿੱਗੇ। ਐਮਾਜ਼ੋਨ ਅਤੇ ਗੂਗਲ ਦੀ ਮੂਲ ਕੰਪਨੀ ਅਲਫਾਬੇਟ ਇੰਕ ਦੇ ਸ਼ੇਅਰ ਲਗਭਗ ਤਿੰਨ ਫੀਸਦੀ ਡਿੱਗ ਗਏ, ਜਦੋਂ ਕਿ ਮਾਈਕ੍ਰੋਸਾਫਟ ਦੇ ਸ਼ੇਅਰ 1.5 ਫੀਸਦੀ ਡਿੱਗ ਗਏ। ਇਸੇ ਤਰ੍ਹਾਂ ਫੇਸਬੁੱਕ ਦੀ ਮੂਲ ਕੰਪਨੀ ਮੈਟਾ ਪਲੇਟਫਾਰਮਸ ਦੇ ਸ਼ੇਅਰ 3.7 ਫੀਸਦੀ ਡਿੱਗੇ। ਕੰਪਨੀ ਦੇ ਸੀਈਓ ਮਾਰਕ ਜ਼ੁਕਰਬਰਗ ਦਾ ਕਹਿਣਾ ਹੈ ਕਿ ਕੰਪਨੀ ਪਹਿਲੀ ਵਾਰ ਛਾਂਟੀ ਕਰਨ ਜਾ ਰਹੀ ਹੈ। ਕੰਪਨੀ ਦੇ ਸ਼ੇਅਰ ਇਸ ਸਾਲ 59 ਫੀਸਦੀ ਡਿੱਗੇ ਹਨ।

ਇਹ ਵੀ ਪੜ੍ਹੋ : ਸਰਕਾਰ ਨੇ ਕੁਝ ਲਘੂ ਬੱਚਤ ਯੋਜਨਾਵਾਂ ’ਤੇ ਵਿਆਜ ਦਰ 0.3 ਫੀਸਦੀ ਵਧਾਈ

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।