Amazon Prime ਯੂਜ਼ਰਸ ਲਈ ਬੁਰੀ ਖਬਰ, ਅਗਲੇ ਹਫਤੇ ਤੋਂ ਸਬਸਕ੍ਰਿਪਸ਼ਨ ਪਲਾਨ ਹੋਣਗੇ ਮਹਿੰਗੇ

ਗੈਜੇਟ ਡੈਸਕ– ਐਮਾਜ਼ੋਨ ਪ੍ਰਾਈਮ ਯੂਜ਼ਰਸ ਲਈ ਬੁਰੀ ਖਬਰ ਹੈ। ਕੰਪਨੀ ਅਗਲੇ ਹਫਤੇ ਯਾਨੀ 13 ਦਸੰਬਰ ਤੋਂ ਐਮਾਜ਼ੋਨ ਪ੍ਰਾਈਮ ਦੇ ਸਬਸਕ੍ਰਿਪਸ਼ਨ ਪਲਾਨ ਦੀ ਕੀਮਤ ਵਧਾਉਣ ਵਾਲੀ ਹੈ। ਇਨ੍ਹਾਂ ਪਲਾਨ ਦੀ ਕੀਮਤ ’ਚ 50 ਫੀਸਦੀ ਤਕ ਦਾ ਵਾਧਾ ਹੋ ਸਕਦਾ ਹੈ। ਇਹ ਜਾਣਕਾਰੀ ਕੰਪਨੀ ਦੇ ਸਪੋਰਟ ਪੇਜ ਤੋਂ ਮਿਲੀ ਹੈ। 13 ਦਸੰਬਰ 2021 ਤੋਂ ਬਾਅਦ ਸਾਲਾਨਾ ਮੈਂਬਰਸ਼ਿਪ ਦੀ ਕੀਮਤ 1,499 ਰੁਪਏ ਹੋ ਜਾਵੇਗੀ ਜੋ ਕਿ ਫਿਲਹਾਲ 999 ਰੁਪਏ ਹੈ। ਸਾਲਾਨਾ ਮੈਂਬਰਸ਼ਿਪ ਦੀ ਕੀਮਤ ’ਚ 500 ਰੁਪਏ ਦਾ ਵਾਧਾ ਹੋ ਰਿਹਾ ਹੈ। ਇਸ ਦਾ ਅਸਰ ਮਾਸਿਕ ਅਤੇ ਤਿਮਾਹੀ ਪਲਾਨ ’ਤੇ ਵੀ ਪਵੇਗਾ। ਐਮਾਜ਼ੋਨ ਪ੍ਰਾਈਮ ਮੈਂਬਰਸ਼ਿਪ ਵਾਲੇ ਗਾਹਕਾਂ ਨੂੰ ਸਪੈਸ਼ਲ ਆਫਰ ਮਿਲਦੇ ਹਨ ਅਤੇ ਸੇਲ ਦੌਰਾਨ ਹੋਰ ਗਾਹਕਾਂ ਤੋਂ ਪਹਿਲਾਂ ਸ਼ਾਪਿੰਗ ਦਾ ਮੌਕਾ ਮਿਲਦਾ ਹੈ। ਇਸ ਤੋਂ ਇਲਾਵਾ ਐਮਾਜ਼ੋਨ ਪ੍ਰਾਈਮ ਵੀਡੀਓ, ਐਮਾਜ਼ੋਨ ਮਿਊਜ਼ਿਕ, ਪ੍ਰਾਈਮ ਰੀਡਿੰਗ ਅਤੇ ਪ੍ਰਾਈਮ ਗੇਮਿੰਗ ਦੀ ਵੀ ਸੁਵਿਧਾ ਮਿਲਦੀ ਹੈ। 

ਇਹ ਵੀ ਪੜ੍ਹੋ– Gmail ’ਚੋਂ ਜ਼ਰੂਰੀ Email ਹੋ ਗਿਆ ਹੈ ਡਿਲੀਟ, ਇੰਝ ਕਰੋ ਰਿਕਵਰ

ਕਿੰਨੀ ਹੋ ਜਾਵੇਗੀ ਐਮਾਜ਼ੋਨ ਪ੍ਰਾਈਮ ਮੈਂਬਰਸ਼ਿਪ ਦੀ ਕੀਮਤ
ਨਵੀਂ ਅਪਡੇਟ ਤੋਂ ਬਾਅਦ ਐਮਾਜ਼ੋਨ ਪ੍ਰਾਈਮ ਮੈਂਬਰਸ਼ਿਪ ਦਾ 999 ਰੁਪਏ ਵਾਲਾ ਪੈਕ 1499 ਰੁਪਏ ਦਾ ਹੋ ਜਾਵੇਗਾ। ਇਸ ਦੀ ਮਿਆਦ 12 ਮਹੀਨਿਆਂ ਦੀ ਹੈ। ਉਥੇ ਹੀ 329 ਰੁਪਏ ਵਾਲਾ ਤਿਮਾਹੀ ਪਲਾਨ 459 ਰੁਪਏ ਦਾ ਹੋ ਜਾਵੇਗਾ ਅਤੇ 129 ਰੁਪਏ ਵਾਲੇ ਮਾਸਿਕ ਪਲਾਨ ਦੀ ਕੀਮਤ 179 ਰੁਪਏ ਹੋ ਜਾਵੇਗੀ। ਦੱਸ ਦੇਈਏ ਕਿ ਐਮਾਜ਼ੋਨ ਪ੍ਰਾਈਮ ਨੂੰ 5 ਸਾਲ ਪਹਿਲਾਂ ਭਾਰਤ ’ਚ ਪੇਸ਼ ਕੀਤਾ ਗਿਆ ਸੀ। 

ਇਹ ਵੀ ਪੜ੍ਹੋ– WhatsApp ਦੇ ਇਸ ਫੀਚਰ ’ਚ ਹੋਇਆ ਬਦਲਾਅ, ਹੁਣ ਹੋਰ ਵੀ ਸੁਰੱਖਿਅਤ ਹੋਵੇਗੀ ਚੈਟ

ਪਿਛਲੇ ਮਹੀਨੇ 18-24 ਸਾਲਾ ਨੌਜਵਾਨ ਗਾਹਕਾਂ ਨੂੰ ਮਿਲਿਆ ਸੀ ਤੋਹਫਾ
ਐਮਾਜ਼ੋਨ ਪ੍ਰਾਈਮ 18-24 ਸਾਲ ਦੀ ਉਮਰ ਦੇ ਉਨ੍ਹਾਂ ਗਾਹਕਾਂ ਲਈ ਵੀ ਕੀਮਤਾਂ ’ਚ ਬਦਲਾਅ ਕਰਨ ਵਾਲਾ ਹੈ ਜੋ ਕਿ ਮਈ 2021 ਤੋਂ ਪ੍ਰਾਈਮ ਯੂਥ ਆਫਰ ਦਾ ਹਿੱਸਾ ਹਨ। ਹਾਲਾਂਕਿ, ਨਵੀਂ ਅਪਡੇਟ ਤੋਂ ਬਾਅਦ ਨੌਜਵਾਨ ਗਾਹਕਾਂ ਨੂੰ ਫਾਇਦਾ ਹੀ ਹੋਵੇਗਾ ਕਿਉਂਕਿ ਨੌਜਵਾਨ ਗਾਹਕਾਂ ਲਈ ਮਾਸਿਕ ਅਤੇ ਤਿਮਾਹੀ ਪ੍ਰਾਈਮ ਮੈਂਬਰਸ਼ਿਪ ਦੀ ਕੀਮਤ ਨੂੰ 164 ਰੁਪਏ ਤੋਂ ਘਟਾ ਕੇ 64 ਰੁਪਏ ਅਤੇ 299 ਰੁਪਏ ਤੋਂ ਘਟਾ ਕੇ 89 ਰੁਪਏ ਕਰ ਦਿੱਤਾ ਹੈ ਅਤੇ ਸਾਲਾਨਾ ਫੀਸ ਨੂੰ 749 ਰੁਪਏ ਤੋਂ ਘਟਾ ਕੇ 499 ਰੁਪਏ ਕਰ ਦਿੱਤਾ ਗਿਆ ਹੈ। 

ਇਹ ਵੀ ਪੜ੍ਹੋ– Poco ਦੇ ਫੋਨ 'ਚ ਧਮਾਕਾ ਹੋਣ ਕਰਕੇ ਉੱਡੇ ਚਿੱਥੜੇ, ਚੀਨੀ ਕੰਪਨੀ ਨੇ ਦਿੱਤੀ ਇਹ ਪ੍ਰਤੀਕਿਰਿਆ