ਆਵਾਰਾ ਪਸ਼ੂਆਂ ਦਾ ਸ਼ਿਕਾਰ ਹੋ ਰਹੇ ਲੋਕ, ਬਜ਼ੁਰਗ ਤੋਂ ਬਾਅਦ ਹੁਣ ਸਕੂਲੀ ਬੱਚੇ ਆਏ ਲਪੇਟ ''ਚ

ਬੁਢਲਾਡਾ (ਬਾਂਸਲ): ਸਥਾਨਕ ਸ਼ਹਿਰ ਅੰਦਰ ਆਵਾਰਾ ਪਸ਼ੂਆਂ ਦੇ ਆਪਸੀ ਭਿੜਨ ਕਾਰਨ ਅਕਸਰ ਲੋਕ ਝਪੇਟ ਵਿੱਚ ਆ ਰਹੇ ਹਨ। ਜਿਸ ਕਾਰਨ ਮਾਪਿਆਂ ਚ ਆਪਣੇ ਬੱਚਿਆਂ ਪ੍ਰਤੀ ਡਰ ਦਾ ਮਾਹੌਲ ਬਣਿਆ ਹੋਇਆ ਕਿ ਸਾਡੇ ਬੱਚੇ ਆਵਾਰਾ ਦੀ ਪਸ਼ੂਆਂ ਦੀ ਲਪੇਟ ਵਿਚ ਨਾ ਆ ਜਾਣ। ਸ਼ਹਿਰ ਅੰਦਰ ਆਵਾਰਾ ਪਸ਼ੂਆਂ ਦੂਸਰੀ ਘਟਨਾ ਸਾਹਮਣੇ ਆਈ ਹੈ। ਇਸ ਤੋਂ ਪਹਿਲਾ ਇੱਕ ਬਜੁਰਗ ਨੂੰ ਟੱਕਰ ਮਾਰ ਦਿੱਤੀ ਜਿਸ ਦੇ ਪੇਟ ਵਿੱਚ ਕਾਫੀ ਟਾਂਕੇ ਲੱਗੇ ਸਨ ਕਿ ਅੱਜ ਫਿਰ ਸਕੂਲ ਚੋ ਵਾਪਿਸ ਆ ਰਹੇ ਬੱਚੇ ਵੀ ਇਨ੍ਹਾਂ ਦਾ ਸ਼ਿਕਾਰ ਬਣ ਗਏ ਪਰ ਜਾਨੀ ਨੁਕਸਾਨ ਤੋਂ ਬੱਚਤ ਰਹੀ। 

ਸ਼ਹਿਰ ਦੀ ਚੌੜੀ ਗਲੀ, ਬਾਰਾਂ ਨੋਹਰੇ, ਰਾਮ ਲੀਲਾ ਗਰਾਊਂਡ, ਮੁੰਡਿਆ ਵਾਲੇ ਸਕੂਲ ਰੋਡ ਤੇ ਅਕਸਰ ਇਹ ਘਟਨਾਵਾਂ ਆਮ ਹੋ ਰਹੀਆਂ ਹਨ। ਲੋਕਾਂ ਨੇ ਪ੍ਰਸ਼ਾਸ਼ਨ ਤੋਂ ਮੰਗ ਕੀਤੀ ਕਿ ਪ੍ਰਸ਼ਾਸ਼ਨ ਇਸ ਸਮੱਸਿਆ ਦੇ ਹੱਲ ਲਈ ਗੰਭੀਰ ਹੋਵੇ। ਉੱਧਰ ਨਗਰ ਕੌਂਸਲ ਨੂੰ ਵੀ ਲੋਕਾਂ ਨੇ ਅਪੀਲ ਕੀਤੀ ਕਿ ਉਹ ਲੋਕਾਂ ਤੋਂ ਜਦੋਂ ਗਊ ਟੈਕਸ ਵਸੂਲਦੇ ਹਨ ਤਾਂ ਇਨ੍ਹਾਂ ਦੀ ਸਾਂਭ ਸੰਭਾਲ ਵੀ ਯਕੀਨੀ ਬਣਾਈ ਜਾਵੇ।