ਹੋਂਡਾ ਨੇ 5 ਮਹੀਨੇ ''ਚ ਇਸ ਸਕੂਟਰ ਦੇ ਵੇਚੇ 1 ਲੱਖ ਯੂਨਿਟਸ

ਜਲੰਧਰ- ਹੋਂਡਾ ਮੋਟਰਸਾਈਕਲ ਐਂਡ ਸਕੂਟਰ ਇੰਡੀਆ (HMSI) ਨੇ ਆਪਣੇ ਫਲੈਗਸ਼ਿਪ 125 ਸੀ. ਸੀ. ਸਕੂਟਰ, ਹੋਂਡਾ ਗ੍ਰੇਜੀਆ ਦੀ 5 ਮਹੀਨੇ 'ਚ ਇਕ ਲੱਖ ਤੋਂ ਜ਼ਿਆਦਾ ਯੂਨਿਟਸ ਦੀ ਵਿਕਰੀ ਕੀਤੀ ਹੈ। ਹੋਂਡਾ ਗ੍ਰੇਜੀਆ ਨੂੰ 8 ਨਵੰਬਰ 2017 ਨੂੰ ਲਾਂਚ ਕੀਤਾ ਗਿਆ ਸੀ। ਕੰਪਨੀ ਨੇ ਇਸ ਸਕੂਟਰ 'ਚ ਨਵੇਂ ਡਿਜ਼ਾਈਨ ਅਤੇ ਫੀਚਰਸ ਸ਼ਾਮਿਲ ਕੀਤੇ ਹਨ, ਜਦਕਿ ਇਸ 'ਚ ਐਕਟਿਵਾ 125 ਵਾਲਾ ਵੀ ਇੰਜਣ ਦਿੱਤਾ ਹੈ। ਹੋਂਡਾ ਗ੍ਰੇਜੀਆ ਭਾਰਤੀ ਬਾਜ਼ਾਰ 'ਚ ਲਾਂਚ ਹੋਣ ਤੋਂ ਬਾਅਦ 125 ਸੀ. ਸੀ. ਸੈਗਮੈਂਟ 'ਚ ਸਭ ਤੋਂ ਜ਼ਿਆਦਾ ਵਿਕਣ ਵਾਲੇ ਯੂਜ਼ਰਸ 'ਚੋਂ ਇਕ ਰਿਹਾ ਹੈ, ਕਿਉਂਕਿ 125 ਸੀ. ਸੀ. ਸੈਗਮੈਂਟ 'ਚ ਇਹ ਪਹਿਲਾ ਸਕੂਟਰ ਸੀ, ਜਿਸ 'ਚ ਫੁੱਲ ਇੰਸਟੂਮੈਂਟ ਕੰਸੋਲ ਅਤੇ LED ਹੈਡਲਾਈਟਸ ਦਿੱਤੀ ਗਈ ਹੈ। 

ਹੋਂਡਾ ਮੋਟਰਸਾਈਕਲ ਐਂਡ ਸਕੂਟਰ ਇੰਡੀਆ ਦੇ ਸੈਲਸ ਐਂਡ ਮਾਰਕੀਟਿੰਗ, ਸੀਨੀਅਰ ਵਾਇਸ ਪ੍ਰੈਜ਼ੀਡੈਂਟ, ਯਦਵਿੰਦਰ ਸਿੰਘ ਗੁਲੇਰੀਆ ਨੇ ਕਿਹਾ, ਸੈਗਮੈਂਟ ਤੋਂ ਪਹਿਲਾਂ ਫੀਚਰਸ ਜਿਵੇਂ LED ਹੈਡਲੈਂਪ, ਫੁੱਲੀ ਡਿਜੀਟਲ ਮੀਟਰ ਦੇ ਨਾਲ 3 ਸਟੇਪ ਇਕੋ ਸਪੀਡ ਇੰਡੀਕੇਟਰ ਦੀ ਮਦਦ ਨਾਲ ਸ਼ਹਿਰੀ ਨੌਜਵਾਨ ਕਾਫੀ ਆਕਰਸ਼ਿਤ ਹੋਏ ਹਨ। ਨੌਜਵਾਨ ਜੋ ਇਕ ਐਡਵਾਂਸ, ਸਟਾਈਲਿਸ਼, ਪਾਵਰਫੁੱਲ ਅਤੇ ਸੁਵਿਧਾਜਨਕ ਸਕੂਟਰ ਦੀ ਇੱਛਾ ਰੱਖਦੇ ਹਨ, ਉਹ ਗ੍ਰੇਜੀਆ ਨੂੰ ਖਰੀਦ ਰਹੇ ਹਨ। 

ਹੋਂਡਾ ਗ੍ਰੇਜੀਆ 125 ਸੀ. ਸੀ. ਹੋਂਡਾ ਐਕਟਿਵਾ 125 ਵਾਲਾ ਇੰਜਣ ਦਿੱਤਾ ਗਿਆ ਹੈ। ਇਹ ਇੰਜਣ 8.52 bhp ਦੀ ਪਾਵਰ ਅਤੇ 10.54Nm ਦਾ ਟਾਰਕ ਜਨਰੇਟ ਕਰਦਾ ਹੈ। ਫੀਚਰਸ ਦੇ ਤੌਰ 'ਤੇ ਕੰਪਨੀ ਇਸ 'ਚ ਅਲਾਏ ਵ੍ਹੀਲਸ, ਫਰੰਟ ਡਿਸਕ ਬ੍ਰੇਕ ਦੇ ਨਾਲ ਕੰਬੀ ਬ੍ਰੇਕਿੰਗ ਸਿਸਟਮ (CBS), ਟੇਲੈਸਕੋਪਿਕ ਫਰੰਟ ਫਾਕਰਸ ਅਤੇ ਡਿਊਲ ਟੋਨ ਪੇਂਟ ਸਕੀਮ ਦਿੱਤੀ ਜਾਵੇਗੀ। ਇਸ ਤੋਂ ਇਲਾਵਾ ਇਸ 'ਚ ਨਵਾਂ ਇੰਸਟੂਮੈਂਟ ਕੰਸੋਲ ਦੇ ਨਾਲ ਡਿਜੀਟਲ ਡਿਸਪਲੇਅ ਦਿੱਤੀ ਗਈ ਹੈ। ਹੋਂਡਾ ਗ੍ਰੇਜੀਆ ਦੀ ਦਿੱਲੀ 'ਚ ਸ਼ੁਰੂਆਤੀ ਐਕਸ ਸ਼ੋਅਰੂਮ ਕੀਮਤ 58,133 ਰੁਪਏ ਰੱਖੀ ਗਈ ਹੈ। 

ਹੋਂਡਾ ਗ੍ਰੇਜੀਆ ਦਾ ਮੁਕਾਬਲਾ ਸੁਜ਼ੂਕੀ ਐਕਸੈਸ 125 ਨਾਲ ਹੈ। ਐਕਸੈਸ 125 ਦੀ ਸ਼ੁਰੂਆਤੀ ਕੀਮਤ 55,370 ਰੁਪਏ (ਐੱਕਸ ਸ਼ੋਅਰੂਮ ਦਿੱਲੀ) ਰੱਖੀ ਗਈ ਹੈ। ਐਕਸੈਸ 125 ਸੀ. ਸੀ. 'ਚ 124 ਸੀ. ਸੀ. ਦਾ ਇੰਜਣ ਲੱਗਾ ਹੈ, ਜੋ ਕਿ 8.GPS ਦੀ ਪਾਵਰ ਅਤੇ 10.2Nm ਟਾਰਕ ਦਿੰਦਾ ਹੈ। ਇਸ ਦਾ ਇੰਜਣ ਆਟੋਮੈਟਿਕ ਟ੍ਰਾਂਸਮਿਸ਼ਨ ਨਾਲ ਲੈਸ ਹੈ। ਕੰਪਨੀ ਦਾ ਦਾਅਵਾ ਹੈ, ਐਕਸੈਸ 125 ਇਕ ਲੀਟਰ 'ਚ 60 ਕਿਲੋਮੀਟਰ ਦੀ ਮਾਈਲੇਜ ਦੇ ਦਿੰਦੀ ਹੈ।