ਗਰਭ ਤੋਂ ਬਾਹਰ ਆਉਣ ਤੋਂ ਪਹਿਲਾਂ ਹੀ ‘ਸਾਡਾ ਡਾਟਾ ਵੇਚਿਆ ਜਾ ਰਿਹਾ ਹੈ’

ਕੀ ਲੱਖਾਂ ਗਰਭਵਤੀ ਔਰਤਾਂ ਤੋਂ ਪ੍ਰਾਪਤ ਡਾਟਾ ਦੀ ਵਰਤੋਂ ਪੀੜ੍ਹੀ ਦਰ ਪੀੜ੍ਹੀ ਦੇ ਤੌਰ ’ਤੇ ਉੱਨਤ ਸੁਪਰ-ਸੈਨਿਕ ਬਣਾਉਣ ਦੇ ਲਈ ਕੀਤੀ ਜਾ ਸਕਦੀ ਹੈ? ਹਾਲ ਹੀ ’ਚ ਰਾਇਟਰਸ ਦੀ ਇਕ ਜਾਂਚ ਰਿਪੋਰਟ ਦੀ ਮੰਨੀਏ ਤਾਂ ਇਕ ਪ੍ਰਸਿੱਧ ਪ੍ਰੀਨੇਟਲ ਟੈਸਟ (ਜਣੇਪਾ ਅਤੇ ਪ੍ਰੀਖਣ) ਨਿਰਮਾਤਾ ਬੀ. ਜੀ. ਆਈ. ਸਮੂਹ ਚੀਨੀ ਫੌਜ (ਪੀ. ਐੱਲ. ਏ.) ਦੇ ਨਾਲ ਇਸੇ ਟੀਚੇ ਦੀ ਦਿਸ਼ਾ ’ਚ ਕੰਮ ਕਰ ਰਿਹਾ ਹੈ।
ਇਹ ਸਮੂਹ ਨਿਫਟੀ (ਨਾਨ-ਇਨਵੇਸਿਵ ਫੇਟਲ ਟ੍ਰਾਈਸਾਮੀ) ਨਾਂ ਦਾ ਇਕ ਟੈਸਟ ਮੁਹੱਈਆ ਕਰਦਾ ਹੈ ਜੋ 50 ਤੋਂ ਵੱਧ ਦੇਸ਼ਾਂ ’ਚ ਮੁਹੱਈਆ ਹੈ ਅਤੇ ਗਰਭ ਅਵਸਥਾ ਵਿਚ ਡਾਊਨ ਸਿੰਡ੍ਰੋਮ ਵਰਗੀ ਪੀੜ੍ਹੀ ਦਰ ਪੀੜ੍ਹੀ ਆਮ ਨਾ ਹੋਣ ਦੀ ਅਵਸਥਾ ਦਾ ਪਤਾ ਲਗਾਉਣ ਲਈ ਇਸ ਦੀ ਵਰਤੋਂ ਕੀਤੀ ਜਾਂਦੀ ਹੈ।

ਰਾਇਟਰਸ ਦੇ ਅਨੁਸਾਰ 80 ਲੱਖ ਤੋਂ ਵੱਧ ਔਰਤਾਂ ਨੇ ਇਹ ਪ੍ਰੀਖਣ ਕੀਤੇ ਹਨ ਅਤੇ ਬੀ. ਜੀ. ਆਈ. ਨੇ ਪਾਪੂਲੇਸ਼ਨ ਕੁਆਲਿਟੀ (ਆਬਾਦੀ ਗੁਣਵੱਤਾ) ਦੇ ਸੁਧਾਰ ’ਚ ਚੀਨੀ ਫੌਜ ਦੀ ਮਦਦ ਕਰਨ ਲਈ ਇਕੱਠੇ ਕੀਤੇ ਗਏ ਇਸ ਪੀੜ੍ਹੀ ਦਰ ਪੀੜ੍ਹੀ ਡਾਟਾ ਦੀ ਵਰਤੋਂ ਕੀਤੀ ਹੈ।

ਰਿਪੋਰਟ ਦੇ ਅਨੁਸਾਰ ਅਮਰੀਕੀ ਸਰਕਾਰ ਦੇ ਸਲਾਹਕਾਰਾਂ ਨੇ ਚਿਤਾਵਨੀ ਦਿੱਤੀ ਹੈ ਕਿ ਇਸ ਵਿਸ਼ਾਲ ਡਾਟਾ ਬੈਂਕ ਤੱਕ ਪਹੁੰਚ ਨਾਲ ਚੀਨ ਨੂੰ ਵਿਸ਼ਵ ਪੱਧਰੀ ਫਾਰਮਾਸਿਊਟੀਕਲਜ਼ ’ਤੇ ਹਾਵੀ ਹੋਣ ’ਚ ਮਦਦ ਮਿਲ ਸਕਦੀ ਹੈ ਅਤੇ ਪੀੜ੍ਹੀ ਦਰ ਪੀੜ੍ਹੀ ਦੇ ਤੌਰ ’ਤੇ ਉੱਨਤ ਸੈਨਿਕਾਂ ਜਾਂ ਰੋਗ ਜਨਕਾਂ ਦੀ ਮਦਦ ਨਾਲ ਅਮਰੀਕੀ ਆਬਾਦੀ ਜਾਂ ਖੁਰਾਕ ਸਪਲਾਈ ਨੂੰ ਨਿਸ਼ਾਨਾ ਬਣਾਇਆ ਜਾ ਸਕਦਾ ਹੈ। ਹਾਲਾਂਕਿ, ਬੀ. ਜੀ. ਆਈ. ਨੇ ਇਨ੍ਹਾਂ ਦਾਅਵਿਆਂ ਨੂੰ ਖਾਰਿਜ ਕਰਦੇ ਹੋਏ ਇਕ ਬਿਆਨ ਜਾਰੀ ਕੀਤਾ ਹੈ।

ਵਰਨਣਯੋਗ ਹੈ ਕਿ ਬੀ. ਜੀ. ਆਈ. ਟੈਸਟ ਅਮਰੀਕਾ ’ਚ ਪਾਬੰਦੀਸ਼ੁਦਾ ਹਨ। ਅਮਰੀਕੀ ਸਰਕਾਰ ਡਾਟਾ ਦੇ ਸਟੋਰੇਜ ਤੇ ਮੁਲਾਂਕਣ ਨੂੰ ਰਾਸ਼ਟਰੀ ਸੁਰੱਖਿਆ ’ਤੇ ਹਮਲਾ ਸਮਝਦੀ ਹੈ।

ਉਸ ਦਾ ਮੰਨਣਾ ਹੈ ਕਿ ਇਸ ਨਾਲ ਚੀਨ ਨੂੰ ਆਰਥਿਕ ਤੇ ਫੌਜੀ ਫਾਇਦਾ ਹੋ ਸਕਦਾ ਹੈ।

ਇਹ ਸੱਚ ਹੈ ਕਿ ਚੀਨ ਲੋਕਾਂ ਦੇ ਨਿੱਜੀ ਡਾਟਾ ਦੀ ਚੋਰੀ ਕਰ ਰਿਹਾ ਹੈ। ਅਜਿਹੀਆਂ ਖਬਰਾਂ ਪੱਛਮ ਦੇ ਦੇਸ਼ਾਂ ਦੀ ਪੱਤਰਕਾਰਿਤਾ ’ਚ ਕਾਫੀ ਪ੍ਰਚੱਲਿਤ ਹਨ। ਅਜਿਹੇ ’ਚ ਫੋਨ ਕੰਪਨੀਆਂ ਵੀ ਇਹੀ ਕੰਮ ਕਰ ਰਹੀਆਂ ਹਨ।

ਸਾਰੇ ਜਾਣਦੇ ਹਨ ਕਿ ਡੀ. ਐੱਨ. ਏ. ਹੁਣ ਇਕ ਵੱਡੇ ਬਿਜ਼ਨੈੱਸ ਦਾ ਰੂਪ ਧਾਰਨ ਕਰ ਚੁੱਕਾ ਹੈ ਅਤੇ ਅਸਲ ’ਚ ਇਹ ਕੋਈ ਨਹੀਂ ਜਾਣਦਾ ਕਿ ਤੁਹਾਡੀ ਸਭ ਤੋਂ ਨਿੱਜੀ ਜਾਣਕਾਰੀ ਕਿਸ ਦੇ ਕੋਲ ਹੈ, ਉਨ੍ਹਾਂ ਨੇ ਇਸ ਨੂੰ ਕਿਸ ਨੂੰ ਵੇਚਿਆ ਹੈ ਅਤੇ ਉਹ ਕੰਪਨੀਆਂ ਜਾਂ ਸਰਕਾਰਾਂ ਇਸ ਦੇ ਨਾਲ ਕੀ ਕਰ ਰਹੀਆਂ ਹਨ?

ਉਦਾਹਰਣ ਦੇ ਲਈ ਪਿਛਲੇ ਸਾਲ ਨਿੱਜੀ ਇਕੁਇਟੀ ਕੰਪਨੀ ‘ਬਲੈਕਸਟੋਨ’ ਨੇ ‘ਐਨਸੇਸਟਰੀ ਡਾਟ ਕਾਮ’ ਨੂੰ ਐਕਵਾਇਰ ਕੀਤਾ ਜਿਸ ਦੇ ਕੋਲ ਦੁਨੀਆ ਦੇ ਸਭ ਤੋਂ ਵੱਡੇ ਖਪਤਕਾਰ ਡੀ. ਐੱਨ. ਏ. ਨੈੱਟਵਰਕ ’ਚ 1.80 ਕਰੋੜ ਲੋਕਾਂ ਦੇ ਡੀ. ਐੱਨ. ਏ. ਦੀ ਜਾਣਕਾਰੀ ਹੈ।

‘ਬਲੈਕਸਟੋਨ’ ਨੇ ਕਿਹਾ ਹੈ ਕਿ ਡੀ. ਐੱਨ. ਏ. ਦੀ ਇਸ ਜਾਣਕਾਰੀ ਤੋਂ ਪੈਸਾ ਕਮਾਉਣ ਦੀ ਉਸ ਦੀ ਕੋਈ ਯੋਜਨਾ ਨਹੀਂ ਹੈ ਪਰ ਜ਼ਿਆਦਾਤਰ ਮਾਹਿਰ ਉਨ੍ਹਾਂ ਦੇ ਇਸ ਦਾਅਵੇ ’ਤੇ ਬਹੁਤ ਜ਼ਿਆਦਾ ਸ਼ੱਕ ਕਰਦੇ ਹਨ। ਸਪੱਸ਼ਟ ਹੈ ਕਿ ਉਨ੍ਹਾਂ ਨੇ 5 ਬਿਲੀਅਨ ਡਾਲਰ ਐਵੇਂ ਹੀ ਤਾਂ ਖਰਚ ਨਹੀਂ ਕੀਤੇ ਹੋਣਗੇ।

ਇਸ ਦਰਮਿਆਨ ਬ੍ਰਿਟਿਸ਼ ਸਰਕਾਰ ਵੀ ਵੱਡੇ ਪੱਧਰ ’ਤੇ ਡਾਟਾ ਇਕੱਠਾ ਕਰ ਰਹੀ ਹੈ ਅਤੇ ਇੰਝ ਲੱਗ ਰਿਹਾ ਹੈ ਕਿ ਉਹ ਇੰਗਲੈਂਡ ’ਚ ਸਾਰੇ ਲੋਕਾਂ ਦੇ ਮੈਡੀਕਲ ਇਤਿਹਾਸ ਨੂੰ ਇਕੱਠਾ ਕਰ ਰਹੀ ਹੈ।

ਬੀ. ਜੀ. ਆਈ. ਨੂੰ ਲੈ ਕੇ ਰਾਇਟਰਸ ਦੀ ਰਿਪੋਰਟ ਇਸ ਗੱਲ ਦੀ ਯਾਦ ਦਿਵਾਉਂਦੀ ਹੈ ਕਿ ਸਾਡੀ ਜ਼ਿੰਦਗੀ ਦਾ ਇਕ ਵੀ ਪਹਿਲੂ ਅਜਿਹਾ ਨਹੀਂ ਹੈ ਜਿਸ ਦੀ ਜਾਣਕਾਰੀ ਜਮ੍ਹਾ ਕਰ ਕੇ ਉਸ ਦੀ ਵਰਤੋਂ ਪੈਸਾ ਕਮਾਉਣ ਦੇ ਲਈ ਨਾ ਕੀਤੀ ਜਾ ਰਹੀ ਹੋਵੇ।

ਲੱਗਦਾ ਹੈ ਜਿਵੇਂ ਸਾਡੇ ਗਰਭ ਤੋਂ ਬਾਹਰ ਆਉਣ ਤੋਂ ਪਹਿਲਾਂ ਹੀ ਸਾਡਾ ਡਾਟਾ ਵੇਚਿਆ ਜਾ ਰਿਹਾ ਹੈ। ਉਂਝ ਇਸ ਕਹਾਣੀ ਦਾ ਇਕ ਹੋਰ ਪਹਿਲੂ ਵੀ ਹੈ, ਉਹ ਇਹ ਕਿ ਸਾਨੂੰ ਇਹ ਵੀ ਨਹੀਂ ਪਤਾ ਕਿ ਚੀਨੀ ਸਰਕਾਰ ਅਸਲ ’ਚ ਪੀੜ੍ਹੀ ਦਰ ਪੀੜ੍ਹੀ ਤੌਰ ’ਤੇ ਉੱਨਤ ਫੌਜੀਆਂ ਨੂੰ ਬਣਾਉਣ ਦੇ ਲਈ ਜਨਮ ਤੋਂ ਪਹਿਲਾਂ ਪ੍ਰੀਖਣਾਂ ਦੇ ਡਾਟਾ ਦੀ ਵਰਤੋਂ ਕਰ ਰਹੀ ਹੈ ਜਾਂ ਨਹੀਂ।

ਪਰ ਇਸ ਕਿਸਮ ਦੇ ਪ੍ਰੀਖਣਾਂ ਦੀ ਵਰਤੋਂ ਅਗਲੀ ਪੀੜ੍ਹੀ ਦੇ ਪੀੜ੍ਹੀ ਦਰ ਪੀੜ੍ਹੀ ਗੁਣਾਂ ਨੂੰ ਚੁਣਨ ਦੇ ਲਈ ਹੋਣ ਲੱਗੀ ਹੈ। ਗਰਭ ਅਵਸਥਾ ਦੀ ਸ਼ੁਰੂਆਤ ’ਚ ਪੀੜ੍ਹੀ ਦਰ ਪੀੜ੍ਹੀ ਆਮ ਨਾ ਹੋਣ ਦੀ ਅਵਸਥਾ ਦੇ ਲਈ ਭਰੂਣ ਦਾ ਪ੍ਰੀਖਣ ਕਰਨ ਦੀ ਸਮਰੱਥਾ ਦੇ ਭਾਰੀ ਨੈਤਿਕ ਪ੍ਰਭਾਵ ਹਨ। ਸਵਾਲ ਉੱਠਦਾ ਹੈ ਕਿ ਜੇਕਰ ਅਜਿਹੇ ਟੈਸਟ ਦੇ ਨਤੀਜੇ ਆਮ ਨਾ ਹੋਣ ਵਰਗੇ ਆਉਂਦੇ ਹਨ ਤਾਂ ਕੀ ਕੀਤਾ ਜਾਵੇਗਾ?

ਡੈਨਮਾਰਕ ’ਚ ਲਗਭਗ ਸਾਰੇ ਲੋਕ ਇਹ ਪ੍ਰੀਖਣ ਚੁਣਦੇ ਹਨ ਅਤੇ ਗਰਭ ਅਵਸਥਾ ’ਚ ਬੱਚੇ ਦੇ ਡਾਊਨ ਸਿੰਡ੍ਰੋਮ ਨਾਲ ਗ੍ਰਸਤ ਹੋਣ ਦਾ ਪਤਾ ਲਗਾਉਂਦੇ ਹਨ। ਇਨ੍ਹਾਂ ਦੇ ਕੁਝ ਭਿਆਨਕ ਨਤੀਜੇ ਵੀ ਹੋ ਸਕਦੇ ਹਨ ਜਿਨ੍ਹਾਂ ਦੇ ਬਾਰੇ ’ਚ ਸ਼ਾਇਦ ਅਜੇ ਤੱਕ ਸਾਨੂੰ ਪਤਾ ਨਹੀਂ ਹੈ।