ਭਾਰਤ ਵਿੱਚ ਮੋਟੋ ਜੀਪੀ ਰੇਸ ਲਈ ਕੁਝ ਪ੍ਰਤੀਯੋਗੀ ਅਤੇ ਅਧਿਕਾਰੀ ਅਜੇ ਵੀ ਵੀਜ਼ੇ ਦੀ ਉਡੀਕ ''ਚ

ਗ੍ਰੇਟਰ ਨੋਇਡਾ : ਭਾਰਤ ਦੇ ਪਹਿਲੇ ਮੋਟੋਜੀਪੀ ਵਿੱਚ ਹਿੱਸਾ ਲੈਣ ਵਾਲੇ ਕੁਝ ਰਾਈਡਰ ਅਤੇ ਟੀਮ ਅਧਿਕਾਰੀ ਅਜੇ ਵੀ ਇਸ ਹਫਤੇ ਦੀ ਦੌੜ ਲਈ ਵੀਜ਼ੇ ਦੀ ਉਡੀਕ ਕਰ ਰਹੇ ਹਨ, ਜਿਸ ਵਿੱਚ ਛੇ ਵਾਰ ਦੇ ਚੈਂਪੀਅਨ ਮਾਰਕ ਮਾਰਕੇਜ਼ ਵੀ ਸ਼ਾਮਲ ਹਨ।

ਰੇਪਸੋਲ ਹੌਂਡਾ ਟੀਮ ਨਾਲ ਜੁੜੇ ਸੂਤਰਾਂ ਨੇ ਇਸ ਗੱਲ ਦੀ ਪੁਸ਼ਟੀ ਕੀਤੀ ਹੈ ਕਿ ਉਨ੍ਹਾਂ ਦੇ ਰਾਈਡਰ ਮਾਰਕੇਜ਼ ਅਤੇ ਜੋਆਨ ਮੀਰ ਨੂੰ ਵੀਜ਼ਾ ਮੁੱਦਿਆਂ ਕਾਰਨ ਭਾਰਤ ਆਉਣ 'ਚ ਦੇਰੀ ਹੋ ਰਹੀ ਹੈ। ਸਪੇਨ ਦੇ ਇਨ੍ਹਾਂ ਦੋ ਰਾਈਡਰਾਂ ਨੇ ਬੁੱਧਵਾਰ ਨੂੰ ਮਾਨੇਸਰ ਸਥਿਤ ਹੌਂਡਾ ਇੰਡੀਆ ਫੈਕਟਰੀ ਦਾ ਦੌਰਾ ਕਰਨਾ ਸੀ ਪਰ ਹੁਣ ਇਹ ਦੌਰਾ ਰੱਦ ਕਰ ਦਿੱਤਾ ਗਿਆ ਹੈ।

ਇਹ ਵੀ ਪੜ੍ਹੋ : ਗਾਇਕ ਸ਼ੁੱਭ ਨਾਲੋਂ ਵਿਰਾਟ ਕੋਹਲੀ ਨੇ ਤੋੜਿਆ ਨਾਤਾ, ਜਾਣੋ ਕੀ ਹੈ ਮਾਮਲਾ

ਇਕ ਸੂਤਰ ਨੇ ਕਿਹਾ, 'ਵੀਜ਼ਾ ਦੀ ਸਮੱਸਿਆ ਕਾਰਨ ਰਾਈਡਰ ਅਜੇ ਭਾਰਤ ਨਹੀਂ ਪਹੁੰਚੇ ਹਨ। ਇਸ ਲਈ ਕੱਲ੍ਹ ਦਾ ਪ੍ਰੋਗਰਾਮ ਰੱਦ ਕਰਨ ਤੋਂ ਇਲਾਵਾ ਹੋਰ ਕੋਈ ਚਾਰਾ ਨਹੀਂ ਸੀ। ਡੋਰਨਾ ਸਪੋਰਟਸ ਮੁਕਾਬਲੇ ਦਾ ਆਯੋਜਕ ਅਤੇ ਅਧਿਕਾਰ ਧਾਰਕ ਹੈ। ਫੇਅਰਸਟ੍ਰੀਟ ਸਪੋਰਟਸ ਮੁਕਾਬਲੇ ਦਾ ਸਥਾਨਕ ਪ੍ਰਮੋਟਰ ਹੈ। ਹਾਲਾਂਕਿ ਮੋਟੋ ਜੀਪੀ ਟੀਮਾਂ ਨੂੰ ਵੀਜ਼ਾ ਸਬੰਧੀ ਆ ਰਹੀਆਂ ਮੁਸ਼ਕਲਾਂ ਬਾਰੇ ਜਾਣਕਾਰੀ ਲੈਣ ਲਈ ਦੋਵਾਂ ਨਾਲ ਸੰਪਰਕ ਨਹੀਂ ਹੋ ਸਕਿਆ।

'ਰੇਸ ਡਾਟ ਕਾਮ' ਮੁਤਾਬਕ ਵੀਜ਼ਾ 'ਚ ਦੇਰੀ ਕਾਰਨ ਟੀਮਾਂ ਨਾਲ ਜੁੜੇ ਬਹੁਤ ਘੱਟ ਕਰਮਚਾਰੀ ਭਾਰਤ ਪਹੁੰਚ ਸਕੇ ਹਨ। ਫਾਰਮੂਲਾ ਵਨ ਇੰਡੀਅਨ ਗ੍ਰਾਂ ਪ੍ਰੀ ਦੇ ਬੰਦ ਹੋਣ ਤੋਂ ਬਾਅਦ ਭਾਰਤ ਪਹਿਲੀ ਵਾਰ ਮੋਟਰਸਪੋਰਟ ਵਿੱਚ ਇਸ ਪੱਧਰ ਦੇ ਮੁਕਾਬਲੇ ਦੀ ਮੇਜ਼ਬਾਨੀ ਕਰਨ ਜਾ ਰਿਹਾ ਹੈ। ਫਾਰਮੂਲਾ ਵਨ ਇੰਡੀਅਨ ਗ੍ਰਾਂ ਪ੍ਰੀ ਨੂੰ ਵਿੱਤੀ, ਟੈਕਸ ਅਤੇ ਨੌਕਰਸ਼ਾਹੀ ਮੁੱਦਿਆਂ ਕਾਰਨ 2013 ਦੇ ਸੀਜ਼ਨ ਤੋਂ ਬਾਅਦ ਕੈਲੰਡਰ ਤੋਂ ਹਟਾ ਦਿੱਤਾ ਗਿਆ ਸੀ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:- 
https://play.google.com/store/apps/details?id=com.jagbani&hl=en&pli=1

For IOS:- 
https://apps.apple.com/in/app/id538323711

ਨੋਟ : ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ, ਕੁਮੈਂਟ ਕਰਕੇ ਦਿਓ ਜਵਾਬ