ਮਨੂ ਦੀ ਨਜ਼ਰ ਤੀਜੇ ਤਮਗੇ 'ਤੇ, ਸੈਮੀਫਾਈਨਲ 'ਚ ਪਹੁੰਚਣਾ ਚਾਹੁਣਗੇ ਲਕਸ਼ੇ, ਦੇਖੋ 7ਵੇਂ ਦਿਨ ਦਾ ਸ਼ਡਿਊਲ

ਪੈਰਿਸ : ਦੋ ਵਾਰ ਦੀ ਕਾਂਸੀ ਦਾ ਤਮਗਾ ਜੇਤੂ ਮਨੂ ਭਾਕਰ ਸ਼ੁੱਕਰਵਾਰ ਨੂੰ ਚੈਟੋਰੋਕਸ ਵਿੱਚ ਮਹਿਲਾਵਾਂ ਦੇ 25 ਮੀਟਰ ਪਿਸਟਲ ਕੁਆਲੀਫਿਕੇਸ਼ਨ ਰਾਊਂਡ ਵਿੱਚ ਨਿਸ਼ਾਨਾ ਲਗਾਉਂਦੇ ਹੋਏ ਓਲੰਪਿਕ ਖੇਡਾਂ ਵਿੱਚ ਕਿਸੇ ਭਾਰਤੀ ਦੇ ਬੇਮਿਸਾਲ ਤੀਜੇ ਵਿਅਕਤੀਗਤ ਤਮਗੇ ਲਈ ਆਪਣੀ ਮੁਹਿੰਮ ਦੀ ਸ਼ੁਰੂਆਤ ਕਰੇਗੀ। ਮਨੂ ਨੇ ਪੈਰਿਸ ਓਲੰਪਿਕ 'ਚ ਦੋ ਵਾਰ ਇਤਿਹਾਸ ਰਚਿਆ ਸੀ, ਜਦੋਂ ਉਹ ਤਮਗਾ ਜਿੱਤਣ ਵਾਲੀ ਪਹਿਲੀ ਮਹਿਲਾ ਨਿਸ਼ਾਨੇਬਾਜ਼ ਬਣੀ ਸੀ। ਉਨ੍ਹਾਂ ਨੇ ਮਹਿਲਾਵਾਂ ਦੀ 10 ਮੀਟਰ ਏਅਰ ਪਿਸਟਲ ਮੁਕਾਬਲੇ ਵਿੱਚ ਕਾਂਸੀ ਦਾ ਤਮਗਾ ਜਿੱਤਿਆ। ਫਿਰ ਉਨ੍ਹਾਂ ਨੇ ਖੇਡਾਂ ਦੇ ਇੱਕੋ ਐਡੀਸ਼ਨ ਵਿੱਚ ਦੋ ਤਮਗੇ ਜਿੱਤਣ ਵਾਲੀ ਪਹਿਲੀ ਭਾਰਤੀ ਬਣ ਕੇ ਆਪਣੀ ਪ੍ਰਾਪਤੀ ਵਿੱਚ ਹੋਰ ਚਮਕ ਲਿਆਂਦੀ। ਉਨ੍ਹਾਂ ਨੇ ਸਰਬਜੋਤ ਸਿੰਘ ਨਾਲ ਮਿਲ ਕੇ 10 ਮੀਟਰ ਏਅਰ ਪਿਸਟਲ ਮਿਕਸਡ ਟੀਮ ਈਵੈਂਟ ਵਿੱਚ ਕਾਂਸੀ ਦਾ ਤਮਗਾ ਜਿੱਤਿਆ।
ਸ਼ੁੱਕਰਵਾਰ ਨੂੰ ਮਨੂ ਅਤੇ ਈਸ਼ਾ ਸਿੰਘ ਭਾਰਤੀ ਸਮੇਂ ਅਨੁਸਾਰ ਦੁਪਹਿਰ 12:30 ਵਜੇ ਤੋਂ ਮਹਿਲਾਵਾਂ ਦੇ 25 ਮੀਟਰ ਪਿਸਟਲ ਕੁਆਲੀਫਾਇੰਗ ਦੇ ਸਟੀਕ ਰਾਊਂਡ ਵਿੱਚ ਹਿੱਸਾ ਲੈਣਗੇ। ਬਾਅਦ ਵਿੱਚ ਸ਼ਾਮ 4:30 ਵਜੇ, ਦੋਵੇਂ ਰੈਪਿਡ ਸੈਕਸ਼ਨ ਵਿੱਚ ਮੁਕਾਬਲਾ ਕਰਨ ਲਈ ਸ਼ੂਟਿੰਗ ਰੇਂਜ ਵਿੱਚ ਵਾਪਸ ਆਉਣਗੇ, ਜਿਸ ਨਾਲ ਉਨ੍ਹਾਂ ਨੂੰ ਦੋ ਦਿਨ ਚੱਲਣ ਵਾਲੇ ਇਸ ਟੂਰਨਾਮੈਂਟ ਵਿੱਚ ਅੱਠ ਮੈਂਬਰੀ ਫਾਈਨਲ ਵਿੱਚ ਥਾਂ ਬਣਾਉਣ ਦੀ ਉਮੀਦ ਹੋਵੇਗੀ। ਇਸ ਦੇ ਨਾਲ ਹੀ ਦਿਨ ਦੇ ਦੂਜੇ ਵੱਡੇ ਈਵੈਂਟ 'ਤੇ ਲਕਸ਼ੇ ਸੇਨ ਦੀ ਨਜ਼ਰ ਹੋਵੇਗੀ ਜੋ ਸੈਮੀਫਾਈਨਲ 'ਚ ਜਗ੍ਹਾ ਬਣਾਉਣਾ ਚਾਹੇਗਾ। ਉਨ੍ਹਾਂ ਨੇ ਵੀਰਵਾਰ ਨੂੰ ਹਮਵਤਨ ਐੱਚਐੱਸ ਪ੍ਰਣਯ ਨੂੰ ਹਰਾ ਕੇ ਕੁਆਰਟਰ ਫਾਈਨਲ ਵਿੱਚ ਥਾਂ ਬਣਾਈ ਸੀ।
ਓਲੰਪਿਕ ਵਿੱਚ ਸੱਤਵੇਂ ਦਿਨ ਭਾਰਤ ਦਾ ਸ਼ਡਿਊਲ ਇਸ ਤਰ੍ਹਾਂ ਹੈ :
ਗੋਲਫ
ਪੁਰਸ਼ਾਂ ਦਾ ਵਿਅਕਤੀਗਤ ਫਾਈਨਲ (ਰਾਊਂਡ 2): ਸ਼ੁਭੰਕਰ ਸ਼ਰਮਾ ਅਤੇ ਗਗਨਜੀਤ ਭੁੱਲਰ - ਦੁਪਹਿਰ 12.30 ਵਜੇ
ਸ਼ੂਟਿੰਗ
ਮਹਿਲਾਵਾਂ ਦੀ 25 ਮੀਟਰ ਪਿਸਟਲ ਕੁਆਲੀਫਿਕੇਸ਼ਨ ਪ੍ਰਿਸਿਜਨ : ਈਸ਼ਾ ਸਿੰਘ ਅਤੇ ਮਨੂ ਭਾਕਰ - ਦੁਪਹਿਰ 12.30 ਵਜੇ
ਪੁਰਸ਼ਾਂ ਦੀ ਸਕੀਟ ਕੁਆਲੀਫਿਕੇਸ਼ਨ ਦਿਨ 1: ਅਨੰਤਜੀਤ ਸਿੰਘ ਨਾਰੂਕਾ - ਦੁਪਹਿਰ 1.00 ਵਜੇ
ਤੀਰਅੰਦਾਜ਼ੀ
ਮਿਕਸਡ ਟੀਮ (1/8 ਐਲੀਮੀਨੇਸ਼ਨ): ਭਾਰਤ (ਧੀਰਜ ਬੋਮਾਦੇਵਰਾ ਅਤੇ ਅੰਕਿਤਾ ਭਕਤ) ਬਨਾਮ ਇੰਡੋਨੇਸ਼ੀਆ - ਦੁਪਹਿਰ 1.19 ਵਜੇ
ਰੋਇੰਗ
ਪੁਰਸ਼ ਸਿੰਗਲ ਸਕਲਸ ਫਾਈਨਲ (ਫਾਈਨਲ ਡੀ): ਬਲਰਾਜ ਪੰਵਾਰ - ਦੁਪਹਿਰ 1.48 ਵਜੇ
ਜੂਡੋ
ਮਹਿਲਾਵਾਂ ਦਾ +78 ਕਿਲੋਗ੍ਰਾਮ (32 ਦਾ ਐਲੀਮੀਨੇਸ਼ਨ ਰਾਊਂਡ): ਤੁਲਿਕਾ ਮਾਨ ਬਨਾਮ ਇਡਾਲਿਸ ਔਰਟੀਜ਼ (ਕਿਊਬਾ) - ਦੁਪਹਿਰ 2.12 ਵਜੇ
ਸੇਲਿੰਗ
ਮਹਿਲਾਵਾਂ ਦੀ ਡਿੰਗੀ (ਰੇਸ 2): ਨੇਤਰਾ ਕੁਮਾਨਨ - ਦੁਪਹਿਰ 3.45 ਵਜੇ
ਮਹਿਲਾਵਾਂ ਦੀ ਡਿੰਗੀ (ਰੇਸ 3): ਨੇਤਰਾ ਕੁਮਨਨ - ਰੇਸ 2 ਤੋਂ ਬਾਅਦ
ਔਰਤਾਂ ਦੀ ਡਿੰਗੀ (ਰੇਸ 4): ਨੇਤਰਾ ਕੁਮਨਨ - ਰੇਸ 3 ਤੋਂ ਬਾਅਦ
ਪੁਰਸ਼ਾਂ ਦੀ ਡਿੰਗੀ (ਰੇਸ 3): ਵਿਸ਼ਨੂੰ ਸਰਵਨਨ - ਦੁਪਹਿਰ 3.50 ਵਜੇ
ਪੁਰਸ਼ਾਂ ਦੀ ਡਿੰਗੀ (ਰੇਸ 4): ਵਿਸ਼ਨੂੰ ਸਰਵਨਨ- ਰਾਤ 8.15 ਵਜੇ
ਹਾਕੀ
ਪੁਰਸ਼ਾਂ ਦਾ ਟੂਰਨਾਮੈਂਟ (ਗਰੁੱਪ ਪੜਾਅ): ਭਾਰਤ ਬਨਾਮ ਆਸਟ੍ਰੇਲੀਆ- ਸ਼ਾਮ 4.45 ਵਜੇ
ਬੈਡਮਿੰਟਨ
ਪੁਰਸ਼ ਸਿੰਗਲ ਕੁਆਰਟਰ ਫਾਈਨਲ: ਲਕਸ਼ੇ ਸੇਨ ਬਨਾਮ ਚੋਊ ਤਿਏਨ ਚੇਨ (ਚੀਨੀ ਤਾਈਪੇ) - ਸ਼ਾਮ 6:30 ਵਜੇ
ਐਥਲੈਟਿਕਸ
ਮਹਿਲਾਵਾਂ ਦੀ 5,000 ਮੀਟਰ (ਹੀਟ 1): ਅੰਕਿਤਾ ਧਿਆਨੀ - ਰਾਤ 9.40 ਵਜੇ
ਮਹਿਲਾਵਾਂ ਦੀ 5,000 ਮੀਟਰ (ਹੀਟ 2): ਪਾਰੁਲ ਚੌਧਰੀ - ਰਾਤ 10.06 ਵਜੇ
ਪੁਰਸ਼ਾਂ ਦਾ ਸ਼ਾਟ ਪੁਟ (ਕੁਆਲੀਫਿਕੇਸ਼ਨ : ਤਜਿੰਦਰਪਾਲ ਸਿੰਘ ਤੂਰ - ਰਾਤ 11.40 ਵਜੇ