SA vs WI : ਦ. ਅਫਰੀਕਾ ਦੀ ਟੀ20 ਟੀਮ ਦਾ ਐਲਾਨ, ਅੰਡਰ 19 ਸਟਾਰ ਕਵੇਨਾ ਮਾਫਾਕਾ ਦੀ ਵਾਪਸੀ

ਜੋਹਾਨਸਬਰਗ— ਦਿੱਗਜ ਖਿਡਾਰੀਆਂ ਦੀ ਅਣਦੇਖੀ ਕਰਦੇ ਹੋਏ ਦੱਖਣੀ ਅਫਰੀਕਾ ਨੇ ਬੁੱਧਵਾਰ ਨੂੰ ਵੈਸਟਇੰਡੀਜ਼ ਖਿਲਾਫ 3 ਮੈਚਾਂ ਦੀ ਟੀ-20 ਸੀਰੀਜ਼ ਲਈ ਆਪਣੀ 15 ਮੈਂਬਰੀ ਟੀਮ ਦਾ ਐਲਾਨ ਕੀਤਾ। ਇਸ ਟੀਮ ਵਿੱਚ ਬਹੁਤੇ ਸੀਨੀਅਰ ਖਿਡਾਰੀ ਨਹੀਂ ਹਨ। ਚੋਣਕਾਰਾਂ ਨੇ ਇਸ ਟੀਮ ਦੀ ਚੋਣ ਨਵੀਂ ਪ੍ਰਤਿਭਾ ਨੂੰ ਮੌਕੇ ਦੇਣ 'ਤੇ ਧਿਆਨ ਦੇ ਕੇ ਕੀਤੀ ਹੈ। ਇਹ ਟੀ-20 ਸੀਰੀਜ਼ 24 ਤੋਂ 28 ਅਗਸਤ ਤੱਕ ਖੇਡੀ ਜਾਵੇਗੀ। ਇਸ 'ਚ ਅਨੁਭਵੀ ਕਵਿੰਟਨ ਡੀ ਕਾਕ, ਕਾਗਿਸੋ ਰਬਾਡਾ, ਕੇਸ਼ਵ ਮਹਾਰਾਜ, ਤਬਰੇਜ਼ ਸ਼ਮਸੀ ਅਤੇ ਡੇਵਿਡ ਮਿਲਰ ਨੂੰ ਟੀਮ 'ਚ ਜਗ੍ਹਾ ਨਹੀਂ ਮਿਲੀ ਹੈ।
ਦੱਖਣੀ ਅਫਰੀਕਾ ਦੇ ਵਾਈਟ-ਬਾਲ ਕੋਚ ਰੌਬ ਵਾਲਟਰ ਦੇ ਅਨੁਸਾਰ, ਇਹ ਖਿਡਾਰੀ ਸੱਟਾਂ, ਕੰਮ ਦੇ ਬੋਝ ਦੇ ਪ੍ਰਬੰਧਨ ਜਾਂ ਚੱਲ ਰਹੀਆਂ ਟੀ-20 ਲੀਗਾਂ ਕਾਰਨ ਉਪਲਬਧ ਨਹੀਂ ਸਨ। ਵਾਲਟਰ ਨੇ ਕਿਹਾ ਕਿ ਇਹ ਟੂਰ ਸਾਨੂੰ ਤਜ਼ਰਬੇਕਾਰ ਖਿਡਾਰੀਆਂ ਦੀ ਕੋਰ ਨੂੰ ਕਾਇਮ ਰੱਖਦੇ ਹੋਏ ਆਪਣੇ ਖਿਡਾਰੀਆਂ ਦੇ ਸਮੂਹ ਨੂੰ ਵਿਕਸਤ ਕਰਨ ਦਾ ਮੌਕਾ ਦਿੰਦਾ ਹੈ। ਇਹ ਸਾਡੀ ਉੱਭਰਦੀ ਪ੍ਰਤਿਭਾ ਨੂੰ ਗੁਣਵੱਤਾ ਵਾਲੇ ਅੰਤਰਰਾਸ਼ਟਰੀ ਵਿਰੋਧੀਆਂ ਦੇ ਸਾਹਮਣੇ ਵੀ ਉਜਾਗਰ ਕਰੇਗਾ, ਜਿਵੇਂ ਪਿਛਲੀ ਵਾਰ ਅਸੀਂ ਮਈ ਵਿੱਚ ਵੈਸਟਇੰਡੀਜ਼ ਵਿਰੁੱਧ ਖੇਡਿਆ ਸੀ।
ਹੈੱਡ ਟੂ ਹੈੱਡ
ਟੀ-20 'ਚ ਦੱਖਣੀ ਅਫਰੀਕਾ ਅਤੇ ਵੈਸਟਇੰਡੀਜ਼ 23 ਮੈਚਾਂ 'ਚ ਆਹਮੋ-ਸਾਹਮਣੇ ਹੋ ਚੁੱਕੇ ਹਨ। ਇਨ੍ਹਾਂ 23 ਮੈਚਾਂ 'ਚੋਂ ਦੱਖਣੀ ਅਫਰੀਕਾ ਨੇ 12 'ਚ ਜਿੱਤ ਦਰਜ ਕੀਤੀ ਹੈ ਜਦਕਿ ਵੈਸਟਇੰਡੀਜ਼ ਨੇ 11 'ਚ ਜਿੱਤ ਦਰਜ ਕੀਤੀ ਹੈ।
ਦੱਖਣੀ ਅਫਰੀਕਾ ਦੀ ਟੀ-20 ਟੀਮ ਇਸ ਤਰ੍ਹਾਂ ਹੈ
ਏਡਨ ਮਾਰਕਰਾਮ (ਕਪਤਾਨ), ਓਟਨੀਲ ਬੈਟਰਮੈਨ, ਨਾਂਦਰੇ ਬਰਗਰ, ਡੋਨੋਵਨ ਫੇਰੇਰਾ, ਬਜੋਰਨ ਫੋਰਟੂਇਨ, ਰੀਜ਼ਾ ਹੈਂਡਰਿਕਸ, ਪੈਟਰਿਕ ਕਰੂਗਰ, ਕਵੇਨਾ ਮਫਾਕਾ, ਵਿਆਨ ਮੁਲਡਰ, ਲੁੰਗੀ ਐਨਗਿਡੀ, ਰਿਆਨ ਰਿਕੇਲਟਨ, ਜੇਸਨ ਸਮਿਥ, ਟ੍ਰਿਸਟਨ ਸਟੱਬਸ, ਰਾਸੀ ਵੈਨ ਡੇਰ ਡੂਸਨ ਅਤੇ ਲਿਜਾਦ ਵਿਲੀਅਮਸ।