ਰੌਬਰਟੋ ਕਾਰਲੋਸ ਨੂੰ ਹਸਪਤਾਲ ਤੋਂ ਛੁੱਟੀ ਮਿਲ ਗਈ

ਸਾਓ ਪੌਲੋ - ਬ੍ਰਾਜ਼ੀਲ ਅਤੇ ਰੀਅਲ ਮੈਡ੍ਰਿਡ ਦੇ ਸਾਬਕਾ ਫੁੱਟਬਾਲਰ ਰੌਬਰਟੋ ਕਾਰਲੋਸ ਨੂੰ ਇਸ ਹਫ਼ਤੇ ਦੇ ਸ਼ੁਰੂ ਵਿੱਚ ਦਿਲ ਦੀ ਸਰਜਰੀ ਤੋਂ ਬਾਅਦ ਹਸਪਤਾਲ ਤੋਂ ਛੁੱਟੀ ਦੇ ਦਿੱਤੀ ਗਈ ਹੈ। ਹਸਪਤਾਲ ਵਿਲਾ ਨੋਵਾ ਸਟਾਰ ਨੇ ਸ਼ੁੱਕਰਵਾਰ ਨੂੰ ਇਹ ਐਲਾਨ ਕੀਤਾ ਪਰ ਵੇਰਵੇ ਨਹੀਂ ਦਿੱਤੇ। ਰੌਬਰਟੋ ਕਾਰਲੋਸ ਨੂੰ ਸੋਮਵਾਰ ਨੂੰ ਦਿਲ ਦੀਆਂ ਸਮੱਸਿਆਵਾਂ ਕਾਰਨ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ ਸੀ। 52 ਸਾਲਾ ਖਿਡਾਰੀ ਨੂੰ ਉਸੇ ਦਿਨ ਕੋਰੋਨਰੀ ਐਂਜੀਓਪਲਾਸਟੀ ਕਰਵਾਉਣ ਦੀ ਸਲਾਹ ਦਿੱਤੀ ਗਈ ਸੀ। 

ਇਹ ਪ੍ਰਕਿਰਿਆ ਘੱਟੋ-ਘੱਟ ਚੀਰ-ਫਾੜ ਵਾਲੀ ਹੁੰਦੀ ਹੈ। ਇਸ 'ਚ ਦਿਲ ਵਿੱਚ ਬਲਾਕ ਜਾਂ ਤੰਗ ਧਮਨੀਆਂ ਨੂੰ ਚੌੜਾ ਕੀਤਾ ਜਾਂਦਾ ਹੈ। ਸਾਬਕਾ ਡਿਫੈਂਡਰ ਨੂੰ ਸ਼ੁਰੂ ਵਿੱਚ ਮੈਡੀਕਲ ਪ੍ਰੋਟੋਕੋਲ ਦੇ ਕਾਰਨ ਇੰਟੈਂਸਿਵ ਕੇਅਰ ਯੂਨਿਟ ਵਿੱਚ ਦਾਖਲ ਕਰਵਾਇਆ ਗਿਆ ਸੀ। ਰੌਬਰਟੋ ਕਾਰਲੋਸ ਕਦੇ ਬ੍ਰਾਜ਼ੀਲ ਦੀ ਰਾਸ਼ਟਰੀ ਟੀਮ ਦਾ ਇੱਕ ਮੁੱਖ ਮੈਂਬਰ ਸੀ, ਉਸਨੇ ਬ੍ਰਾਜ਼ੀਲ ਲਈ 125 ਮੈਚ ਖੇਡੇ ਸਨ। ਉਹ ਬ੍ਰਾਜ਼ੀਲ ਦੀ ਟੀਮ ਦਾ ਮੈਂਬਰ ਸੀ ਜੋ 1998 ਦੇ ਵਿਸ਼ਵ ਕੱਪ ਵਿੱਚ ਉਪ ਜੇਤੂ ਅਤੇ 2002 ਵਿੱਚ ਚੈਂਪੀਅਨ ਟੀਮ ਰਹੀ ਸੀ। ਉਸਨੇ 11 ਸਾਲ ਰੀਅਲ ਮੈਡ੍ਰਿਡ ਲਈ ਖੇਡਿਆ।